Saturday, January 26, 2008

الوحي على التربية

تحديث
يا شباب انا مالي أي علاقة بالفيديو .. مو شقتي .. مالي شغل أنا
أنا برييييييييييء
:)


*
*

بعد السفرة والوصول إلى ديار الغربة .. إنقطع وحي أفكاري فجأة
لا أعلم لمذا حصل ذلك .. أو ما هي العوامل التي أدت لإنقطاع ذلك الوحي

لكن باختصار أعتذر عن التقصير في الفتره السابقة .. والقادمة
وشكراّ لكل من سأل عني



أولا: أتمنى الدعاء لاخوانكم في غزة ... ... لا طعام ولا ماء ولا كهرباء ولا دواء !!
لا يوجد إلا الله القوي الجبار ...
اللهم انصرهم على الظالمين واعنهم يا رب العالمين


ثانيا: أبارك لنورية حصولها على ثقة المجلس

بالنسبة لي .. وزارة التربية من أفشل وزارات الدولة للأسف
نظام تعليم ثانوي فاشل .. وزارة للتعليم الواطي .. مناهج متخلفة .. اعتدائات في المدارس

لتعلم نوريه .. أنها كانت تستحق الثقه .. لتفاهت الإستجواب وسخافة طرحه
ليس لقوة وزارتها .. بل هي وزارة فاشله لأبعد الحدود


عندي قصتين تذكرتهم عن وزارة التربية .. كفيلين باسقاط أقوى وزير من رأس هل وزارة
بس محد مقدر الي عندي .. لو مستشيرني يا الشريع .. جان كنت راهي بالاستجواب


القصة الأولى .. متعلقة بالفصل بين الجنسين

وانا قاعد بالزواره .. إييلي واحد من اليهال .. مادري جم عمره .. لكن توه يعرف يتكلم .. وبثانية روضة

الحبيب: يوسف !! ـ
انا : هلا هلا حمادة .. اشلوووونك؟
الحبيب: انا زين .. يوسف .. تدري عندي رفيجتين بالروضة .. وحدة اسمها سارة ووحده فرح !! ـ
انا: ما شاء الله .. وبعد منو غيرهم اتعرف
الحبيب: لأ هذيل أحبهم .. مضبطهم انا .. حلوات .. رفيجاتي
انا: @@عيب شنو مضبطهم .. اشهل حجي .. تبي أقول حق أمك؟
الحبيب: عادي قولها .. أصلا تدري اني احبهم !! ـ
انا: انزين بقول حق أبوك
الحبيب: لأ تكفه .. تكفه .. لاتصير جذي .. مره ثانيه ما أقولك شي

طبعا الحبيب عمره أقل من 5 سنين وطايحله حب .. ولاحظوا الاسلوب القوييييي ..يقولي تكفة .. انا ماكنت ادري انه يعرف يتكلم .. شوفو سوالف يهال هل جم يوم

الإقتراح يقول .. المفروض يسوون فصل بالروضة


القصة الثانية .. معاشات هلي يدرسون بره مساكين

ماراح أتكلم وايد .. هذا الفيديو يعبر عن الوضع المزري .. الله يكون بعونكم



طبعا هذيل قصتين تذكرتهم على السريع .. ولا أحط الوزارة براسي .. تره تروحون فيها :)


*
*




أخيراّ .. نتايج التصويت الأخير كانت واضحة جداّ .. ومايبيلها نقاش

بس اعجبوني الصريحين وقالو انجلش سكول

ولاتنسون التصويت اليديد :)

65 comments:

new one said...

السلام عليكم

أنا بعرف ليش مو عاجبكم الاستجواب؟؟؟
أمركم غريب !!

وين الديمقراطيه وحرية اختيار الهوايه؟؟

إحنا هني هواية نوابنا ومجلسنا الاستجواب

خلهم يمارسون هوايتهم بوقت فراغهم خل يتمتعون

حتى لو كانت وزارتنا من احسن وافضل وزارات العالم نوابنا راح يمارسون هوايتهم

وعن قرار فصل الجنسين بالروضه ..
أنا أتفق معاك.. خوفا على أجيال المستقبل :)

والله يعينكم يا طلبة كندا
غير الغربه ماكو فلوس؟؟

بس الواحد فيكم لا جا للكويت يقعد فيها مده طويله أكثر من مدة دراسته

الله يوفقكم ان شاء الله

تقبل مروري

على نفسها جنت براقش said...

اول شئ عسى الرحله مو متعبه

ثانى شئ

الولد هذا خربان من بيت اهله
المدرسه شكو؟؟؟

انا اظن ان الاهل لو تجابل عيالها شوى غير الاكل و الشرب و الملابس

و يهتمون بتربيتهم و تعليمهم مكارم الاخلاق

جان احنا بخير

اغلب عيال الديرة رباة خدم
للاسف

صاروا الاولاد من الكماليات
اذا ما يبون يجابولن ليش يكودونهم؟؟؟؟؟؟

و ثالث شئ

العلم مو مهم اهنى
والا عيال الديرة متغربين ليش اقصقص عليهم
ادللهم و اخليهم ايبون اعلى الشهادات
و تفكيرهم بالابداع الدراس
مو مصروف الشهر و شلون راح يكفى

و هذا الله يهديه
شفيه مو منظف مكانه؟؟؟؟؟؟
عفسه
جنها دار حارس

سورى قرقت وايد
:)

ولد الديرة said...

الحمد لله يوم صار عندنا دون جوان كويتي

مسكين هذا عمره خمس سنين

زين اذا صار عمره خمسطعش شلون راح يصير وضعه

المهم

طلبتنا بالخارج مدللين و لازم يصيرون زي الناس

يعني يعيشون زي الشعوب اللي عايشين عندها

بإستثناء مصر طبعا

تحياتي واشواقي وسلم على حمادة عنده مستقبل

~SHISH~ said...

i like ur blog...

:)

keep it up..

and yes ba6ni ya3awarni ..:)

esTeKaNa said...

حمدلله على سلامتك
ترا وحي الأفكار مزاجي
انا مرات اكتب مليونتعش بوست بشهر
كل يوم احس بكتب
ومرات ينقطع الوحي واحس بقحط فكري بعد
!!
انته خل الوحي على راحته
وهو بيي بروحه
:)
الله يعين اهل غزه يارب ويفرج عليكم
والله يبارك لنوريه تجديد الثقه




looooooool:)
ضحكني حماده
ترا الوضع طبيعي بين اليهال
بس المشكله اذا الياهل سمع كلمات مو كبره وقام يقولها عباله عادي
مضبطها؟
يعني تعبان عليها
وحلوة منقيها نقوة
شوف الولد منو سامع يا يوسف
الياهل ما يقول كلمه الا سامعها
انا ولد عمتي بالروضه ضحكني
اقوله شسم صديقاتك؟
قالي عيب عيب
شفيك يا وهابي؟
عيب اقولج عيب
ريال انا تقولين لي صديقاتك
!!
تحطمت فيه يوم قال جذي حبيته
لووووول
:))

موضوع البطن:
البطن مذكر
لاننا نقول هذا بطن
وليس هذه بطن
بناء على ذلك
نقول بطني يعورني
وليس تعورني
هذا التأسيس القانوني المنطقي لوجهه نظري
شكو القانوني مادري
بس بخاطير اقولها
:))

!!

mtfa2el said...

يخرب بيتك يويسف !!
ماكو مكان تحط ريلك من العفسة !!
ترى الشريع ما لعبها عدل ذبحنا بفيديو الترقص مال الجامعة و الإختلاط ..انت تدري لو حاط هالفيديو بمجلس الأمة؟؟
جان حتى ناصر المحمد طرح الثقة بنورية
الصبيح
.
.
و لا تقولي الفيديو مو مالك ابصم لك انه مالك..عرفتك من قوطي الكلينكس مال بيان!!

حياتي هدف مو عبث said...

أولاً .. الحمدلله على سلامتك

وماشاء الله الكل يعورني مو تعورني

أنا إنصدمت :/

وبالنسبه لوزارة التربيه إن شاء الله نشوف تغير إيجابي ومايكون بيع كلاام

أما التصويت اليديد أعتقد إنه جاي حليب .. لأن الأصل بالجاي وفوقه حليب
لأن الجاي يكون الأول .. مثلاً تبي تشرب جاي فتغير رايك وتحط حليب .. شكلي طولت السالفه .. بس الحين يبيله جباتي وجاي حليب

;p

حياتي هدف مو عبث said...
This comment has been removed by the author.
bo rashed said...

مساك الله بالخير يا خوي عندنا بالكويت الساعه
10
وانا بعد عندي شغله على وزارة التربيه
محد يدري عنها الا وهي الجرس الغريب اللي لي الحين مو راضين يغرونه
درننننننننننننننن
الله يهداه الشريع مادري ليش ماتكلم عنه انا لي الحين اتفزز بالليل والسبه هالجرس اللعين
:P
بس الفيديو حده عجيب بس صج بسألك
الملاس شنو مكانه من الاعراب والله لو طايحين عليكم بالمطار جان علوم
الله يعينكم ياخوي ويسمح ادروبكم انشالله
وكثر من هالسوالف الحلوه
مراسلكم في شارع البلوقات
بوراشد
:)
تحياتي

بو حامد said...

اول شي الحمدالله على السلامة

ثاني شي اهل غزة من الظالم ومن المظلوم ؟

انا اقول الله يكون بعون اهل فلسطين الي ضاعوا بالطوشه بين فتح وحماس

ثالث شي بالنسبه للتصويت اهو طبعا جاي حليب بتقولي ليش


في الغالب الجاي هو الاصل والحليب اهو الي يضاف قليلا

فالاكثر يقدم على الاقل :>


لكن في حاله وحده يقدم الحليب على الجاي اذا كان حليب مسوينه عالدوه فنظيف جاي شويه عشان اللون واهني نقول حليلب هم بعد بدون جاي لأن نسبه الجاي المضافه لا تذكر ;p~

5roofa said...

لوووووووووول شوف عاد انا اذا بتحجه بتربيه يبيلي يومين

بس حبيته يحليله تدري شنو يمكن اهو سامع ولا شي بس صدقني اهو مايدري شنو قاعد يقول ولا يتحجه الطفل بهالعمر يقلد و يسمع بس
يمكن سامع من التلفزيون يمكن من شباب او يمكن من ياهل بالروضه

تره صدقني اليهال الحين يعلمون بعض اكثر من ما احنا المدرسين نقدر لانه اليهال يسمع و يكتسب من طفل بنفس عمره اسرع من شخص كبير

شرايك فيني خروفه الدريع لووول

بس امبي الفيديو صج؟ سوري ما سمعت شنو الحجي الي في لانه سماعاتي للحين محترقين بس هذا صج طلبة جذي عايشين؟؟؟
ليش والله عورني قلبي؟
الحين الديره تقط بالهبل على مادري وين و دول و ارف و على عيال ديرتنا جذي مخليتهم يعيشوون؟؟؟

والله صج صج قهر

الله يصبركم و تتخرجون و تردون الديره بالسلامه يااارب

موفق خيووو

salamz dear...

Selezya said...

:((

ماااهذا يا قووم !!
انا بروحي حليب جاي !!
انتو علامكم كله كله تقلبون الحجي وتخربطون اي انتوو مو انا :p

--

عجبتني فكرة منع الاختلاط بالروضه هههههه يحليلهم لو نقترح هالاقتراح ترا اشكره معناته احنا مو صاحيين :)

وانا انشالله بس اخلص دراسه واصير ذيج المدرسة السنعه بتشوفون كل شي تعدل بالوزراة والكلام اللي بالمناهج كله انقلب ونشوف عاد حزتها احد يتكلم ويقول الكتاب كله بدليات :)) افصله
:p

Selezya said...

هههههههههه الفيديو عجيب

حالتكم كسيفه مزززريه شنوو هذا شلوون عايشين جذي حتى شقق الصعايده ماصاروا بهالحال
والله انا راعي هالشقه لو يتزوجني يقعد يحمد ربه مني لي 60 سنه جدام لانه كل هذاا راح ينلغيييييي من حياته

واذا كل هالعفسسسسه من معاشاتكم خلاص انا اول المطالبين انهم يدبلون المعاش 4 مرات واللي فيه خير يخلي شقته جذي بعد االزيادة :)

صقر قريش said...

أول شي الحمدلله على سلامتك وأقول حالتكم حدها كسيفة ولاشقق عزاب وانا اخوك الله يعينكم اما عن نورية اقول هي خربت الوزارة عدل هذي بيلها السعدون او مسلم البراك المهم واحد ملسون ينتفها بس الجرايد حدها تفخت فيها مادري على شنو انا اطالب بطرح الثقة بنورية وتعييني مكانها وزيرا للتربية بشرط ان تكون لدي حصانة ضد الإستجوابات وابشروا بالخير اما عن فصل الجنسين فبعد ماشفنا المغازلجي عفوا الولد الحلو الأمور وكلامه اطالب حتى بفصل الجنسين بالحضانة موبس بالروضة خوفك اذا ياني عبيد اول مايطلع من بطن امه يقولي يبه انا احب فلانة !! بهالزمن كل شي يصير :)

صقر قريش said...

وعلى التصويت جاي حليب بس انا لحليب احطه اول والجاي احطه عليه بس اسميه جاي حليب بس بصراحة كل ما أشوف خانة انجلش سكول اضحك من قلب بالتوفيق لك باذن الله يالكندي :)

`~MnO YeNSa! ~` said...

الحمدلله على سلامتك
و يا حلاته حمـــاده
لا عــــاد مو قصده توه بيبي ..
ترى حرام عليك

:)لوووووووووول ضحكنتي اسئلتك

سدرة العشـــاق said...

الحمدلله على السلامة
و عسى الله يردك بالسلامة إن شاء الله و معاك الشهادة الكبيرة

:)

الفيديو ماقدر اشوفه بالدوام ما يشتغل لي رجعت البيت اشوفه

:)

Q8i_Blogger said...

new one

اتصدقين الوحيده الي قدرتي اتغيرين رايي بالاستجواب
صح كلامج .. المفروض نحترم هواية نواب مجلسنا

بس سؤال .. اشدراج طلبة كندا قاعدين بالكويت اكثر من كندا :) ؟





على نفسها جنت براقش

بالنسبه للرحله .. ماكو شي اتعس من رحلاتنا الصراحه .. مليون ترانزيت .. واكثر من يوم بس بالطريج
الله يعين

واذا على الولد .. انا معاج
الأهل لهم دور كبير .. مفقود

بس هم والله الشارع والانفتاح بهل زمن يأثر وايد وايد بهل يهاال
يعني ما اعتقد هل ولد يدري شنو الكلام الي يقوله .. لكن سامعه من التلفزيون ولا غيره .. وقاعد يقلد !!

اما عن غرفة الحارس .. الفيديو مفبرك لا تحاتين :)

براقش شكلج اليوم معصبه مادري ليش :)





ولد الديرة

شوف حركات سلم ما سلم .. ندري اشتبي من الولد .. تبيه يضبطك بلي عنده .. انت بس قولي وانا اكلملك اياه :P

اما بالنسبه لطلبة الخارج .. ما فهمت قصدك الصراحه !!

يعني طلبة الكويت الي يدرسون بره مدللين برايك؟

يعطيك العافية يا ولد ديرتنا الحبيب :)

Q8i_Blogger said...

~SHISH~

thaaaanx

وسلامات على بطنج :P





esTeKaNa

الي يسمع ألحين وحي ووحي .. يقول انا قاعد أكتب رسالة ماجستير
بس مثل ماتقولين .. مزاجي اشوي هل وحي
وعجبني الرقم .. شكله صج كبير
مليونتعش :)

بالنسبة لليهال
صح كلامج .. بس القصد من عرضي للحوار
اشلون اسلوب اليهال صاير
يعني يوم كنت كبره اسمله علي شحليلي :)
ما اعرف هل سوالف
كنت تقريبا مثل وهابي :)

على طاري وهابي .. اهو على وزن
ارهابي يعني ؟

مره رايح انا واخوي الصغير مسيد ..
وبالخطبه الامام قام يقول

وينعتوننا بالوهابيه .. نعم انا وهابي اذا كانو يعتبرون حب الصحابة
وهابيه

اخوي الصغير .. اسمه عبد الوهاب .. هم كله وهابي ووهابي
حده استانس على الخبطه يومها
يقولي اشفيه الامام قال اسمي وايد .. ههههههههه

وخوش تحليل قانوني

وانا مادري اشفيني قرقت وايد :)

مشكوره على المروره يا استكانه





mtfa2el

هلا بالحبيب .. والله لو الشريع طالب استشارتي .. صدقني جان استفاد الصراحه
اهوو الخسران

.
هذي نقطتين عشانك
.

بعد جبدي الفيديو مفبرك .. ومالي شغل فيه انا
لا تقعد اتطلع علي حجي
اهم شي الكلنكس يعني دليل .. ههههههه

Q8i_Blogger said...

حياتي هدف مو عبث

الله يسلمج

لازم تراجعين حساباتج بالنسبه لألم البطن :)

وتحليلج جميل للتصويت اليديد
انا الصراحه اتفق معاج

ويعطيج العافيه على المتابعه الجميله






bo rashed

هلا بأحلى مراسل .. بو راشد الحبيب

والله يا اخوي نقطتك قويه .. وتسوى استجواب كامل الصراحة
الجرس يخرع
اتوقع مشاكل نص الديره .. وخصوصا ظهور الجنس الثالث والرابع وغيرهم من ارقام .. كلها بسبب ذلك الجرس اللعين
الذي يتسبب في تراكمات نفسيه في شخصيه الطفل البريء

اشرايك فيني وانا محلل قوي ؟
:)

اما قضيه الملاس
فخبري خبرك .. مادري ليش واصل كندا !!!





بو حامد

الله يسلمك اخوي

بالنسبة لأهل غزة .. الله يكون بعونهم .. ضاعو المساكين .. بين الظلم والمصالح السياسية
لا ندافع عن طرف ضد الآخر
لكن المطلوب الدعاء
وهذا للأسف أضعف الايمان

بالنسبه لآخر نقطه في تعليقك
اشهد انك يبتها ييب .. وصدتها صيد يا بو حامد
صج هذا الي في بالي

لأني انا دايم اشوف الحليب يضاف على الجاي .. مما يدل على تسميته بجاي حليب

بس في الفتره الحاليه .. فتره المخيمات والدووه .. اشوف الحاله الثانيه الي ذكرتها تتكرر وايد
واعتقد الاسم الثاني يركبله
الي اهو حليب جاي

فالشغل تعتمد .. ولو اني أفضل جاي حليب الصراحه

يعطيك العافيه على المتابعه :)

Q8i_Blogger said...

5roofa

والله يا خروفه .. انتي أخبر من اي احد بهل مجال .. لأنج تعايشينهم كل يوم
والسوالف الي اقراها عندج بالبلوق هم غريبه عجيبه
بس مثل ماتعرفين .. مو وايد مع اليهال انا .. فلما اكلم واحد بهل عمر ويقولي حجي مثل الحوار الي بالبوست .. استغرب وايد الصراحه
اكيد مايدري الولد شيقول
بس مثل ماقلتي المجتمع الي حوله اهو الي علمه هل سوالف
للأسف اعلامنا فاشل .. توعيه فاشله .. وازع ديني يكاد يكون مفقود
اكيد هذا الناتج
واكيد ماتقدرون انتو بس اتغيرون .. هذا الشي لازم ايي من العايله والمجتمع ككل

اما بالنسبه للفيديو .. فهذا فيديو مفبرك .. يعني مبالغين وايد
بس حلاته تسمعينه مع الصوت
بدون صوت مافيه نكهه

بس صج الله يعين كل الطلبه الي يدرسون بره .. لأنه من ملاحظتي البسيطه باحوال الي حواليني .. الوضع مو شي

والشي مثل ماقلتي .. يقهرررر

ومشكوره يا ابله على المتابعه الحلوه :)




Selezya

@@
من صجج زيليزيه .. بتصيرين ابله
لا بلاه انعفست لهجه عيالنا :P

كل شي بيقلبونه من اليوم ورايح
ههههه

لا ان شاء الله انشوفج ابله أد الدنيا

وتره نوريه الصبيح أول ايامها كانت ابله

يعني المقصد .. يمكن نشوف سيليزيه وزيره تربيه بالمستقبل :)

والشي الثاني
ليش وايد واثقه .. اذا اخذج راعي الشقه راح يتغير ويترتب
على الوضع الي بالشقة
اتوقع العكس الصراحه
شكلج حاطه لابتوبج على نفس الطاوله .. والحوسه زايده بعد
ههههه

واذا صج ادبلو المعاشات 4 مرات
على ضمانتي .. ماراح تشوفين شقة جذي مره ثانيه
لكن معاش يالله يكفي اول اسبوع من كل شهر .. مانلوم طلبتنا اذا هذا حالهم

ولا تقاطعين .. ابله .. وزيره :)

Q8i_Blogger said...

صقر قريش

روح يا صقر وانا معاك
انت بس زيد معاشات هل طلبة المساكين ونفذ خطة الفصل في الحضانات مالتك
وانا اضمنلك الجلوس على كرسي الوزاره إلا مالا نهايه :)

بس اشرايك نطالب بمستشفيات ولاده خاصه للذكور منفصله عن الاناث
علشان حالة مثل حالة عبيد الحبيب .. مايكشف على بنات خلق الله .. ويتحطم بوحده منهم .. وتعال انت يا صقر اخطبله وراكض وراااه :)

وبالنسبه للتصويت
اتوقع دامك تحط الحليب قبل
المفروض تقول حليب جاي
بس اشوه انك تقولها جاي حليب .. لأنه هذا اختياري الصراحه :)
اما بالنسبه للانجلش سكووول
فيني عقده منهم
مادري ليش الصراحه
اتييلي حكه لما اشوف واحد منهم يتكلم جدامي
هههههه
جان زين يتحملوني عاد .. ادري شايل عليهم وايد .. بس من حركاتهم البايخه
ولي عوده المفروض لمناقشه قضيتهم على يوم مزاجي فيه عال العال




`~MnO YeNSa! ~`

انا ادري انه مو قصده
بس انتي شوفي الاسلوب
الي يقول صج يعني
مال طراق .. والله حاله
خمس سنين .. يقول مضبط ولا تقول حق ابووي
ههههههه
عيل خمسطعش على قولة .. ولد الديره اشلون؟

والله يسلمج .. ومشكوره ماتقصرين





سدرة العشـــاق

الله يسلمج .. ومشكوره على الدعوه الحلوه
اما بالنسبة للفيديو
فمو لازم .. احسنلج لاتشوفينه :)

فتى الجبل said...

آنا من جيل الاختلاط بس تعلمنا ان البنت مثل اختنا نحترمها ونقدرها
اليوم ياخوي من كثر الكبت اللي يولد الانفجار ومن كثر ما حشوا راس الشباب والبنات بالجنس من كل صوب صار ماكو احترام كلش لا من البنت ولا من الولد
العيب فينا مو من الاختلاط ومن تربيتنا

حمودي said...

جاي حليب
---
ودام ان الناس احصروا العلاقه بين الرجل والنراه على انها علاقه جنسيه فقط فتوقع من حماده هالكلام

Eng_Q8 said...

الحمدلله على السلامه والله يوفقك

بالنسبه لنوريه انشالله اتعدل الوزاره لاني معاك ان التعليم فاشل عندنا بس نتأمل خير

وبالنسبه للطلاب الي يدرسون بره لازم يزيدونهم ... عاد قالوا بيزيدونهم ووقفوا بس انشالله شهر 2 يعطونكم خوش مبلغ

عادي انا كان عندي 3 صديقات بالروضه
:P
بس كنت مااعرف شنو تضبط وشنو حب
الله يرحم الطفوله البريئه

White Wings said...

فصل في الروضة
لا...أنا وأنت مو ربع أبداً
:)

Najmah said...

الحمدلله على السلااامة
:)
لووول والله اليهال هالزمن مو يهال ينخاف منهم =)
.
.
اتفق معاك ان شاء الله يتصلح الوضع
يارب
.
.
اما التصويتات خطييرة :))

ولد الديرة said...

اخ

ضربت على الوتر الحساس

اعترف

ابي حمادة يضبطني :P

بخصوص الطلبة

اخييك دارس برة يوم كان فيه مكاتيب
مو انترنت

الطالب الكويتي عينة طبعا من المجتمع

عاد شوف المنظم و المحترم و اللي يعرف شلون يكيف نفسه و اللي عكس ذلك تماما

اللللله

ذكرتني بايام عسى الله لا يردها :P

new one said...

بس ردا على سؤالك

رفيجتي تدرس بتورنتو


ولي رافيج اخوانهم بكندا في.....ولا مو لازم اقول وين

بعدين تنكشف شخصيتهم

لا بصراحه مادري وين

بس لما يكونون بالكويت حيل يطولون

خاصة بالصيف


الله يوفقكم ان شاء الله

فريج سعود said...

انا اطالب التربية بتوفير جنطة الماجلة هذي للطلاب على حساب الحكومة عدا التاوة الصراحة ما اشوف لها داعي

someone_q8 said...

السلام عليكم

الحمدالله على السلامة , والله يعينك على هالعيشة اللي ماتسر , لكن ان شاء الله كل هالتعب اللي اتحس فيه واللوية راح يروح بمجرد اخذك للشهادة عقبها تنسى شيء اسمه عفسة ولوية وراح هالشيء من الذكريات الجميلة
وبالنسبة لاهل غزة بصراحة الله يكون بعونهم ويسر معيشتهم انهم ما يستاهلون بغض النظر عن الحكومات سولء فتح ولا حماس هالشعب المسكين ماله شغل واهم اللي ماكلينها عسالله يفرج عليهم
شد حيلك ياخوي والكمبيوتر لاحق عليه لا تنسى انته الحين في جهاد بأنواعه سواء جهاد النفس او المال او العلم , لا تنسى ان الله سبحانه وياك بكل لحظة ويلعم ما تعانيه لكن عليك بالصبر


ادري انك مو ناسي هاللكلام لكن حبيت اذكرك موفق ياخوي وتوكل على الحي القيوم

5roofa said...

عشانك اليوم رحت و سويت السماعات و امبي سمعت بدعوو والله كسرو خاطري عاد صج لوول الله يهديها الام مو مخليه شي مو شاريته الله يخليها لوول

الله يعينكم خيوو يالله كل التعب يروح انشالله من تشوف الشهاده و يردك لنا بالسلامه ياارب

موفقه يارب

salamz dear...

Selezya said...

هههه انا اصلا اذا صرت وزيرة راح اغير المناهج وحتى الطباعه اللي بالكتب ماراح تصير من طابعه راح تصير بخطي اناا بيدي اكتب الكتاب وتعال عاد اقرى وحلها
neyahahaa :p
بعدين من قالك اني انا نفسه ؟
اصلا انا اعفس منه اهو ماشالله عليه مرتب شوي حاط يمه زباله وانا ماعندي لوووووووول
ويع
:p

Salah said...

الصراحة خوش بوست

أول شي الله يفرج عن غزة وأهل غزة

وثاني شي صدقت عن الاستجواب

وثالث شي حمادة الصراحة كووول

وضحكني لمه اخترع من أبوه

ورابع شي الفيديو كلب عجيب

والله يعينك على الغربة

تحياتي

حمد said...

بطني تعورني

لهجة اهل المطبة :)

والفرق في بعض الكلمات واضح مثل

شكَر

شكِر

:)

`~MnO YeNSa! ~` said...

مع التحديث :p انا ما شفت الفيديو و ما يطلعلي كلش ..

فانت برىء :)

Q8i_Blogger said...

فتى الجبل

اكيد مانلوم اليهال على الكلام الي يقولونه .. لأنهم فقط انعكاس لما يرونه حولهم

يعني تفكير الناس صار جذي .. بالتلفزيون جذي .. بالمدارس هم جذي !!

الاخوه الي عشتها يا اخوي يا نهاش تعتبر شي مفقود بهل زمن

الزمن تغير .. هذا شي لازم انعرفه







حمودي

مو بس الناس ياخوي .. كل شي حوالينا صار جنس
حتى التجاره فيها لعب من هل ناحيه
بكل مكان تشوف الترويج لهل علاقة
مو بس الناس ساهمت
العصر ساهم
اول ماكنا نشوف الي نشوفه الحين
فاكيد مانلوم اليهال على العقليه الي وصلولها

ولك واحد جاي حليب وصلحوووو :)








Eng_Q8

الله يسلمك اخوي

الله يوفق ام عادل .. ونشوف تقدم اشوي .. ملينا من مكانك قف !!

وخبرك مال الزياده .. حجي وكلام ناس
لا اكووو زياده ولا شي
والزياده بفبراير تشمل كل الكويت ماعدا الطلبه في الخارج

اما الزياده الي ناقشوها قبل فتره .. كانت عن الطلبة الدارسين على حسابهم الخاص .. مو عن المبتعثين من قبل الدولة

اتصدق عاد .. انا ما عرفت ولا وحده بالروضه .. من احنا صغار عندنا الي يكلم بنيه يعني اهو بنيه
معقدين .. ما استغلينا فرصه برائه الطفوله :P

ويعطيك العافيه

Q8i_Blogger said...

White Wings

ههههه
لييييش ؟

انا سامع اقتراح فصل في مستشفيات الولاده .. وانتي معترضه على هذي

اهو صج مو منطقيه السالفه .. بس هذا حماده مخطوووور .. لازم ينشال باقرب وقت

مو ناقصين ترقيم حتى بالروضه







Najmah

الله يسلمج

أكيد ينخاف منهم .. اهما واعمارهم ماوصلت العشر سنين جذي سوالفهم

اشلون اذا كبرووو

الله يستر







ولد الديرة

افا عليك .. اصيدها واهي طايره

بس اسمحلي .. انا متفق مع حماده .. اذا تبي تدش بالموضوع خلنا نتناقش على رواءه انا معاه .. ونردلك خبر بعدها

بس ليش تحبطني جذي
تقول الله لا يردها من ايام
هههههه
صج جمله معبره الصراحه :)

يعطيك العافيه

Q8i_Blogger said...

new one

اي لاتكشفين شخصياتهم .. بعدين تنكشفين معاهم
ههههه

وصاجه .. أحلى شي بكندا اجازتها

انا كل ماشافني واحد بالديره قالي .. انت متى تسافر؟

طول السنه بالكويت
بس والله من كثر ما احبها

تره حدي وطني انا :P







فريج سعود

والله اقتراحك ذهب يا الحبيب

بس انا اصر على التاوه

تنفع حق البرياني

البرياني وانا اخوك لازم على نار هاديه
اشرايك فيني ؟ :)







someone_q8

مشكور يا اخوي على الكلمات الحلوه وماتقصر على الحجي الذهب
وان شاء الله الله يسهل علينا ويعينا

وابشرك .. تره الفيديو مايوصف حالتي .. اهو بس حركه للضحك

احنا حالتنا ولله الحمد افضل .. وعايشين بخير .. بس شايلين هم هل دراسه .. وان شاء الله خير

شكرا مره أخرى على كلاماتك سواء لي او لإخوانا في غزه

يعطيك العافيه على المتابعه

Q8i_Blogger said...

5roofa

يالله زين .. مبروك على السماعات

كل شي صوب .. والكلينكس بصووووب

جنه الولد رايح افريقيا هههههه

مشكوره على الكلام الحلو .. والله يوفق الجميع

يعطيج العافيه ابله :)






Selezya

لا يامعوده .. اشهل قرارات
مانبي هوناااا

خلج ابله احسن .. تصيرين وزيره وتعفسينا ليش :)

وما اعتقد في واحد مبهذل اكثر من الي بهل فيديو
هذا يعتبر اسطوره اصلا :)

Q8i_Blogger said...

Salah

الله يعين الجميع .. تسلم يا اخوي

حماده عارف اللعبه كلها .. مادري منو معلمه .. وقايله تره الام ما اتخرع
اذا واحد قال ابوك .. لازم تخاف وتقول تكفه
ههههه

يعطيك العافيه اخوي








حمد

افااا

حمد الله يهداك حرقت علي التصويتات

كنت ناوي احط واحد عن سالفة الشكر هذي

بس هم راح تنحط عادي :)

يعطيك العافيه .. وصج يبتها صح بتحليلك .. صج خبره :)






`~MnO YeNSa! ~`

اي والله بريء .. بس محد مصدقني :)

والفيديو ماله داعي .. شي يبط الجبد بس :)

5roofa said...

وييي صج مو انته الي بالفلم؟

:/

قصدي احم كح كح لا انا كنت ادري انه مو انت بس كنت حابه اختبرك

لووول شكو بس ترقيع ها ترقع وضعي ولا لا
:P

walaw testahal kel 5er 5ayoo...

salamz...

Q8i_Blogger said...

5roofa

لوووووووول

ابله !!!؟؟؟؟

لو هذا وضعي .. ليش افضح روحي !؟ ههه

فشلتينا

اهو انا ماقول مرتب .. بس عاد مو مثل وضعهم بالفيديو :)

قتلج برييييييء :)

ومو خوش ترقيع
دوري شي ثاني :P

أنا إنسان said...

حملة...أخلاقنا...إسلامنا

إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله

..............

من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
ومن أراد المشاركة...فعليه أن يكتب اسم مدونته أو موقعه...أو حتي إيميله في خانة التعليق...وسنتابعكم بالصور والمقالات القادمة بإذن الله
والله تعالى هو ولي ذلك ومولاه
.............................
مجموعة أخلاقنا البريدية
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
أو
مدونة أنا إنسان
http://ana-insan.blogspot.com/
...........................
وقد تم نشر أول مقالة عن الخلق الأول

Anonymous said...

حمدا لله على سلامتك أخينا الكريم :)

( الفيديو !!! ماعبر @@ بصراحة .. .. بس كسروا خاطري :( مافي أحد ينظف لهم ؟ إنزين خل يبدون كلهم مع بعض ينظفون كإفتتاحية :) بعدين كل يوم على واحد بالدور .. وبجذي يخف الشغل ويترتب المكان .. وبعدين نبي فيديو التنظيف العالمي :) إلي راح يصير :) .. ) وأما عن التصويت الجديد أقول جاي حليب .. والتصويت القديم بطني يعورني
:)

بارك الله بكم

Q8i_Blogger said...

أنا إنسان

جزاكم الله خيراّ على الحملة

وبالتوفيق







killie thiqqa

الله يسلمج ماتقصرين

وراح انقلهم الاقتراحات ان شاء الله :)

معني ما اتوقع الكلام ينفع :)

واجاباتج على الأسئله كلها منطقيه .. يعني اتفق معاج الصراحه

ويعطيج العافيه على المتابعه الحلوه

vancouver said...

بطني يعورني
:)))))



الحمدلله عالسلامة يا ايها الرفيق
هههههه
رفيق الغربه

ههه


واااااااااااي يسلم قلبه حمادة
بثانية روضة وهذا حجيه
النززززززغة
حده يشوق
بالذمة ما عظيته على خدوده
لما قالك اضبطهم
ههههههه



تحلف عالمصحف انه مالك علاااقه بالفيديو
هاهاهاا

ezain_kilah said...

يوسف؟ والله إسمك حلو, شينادونك بالغربة؟ جوزيف؟

الله يعينك ويوفقك

بس حمادين هذا نكتة إسم الله عليه
or should i say ...
الله يستر عليه لوووووول

MaNaYeR said...

والله مادري شقولك بس انا معاك اوافقك تمااااااااما بالنسبه لوزارة التربيه واذا تبي الصحه هم اوافقك الرايي كل شي كل شي انا معاك


واذا انتو عايشين بره جذي وانا اقترح عليكم تجيبون صبي عندكم وتقاططو معاشه
لان حرام تعيشون جذي وباء الله يعينكم

بعثرة مشاعر said...

اليهال يخرعون والله
:)

بعد حتى الجاي حليب فيها اختلاف !!
حليب جاي جنه هندي يتكلم

bo rashed said...

هههههههههههههه
مادري ليش لما قريت التحديث ياخوي العزيز تذكرت المقوله المشهوره

يكاد المريب يقول خذوني

:P
الا على الطاري شخبار الصفه اللي عندك يا خوي لي الحين محد اشرلك بالجيكر والميكر
;)

حمودي said...

سؤال
ليش امه دازتله إحرام ومشخال بكندا ؟

Selezya said...

لوووووووول اهم شي اهم شي ان بعثره مشاعر تقول هندي اللي يقول حليب جاي
لووول
افا بس افاا
:( مابي مابي حليب جاي مالي شغل
انتو ليش جذي كله ضدي :((
ماحبكم خلاص بوقف تدوين

Q8i_Blogger said...

vancouver

الله يسلمج
شفتي اشلون ردينا لها للأسف :)

اما حماده .. فابشرج عصقووول من طقه ولدج الله يخليه .. ماعنده خدود
بس ينفعون حق اطراقات

والفيديو
قلنا مالي علااااااااقة فيه
وين المصحف وينه ؟؟؟
:)

تحيه لبلاد الغرب :)






ezain_kilah

اكيد حلووو .. ماتدرين أقوى اسم هذا .. ماكو أحلى منه الصراحه
ودام ماكو احسن منه ولا احلى
اخلي الكل يناديني فيه .. لا جوزيف ولا بطيخ
:P

وحماده مثل ماقلتي
الله يستر عليه

يعطيج العافيه وماتقصرين
وحمدلله على سلامتج :)






MaNaYeR

والله خلج دايم معاي .. احسن شي .. صدقيني ماتتحسفين :P

واذا على الصبي .. بهل دول ماعندهم هل سوالف .. مو رايحين الاردن ولا مصر احنا
كل شي له قانون
مافي شي اسمه صبي .. لو يصيدون حاطين صبي عادي يحاكمونه وننسجن

الله يعز الكويت

ويعطيج العافيه على المرور يا مناير

Q8i_Blogger said...

بعثرة مشاعر

اي يهال هل جم يوم غير
مافي شي عندهم اسمه برائه الطفوله

وعلى قولتج
صج حليب جاي

هندي :P






bo rashed

هههههه

حبيب يا بو راشد .. لا مريب ولا هم يحزنوووون
انا ماقول انا مرتب .. لكن ماوصلت للمرحله الموجوده بالفيديو
موووو اناااااا :)

الكل شاك فيني معني برييييء

ويا اخي ودي اطلع باون .. بس الي معاي مافيهم خير
ابي واحد يحك خشمه .. يحك شعره .. يغمز
وين الجيكر والميكر ؟؟؟؟؟؟
:P






حمودي

هذا سؤال قوي وايد
يبيله بوستين
ومحلل نفساني .. ويمكن اقتصادي بنف الوقت :)





Selezya

اتصدقين توه واحد من الشباب يقولي اشهل الاستفتاء الي حاطه
وحده معصب
يقولي اشهل سخافه
انا مستغرب .. اشفيه هذا
@@

آخر شي دريت اهو يقول حليب جاي
وزعلان على النتايج
هههههه

لقينا ثاني يقولها غيرج

مبروووووووووك :P

AnGlOpHiL said...

المفروض ان الطلبةهناك يسكنونهم بفندق 5 نجوم :p

جاي حليب

magnoonah said...

بالنسبه لاهل غزه
اللهم انصرهم على الظالمين واعنهم يا رب العالمين

اللهم امين


حمدلله على السلامه اكيد الحين وصلت صومعتك الكنديه
ولا صاج مبين وايد انه الفيديو مو شقتك وايد مبين

ظالمينك والله


اما حماده شي والله
ولا بثقه مضبطها ما يبي ياخذك معاه لما يخطبها بعد

بس سالفة تكفه قووووووووووووويه

يحليلهم يهالنا
انت طافك مشمش ولدنا كان عمره 3 سنوات وعليه عليه هو مستحي من البنت وايي يركض يلمني من الحيا

من الصدمه اقول بقلبي الله يستر من يهال هالوقت جان الولد مستحي والبنت عينها قويه


وتعيش وتشوف

magnoonah said...

ابيه نسيت

ترى بطني يعورني
لانه البطن مفرد والاسم مذكر
وجاي حليب
لانه الجاي هو الاكثر والحليب شي مضاف

اتوقع هذا السبب

Anonymous said...

الكلبز تصوير ايام الامتحانات؟ فصلات عجيبة;P

الخيلاء said...

يعورني يكسب :)


اما الاستفتاء اليديد تروالي اجابه وحده .. ماسمعت الاجابه الثانيه بس ننطر و اتشوف :)


اما هالعاشق الصغير .. الله يخليه الاهله .. جيل بايز :p


الغربه قشره .. الله يخلصكم على خير .. و ترفعون راس اهلكم :)

Q8i_Blogger said...

AnGlOpHiL

المفرووض والله
يا اخي تستاهل وزارة على التفكير الراقي الصراحه :)

تحياتي انجلوووو





magnoonah

هلا هلا بمجنونتنا

منوره :)

اول شي .. بالنسبة للفيديو
مادري ليش الكل شاااك فيني

مالييييييي شغلللل والله مو شقتي :)

او بالنسبة لقصه مشمش .. اصلا طول عمرنا الاولاد حياويين ومساكين
كل شي من ورااا البنات

بس هذا مشمش كلش مو صوب صاحبي حماده

واتفق معاج الصراحه بالتصويتات

ويالله روحي كتبي بوست بسرعه
ناطرين :P

يعطيج العافيه :)

Q8i_Blogger said...

Anonymous

مو الابداع الكويتي مايطلع إلا وقت الامتحانات :)

تحياتي




الخيلاء

باااايز أوييي :)

واذا قتلي يعورني .. يعني قلتي جاي حليب
لأنه هذي اهي الاجابات الطبيعيه :)

ومشكوره على الدعوه الحلوه

يعطيج الف عافيه

Fahad Al Askr said...

شقد بايخ الفيديو

عسى أنت مو فيه

نفسي عزيزه said...

الشقه هذه أكيد بكندا و لا بجليب شيوخ؟

Q80 Blogger said...

Fahad Al Askr

لأه .. مليش دعوه







نفسي عزيزه

بنيد القار الله يسلمج :)