Monday, August 13, 2007

بين الأزرق والأبيض

الأزرق:ـ





تشيلسي 3 - برمنغهام سيتي 2


بأمس كانت أول مباراة لفريق تشيلسي في الدوري الإنجليزي ... بالنسبه لي أتمنى أن تكون نهاية هذا الموسم سعيده كبدايته بالأمس

كانت النتيجه جيده على ملعبه ستانفورد بريدج ... وتعتبر هذه المباراه الـ 64 على ارض تشيلسي دون هزيمة، محطما بذلك الرقم القياسي المسجل باسم ليفربول بين عامي 1978 و1981.

هذا على الرغم من افتقاد النادي لخدمات المهاجم الاوكراني اندريه شفتشنكو وصانع الالعاب الالماني مايكل بالاك والقائد جون تيري وذلك للإصابه

لكن كانت البدايه بالنسبه لللاعبين الجدد أمثال المهاجم بيتزارو وأيضا الجديد مالودا ممتازه فكل واحد منهم سجل هدف من الاهداف الثلاثه يوم أمس




الأبيض:ـ

سالفت الأبيض غير عن الأزرق ... مريت عند اعتصام حرية التعبير الي صار بالعديليه امام رابطة الأدباء ... كانت المشاركه نص ونص ولكن الحضور يعطيهم العافيه قاعدين بهل حر ... انا يمكن قعدت نص ساعه ماطولت

مع اني اختلف بعض الشيء مع أهداف هذا التجمع الغير الواضحه ... فالمطالبه بحريه تامه شيء مستحيل وانا ضد هذا الشكل من الحريه ... ولكن صحيح يوجد الكثير من الكتب والأفلام وغيرها التي تمنع من التداول على أمور فارغه وأسباب غير واضحه

ويعطيهم العافيه المشاركين .. وخصوصا الكاتب أحمد الصراف لأنه الوحيد الي قعدت وسمعت اشقال ...ـ

على العموم لم أكتب الموضوع لتقييم الاعتصام ولا لإبداء رأيي فيه ... بس حبيت اشاركم بعض اللقطات






أنا أكثر شي خلاني أكتب عن هل اعتصام الي ماقعدت فيه غير نص ساعه اللون الي مختارينه وهو الأبيض ... طبعا الاختياراتوقع كان من قبل الشباب .. علشان سهالات طقلك دشداشه وانت الي رايح ;) ... مو مثل البنات مساكين كل وحده تختارلها شي تلبسه

حق الي يبي يعرفني كنت لابس أبيض :Pp

10 comments:

Q8DOLL said...

والله ماقدر اعلق عالموضوع الاول
مااتكلم بالرياضه :)

الموضوع الثاني صراحه يعطيك العافيه انك حضرت
ويعطيهم العافيه بهالحر مسوين الاعتصام
وياريت يكون في فايده
لأن مرات يكون المنع من غير سبب
والمنع من غير سبب قلة أدب
تصدق عرفتك مو انته اللي لابس ابيض ؟؟

Q8i_Blogger said...

:O :O :O

عرفتيني !!!!

انا قايل ماني رايح ... ابي اوخر عن الأضواء

بس لاتعلمين أحد .. اوكي :Pp

ويعطيج العافيه على المتابعه

mtfa2el said...

مبروك فوز تشلسي
انا صراحة ما ادري اذا بيتزارو راح يثبت مكانه بتشلسي عن نفسي ما اتوقع
بس اتهقى يقدرون يقايشون برشلونة لو فرضا باروهم بالجامبيون
:)

Q8i_Blogger said...

والله يا الحبيب متفائل .. بيني وبينك مو عاجبني بيتزارو انا .. اصلا ماكان عاجبني لعبه بكاس السوبر جدام مان يونايتد

بس ناطرين دروغبا ... هذا الي محد يقدر عليه ...

واكيد بيتزارو ماراح يلقى مكان بتصوري لأنه جدامه تحدي كبير بأن ينافس شيفشنكو ... انا دروغبا فمكانه التشكيله الاساسيه بلا اي منافس


وعلى موضوع برشلونه ... انا اتوقع مع هنري برشلونه قوه لا تقهر ... بس انا اقولك وخر عن الشر وغنيلو
يعني احسنلهم مايواجهون تشلسي ... لأنهم ماراح يمرون بسهوله

وشكرا على المتابعه

Anonymous said...

آه يا القهر ... ناس عندها فاينلز ومنشقه شق وناس تروح لي اعتصامات مالها لزمة

أخاف بس مانعين كتاب في النظرية النسبية ولا في الفيزياء النووية علشان نقول ان المنع بيعطل التنمية والتقدم

الله يسلمك الكتب الممنوعة - غالبا - اما دينية مذهبية او سياسية تتجاوز الخطوط الحمرا او كتب ادبية مافيها من الادب الا تصنيفها

طبعا اول نوعين مالكم امل يشيلون الحظر عنهم لو تعتصمون الصيف كله

والصنف الاخير فعساهم مايشيلون المنع عنهم !!

5roofa said...

loool
اول الموضوع ماادري عشي بس اسمع امس خوالي يصرخون على مباراة عاد نفس المبارة الي انت تتكلم عنها ولا لا لووول مادري

و ثاني شي على الاعتصام تصدق اول مره اسمع في بس يعطيهم العافيه الوقفه بحر بروحها اعتصام لوول

و تبي الضحك انا صج قعدت ادور على واحد لابس ابيض بعدين استوعبت انه الكل لابس ابيض لوووووول

nice post

salamz...

Q8i_Blogger said...

Anonymous
يا خوي بالديره ماكو شغل ... قلنا نروح نتطمش ونسمع شنو اهداف الشباب من ورا هذا الاعتصام
وعلى رايك خو مو كتاب في الذره عشان قالبين الدنيا عليه

وحاسدنا على شنو يا الحبيب .. توني خالص صيفي ورادين حق الدوام بعد 3 اسابيع ... بس هل جم يوم الي بطاليه

يعطيك العافيه على المرور
وبالتوفيق بامتحاناتك


5roofa

اهلا اهلا خروفه ... انتي روحي قولي حق خوالج لايتعبون روحهم بالصراخ ... تره الدوري حق تشيلسي باذن الله ... اكيد كانو يطالعون الدوري الانجليزي مايبيله

اي صج لاتوقفين كملي دوري بالصوره ... تره كنت والله لابس ابيض :Pp

يعطيج العافيه على المتابعه

barrak said...

انا تشلساوي ترى

وياك

5roofa said...

looooooooooool tadry ana wala 3ala 3maty , ams re7t gelt 7ag 5awaly ena galoly el dawry 7ag chalsi

yaa 3eenee ma tshoof ela noooor

looooooool walaa zeen ma 6agonee, shaboo 3ali egolin laa A C Melain

looooooool agolohm ana mali sh`3el egolon la eny menhom

shaft shlon el7en bsebetek enzafet bshay ana madry 3ana loool

3nad 3alehom enshala chalsi efozon 3ad etha fazo goly 3shan a7erhom o awaze3 7elo :p


salamz...

Q8i_Blogger said...

barrak
عاش والله صديقي
مشكور على المرور

5roofa
لوووووووووووول
خلاص صرتي تشلساويه رفيجتنا

اذا خذو الدوري تشلسي الحلو علي .. وعليج توزعينه عليهم

بس لاتقولين بسبتي ... اصلا انا متعمد عشان انتقم ... عيل تخليني اسمع البوم بلبل اليديد هااا ... وحده بوحده