تحديث:
يقال بأن مشكلة النت الي تواجه البلاد .. ستحل في الربع الثاني من العام القادم
الله يعينكم
ثلاث أخبار اعجبتني وايد بالأيام الي طافت
يقال بأن مشكلة النت الي تواجه البلاد .. ستحل في الربع الثاني من العام القادم
الله يعينكم
ثلاث أخبار اعجبتني وايد بالأيام الي طافت
أول خبر يقول
تم ايقاف ثلاث برامج تعرض على تلفزيون الكويت
الي ضحكني انه محد يطالع تلفزيون الكويت من فتره طويله .. اللهم بس حق هل ثلاث برامج
مشكلتي اني متابع لتلفزيون الكويت إجباري
اهني انا مركب ستلايت فيه بس 14 قناة عربية .. اغلبها تكون حكوميه
فمن الصبح إلا الليل مجابل قناة الكويت العظيمه
لا برامج نفس الناس ولا إعداد مثل العالم .. لا والوقت مختلف عندنا بعد
يعني الساعه ثنتين بليل عندنا توهم امبلشين يومهم .. اول شي الرسوم المتحركه .. سيدة ملعقة (وايد يديد هذا) .. بعدين شووت .. بعدين دمتم سالمين (نصيحة حلقة اليوم كانت احترام آراء الآخرين وأدب النقاش)
بعد هذا كله يطلعلنا البرنامج الخالد العظيم .. ماما انيسه .. طبعا البرنامج عليه تغييرات وايد .. اهمها .. قبل بس نسمع صوت الأبلات .. الحين لأ .. نشوفهم صوت وصوره .. حركات أبلاتنا اليدد
بعدين يطلع أعظم برامجنا .. تلفزيون الأطفال .. رايحين المدينة الترفيهيه يوم اليمعه الساعه عشر الصبح ؟!!!!
منو رايح اهناك يعني ؟
ورا هذا كله .. يحطولك جم برنامج ديني باللهجه المصريه مادري ليش .. جنه ماكو شيوخ بالكويت
بعد ذلك .. خطبة اليمعه الي طبعا عندنا تكون الساعه 5 الصبح
مادري ليش ماكو بكل المسيد كويتي واحد
ساعات ينقلون من مسايد اعرفها ودايم اروحلها .. اشوفها بالتلفزيون .. ماكو كويتيين !!!
الساعه 5 الفير وبروح انام .. احسن من مجابل تلفزيونا الغبي
المشكله طول عمري اقول شنو الفايده من القناة الخامسة الي كانت تبث لشمال أمريكا .. الحين يوم عرفت فايدتها .. شالووووها !!
*
*
الخبر الثاني يقول*
احتفال التحالف الوطني بنوريه الصبيح
انا بفهم اهما شكووو بالموضوع ؟
يعني الوزيره اهي بقدرتها ردت على الاستجواب السخيف المقدم لها
اهما شكووووو ؟
يدورون انجازات؟
الله يعينا
*
*
*
الخبر الثالث يقول
كيبل ضارب صوب مصر .. الكويت كلها مو قادره تشبك
انا اشوف ليش وضع المسنجر عندي غير طبيعي .. ماكو احد
وكل ماكلمت واحد يسب ويلعن بشركة الانترنت الي عنده
اثاري السالفه جذي
انا طبعا ابي استغل الفرصه .. وودي اتشمت
قلت اراويكم صور الشبكات الي عندنا .. وحده اسرع من الثانيه
وهم بالمره .. احطلي جم فيديو من يوتوب
لأنه نصكم راح ينقهر .. الفيديوات ما تشتغل عنده :)
شوفو القيادة على أصولها
شوفو لغة البحريني الثاني .. قويه .. غريب الصراحة
شوفو لغة البحريني الثاني .. قويه .. غريب الصراحة
*
*
*
آخيرا .. التصويت الأخير كان واضح
السالفه مايبيلها حجي .. الجاي يصبون فوقه حليب .. لذلك جاي حليب
جان زين تصوتون على الاستفتاءات اليديده .. وتره اليوم مطبق عدم الاختلاط .. فالرجاء التقيد بالقانون .. وشكرا :)
وتره الي ما قرا البوست كامل مو ذنبي اذا صدق التحديث :P
72 comments:
بعرف منو يتابع تلفزيون الكويت؟؟
أصلا مافيه برامج
كل البرامج اللي تطلع من العصر الحجري
بس شكلك متابع ممتاز لبرامج الاطفال
خاصة دمتم سالمين
لا تقولي انك بعد من اللي لازم يشوفون الرسوم من اول الاغنيه؟؟
الخبر الثاني ماعندي اي تعليق عنه
بس النت توني ادري انه فيه مشاكل
امس شفت بالاخبار ان النت فيه مشكله بس انا واللي اعرفهم شابكين وما في شي تغير
وين مشكلة النت؟؟
بس ودي اجيكم بهاليفاكس اكيد النت عندكم اسرع من اللي بالكويت حتى لو كان اشتراك وخدمات
بجيكم بس عشان النت مع ان النت عندي سريع بس ابي اسرع>>ادري طماعه وقرقه بس من زمان ما كلمت احد
new one
تستاهلين جائزه الصراحه
ثاني بوست على التوالي .. تكونين أول تعليق
وعلى برامج الاطفال .. انا وين وهل سوالف وين
بس اقولج مني وقت سهرتنا وانا مجابل الجهاز مشغل التلفزيون .. وماكو غير هل قناة
غصبن علينا حفظنا برامجهم البايخه
وسالفة النت .. سمعتها من وايد الصراحه
شكله شركتج وايد ممتازه .. مو متأثره
الكل يقول صاير بطيء .. جنه دايل آب
وحياج عندنا .. اسرع انترنت وبسعر الدايل آب بالكويت :)
يعطيج العافيه .. وحياج
ماعندي مشكله استقبل الجوائز بس وين بحصلهم؟؟
ولنا الشرف بأول رد على البوست اللي تكتبه
بس تكفى قول ماشاء الله
أخاف تحسد الشركه واتوهق حالي جال غيري
بس ما أعتقد عينك حاره
وقولي السيده ملعقه متى تطلع
بتابعها
:)
new one
لأ عاد السيده ملعقه انا متابعها .. الساعه ثلاث الفير عندنا ههههه
وما شاء الله على الشركه ولا تزعلين
والجوائز تستلمينها من مبنى وزاره الاعلام .. قوليلهم اسمج بس ومالج شغل
للأسف للأسف عينك حاره
:(
تو علق النت شوي بس ولله الحمد قريت عليه وتعدل
:)
الساعه ثلاث عندكم يعني......الساعه 10 عندنا
صح؟؟
عندي توقيت تورنتو وهاليفاكس
وبالصوره اللي عندك مكتوب اسم الشركه هاليفاكس
صح؟؟
ادري صايره محققه
وسوري على الزيارات المتكرره
بس انت الله يهديك لا جاي ولا قهوه ولا حتى عصير
:)
new one
مالي شغل .. انا عيوني بارده :)
وبالنسبه للتوقيت .. باجر أتأكد واعطيج الخبر الاكيد على توقيت ارض الكويت المقدسه
وسعيد بالزيارات هذي
اما بالنسبه للضيافه
انا دايم اقدم جاي حليب .. بس اشتبين بهل سوالف وانتي رابحه جوائز من مبنى وزاره الاعلام
:)
على فكره ما صوت لأن عندك ظلم
الشي الوحيد اللي اعرفه هو البيض والطماط مع اني اكره الطماط
بس بالتصويت مافي شي يبين اننا ممكن نسوي البيض مع الطماط... او الطمام مثل ما انت كاتب
الا اذا فيه شي اسمه طمام
بصراحه ومن صجي مادري
فيه شي اسمه طمام؟؟
ومشكور على الجائزه
طلعت قيمه وانا مادري
new one
لج جائزه ثانيه الصراحه
طمام شنووووووو
ههههه
اشوه قلتيلي .. كاتب البوست الساعه 5 عادي
والتصويت اهو جذي الصراحه .. لا تسئليني ليش
صارو جائزتين .. وثنتينهم قيمااااات :)
4
تليقات قرقه وهذا الخامس
عدل التصويت قبل لا يشوفه احد ويبدون تعليقات قويه:)
بس بصراحه ومع اني اعرف شويييي
ما ادش المطبخ
الا بالمناسبات الخاصه
مسكين بدلياتك من تأثير السهر
انت متأكد انك قاعد تحرنا بكونيكشن كندا ؟؟؟؟؟؟؟؟؟
اذا انباق بلوقك بشوية هكر دافعلهم لا تدز لي ايميل
...
هالأيام الهكر بدينار و شوية جواتي يسوون لك كل شي
.
دير بالك
ليش؟ مشتاق للديره؟
انا ناوي على هجره موسميه حق كندا :p
و بعدين هذا شيسوي بالياهل ,مو جذي يفر فيه السكان لووووووووول
فالك ما قبلناه
وهذا الي الله قدرك عليه
قاعد تتشمت فينا بدل لا تحط كلمتين تآزر اخوانك واهل ديرتك بالمصيبه
شفتوا اخرة الدراسه بره
مو قلنا لا نهيتهم يلا تلقوا السوالف السنعه الحين
ولا حاط جم فيديو بعد
تدري شلون
تستاهل ويخب عليك تلفزيون الكويت وان شاء الله تنقطع عنك القنوات كلها عشان تصيلر خوش ريال وتجابل دراستك وتحس بمعاناة الفقاره الي منقطع عنهم النت
اللهم امين
((والله شكلي قاعدع ادعي من قلب ما ادي ليش))
:)
تصيلر= تصير
قاعدع= قاعده
ادي= ادري
خوش بدليات والله
هااي
لووول امبي للحين يعرضون ماما انيسه؟؟
و تلفزيون الاطفال يلوع الجبد انا الي احب الاطفال هالاطفال اكرهم
يعني اطفال جذي؟؟؟ ما اصدق هذيله اطفال لول
بس تصدق حتى احنا لي سافرنا كله على تلفزيون الكويت مادري ليش
:P
وطنيه مقطعتنا يا خويي
الاحتفال مادري عنه لولو فشله مو انت الي بره الديره عارف شيصير و اانا لا :p
بس صدقني لانه النت خربان لوول
اييييييي صج صج صج الحاله كسيفه النت حده وييع
و انا توني مشتطه و ماصارلي شهرين شاريه
7.2
بس الي حاطهم لوول معنه علقو عندي بس شايفتهم فحررررررره ما تقدر تحرررر
لوووول
salamz dear...
الله سيدة ملعقة
والله زين يحطووونة
ذكرني بطفولتي
و بدلع اوخيتي :))))
امس حاشت الاغلبية هالمشكلة بس
انا كشخة ما حاشني شي
دعاية للشركة الاتصالات
لوووووووول
اهي صارت بطيئة شوي بس مو انقطاع
@@
الحين اصكك عين على الوير ليس اللي عندكم
لا تفكر تحرنا مررررره ثانية
شخباري تلفزيون الكويت
لما اشوفه اتذكر ما مضى من ايام الطفولة
الله يهداك التصويت لنا مو عادل !
يعني كل الاختيارات معناتها ماعرف اسوي بيض طماط و جاي حليب
اسهل من جذي ماكو
يعني انت حاكم على نفسك بالموت البطئ؟
ليش تشوفه
بس معذور بره لازم الواحد يتعلق بهالشى
مدون:يرحم والديك فكني كل ما أشوف انجلش سكول أطفر حتى بالطلعة انجلش سكول ارحمني ياولد عموما لما اتزوج اقولك اما عن قناة الكويت احسن شي فيها انها تحط مسلسل زمان الوصل عن الاندلس والسيدة ملعقة بس تأكد من الوقت ياخوك ابي اتذكر ايام الطفولة وسلملي على اي طالب بالانجلش سكول
اما عن التحالف الوطني فعذرهم ياخوك هذيله طول عمرهم يبربسون ماعندهم انجاز الا لسانهم خلهم مستانسين على نورية والله يكسرون خاطري اسميهم المنبوذين اتمنى بيوم اشوف المجلس يصفر من الي بقى من هالشلة .
شلونك بلوغر
انا زعلانه منك
يعني طلعتنا باستفتائك الاخير
ككككككلش
ماااانعرف شيء
اشدعوه
انا اجابتي يبا
نعم
نعم
ظيفها لو سمحت على الخيارات
انته قولي
اتعرف انه بيض طمام
اسمه شكشوكه
؟؟؟؟؟
اتحداك تعرف
ههههه
________
اي والله شبكتنا الحمدلله قويه
بس ليش تحرهم
حرام
تبيني اشيشهم يحرونك بصور المطاااعم بالكويت
هاهاهاهاها
امبيه فيديو الياهل بط جبدي
سوري بس ما يسويها الا حمار
يعني ضناك يالغبي تعرض حياته حق الخطر وانته تسوق
والله احسهم يهال مو مال يربون عيال اصلا
وفيديو البحريني عجييييييب
انا شايفته من قبل وموتني ضحك ياحليله
اللي صج قاهرني اول نشوف برامج الاعلام من موقع الوزاره عن النت
من سنتين وقفوا السايت
:(
بولمعه محتاج تشجيع كونه مدون يديد
شجعه خلا يتحدى
:P
اهم شي بتلفزيون الكويت الناي اللي بعد الاذان
التحالف المصالحي تقدر تسميهم ومو باط جبدي الا علي الراشد مادري ليش ما ابلعه
:/
بس البحريني الثاني عجيب ومتناقض الآكسن امريكي واللغه الايرانيه همشري من امه
:P
new one
اي والله ماتقصرين .. نبهتيني على البدليات
عاد اليوم فاتتني حلقة السيدة ملعقة للأسف .. بس اهي بين الساعه 9 و10 الصبح .. هل حروه :)
تحياتي
mtfa2el
لا يا معود مو متأكد كلش
آخر مره
ما اعيدها
انتو كل يوم تحطون صور عن الكويت .. قلت اليوم ابي انتقم
بس دام السالفه فيها هاكر .. لا يبه امسحها بويه العدو .. هذا مثل يديد :)
أكثر شي يعجبني بتعليقاتك
.
النقطة الي تحطها :)
AnGlOpHiL
تدري شنو المشكله .. مني مشتاقين ونبي نرد اسرع وقت
اول ما ارد .. الله وكيلك اسبوع
اقول شسالفه .. مو جنه يبيله سفره
وجني مادري تلاقيني مسافر
بس الكويت تره باهلها
واشوه دام اهلها مني بالمدونه .. عادي نبتعد عنها :)
وخل الابو على راحته .. على باله شاري لعبه .. مو يايب ياهل لازم يربيه
هذيل مربيين آخر زمن
ويعطيك العافيه :)
magnoonah
اوله اوله اوله
شسااااالفه
اكيد كنتي يوعانه وانتي تكتبين التعليق
واكبر دليل على الموضوع هذا .. البدليات المنتشره بوفره غير طبيعيه
كل هذا علشان قلنا ماكو نت .. وايد تحبينه شكلج .. الله يعينج عيل
ثانيا انا ماتشمت على الكويت كلها .. انا اتشمت على الي عندهم اشتراكات بو طقة على كيبلات مصر
في شركات وايد عادي ماشين
بس الي ابي اعرفهم .. مجابل الدراسه شكو بمعاناه النت !!!
بس انا ادري هل كلام ليش
علشان العيادي .. واكررها .. قلنا ماكو عيااااادي :)
5roofa
اتصدقين طول الوقت انطر الحلقة الاخيره من ماما انيسه
آخر شي سألت المخرج
قالي شووف احنا مخططين على الحلقة الاخيره ويمكن يعرضونها بالربع الثاني من العام القادم .. يعني مع رجوع النت للكويت :)
سألته .. شنو راح تتناول هذي الحلقة؟
قال عن موضوع الابلات وبنفس الوقت مدونات
ونجري مقابلات مع وحده اسمها خروفه وصفها واطفالها .. الي غصب تسوي روحها تحبهم .. وأخر شي ماتحب تلفزيونهم
هههه
واخبار الكويت يا ابله صدقيني اعرفها وتوصلني اسرع من لما اكون بالديره .. لا تسئليني اشلون طبعا
حتى الاشاعات توصلنا قبل الكويت
ادق على الاهل
كل مايبون يقولولي شي .. اقوهم اي ادري .. وانا اشرحلهم اشصار بالضبط
بس حلوه هذي
حره ماتقدر تحرني
ههههههههه
سلام ابله :)
乂♥Not.ViRGo♥乂
يا انتي يا حركات .. اتصالات هاا
هم يايكم يوم
وماكو فايده بشبكتنا .. مايصير فيها شي لو شنووووو
ميد اند جابان :)
يعطيج العافيه
بعثرة مشاعر
صج مثل ماتقولين .. تلفزيون الكويت .. تلفزيون الماضي
وعلى التصويت
صراحه انا انسان فيني دكتاتوريه الصراحه واحب امشي قناعاتي .. وقناعتي انه هل جم يوم محد يدش المطبخ بالكويت :P
Mishari
مو نبي نحس انه احنا قراب من الكويت .. نسمع اخبارهم شي
بس التلفزيون مايساعد
ويؤدي للموت السريع وانت الطاج :)
صقر قريش
ليش؟
انجلش سكول الحبيب :) ؟
اعترف عادي :P
اللهم آمين .. مانشوف منبوذين بعد اليوم :)
يعطيك العافيه اخوي
vancouver
تماام الله يسلمج .. انتي ازيك ؟
:)
شوفي يا فانكوفر .. انتي خارج الموضوع لأني ادري انج اتعرفين .. الغربه اتعلم .. اذا علمتنا احنا الشباب .. اشلون عليكم .. الله يعينكم
بس التصويت موجه لفئه ثانيه من المجتمع .. الي مايدلون المطبخ
وصراحه انا قناعتي انه الكل مايعرف هل جم يوم .. وبنفذها بطريقة دكتاتوريه اشوي :P
وعلى فكره .. لاتحدين واحد مغترب .. وخصوصا اذا كان بكندا
مثل ما انا اعترف بقدراتج واقدرها .. وادري انج خارج نطاق هذا التصويت
لازم تعترفين بخبراتي
الشكشوكه بالسعوديه منتشره
واهي بيض وطماط عندنا
ويحطونها مع الصموون
ولهم وصفه مشهوره على الريوق .. عطني واحد فلافل واحد شكشوكه :)
اي صج .. اوووووش .. لاتعلمينهم .. لأني صج انقهر اذا شفت مطاعم الكويت
مايصير كله حارينا
نبي يوم تمشي معانا اشوه ونحرهم :)
واذا على البرامج .. اهو ظل شي نفس العالم .. نبي نشوف هزائم منتخبنا .. مو عارفين من وين نحصلهم
ويعطيج العافيه يا جارتنا من المغرب
بولمعه
والله عاد يعتمد
في كويتي؟
اذا فيه .. شجعناك
bo rashed
الناي يقلدون مرينا اف ام ههههه
نفس شعورك بس انا باتجاه الصقر الصراحه
والبحريني هذا .. آكسنته اتوقع شي صوب بريطانيا .. ايرلندي شي جذي
هذا اتوقع من تأثير الاستعمار قبل
لأني ما اعتقد في احد يقدر يضبط الكلام الي يقوله .. قاعد يتكلم بآكسنت بريطاني او شي جذي بشكل مضبوط
وحياك يا بو راشد :)
شوف حجي
تلفزيون الكويت حرام الكهربا فيه
شلك فيه
خلك على ام بي سي و دبي و العربية
اما النت
الاربعاء بغيت اقط اللاب توب بالسكة بس فكرت مرتين طلع اللاب توب مو مالي
الحين وازد زين
تلفزيون الكويت
شاشته بالعة غبار
ههههههههههههههههه
فيديو حجي هلال حده عجيب فعلا
ضحكت من قلبى والله جنه كان ممثل
يمثل بافلام الكاوبوي
وبالنسبه لتلفزيون الكويت اذا يبون يغيرونه ويسنعونه عدل راح يسونه ابيض
واسود
و بس
و سلام
مشكور ع الشماتة
لووووووووووووووول
واااي و انا ناطره شنو بيحطون اخر حلقه اخر شي الكسره لوول عجيبه
:P
كمان حررررررره على الحرره
slamaz dear...
السلام عليكم
تصدق اتغير محطات مني مناك لكن اخرتها لازم اتمر مرور الكرام على تلفزيون الكويت الداثر ... مشكلة الدم الكويتي انه دايما يحن على اهله
وعلى قولة اخونا فريج سعود مشكور عالشاماته
أنا أقوول لو يلغون القناة أحسن
وبالنسبه للنت .. أنا ما عندي مشكله
مع إني دايل أب
وبالنسبه للتصويت إنزين حط إيي حق اللي يعرفون
يعني جاي حليب وبيض طماط ؟؟
منو ما يعرف .؟؟
ولا نسيت البعض نظام موكااااا
;p
لا واليوم افتتاح انفوكونكت
حدها مسخرة
معرض انترنت والديرة ما فيها لا انترنت ولا بدائل حق مثل هالمشاكل
اساساً ما اطالع تلفجن انا
لو يقطعون البرامج عن الكويت عادي
بس النت لا لا لا لاينقطع /:
كنت حـ مت
حرام عليك والله لما علقت كنت توني مسويه كيكة جوز الهند
وطالبه فطاير
شنو يوعانه
ظلمتني والله
:((
فيني ادمان بس اذا كان عندي وقت فراغ
بلوقر
هي 100 فلس
مو 100 مليون
يعني معقوله حجي بلوقر ما تعطيني عيديه
اهون عليك يمر العيد وانا من دون عيادي
ترى والله اذا تبي اسلفك اياها
لهالدرجه الغربه تسوي الواحد بخييل
وترى بعذر بناتنا ما يعرفون يطبخون عقب ما شافوا جدر المعكرونه مالك
:))))
تلفزيون الكويت اللهم لا شماتة ....
ولا وماما انسية تصدق الابلات تغيروووا
مشكلة النت وانا والله الحمدالله ماعندي اي اشكال فيهههاا قوووولووووا ماشاءالله لحد يحسدني :)
ههههههههههههههههههههههه
هذا انجلش سكول يذكرني بسالفة النمر
مع الشاذي كل مامر عليه اكفخه راشدي
وقاله ليش مو لابس قحفيه يوم لبسها
هم اكفخه راشدي قاله ليش رادها لي ورى
الله يقطع بليسك يا خوي
:)) مرحباا
1- ماطالع تلفزيون الكويت
2- ماطاح الا نبطح وما انبطح الا طاح
3- هيههيهي عاد تصدق انا النت تمام عندي؟ السرعه على ما اهي وكل شي يشتغل معاي الفتره اللي طافت لابتوبي اللي تنح علي ولا النت حده تمام غريبه
4-حليب جاي
5-شهالاستفتاء؟ انت سال اذا نعرف ولا لا وماكو ولا اجابه فيها اي اعرف ؟ كله ناقص شي ولا ماعرف .. عموما ما صوتت لان مالقيت اجابتي صراحه
الاجابه اي اعرف اسوي بيض طماط وححلليييب جاي
6-:)
عن اذنك بلوقرنا
بو راشد قصتك غلط
لوول
يوم اساله الشاذي عن لون التفاحه اكفخه ورد قال ليش مو لابس قحفيه
:p
من بعد اذنك يا اخوي الحبيب
Selezya
احرجتيني يا الشيطونه
:)
تلفزيون الكويت:
شـــــخبااااااري
بس انا سمعت ان الايقاف عشان مسوين برامج خااصه لـ احتفالات عيد الوطني وعيد التحرير وعيد الجلوس
ويقولون والذمه على الراوي ان الجاسم اثار الموضوع لانه يستلم 10 آلاف دينار كل شهر من برنامحه 6\6 فـ يبي يضمن ان البرنامج يرد شهر 3
التحالف الـوطــني :
لانهم باختصار يعانون من
فــــقـــر " انــجــازات "
تحس من الفراغه مسوي هالحفل !!
مع اني متحفظ جدا على حــدس
الا انها مآآكله الجو وحارقه شي اسمه التحالف الوطني
حــتى "نبيها خمسه" حدس شاركت وساهمت
فــ صارت بالصوره
تحياتي لك وتم التصويت :)
انا اذكــــــــر اني علقت بس مادري وينه ؟؟
المهم على تلفزيون الكويت ...احنا اهني لو مغصوبن ما انطالعه بس انتوا مرغم اخاك لا بطـــــــــــــل ..... مو طنازه بس ريحه الكويت لازم :)
و على النت والله ما فرق معاي بس عن الحلف يمكن 1.5 ولا ساعتين وبس ... والحمدلله كل شي علي ما يرام
:>
تحرنا يعنى
صاير الاتصال بطىء حتى اليوتيوب مو مبين عندى
ويقولون
انه بنص فبراير بيسكرون النت
عاد صج جذب الله أعلم
المهم
انت شخبارك
بدت الدراسة عندكم ولا ليلحين ؟
واااااي انا سيده ملعقه كانت رفيقه طفولتي
!!
صج احبها
أثرت بحياتي ياما تمنيت في مواقف محرجة اني اصير سيده ماعقه وانحاش
Hahahahah
متى يحطونها؟
:)
واااي لا تذكرني بماما انيسه
ترا نا رايحة لها بالروضه وبرابعه ابتدائي شكبري مرة موديني واخزياه
وواقفه
واقرا
واصور جنه صج
وااااااي يا كرهي لما اتذكر طفولتي وانا مشتطة
بس صج قامو يحطون الابلات؟
عااااشو ابلاتنا
مابي ابله مو معرسه
ان شاء الله كلهم ينخطبون اولهم خروفه
قول امين
:Pp~
وبعدين تقول ليش المسيد مافيه كويتين؟
مممممم
عشان ما يبون الرياء يمكن
ولا يحبون الشهره والاضواء
يبيله وهابي ها؟
هههههههههه
مت من الضحك انه وهابي عباله الخطبه عنا يا حلاته
واي جني خرت الدنيا؟
ميخالف بس انته فاهمني
:)))
منو مرافج؟
شنو ماكل؟
شنو متغير بحياتك؟
صاير نحيس وشمات على غير العاده
!!
LOOOOOL! ib-kil fakhar, il internet connection 3indi ma-saar feeh shay =~] 7asait enni mo 3aysha ma3a il-sha3b! il-kel ye3aani mn il internet ella ana =/ qul a3otho bi-rab il-falaq
LOOOL! o tha7aktneee 3ala min yeshof tv ilq8! fi3lan hathy 7aqeeqa wa lil'asaf enha sa7ee7a LOL
oo 3indi shakwa, ana a3aref a6bakh anwa3 muta3adida min el-a6baaq =~] fa il-tasweet thalimni o thalam banat wayed =F fa ana amtini3 3an il-tasweet
wa shokran
تجربة
شغل عدل :)
داااااااااااااااام انا مو مشموله بالاستفتاء ومعترف انته بمواااااااهبي ساااااااااااااامحتك
هههههههه
اي اي كل كلامك عدل عن الشكشوكه
افحمتني
لوووووووووول
يالله نبي بوست يديد
مساك الله بالخير
هو للحين موجود تلفزيون الكويت؟؟
عبالي سكروه؟
و بالنسبه للاحتفال غصب يبون يسوون نفسهم انهم اهم السبب
و النت اي والله الله يعينا
:(
ولد الديرة
هلا بالحبيب
والله مو بيدي .. ماكو قناة كويتيه غيرها تطلع عندي للأسف الشديد
يا معود اشوه ماطلع لابتوبك .. جان فقدناك .. اشلون المدونة بدون ولد الديرة !!!
حمد
اتصدق حتى شريط الاخبار الازرق نازل تحت وايد .. وشريط البورصه هم نصه ضايع مادري اشلون !!
باجي القنوات تطلع اوكي عندي .. بس هل قناة المعاقة
هـــدب
مو استاهل اكون مدير التلفزيون
كا بفيديو واحد ضحكتكم
مو تلفزيون الكويت
الي من كثر ما اهو مليق الواحد وده يقط نفسه من الشقة
الله يعين :)
فريج سعود
اتصدق بس حطيت البوست .. لي يومك المسنجر عندي مادري اشفيه !!
مو قادر اشبك
حوبتكم قويه :)
ماعيدها خلاص
تووووبه
5roofa
اي اخذي راحتج بالحره
لكن كاني اقووووولج يا ابله .. راح اييلج يوووم
اخرع صح ؟
:)
someone_q8
وعليكم السلام والرحمة
والله كلامك صح .. اسمه تلفزيون كويتي !!
ما نقدر
خل يغيرون اسمه .. ومستعد احذف القناة واشلعها من عرجها
وقلنا تووووبه :)
لا شماته بعد اليوم
حوبتكم وحده بوحده :P
يعطيك العافيه
حياتي هدف مو عبث
الله يعينج .. الدايل آب اهو مشكلة بحد ذاته :)
بالنسبه للتصويت
الصراحه تصويتي واتحكم فيه على كيفي :P
انا اقول بهل زمن كل شي على الخدم .. والاعتراف بالحق فضيله
فقلت بخلي الاعتراف بالغصب :)
وعلى قولتج .. نظام موكا :)
فتى الجبل
يقولون بيسوون الكويت .. اميه طبقااااات
ووايرلس
ننطر ونشوف :)
يعقووبوو
تعجبني الثقافة يا بو يوسف .. عيل تلفجن هاا :)
الحين كل شي بالنت
حتى التلفجن
انا اتابع الدوريات الاوربيه ومبارات منتخبنا المقدس .. على النت
كل شي ولا حبيب الكل عاد ... النت :)
magnoonah
مادري اشقصدج يوم يبتي طاري الجدر
اخاف طنازه؟
على فكره انا خاش مواهب الطبخ .. اخاف من العيييين
خصوصا هل ايام كل شي على الخدم .. فالعيون امبققه على الي يعرفون يطبخون :P
والتصويت اكبر دليل انه السالفه كلها اعتماد على الخدم فقط لا غير
وبالنسبه لإمية الفلس الي تقولين عنها .. عندي دولارات تمشي؟
نطري ارد الكويت بعدين نتفاهم .. مو بكل تعليق مناجرتني
من وينلي 100 فلس وانا على بعد 3000 كيلو متى !!!
تحياتي :)
Talal
ماشاء الله
اتصدق انا ندمت على الموضوع
المسنجر مادري اشفيه مقلوب علي !!!
محد ذكر الله وانا اعرض الصور :)
المفروض كنت اكتب تنبيه مثلك
يعطيك العافيه
وسلملي على تلفزيونا اذا مريت صوبه :)
bo rashed
شسوي .. امووووت فيهم بتوووع الانجلس سكول :)
لوووووووووووووول
حلوه حركة منع الاختلاط في المدونه
زين الي تعرف تسوي بيض وطماط وحليب وجاي ليس مالها تصويت
انا اعرف اسوييي والله
عموما تلفزيون الكويت من طلع النايلسات وانا ماشفته والله صج
شخباري اصلا العلامه مالته مادري شنو اهيا نسيتها
ذيك السنه سافرنا لدوله اوروبيه
و الفندق حاطين قناتين للعرب :
الجزيرة و تلفزيون الكويت
إختيار غير موفق !!
طبعا قلنا نطالع الكويت أرحم من الجزيره
و يحطون لك ذيك المسلسلات مالت 20 سنه قبل
سحر حسين و ربعها
و الأغاني : بوقذيله و بوعيون فتانه مالت العصر الحجري
>> طبعا انا ما اسمع اغاني لا تفهمون غلط
فـ بالنهايه إستنتجنا إن نطالع البرامج السياسيه و الوثائقيه ابرك لنا
التصويت مال بيض و طماط فيه ظلم و إجحاف للمرأه
نطالب نحن الناشطات السياسيات بمراعاة حقوق المرأه السياسيه و المطبخيه
نعم لفصل الاختلاط ياتصويت موحد يا ماني مصوت
بس اقول انا طالع مع زوجتي
Selezya
صراحه قناعتي الشخصيه تقول .. هل ايام ماكو احد يسوي لا طماط بيض ولا بيض طماط
كل شي على الخدم
فماكو اجابه .. لأني مابي احد يجذب .. ويكسب ذنب من وراي :P
أجمل وطـن Q8
والحين مالقو يشيلون إلا هل ثلاث برامج الي الناس تبطل التلفزيون عشانهم
خل يشيلون مسلسلات هل زلمات والمصاروه الي محد يشوفهم .. ويحطون بدالهم الاحتفالات السخيفه مالتهم
بس تخطيط ماكو .. شنقول احنا !!
والتحالف يونسون .. الحين طالعين بحفله .. مع الاختلاط .. يتطنزون قبل ويقولون عن سخافه المطالبات النيابيه .. ولازم نرتقي بالوضع
آخر شي حمله وطنيه
للمطالبه بالغاء قانون اختلاط بجامعه !!
الله يهديهم
ويعطيك العافيه
`~MnO YeNSa! ~`
اي والله مجبورين .. ولا شكو ارفع ضغط روحي بهل قناة
وزين بس ساعه .. المفروض ينتبهون حق هل انقطاعات .. اليوم ساعه .. باجر اكثر
الناس عندها مشاغل !!؟
اشلون يتابعون مثلا مدونتي العريقه بدون نت
الله يهداهم بس
:)
Aldenya
هههههه
عاد يصكون النت موليه !!
بعدين انا اسولف مع منو !!
ماكو غير النت نحس فيه انه عايشين بالكويت !!
وانا بخير الله يسلمج
وسؤال احرجني !!
اكيد باديه الدراسه !!
تره نظل كويتيين .. كله متأخرين .. بادي الدوام من زمان بس الواحد اذا طب الكويت مو سهل يطلع منها .. كل يوم نقول بنسافر باجر
على العموم
يعطيج العافيه على المرور
وماننحرمش :)
esTeKaNa
يحطونها الله يسلمج الساعه 9 الصبح
ومنو مايعشق السيده ملعقه .. ههههه
اتصدقين انا يوم يتلنا بالروضه .. كنت مريض ومارحت
بس اشوه .. عن الفضايح
يعني لو اشوف تصويرج يا استكانه .. بعدين مو تقولين شنو ماكل ما ماكل .. بضحك وبتشمت .. واخصصلها بوستين بروحها
بوست استكانه بالروضه وبوست استكانه بالابتدائي
يمكن اصير مشهور مثلج بعد هل بوستين :P
تره التشمت والنحاسه من الفاست فود
قالولي مو زين .. بس ما اسمع الكلام
مالي خلق اطبخ .. وكله على هل مطاعم !!
وصج مثل ماقلتي .. الكويتيين مايحبون النفاق .. قبل اذا سمعنا المسيد الفلاني فيه تصوير .. ننحاش هههه
ويصير المسيد فاضي بس ربع المخرج والمصور .. علشان يطلعون بالتلفزيون وشوفونهم اهلهم مساكين
ويسلم عليج بو مساعد
تره عبد الوهاب بالكويت ينقال عنه بو مساعد :)
تحياتي مشهوره
وناطرين التوقيع
Very.Q8ya
قلتها واقولها واكررها
سويت التصويت بهل طريقة .. لأني لو حاط اجابه .. اي اعرف
جان لقينا كل البنات ضاغطين عليها
وهذا شي مو منطقي الصراحه
الله يخلي الخدم
فلذلك منعا للتفلسف .. شلنا هذا الاوبشن :)
ومره ثانيه لامدحين الكونكشن الي عندج .. تره في ناس مشبوهين بهل مدونه .. صاكيني عين .. مو مترقع الجهاز هل جم يوم :)
يعطيج العافيه على المرور
Q80 Blogger
اي والله خوش تجربه
اعجبتني :)
vancouver
اكيد مو مشموله .. كلش ولا أصدقائنا في الغرب
وقتلج يعرفون كل شي الي بكندا :)
وودي في بوست يديد
بس البرد يقتل المواهب المدوناتيه :P
darkness
مساج الله بنور
اتصدقين ليلحين موجود .. لا والناس تحطه رقم واحد بعد
مادري على شنو
والله لا يعود النت جذي
خصوصا بعطله الصيف
لأني راح اكون متواجد في ارض الوطن :)
MaNaYeR
ماكو جواب لأنه الخدم الي يسوون
محد يعرف هل جم يوم
ماتعرفين علامه تلفزيون الكويت؟
اهي على شكل طراد خمسه قدم ويمه جيتي 77
ليدل على اختلاط حضاره البحر مع حضاره الباديه :)
نفسي عزيزه
هذي انتي فتره صغيره وتقولين جذي
اشلون وانا ماكو غيرها عندي
ومعلق التلفزيون يا عليها .. يا عليها
وماكو مطالبة
لا اجحاف ولا شي
الله يخلي الخدم الي بالكويت :)
على قولت فؤاد الهاشم .. محادثة يوميه بين كل كويتيتين
اقول سيلانتيكم فلبينيه
لا والله هنديتنا اندونيسيه
:)
حمودي
والله جيد يا بوجاسم
انت مع الفصل؟
تعجبني :)
لالالالالالالا مو نعم
كتبتها بالغلط الظاهر ابليس تديّن
;p
وناسه
الحوبه تبطي بس ما تخطي
وفهمك كفايه
اخوي بلوقر الشيف ((بمعناها الكويتي))بما ان العين عليك انا عاذرتك
وطنازه؟؟؟؟؟؟
حشى والحشى عن الف يمين انا اطنز على اخوي
معقوووووووله!!!!
وين بحصل شاب كويتي كامل المواصفات مثلك
اما الـ 100 فلس خلاص ما ابيها طاب خاطري
وانطرك لين ترد مالها داعي معاشي مكفي وزياده جان تبي اعطيك
اما الــ 3000 كيلو متر
اعتقد انهم اكثر من 3000
تحياتي
:))
تلفزيوون الكويت يكسر الخاطر
لو يحطوني وزيرة الاعلام جان ضبطته عدل
:P
آنسة ملعقة
أذكر الاسم بس مو قادرة أتذكر الشكل :P
وبعدين لحظة
مايصيييير انا احتج شنو هالتصويت
:(
أخينا الفاضل بوست رائع :)
بالنسبة للقناة أنا نادر ما أتابعها أما القناة الكويتية الثانية الأجنبية لا هذه حبيبتي منذ صغري وأنا أتابعها ..
أما عن النت نحن على الراوتر .. وايرليس !! لا تواجهنا مشكلة
والسياسة ( خلني بعيدة عنها ) نسأل الله التوفيق :)
أما عن التصوبت .. أعرف فتيات لا يدخلون المبطخ بتاتا .. ( شادة الظهر لأني حتى مجابيس أسوي :) ) أخينا الفاضل
بوست أكثر من رائع :)
في إنتظار جديدك
هااااي
انا اسف توه النت يرد عندي واشوف بوستك من ضحايا الكيبل
وذكرتني بستلايت جلاكسي 25
لا يحووووشك ما فيه غير ابوظبي الرياضية
بس صج بالغربة تشتاق حق كل شي فيه ريحة الكويت وخصوصا التلفزيون وتشوف مساءالخير يا كويت وقت الغداء
الله يكون بعونك ويوفقج وترد الديرة
وبعدين صج ليش ما تحول تروح تدرس بمصر :PPppPPpPP
ولا اذا مالك خلق رد الديرة وادفع الرسوم وشهادتك يدزونها لك :)))
سلملم
نص الكلام مضروب
كسرت خاطري اتتابع تلفزييوون الكويت
بس سوالفك زووغة واستفتاءاتك ماكو عليها بدعت
بس انا اعرف اسوي الاثنين شلوون؟
مممممم تدرس بأمريكا .. شي طيب
خلك على القنوات الأمريكية وايد احسن
shakla el yahel accessory lel sayarah!
wil 9ara7ah tv el kuwait lo yedfe3oli majabla
ana ghair rotana zaman mashoof!!@@
حمودي
مو قبووول .. احنا ناخذ على اول تعليق دايم :P
magnoonah
انا من اول شي قلت هذي حوبتج .. مافكرت بغيرج
وكامل المواصفات هاااا ؟
ماني راد :)
وبالنسبة لإمية الفلس .. ماقلت ماني معطيج .. قلتي نطري لي الصيف .. مافيج صبر !!!
وعلى ال3000 كيلو .. انا قطيت رقم يعني وايد .. ماحسبت المسافه الصراحه
هل مره اجيك وانا راد :)
Najmah
نجمة اوووش .. لاتعلمين احد انج ماعرفتي سيده ملعقه
الكل يقول الحين هذي شكلها من مواليد الغزو :P
والتصويت عادل .. وقلت هذي الاجابات .. ماني شايف غيرها !!
يعني مو مقتنع انه في احد يعرف .. ليش احط خيار .. والكل يجذب ويختاره وانا آخذ ذنوووب :P
يعطيج العافيه على المرور
killie thiqqa
والله ممتاز .. انا القناة الاولى اقول محد يتابعها .. توني ادري في احد يشوف القناة الثانيه بعد :)
وبالنسبة للتصويت .. انا تقريبا فاقد الثقه في هل جيل .. الله يخلي الخدم :)
سعيد بالمتابعه
Bu Jassem
حمدالله على السلامة .. مو خوش خبر .. تره مو قصدي اتشمت :P
والله شكلك خبره .. ابو ظبي الرياضيه :)
لا ابشرك هل جم يوم مقطوعه مادري ليش !!
الشباب اهني واحد واحد يروحون مصر
ام الدنيا اهي ملاذ الاخير :)
ويعطيك العافيه على المرور
Fahad Al Askr
مضروب !!
من مين يا باشا :)
joy
مشكووووره
والتصويت جذي .. ماكو اجابه صحيحه .. ابي الكل يعترف غصب :P
الحارث بن همّام
مو نوعيتي كلش هل قنوات
انا عايش عيشة الكويت .. بس مو بالكويت
يمر علي ساعات اياااام وليالي .. ما اقول فيها كلمة انجليزي .. من كثر ما انا عايش الكويت بس بره الكويت :)
Ni3Na3aH
هههه .. روتانا زمان عاد
حق رشدي أباظه وربعه
هم والله احسن من الكويت :)
Post a Comment