Thursday, August 30, 2007

منوّعات

سفره أخرى سريعه تأتي ... ماودي أهد المدونه مده طويله بدون موضوع يديد

قلت أكتبلي موضوع منوّع وسريع ... أتمنى ان يعجبكم

طبعا انا قصتي مع السفرات السريعه قصه طويله ... مره مرني واحد قالي إشرايك وين نتعشا؟ ... قتله الي يريحك لو تبي نروح باريس ماعندي مانع ... قال خلاص ... ويحرك السياره ويمشي ... جان زين الحبيب راح باريس ... رحنا تعشينا بالخفجي ... وين بالخفجي؟
على قولته يبي يتذكر أيام الماضي
شوفو معاي الصوره



*

*

*
طبعا حق الي مايدري تراني طباخ ماهر (مدّاح نفسه) ... بس مشكلتي ما أصوّر ... هل مره كل طبخه لازم أصورها وأشرح طريقه تحضيرها عشان نفيد حريم المستقبل الي حدهم بيض عيون


هذي إمرقت دياي بس للأسف الصوره خذيتها بعد ما قضينا عليها

هذا الحلو من اكتشافاتي ... سويت عصير كوكتيل وحطيت فوقه برّد وفوقهم رمان وتفاح وكريمه


أدري إني إبداع ... ماله داعي المديح

*

*

*
فيديو أخير ... على وزن مزاج الأربعاء الي إبتدعها بعض ربعنا المدونين
مزاجي اليوم مصعب ومراد

15 comments:

esTeKaNa said...

صباااحك سكر
:)
باااريس مرة واحده؟
مشالله مشالله عساكم ما تنضلون
وتسلم ايدك صراحه
طبعا حلو الكوكتيل ويا البرد ذكرني بالبطة المرحه على ايام عزه
نتعنى عشان الصمدي عشتو:))

Q80 Blogger said...

esTeKaNa

صباحج إشطه
كسرتي الرقم القياسي مال مدونتي على أسرع كومنت
مبروك عليج جائزه
وراح تكون الجائزه عبار عن طبق الكوكتيل مع البرّد ... عمل إدايا وحيات عنيا

ودي أصدق باريييس !!!! الخفجي ومستانسين :Pp

esTeKaNa said...

وااااي
تعرف احساس الياهل اللي واعدينه بشي؟
حسيت روحي يايه اركض والكشره من هني لي هني مستانسه قبل لا اشوف شنهي الهديه
:)))
صباح الفاكهه والبرد
وشكرا شكرا على الطبق اللذيذ
مشالله ناااااااااااطع
:pP~
ووناسه الخفجي
كافي عديت المركز وطلعت خارج الحدود وختمو لك ختم
يعني ..الواحد حلو يتمتع بابسط الامور
:))

Q80 Blogger said...

لوووول
يالله بالعافيه تستاهلين

وعلى قولتج أهم شي الختم ... على الأقل إنكثّر أختام يعني من اصحاب البزنس :P

عاجـل said...

التجارب زينة
كثر منها
ورمضان على الابواب

Q8DOLL said...

ترى الفرق بين باريس والخفجي بس برج ايفل
والله يسوا الواحد يروح يتعشى بالأرنب الجائع
وااااي اتذكر كانت الوجبه تغث بس حلوه
ويمكن الحين حبيناها اكثر لأنها مو موجوده

وعلى الطباخ
ابشرك بيض عيون حتى ماعرف اعرف اخبص البيض ويطلع شي ومرات بدون ملح
:)
بس تعال عالطبخات القويه اعرف لها والله بس البيض ماعندي خبره صراحه

والله يهديك مصور مرقت الدياي بعد الغزو الوحشي عليها ؟؟ شكلها كان الله يديم النعمه بس والله شاطر اذا صج تعرف تطبخها

والكوكتيل اللي سويته جنه يسمونه صمدي اي هذا حليو يعني اعتقد اكله لو أشوفه
مو اول صوره:)
لازم اقول رايي بكل صراحه

وبعد ماعرفت انك طباخ شاطر
اهديلك اغنيه نانسي شاطر شاطر

اي نسيت
شنو سالفت السفرات ؟ وكله فجأه
والا كويتي لو يكون في اجازه يوم واحد مع الويك اند يسافر
؟

Anonymous said...

شخبااااااااااري ارنب الجائع


صج قديم


:)

Unknown said...

اخييييييييييييه:(

hungry bunny :S

ليش يا حبيبى ليش

احبه وله ذكريااااااااات

بس اللى بالخفجى خبرى يبيع كباب :))

و تسلم ايدك على الطبخة

5roofa said...

loooooool

تره الحلو ما يشهي لوول سووري بس مو حلو شكله لوول

و امبي اموووت على
hnugru bunny
واااي كنه ايام الجابريه كل يوم راحين نطلب منه لووول
صج ايام

تروح و ترد بالسلامه ياارب
:D

salamz....

Q80 Blogger said...

عاجل
هلا والله بالعزيز عاجل
شكرا على المرور بالمدونه المتواضعه
حياك ... نقلك يوم والفطور عندي
بس عاد مالي شغل اذا قلت بطني ما بطني
سلام


Q8DOLL
هلا هلا بأحلى متابعه
تستاهلين جائزه كأفضل متابعه لبوستاتي
يايب عاد حلوه بحرينيه ... اشرايج؟
الشي لما نفقده يصير عزيز ... وهذا الي صار معانا مع هل مطعم
أذكر يوم شالوا يمكن سنه كامله ما رحت بيرجر كينج ... يعني وفاء حق أرنبنا اليوعان
تبين الصج ؟؟؟؟ انا هم ماعرف بيض .. لأني ما حبه فماسويته ولا عمري
اذا على قولتج اتعرفين لازم نسوي مسابقه بين المدونين برمضان ... منو يسوي أجمل طبق ... أدري نص البنات راح إييبون صور من كتب الطبخ ملوت أمهاتهم
بس لازم أكو لجنه تقييم
وانا واثق إني راح أكون الفايز
وعلى طاري الطبخات
انا مشكلتي كل ما أخلص طبخه من اليوع ما أفكّر ولا أصوّر عشان اراوي الأهل
سيده نهجم عليها
فسامحونا اذا الصور كانت مو ذاك الزود
والسفر بالضبط مثل ماقلتي ... يوم السبت ماكو دوام ... ليش نقعد بالكويت :P
شكرن خرافيه عشانج

ابو شملان
عتيج الصوف ولا يديد البريسم
مادري كاتب المثل صح ولا غلط :)
شكرا على المرور

Mishari
لا والله يا مشاري ... انا كنت متوقع مو نفسه الي كان بالكويت
يوم دشينا بالخفجي ولا تقريبا نفسه
ونفس الوجبات
شغل عدل
المره اليايه نبيك معانه عشان تجرب :)

5roofa
الله يسلمج
هههههه ... لايكون شايفتني شيف بالهيلتون
عادي تحملي الطبخ عاد
بس هل مره اذوقج الحلو ... انتي مالج شغل غمضي عيونج وذوقييه ... وادري راح تبجين تبين بعد :P

vancouver said...

ماااااشاء الله عيني عليك باااااردة ،، ترى من صجي


والله اتعرف تطبخ

انزين مرقة الدياي انت انت انت مسويها والا مثلجة وبس سخنتها

ههههههه

شنو الاثبااااااات
لازم اتصور وانت بالمطبخ عشان انصدق
هههههه



تروج وترجع بالسلاااااااامة

Q80 Blogger said...

vancouver
الله يسلمج
رمضان ياي ومافي أحد يطبخ ... بصوّر كل طبخي عشان تصدقين
وانزل المقادير عشان اساعدكم بعد :P

mtfa2el said...

هانقري باني الخفجي مرينا عليه مرة
الله لا يوريك هالمطعم صج زبالة
البطاط كنت جني قاعد آكل صخر
و الهمبرغر جني قاعد آكل عجينة بايتة
ياااااااو
بعدين على هالمرقة شكله بيسوون لك برنامج كيف تسوي خبيصة برمضان
اخوي
Q8i_Blogger
بما أنك من محبي الطبخ (الرياييل )و كوني انا وياك ضد حريم الجيل الصاعد اللي البيض و الطماط يسوونه من كتاب كيف تطبخين بيضة
ارجو الإنضمام إلى منظمة تشريبيون بلا حدود في مدونة تشريبيون بلا حدود
http://atawya.blogspot.com/

حلم جميل بوطن أفضل said...

طويل العمر

تدري طبعاً سبب تعليقي هنا في هذا اليوم بالذات

إشرب إشرب من استون فيلا

بس تعرف تنزل بوستات و إنت فايز

ما راح أفضحك جدام الشباب و الصبايا

و سأكتفي بهذا القدر فقط

:)

Q80 Blogger said...

حلم جميل بوطن أفضل

ماني راد عليك ... بس بقولك
من ضحك أخيرا ضحك كثيرا :)