Monday, February 25, 2008

أعياد بلادي



دشيت المدونة

بكتب .. بتحلطم .. بنتقد

كانت أشياء وايد براسي

*

بس فتحت تلفزيون الكويت

شفت الإحتفالات

سمعت الناس

تذكرت

فرحت

إستانست



وسكت

ما مسكت روحي
قلت


أحبج يا كويت





*

كان ودي أكون بالكويت

مادري ليش أحس هل سنه غير السنين إلي طافت

أحس الإحتفالات غير هل سنه

كل عام والكويت بخير


ماننساج .. وهذا علمج معانا وين مانروح



52 comments:

بو حامد said...

الله يديم الفرحه على الكويت واهل الكويت

هالسنه غير لأن المسيره بصبحان ;p~

بعثرة مشاعر said...

الله يعينك عالغربة

لو تشوف الكويت اليوم

محد قاعد بالبيت

لوول

احنا ماشين بطريجنا مالنا شغل

غرقونا فووووم

مرينا يم صبحان بالصدفة ولا الدنيا عفسه


يحليل اليهال واهم مستانسين


خلو عنكم التحلطم
ترا الدنيا بخييييير
و الحياة حلوة

:)

Q8Disaster said...

حالي من حالك يابلوقر

:(

--

والكويت وين مارحنا بتظل محفوره بقلوبنا


وكل عام وكويتنا وانتم بألف خير وسلامه

Anonymous said...

يكفي انك بره الكويت و شايل همها, ترا احنا بخير و هالسنه نحتفل واحنا نردد "كلما زادت المحن حولها أو قسى الزمن, أصبح الناس كلهم كلمة في فم الوطن" حط بالك على دراستك و ثق ان الكويت محمبه بقدرة واحد احد

Nora said...

وعليه عندكم ثلج
:D

عسى ديرتنا ما تشوف الا الفرح
و كل يوم فيها عيد
و ترجعون ان شاء الله رافعين روسكم بانجازكم

:)

Unknown said...

تظل الكويت اهيا الكويت

بالرغم من التحلطم وانشالله تكون هالسنة سنة خير وما بعد العسر الا يسر
:)

عدناااا

حياتي هدف مو عبث said...

الله يحفظ الكوويت ياارب

وهالسنه غيرر خاصة بعد الاحداث اللي تبط الجبد

:))

وإن شاء الله مره 2 تكون موجود بالكويت

حياتي هدف مو عبث said...

ويه ويه

ليش حاط مراقبة على الكومنت :@

Q80 Blogger said...

بو حامد

صبحان !!
آمين يا رب










بعثرة مشاعر

يعين الجميع ان شاء الله
مو لازم تشرحيلي الوضع
واصلني اول باول :)

والفووم مو باقي غير يطقون بيبان البيوت مثل القرقيعان .. بس هذا رش على الاوادم

واذا ماتحلطنا اخاف يشكون بوطنيتنا
في كويتي ما يتحلطم ؟
:)









Q8Disaster

وانت بخير وصحه
اي والله محفوره

عاد تصدق .. مصادفه عطله اهني 10 ايام بلشت امس
بس من بعد المسافه مانقدر نتحرك

وانتو دام دوام .. الله يعينكم
احنا حاسين بفرحه العطله معاهم :)

Q80 Blogger said...

Anonymous

آمين يا رب العالمين محفوظه دايم

ولاتلومني بأني مهتم بكل شي فيها
انولدنا وعشنا .. وان شاء الله بنعيش ونموت هم فيها

وان شاء الله دوم بخير .. والكويت من فرحه لي فرحه










a7La eNG

ثلج ؟
حرام تسمين هذا ثلج
هذا مأساة .. مصيبه .. كارثه

جان زين الي متحطمين بالسنوو .. اييون يعيشون شهر اهني .. وبعدين بشوف اشلون ينقلب هل حب كله لي كره

آمين يا رب .. يحفظ بلادنا
ومشكوره على الدعوات الحلوه :)








Mishari

ان شاء الله تكون سنه خير وانجازات
مو مثل كل سنه
مكانك قف !!

مو جنه قلنا ماكو تحلطم :)
ما نقدر نمسك روحنا

يعطيك العافيه اخوي مشاري على المتابعه











حياتي هدف مو عبث

آمين يا رب
يحفظها من كل مكروه

والمراقبه فعل مؤقت لحصول بعض المستحدثات على الساحه البلوجريه وصعوبه المراقبه خصوصا واني مسافر باجر

يعطيج العافيه يا هدف

لولا الأمل said...

راح يي اليوم اللي نحتفل فيه باعياد الكويت واحنا شايلين الشهادة ورافعين روسناورس اهالينا وراس الكويت ان شالله.

انا ما راح اتكلم عن اللي صار بالمسيرة اليوم >> اللي ما يطول العنب يقول عنه حامض <<
انا نفس حالتك بالهوى سوى ... حاط على تلفزيون الراي واشوف الاحتفالات وبداخلي مشاعر الفرح للكويت والحزن للبعد عنها

عل العموم

كل عام وكويتنا بخير وامن وامان ان شالله

Najmah said...

الله خطييرة صورة العلم مع الثلج :)

الله يحفظ الكويت واهلها

وترد بالسلامة يااارب :)

صبا said...

لله الكويت وناسه

احتفالات

أخ لو تشوف الكويت اليوم

اجواء الفرح منتشره بكل مكان

انشالله تكون سنة خير وحب ومحبه علي الجميع

وعسي الله يحفظ الكويت وشعبها من كل مكروه

ويطول بعمر بابا صباح وبابا نواف

تحياتي

strawberry said...

:(((

enshallah tred lena belslama
wetkon el27tfalat elyaya maojoood
3ashan takmel far7tna
wel`3rba mo shay ana mjarbtha

new one said...

مرحبا

الله يعينك على غربتك وفراق أهلك وديرتك

بس لا تخاف الاحتفال السنه هذي عادي

بالعكس انا احس ان العام كان حيل حيل اونس


نشوفكم على خير ان شا الله

فمان الله

vancouver said...

واااااااااااااي كويتي
بعد عمري والله العلم بالسياره
ويسلم صااااااااااحب السياره
:)

كل عام والكويت واهلها الطيبين بخير


والله انا كل سنه من ييت
كندا اتمنى اني اكون
بالكويت بهالمناسبتين

رمضان+العيد الوطني



الله يعيننا ويعينكم
ويديم الفرحة بالكويت
امييييييييين

S-Q8 said...

allah yredek bil salamah laha...:)
o ya zeen el thalj ele 3endekom!!!

bu-saad said...

اي والله احبج يا كويت


بعدين تعال .....انا قاعد اشوف ثلج!!
اين موقعك؟؟

بعثرة مشاعر!!
من قال انا قاعد بالبيت :(
احتفلت معاهم بالتلفزيون

Faisal said...

حاولت اكتب شي عن العيد الوطني
بس ماني قادر
صراحه ماعشت هالاجواء صارلي اكثر من 5 سنين صج انها ايام حلوه ويعورني قلبي اني بوبالديره اشارك فيها على الاقل بوجودي بالديره

سدرة العشـــاق said...

ان شاء الله ترجع بالسلامة و انت رافع راس ديرتك الكويت بالشهادة الحلوة و ذيج الساع راح تكون الفرحة فرحتين فرحة الأم بتخرج ولدها و فرحة عيدها الوطني و التحرير

عسى ربي يحفظ ديرتنا و عيالها اللي بره و اللي داخل من كل شر يارب

:)

`~MnO YeNSa! ~` said...

احبج يا كويت

...
وعلى الاحتفلات انشالله السنة الياية كلنا تكون بالكويت
.. صاج والله مادري ليش حسيت هالسنة غيــــــــــر
يمكن لاني ما كنت موجودة

و لا تحاتيها الكويت الله حافظها من كل شر .. وتنطر كل عيالها اللي بره بأحر من الجمر

فتى الجبل said...

ومنو فينا ما يحب هالديرة
كل عام وانت والكويت وأهلها بألف خير

بعثرة مشاعر said...

بو سعد

صيغة مبالغة ;p

Q8DOLL said...

كل واحنا بخير في ديرة الخير
الله يديم علينا هالةالحب اللي طغت علينا في هاليومين
ويبعد عنا شر كل حاسد
وحاقد
ومنافق
ياحلو العلم يا بلوقر واهو بالثلج
بس مو جنه برد عليه؟
باذن الله تكون بينا وتحتفل بين اهلك قريب

Kuwait said...

وقفت عشان اكتب
بس مافي كلام يوصف ويعبر عني الي بداخلي ..
بس حسافه على ما ترجع الا شكثر طاف من عمرك وصرت شكبرك مو مال ترش فومات ومادري شنو مثل ما يسوون الشباب لوووووووووووووووول
ترجع بالسلامه وموفق بدراستك يارب ..
تقبل مروري
kuwait

joy said...

وافديييته اللي حاط علمه بالثلج



الله يردك بالسلامة ولك مني كتووون فوووم بس ترجع السنة الياية

joy said...

كتوون=كرتوون


الشطة مو زينة ياجوي

J Daily said...

فيك الخير (:

ولد الديرة said...

وانت بألف خير

يسلم عليك حسنوه و يقول يبي ثلج :P

Q80 Blogger said...

Q8-Canada

تعجبني الثقه بالنفس .. ان شاء الله انشوفك مع الشهاده بالكويت
وشرط علي الفوووم .. بس نبي التخرج عااد

واذا انت على الراي .. فحالك افضل مني .. انا حدي القناة الاولى !!

وآمين على دعوتك











Najmah

الله يسلمج

والصوره اذا عاجبتج .. انا بس اشوفها أكتئب .. من كثر ما ملينا من هل ثلج
:)
يعطيج العافيه











صبا

الله يسمع منج .. آمين

وماله داعي تشرحين الوضع .. حاسين فيه من بعيد :)

تحياتي انا :)

Q80 Blogger said...

strawberry

الله يسمع منج
ومشكوره على الكلام الحلو

ومحد جرب الغربه وحبها الصراحه

الله يعين الجميع :)











new one

الله يعين الجميع

بالعكس انا استانس اذا دريت انه الاحتفالات حلوه وجذي

مادري انا اهلي وايد مستانسين .. يمكن لأنهم من زمان مو قاعدين بالكويت .. دايم يستغلون العطله بسفره من هل سفرات
يقولون الكويت حلوه هل جم يوم

الله يديم الفرح

تحياتي











vancouver

العلم مو بس السياره
ماله داعي اقولج وين رازه
كل مكان بويهي :)

وان شاء الله ايي اليوم الي اكلمج فيه من هذا المنبر
وانتي تطبخين تشريبه حق رمضان
وتبيعين فوووم عند الدوار بالعيد الوطني :)

وكل عام وانتي بخير

وآمين على دعواتج يا رب

Q80 Blogger said...

Ni3Na3aH

الله يسلمج .. شكرا شكرا
بس عاد الله يهداج شالحلو بالثلج
كلنا نقول جذي
بس لما نجربه .. خلاااص نقوول .. عافك الخااطر خلاااص
:)










bu saad

موقعي .. تحت القطب الشمالي المتجمد بشوي
خلها على الله بس !!
يعطيك العافيه











Faisal

انا كتبت الي يطلع معاي .. الي حسيت فيه
وحالي من حالك يا اخوي
صارلي سنين مو محتفل مع اهل ديرتنا
ان شاء الله قريب نلتقي بالعيد الوطني .. وبالكويت :)

Q80 Blogger said...

سدرة العشـــاق

الله يسلمج
ومشكوره على الكلام الحلو

آمين يا رب على دعوتج :)











`~MnO YeNSa! ~`

والله مايندرا متى راح نحتفل بالكويت
لكن كافي نسمع الاخبار الحلوه والبسمه على ويوه كل الكويت

سواء بالكويت ولا بعاد .. اهلنا مستانسين وديرتنا بخير .. هذا المهم :)











فتى الجبل

والله بهل ايام .. قمت اشك بحب وايد من الناس لارض الكويت
الله يهدي الجميع
وكل عام وانت بخير وصحه

يعطيك العافيه

Q80 Blogger said...

Q8DOLL

وانتي بخير
وآمين على دعوتج الحلوه

وانا حاس مثلج الصراحه .. علمنا متعود على حراره شهر سبعه بساحه العلم
وينه ووين البرد
بس لاتحاتين مع الوقت يتعلم على الجو
:)

يعطيج الف عافيه











Kuwait

رشينا يوم احنا صغار لين قلنا بس
ولا تخافين .. محد يكبر على هل سوالف
لاتيين صوبي وتقولين كبرت
عادي اترسج فووم :)

الله يسلمج

ويسعدني مرورج

وخوش اسم ماخذته .. ماكو مثله :)











joy

اي شفتيني جوي .. اسمله علي .. احب ديرتي
هههه

وما انساها تره .. ابي كرتون كامل .. بو 24 حبه :)











يعقووبوو

وهم فيك الخير
حبيب :)

حسام بن ضرار said...

مبروك عيدج يا كويت

و كل عام و انتي بخير

الحارث بن همّام said...

عمار ياكويت .. قسما بمن قذف حبج في قلبي .. راح نعزج بالاسلام والشريعة

الحارث بن همّام said...

عمار ياكويت .. قسما بمن قذف حبج في قلبي .. راح نعزج بالاسلام والشريعة

someone_q8 said...

السلام عليكم
حتى لو تكون بره الكويت
كفاية دراستك وتعبك كله حق الكويت
الله يوفقك وشد حيلك ياخوي نبي تقدير يرفع اسم الكويت عالي
قواك الله

S-Q8 said...

شنو حلو بالثلج؟
احسن من الغبار!
3al aQal when it gets in your mouth it doesnt taste horrible!
thakil youm meshet kha6weteen bil ghbar.. 7asait ramel b7aljy o shay ygarwesh;p
you'll miss it when you get back here;)

هـــدب said...

أفا بس أفا

تقول كان ودي أكون بالكويت

انت كنت موجود معانا بروحك وبعقلك
الله يحفظك ويخليك يارب
الناس محتفله ورايحه المسيره والفوم شغال علي الكل
والديره بخير
والله يحفظها ويحفظ شعبها من كل مكروه
آمين يا رب العالمين
والله يوفجك بدراستك وترجع بالسلامه

bu-saad said...

q80

يعني ما تنصحني!!
اكمل الجامعه بكويت!!:)

Shaima'a Alkandari said...

كويت


كويت


وستبقى الكويت بابنائها اللى يخافون عليها ويحبونها



وعاشت الكويت

bass said...

كلنا أنحبها

الله يحفظها لنا



دمت بالف خير

Q80 Blogger said...

حسام بن ضرار

صح لسانك .. ويعطيك العافيه على المتابعه :)














الحارث بن همّام

آمين .. الله يسمع منك
وعمار يا ديرتنا












someone_q8

وعليكم السلام
آمين .. والله الكل يتمنى يرفع هل علم .. والله ماكو فخر مثل فخري اني مسلم وانتمي لهل أرض الطيبه
الله يقويك .. ويعطيك العافيه

Q80 Blogger said...

Ni3Na3aH

بس لاتييبين الطاري .. ببجي .. مشتاق لهل لغباااار :P

الثلج اولا يعوور .. لأنه بررررد
وبعدين يشق السيايير شق .. ووصخ بشكل غير طبيعي
أحتاج بوست كامل اذكر أسباب كرهي لهل ثلج :)











هـــدب

والله كافي الكلام الي قلتيه
ما اقدر اعلق
مشكوره وماتقصرين
والله يوفقج ويسلمج من كل شر











bu saad

ما حب انصح أحد بشي مثل هذا
انا درست بجامعه الكويت وصراحه استانست .. وهم ارتحت من الدراسه بره
يعني شوف الخيارات المطروحه وادرسها عدل .. من كل النواااحي بشكل عام
وتره الدراسه بره شي مو سهل كلش

واذا تبي اقولك اكثر .. عندك ايميلي

يعطيك العافيه

Q80 Blogger said...

Shaima'a Alkandari

كلام جميل وحلو

الكويت بايد عيالها ان شاء الله محغوظه وسالمه
وبدعائنا أولا وأخيرا

وعاشت الكويت

ويعطيج العافيه على المتابعه الجميل :)











bass

ودمتم

اي والله .. منو مايحبها .. ماعنده سالفه الصراحه
ديرتنا وفيها الي نبي :)

kuwaitya_7saweya said...

الاحتفال عادي نفس كل سنه
بس تدري مع انه مااروح المسيره بس استانس اتذكر ايام طفولتي
عسى الله يخلي لنا الكويت
وهالعلم تاج فوق راسنا

White Wings said...

كل عام وأنت بخير
والله يردك بالسلامة لحبيبتك الكويت

Aldenya said...

يا حلو علمنا
:>


وانا اقرا موضوعك قاعده أغني
عيدي يا بلادي
وارفعي راياتي


الله يحفظها ويحفظك ":>

mtfa2el said...

و بعدين ؟
ماكو بوست يديد ؟؟
ييبلي ثلج يا خوك الغبار شق حلجي
نتبادل اسبوع ؟

حياتي هدف مو عبث said...

شلووونك ؟؟

:)))

داشه عرض

;P

Q80 Blogger said...

kuwaitya_7saweya

آمين يا رب العالمين

مو لازم الواحد يطلع يفتر عشان يحس بالفرح .. اذا انا بآخر الدنيا وفرحت بأعياد ديرتي .. إشلون انتو الي بالديره :)











White Wings

وانتي بخير
ومشكوره على الكلام :)











Aldenya

آمين .. ويحفظ كل كويتي يحب هل أرض ويبيلها الخير
وماكو أحلى من علمنا :)











mtfa2el

انزل بوست ولا تزعل
وابادل افا عليك
ما اردك
احد يرد ريحه الكويت :)











حياتي هدف مو عبث

هههههههههه
تمام بخير

لا عرض ولا شي .. كافي المرور الحلو

وابتسامتك بوجه اخيك .. صدقه

:)