Tuesday, February 12, 2008

تحالف ومدونات

موضوعي اليوم ينقسم إلا قسمين

أولاّ :ـ


هذا هو
ترتيب جامعتنا بين جامعات الشرق الأوسط وهو 21 .. أما ترتيبها بين العالم فهو 2,886

والمشكلة شنو .. إقتراح مقدم من قبل ثلاث نواب في مجلسنا الموقر .. المطالبة بإلغاء قانون فصل الجنسين

يا سلام .. انتهت مشاكل الديره صح؟ شوفوا بالاول ترتيب جامعتنا؟

قانون من المستحيل يمر .. وإغلب المجلس (المنتخب من الشعب) رافض للإقتراح !!

هل القانون صج يستاهل هل تعب وهل حملات؟





هذي الصورة لآخر تجمع في التحالف الوطني
.. هذا الي في بالهم .. بس للأسف راح يكتشفون حجمهم الحقيقي بعد الإقتراح الأخير
على فكرة جامعه الملك فهد إهي الأولى في الشرق الاوسط
ورقم 637 على العالم

*
*

ثانيا : مراقبة المدونات

صراحه مو هامني الموضوع وايد .. خل يراقبون .. أنا واثق انه احنا كمدونين انعرف حدودنا .. واذا شيخ التدوين الجاسم - مقال ذو علاقة - طلع برائة .. يعني إحنا بأمان
انا من زمان حاط لنفسي رقابة وأدري انه الكل منا مسوي جذي
بالعكس الرقابة حلوه .. تزيد عدد زوار المدونه
لا واذا ودهم اساعدهم هم حاضر انا بالاول والاخير ماكو مدونة مو داشها .. يبون يعطوني فلوس على هل شغله حياهم الله ومنها افتن على الي مايعجبني :)

*
*

اخيراّ : قسم التصويتات

اول تصويت ويبين انه الأهل طاغين على الموضوع
استغربت من السته الي مصوتين مع ذكر الاسم معني فرحان لتغبهم على هل عاده
وأكثر واحد عاجبني .. راعي الانجلش سكول هذا .. يا اخي انسان محترم وصريح جداّ


اما التصويت الثاني .. كان واضح وضوح الشمس ومايبيله حجي
جيل هل يومين مايعرفون شي بالطبخ الله يخلي خدمنا :)
التصويت اليديد مختلط لعيون التحالف بس


وكالعاده جم فيديو من موقعي المفضل


40 comments:

mtfa2el said...

يا بو يعقة يبتها على الجرح
جامعات السعودية اللي ممنوع فيها الإختلاط التعليم فيها احسن منا مليون مرة
و وضعنا و جامعتنا مثل ما اهي متخلفة قبل و بعد منع الإختلاط فلا تتذيكون علينا و انه منع الإختلاط راح يخلي وضع الجامعة سمبتيك و تطور و عال العال
المشاكل بالجامعة مشاكل تعليمية و ادارية مشاكل بنوعية الدكاترة و المواد مشاكل بطريقة الإدارة فهموا يا ناس
ثاني شي التحالف الوطني ..الله بالخير
قالولكم امين التحالف نيسلون مانديلا و انا ما ادري ..
بعدين كل ما قلتوا شغلة قلتوا اثبت التحالف نجاحه اذا وضع ثقله في الشارع
هلووو
في نجااح سويتوه بدون لا تتعاونون مع قوى التخلف و الظلام و عتاوية الفريج ؟؟
نبيها خمس ؟
مع قوى التخلف و رزيتوهم بكل تجمع
نورية الصبيح ؟؟
لولا قوى التخلف جان ما عديتوا على خير
يا جماعة نبي كويت اول ..كويت بدون احزابكم كلها
فكونا
.
.
قتلك باكتب بوست كامل عاد كيفك

mtfa2el said...

تعديل
و انه الإختلاط راح يخلي وضع الجامعة سمبتيك

فتى الجبل said...

يا معود
زين الجامعة من الأساس لها ترتيب
بعدين اذا مثل ما تقول ان الأولى الاهتمام بتطوير الجامعة عيل من الأساس اشحقه فكروا سنة 1996 بتغيير النظام المشترك الى عدم اختلاط
ياخوي الانسان يحارب عشان المبدأ

Najmah said...

1-
اي والله صح كلامك
وبعدين انا مو فاهمة شنو الحكمة من الاقتراح؟
=\


2- لوووول
وناسة خوش فكرة ليش لأ
:P

someone_q8 said...

السلام عليكم
مشكور اخوي بلوقر على هالبوست الطيب
بالنسبة للجامعة , والاختلاط ما اقول الا الله يهديهم جميعا
#########################
وبالنسبة للرقابة اقول اذا يبون يحطون رقابة كيفهم لان الكل محترم نفسه , لكن سالفة الرقابة على النت مو حلوه لان انت جذيه اتحسس العالم اننا دولة دكتاتورية وهالشيء مانبيه

###########################

قواك الله حبيب وماتقصر

Anonymous said...

أسمحلي اختلف معاك نسبيا:)
لاني حضيت بفرصة الدراسة بجامعة الكويت وبجامعة غربية، أقول وبثقة أن جامعة الكويت فعلا جامعة ممتازة ولكن الضعف فيها ضعف الخبرات العملية الى يكتسبها الطالب بمقابل معرفة ممتازة نظريا.
تصنيف الجامعات موضوع معقد. بريطانيا كدولة ونظام تعليم عالي متشابه فشلت في ايجاد نظام تقييم لجامعاتها.
RAE
فيه مشاكل كبيرة. وقابل للتلاعب. فمبالك بنظام شامل يجمع كل جامعات العالم على اختلاف انظمتها؟
نجلة عبدالكريم النصار عضوة هيئة تدريس حاليا بجامعة الكويت حصلت على ماجستيرها من جامعة الكويت. وبسبب قوة الجامعة وقوة الرسالة طبعا استخدمت رسالتها كمصدر لبحث نشر باهم مجلة علمية عالمية: مجلة العلوم - سانيس! وهذا حسب تصنيف شنغهاي للجامعات يحسب لصالح الجامعة
الى بوصله أن اكبر مشاكل الجامعة ادارية وليست علمية

Selezya said...

التعليم بالكويت كله الله بالخير :)

عادي شنسوي يعني

انزين ترا صج مايصير شنو محد يعرف يسوي بيض طماط وحليب جاي لا تخليني عاد اكتتب شلون اسويهم ..

التصويت اراقوز

عراقوز شنو لوول

:)) Merci

esTeKaNa said...

أولا:
توقيت طرح اقتراح بإالغاء القانون توقيت مدروس يهدف لاشغال الراي العام عن بعض اهم القضايا اللي تمر فيها الكويت واهمها التجنيس
!!



ثانيا:
مراقبه المدونات
موضوع يثير ضجة
يتكلم الجميع
وتبقى حقيقه
الرقابه تنبع من هنا..من عقولنا
وضمائرنا
من وزننا لكل كلمة نكتبها وننطقها
من استشعار ان ما ينطق من فول الا لديه رقيب عتيد
ومع هذا







ثالثا:
انته حصرت السؤاال بالزوجه
بس انا اشوف من ناحية ثانيه
اخوي الكبير لانه ناضج وعاقل ما عنده مشكله بذكر الاسم
ولكن الاخ اللي بعز مراهقته
انا الاهل ونقطة
ما بعدها شي
:))
التصويت الثاني مو قبول مو قبووول
ظلم ظلم
:(
انا اعرف اسوي بس ماكو خيارات
:Pp~



وأخيرا..نشكر لك ترتيب البوست
وعرضه الجميل
:)

كويتاوي قديم said...

يا مدوننا يعطيك العافيه على انك علمتنا عن ترتيب جامعة الكويت هههههههههههه
وهم بأخذ فيها صيفي

وسالفه الأختلاط ماخوذ خيرها مسبقا
وعلى قولة اخوي متفاءل شووف جامعات السعوديه

وشباب الكويت الحين وهي فيها منع اختلاط أغلبهم خربانين

فما بالك بالأختلاط

والله يستر على الكل
من شباب وصبايا
----------

واما سالفه مراقبه التدوين ماعليك منهم

وفي لقب بطلقه عليييك

وحش التدوين

شرايك فييييه
--------------

وودي اقوووول لل3 خوات اللي مصوتين حدي طماط بدون بيييض

سليمه تصككم

شلوووون طماط بروووحه يعني ما سويتوا شيء
ويعطيك العافيه يا وحش التدوين انك حطيت لهم شغله يجاوبون عليها مع ان معانها ما اعرف

ومشكوووور على المواضيييع الحلوووه

واخر شيء ون ون ون كويتاوي نمبر ون

مالها دخل صح هههههههه

darkness said...

=1=
ناس ما لقو شي يتناجرون عليه لقو السالفه هذي

تدري بس شو عشان الراي العام ينثار

و اصلا محد يسال عن وضع التعليم بالبلد مع انه من اهم الامور و لو يفكرون فيه عدل و يطورونه ممكن يصير استثمار

لو عندنا جامعه قويه و من المراكز العاليه اكيد بيون طلبه من جميع دول العالم و يعتبر هالشي استثمار قوي و غير مهدد بالنفاذ

و ما اذكر اي دوله سوت هالشي اعتقد اندونيسيا بس مو متاكده

=2=

اللي يراقب ما يدري انه احنا اكبر من عقليته و احنا مسوين على انفسنا رقابه ذاتيه و ترى الدوله مع حرية الراي و هالشي يكفله لنا الدستور و اهو بس شاف ان النس مهتمه بالمدونات الفتره الحاليه قال اتكلم عن هالشي عشان يلتفتون لي الناس



=3=
مقاطعته لانه اول شي انا اعرف اطبخ و انت ما حطيت جواب للي تعرف

يعني انت لغيتني من الحسبه

:(

و يعطيك العافيه على البوست و عساك عالقوه

:)

صقر قريش said...

اخوي مدون كويتي:

هذا عشان تعرف تفاهة تفكير بني ليبرال وانهم بلاء على امتنا ككل كما قيل (ان البغاث بارضنا يستنسر) تفاهة في تفاهة وحب للبروز اعاننا الله عليهم.

اما موضوع المراقبات لاتبوق لاتخاف على قولتك راح تكثر الزيارات للمدونات ماقصروا المراقبين.

بالنسبة للتصويت شفيك مستقصد الليبراليين الله يهداك :)

5roofa said...

احبهااااااااااااااا

اموت على هالمسرحية

وااي شوقتني اشوفها لوول
بروح اشوفها بعد شوي

و احم على الطباخ لا شوف احنا مو عن العين قلنا ما ندش المطبخ مو تدري بعد مو ناقصين تحرول
:P

و بعدين لول انتوا الريايل الي ذوقكم صعب بالاكل ولا شفي التوست و الجبن مع جبس كتكو؟؟
:P

salamz dear friend...

a7La eNG said...

انا طلعت عيوني
@@

افاااااااااااااا
افااااااااااااااااااا
افاااا يا بلوقر

انت تظلم المرأة
مستحيل
:""""(

تسألني ليش و شلون ؟؟

شوف الخيارات
يعني قمة الظلم
غصب غصب غصب ما فيكم احد يعرف

هل كيف
؟؟؟؟؟

ولد الديرة said...

فيه جامعة بالكويت
!!!

حياتي هدف مو عبث said...

التحالف ؟؟ ههههههه
نو كمنت :)

وعلى فكرة موضوع المدونات كان لسبب يلهي البعض عن شي ثااني

;)

بس اللي قال حق المحيلبي يقوول حده ذكي

..

أنا أعرف أسووي بيض طماط وجاي حليب

بس ما فيش اختيار جذي

..

التصويت اليديد عجييييب

وأنا أقول أراقووز :)

يدتي تقوول عرقووز هههههه

..

جامعه الكويت أمممم

مأساة

حياتي هدف مو عبث said...

أبشرررك مشروع دُرر بإشرااف نبيل العوضي

السبت أولى فعالياته

الجدول ببلوقي :)

bo rashed said...

هلا بالحبيب

بلا تحالف بلا بطيخ بلا ليبرل كلهم ...بخيشه وانت والحاضرين بكرامه
:P
بس الاستفتاء عجيب ولا الخيار الاخير حده سلطه
لووووووووول
الشيعه ذبحتني من الضحك
شخصيا اعتقد عيد الحب عندهم يوم استشهاد مدمر حظارتهم الفارسيه الفاروق عمر بن الخطاب رضي الله عنه وارضاه
احب سوالفك يا خوي توسع الصدر
:)

Eng_Q8 said...

اكيد ما يهمك المراقب

قاعد بكندا :p

عاجل said...

لن يحشد التحالف - كما - اكبر من الكم المخالف ولكن كسر الحاجز النفسي هو الانجاز اللي تحقق في موضوع حساس ومتفجر مثل الاختلاط لان الكل مستشرف ومحد راضي يقول اللي بصدره

شـقـــــران said...

العزيز كويتي بلوقر
تحية طيبة

اشكرك على طرح موضوع الاختلاط بهذه الديباجة السهلة والهادفة

ولقد قلتها سابقا لدى العزيز حمد في مدونته العامرة ميدان قلمي

بأن هناك قضايا أهم من قضية الاختلاط من عدمه

فقضايا التعليم وترديه على المستوى المدرسي والجامعي تعاني الكثير من المشاكل والأزمات

وبدلا من حلها

يظهر لنا هذا المقترح الذي سوف يشغل البلاد والعباد على أمر ثانوي

نعم فهو ثانوي امام قضيا أكبر أهمية

فالتعليم والتربية تعاني من المشاكل ومن غياب الاستراتيجيات الواضحة اضف الى هذا وذاك
ضعف الميزانيات المقررة لها

ومستوى الحمل على المعلم

والتسرب الحاصل من بين المدرسين والمدرسات

و و و وو و و و و الخ

أخلصت قضايا الأمة حتى يشغلون بهذا!!؟

أين القضايا الأكثر جدية وأهمية من هذا!!؟؟

أين قضايا الصحة ومستواها المتردي سنة بعد سنة
أين هم من مستوى الأسعار والتضخم
أين هم من المشكلة الاسكانية
أين هم من التركيبة السكانية العشوائية
التي جرتنا الى ان اصبحنا غرباء في ها الوطن

أين هم من قضايا التنمية المستدامة

أين هم من القضية الاقتصادية وتحولاتها

أين هم من توزيع الفوائض المالية على البنية الأساسية للدولة

أخي العزيز بلوقر كويتي
والله إن لما في الصدر الكثير

ولكن سفهاء أمتنا ماضون في حمــقــهم

سواء كتلة عمل وطني أم شعبي أم اسلامي أم استغلالي

إننا محتاجون لثورة تغيير هذه الطبقة الساسية التي نخر بها سوس المصالح حتى اعماها

وهاهي الحكومة تتحرك بكامل ثقلها لمنع الحريات ولم نرى منهم التحرك الجدي الذي يصم اذان هذا الوزير الذي صرح بقانون ضبط المدونات

فهذا المخبول لا يعلم أن فضاء الانتر نت لا يضبط أم انه أغبى من أن يعرف ماهو

أأصبحنا أسيرين هذا الفارغ من العقل والمسمى وزير المواصلات
والذي لايستطيع التفكير أبعد من انفه

إنها لمهزلة على جميع الأصعدة
من حكومتنا ومن مجلس امتنا

هذا المجلس الذي أبعد ما يكون عن هاجس المواطن العادي

وأبعد مايكون أكثر عن مصلحة هذا الوطن الشامخ


أعذرني أخي فلقد بلغ السيل الزبى
وماعاد لنا قدرة على تحملهم


ولك مني خالص التحية القلبية

أخوك المحــــــــــب/

شــقـــــران

حسام بن ضرار said...

جامعتنا ترتيبها 2,886

و ما ادري على شنو دكاترتها شايفين حالهم او على شنو مناهجها صعبه؟

عالطل

اما محاولات الغاء منع الاختلاط فإعتقد مجلس الامه راح يكون له وقفه مبدئيه

Anonymous said...

مدونة محافضة على تنوعها الجميل

لا يسعني أن أقول إلا بارك الله بكم :)

أجمل وطـن Q8 said...

قواك الله كويتي بلوقر

قلتها وارد اقولها

الهدف من الاقتراح والحملات تسجيل موقف
وتكسب انتخابي


اسلوب الطرح وتوقيت الطرح غلط×غلط


لكن توهقوا بعد تفعيل نوريه لقانون منع الاختلاط فــ راح ركض يسوون حملات تسجيل موقف

.
.
.
.

هالصوره من تجمعهم !!!!!!!

ماتوقع زين اذا طافوا 200 :)

أجمل وطـن Q8 said...

وتم التصويت :P

اسألتك حلوه وخفيفه

Q8Disaster said...

بعد هذا مستوى الجامعه واهما يبون جذي شبتسوي فيهم

والمشكله الي قاهرتني كل مالهم ويزيدون النسب

لو انها جامعة تسوى جان مانلومهم

بس شنسوى الشكوى لله

---

اذا بيراقبونا حياهم الله احنا مو قاعدين نسوي شي غلط والا حرام عشان نخاف

----

لوووول خوش تصويت حسافه طافني لوول

بعثرة مشاعر said...

جامعة الكويت مأساة بمعنى الكلمة
أصلا وايد كبيره عليها اسم جامعه اللي يسمع يقول اسكت الحين كلش

جامعة بطيخ خربوطية بس أهم شي ناخذ الشهاده و بس

عانينا منها وايد
لكن الحمد لله على كل حال


أما بالنسبه للتصويتات
أنا معترضه منزمان و للحين
ظلم ظلم
مايصير التصويت مو حقاني
نعرف نطبخ شدعوى
أعرف اسوي مجبوس ;p
بس الحين صاير موضه عند البنات ماتدخل المطبخ
عشان تصير ستاااااايل و دلوعه

واللي تدخل المطبخ هذي واااي شخباري عتيجه مو ستااااااااايل

ياثقل دمهم



أخيراً ..
خوش فيديو مال هدى حسين
شخبااااااااااااااري

Eng.S said...

نعم يا عزيزي

العوده للأختلاط ثانية ليس هو الحل للأرتقاء بتعليمنا


تحياتي

5roofa said...

هاي خيوو

مشكوووووووووووووور على الكلمات و الزيارة

ما انحرم منها ياارب

:D

salamz dear friend...

Ni3Na3aH said...

wee mako jam3a bil middle east etdesh bil 100 7ata?
wallah fesheelah
o allah yhadak wala option min ele 7a6hom 7ah el banat ygool eeh a3aref.. kil option ybayen ina el banat may3arfoon ysawoon shay..
ba3dain el baith o 6maa6 mayebela chay o 7aleeb ma3ah.. el combination moshay;P
pepsi a7la ;)

هـــدب said...

جامعتنا لها ترتيب
مشكوراخوي علي الخبر
وتسلم اخوي علي القهر
وما قصرت وعساك علي القوة

Q8-Canada said...

والله معااك حق ما ندري لي متى جامعة الكويت بتظل جذي,, الامكانيات الماديه موجووده شحقه التفلسف واصدار قرارات مالها داعي بتطوير الجامعة ,, لو يطالبون بتطوير تقنيات ومستلزمات الجامعة ابرك


تسلم علموضوع

`~MnO YeNSa! ~` said...

اللــــــــــه كريم ..


(1)

صــــــــاج والله ...

و طلبة الجامعة مايدرون شنو الطبخة .. ولا يستعبطون

كلامك عدل
100%

.. ما ادري شنواللي ابالهم

(2)

من صجه والله ...من راقب الناس مات هما ..
وكل من يرى الناس بعين طبعه

(3)

الله يستر من الياي :P

Brilliant said...

قلم متألق عالعادة
:)
-------
ترتيب جامعة الكويت عالما لأول مرة أسمعه صراحة...أشكرك... فعلا أمر مخجل جدا جدا
-------
قانون التعليم المشترك و إلغاء قانون منع الإختلاط... مجرد تضيع وقت النواب ووقتنا كذلك... لن يمر القانون بإذن
الله كما لم يمر بالسابق
-------
قانون رقابة المدونات نحن في حاجة إليه... و أرجوا أن يسمى بقانون تنظيم التدوين.. أوفضل من رقابة
-------
بالنسبة للإستفتاء بخصوص الزوجة
انا مو متزوج.. لكن لو متزوج و طالع معاها... راح أفتخر إن اقول اسمها إذا أحد سألني طالع مع منو... و أتوقع انه نوع من الإهانة لمن الزوجة تكون...نكرة!!!!ـ
-------
شكرا مرة أخرى

Aldenya said...

كل واحد يراقب نفسه
اما اللى حاطيين قانون مراقبة المدونات
خل يراقبون المواقع اللى فيها انتهاكات
خل يحاربون المواقع اللى تتعرض للذات الإلهية اللى أسمى منهم ومنا
خل يحاربون المواقع الاباحية اللى تفسد الأخلاق

:/

.
بشوف التصويت وبصوت

ومشكوووور يا بلوقر

Outkasty said...

LOOOOOOOOOOOOOOOOOL ana mo emtha7ekni ella il English school LOOOOOOOOOOOOOOOOOOOOOOOOL!!!!

اجار الدين كشمش said...

عاااااجل

"""""""""""""""""""""""
لاخواني الاحبه المدونين

تم سرقة اسمي

اجار الدين كشمش

من احد الحراميه ويبدو

من لهجته انه غير كويتي

ويدور بين المدونات

لاشعال الفتنه بيننا

وخااااصة اخواني الاحبه
في البلوغات
اللذين اختلف معهم

بالراي واللذي لايفسد لمحبتنا للكويت وودها

قضيه
""""""""""""""
اهيب بمن يريد ان يطفأ

الفتنه ...ان ينشر

وشكرا للاخ مطقوق الشاب في عمره والرائع في عقله

وشكرا ل احلى مهندسه
ولجميع من كشف اللص

الفتني

ونقول للص وايد عليك
اجار سطوح الكويت المتماسكه ..بحب الكويت
""""""""""""""""""""
فمالله
من اراد التأكد بروفايلي

غير بروفايله

Faisal said...

من الاسباب المهمه للوقوف ضد قانون منع الاختلاط
- ياخي راحه نفسيه
- وناسه
- اصلا موعيب زميلاتي وزملائي
- سهوله لاقامة البارتيات مثل ماكونوا يسونها في اوائل السبعينيات
- شدعوه كلنا اهل موعيب
- عشان تعرف البنت عدل يمكن تبي تعجبك وتبي تتزوجها

ياخي لازم تعذرهم يعني هذي من الاسباب الرأيسيه لتأخير التعليم في جامعة الكويت وهذي من اهم الاسباب الي جعلتها بهذا الترتيب العالمي
واهي ترا يعني محد صادها الا جماعة التحالف

واحنا مساكين

......

وبالنسبه لمراقبة المدونات

في الاصلا لايوجد قانون او تشريع خاص بالتدوين او مايكتب في المواقع في الكويت
يوجد هذا القانون في دول اخرى كأمريكا

ولكن سبب عدم قيامه في الكويت هو عدم حاجتنا له
فبوجود نصوص من القانون الكويتي وهي تعرف بالنظام العام تكفي لمعابقه اي شخص يمس او يقذف اشخاص اخرين في الانترنت
كذلك لمن يتحدث صراحه او جهرا بالمحرمات ويقرها فبإمكان اي شخص التوجه للنيابه واعطائهم عنوان هذا الشخص (الاكتروني)
واهم يتلونه من عتراه ويحاكم

بس فكرة المراقبه الالكترونيه مقتصره على هذا الشي
فالذي لم يتجاوز الاداب العامه ولم يعترف بعمل جهرا لن يظره الا ماكتب الله له

.....
عجبني جدا التصويت الجديد ومت ظحك صراحه
فرحت قلبي بعد ماانقثيت على الي قاعدين يسونه العالم وين اهم وين
صج عرقوزات بالكويتي

وسعدت جدا لتعليقي في مدونتكم وان شاء الله اكون من المتجمهرين عند باب مدونتك كل يوم :>

vancouver said...

انا معاك كويتي

الاختلاط مو اولويه بالنسبه لي

بس ياخوك
خوفك نسكت لهم
يقومون

يجبرون الطالبات
ما يداومون الا بعبايات الراس


المشكله لو كل تيار محترم نفسه وماااااايفرض قوانينه على الكل
والله جان ماكو مشكله

والا شنو الاختلاط واهميته
مقابل تخلف التعليم نفسه
؟؟؟

صقر قريش said...

اختي فانكوفر:

بصراحة يا أختي انا ما أتكلم من ناحية دينية لكن قاعد نشوف بلاوي ومصايب وانتي عارفة ان مجتمعنا والمجتمعات الشرقية اذا البنت غلطت مايسامحونها تخيلي ان واحد اعرفه كان ساحب من الكورس اقوله شيايبك الجامعة يقولي ياي اقز واظبط انا بصراحة اخاف على أختي اوبنتي من هالأشكال المشكلة فيمن خلا الموضوع اساسي وكأن راح نتقدم اذا سمحوا بالإختلاط الإسلاميين ما أجبروا الناس على العبي لكن دام احنا عندنا شباب غير مسؤولين وبنات يدشون الجامعة تقولين ابجامات شنو نتوقع.

للعلم انا بالنسبة لي اشوف البنت المو متحجبة غلطانة هذا رايي بس انا ما اتدخل ولا أجبرها ولا ادش بأخلاقياتها لكن بنفس الوقت اقول لازم تلبس عدل مو تيي جنها مولابسة بس حق لفت الأنظار
يعني لكل شي حدود وكذلك نرفض ان احد يجبر البنات على شيلة الحجاب مثل مايتمنى بعض بني ليبرال وكذا مرة يدندنون على هالموضوع.

محمد إدريس said...

مقال حول التصنيف العالمي للجامعات:

http://languageandglobalization.blogspot.com/2009/08/blog-post.html