من هذا المنبر ومن عتبات هذي المدونة .. اشجب واستنكر بشدة خسارة منتخبنا الوطني المعظم من منتخب ساحل العاج
ليش بس 2-0 ؟
وأيضا اشجب وبشدة اكبر من الشدة الاولى .. زيارة مستر بوش لبلدنا الحبيب
ليش بس يوم واحد ؟
مباراة ساحل العاج
وقتها فاشل .. تنظيمها فاشل .. حضور فاشل .. رعاية فاشلة .. ملعب فاشل .. ماكو شي مو فاشل
هذي هي الكلمات التي تصف مباراة الأمس
يعني الجو بارد .. منو راح يحضر غير الشباب؟ .. وحاطينها وقت امتحانات .. سواء الثانويه ولا المعاهد والجامعات
تنظيم ؟؟
شنو يعني تنظيم؟
رعاية .. شوفو الصوره وتعرفون شنو رعاية
ماكو بشت مو موجود بالملعب .. احس لاعبين ساحل العاج يقولون .. اشيبون هذول بالضبط ؟
ملعب ؟
شوفو الشاشة بس .. من الستينات .. نفسها
ليش ؟
هذا هدف دروجبا .. تصويري
وأيضا اشجب وبشدة اكبر من الشدة الاولى .. زيارة مستر بوش لبلدنا الحبيب
ليش بس يوم واحد ؟
واعلن هنا عن قراري العظيم .. بمغادرة الديره حتى يتم تنفيذ مطالبي
ومطالبي يتوسع المجال لذكرها .. فاتركها لبوست وحيد في القريب العاجل
ومطالبي يتوسع المجال لذكرها .. فاتركها لبوست وحيد في القريب العاجل
*
*
*
مباراة ساحل العاج
وقتها فاشل .. تنظيمها فاشل .. حضور فاشل .. رعاية فاشلة .. ملعب فاشل .. ماكو شي مو فاشل
هذي هي الكلمات التي تصف مباراة الأمس
يعني الجو بارد .. منو راح يحضر غير الشباب؟ .. وحاطينها وقت امتحانات .. سواء الثانويه ولا المعاهد والجامعات
تنظيم ؟؟
شنو يعني تنظيم؟
رعاية .. شوفو الصوره وتعرفون شنو رعاية
ماكو بشت مو موجود بالملعب .. احس لاعبين ساحل العاج يقولون .. اشيبون هذول بالضبط ؟
ملعب ؟
شوفو الشاشة بس .. من الستينات .. نفسها
ليش ؟
لاحظو ماكو جمهور موليه .. لا والتذاكر على سبعه واربعه !!
هذا هدف دروجبا .. تصويري
*
*
بس تدرون شنو الي يبط جبدي بقرار السفر الي اتخذته؟
بسافر بإتجاه القطب الشمالي المتجمد
ومناك للأسف ماكو
شاليه
*
بس تدرون شنو الي يبط جبدي بقرار السفر الي اتخذته؟
بسافر بإتجاه القطب الشمالي المتجمد
ومناك للأسف ماكو
شاليه
بين نارين
كباب بنيد القار
شارع المطاعم
فطاير وبطاط وعوار قلب
راح أشتاقلج يا الكويت
متى يعتاد الإنسان على الغربة؟
مشكلتنا أننا في سفرنا نختلف عن بقية العالم
فنحن نودع جنة .. رغم كل ما بها من عيوب .. تبقى جنة
متى يعتاد الإنسان على الغربة؟
مشكلتنا أننا في سفرنا نختلف عن بقية العالم
فنحن نودع جنة .. رغم كل ما بها من عيوب .. تبقى جنة
78 comments:
السلام عليكم
تروح واترد بالسلامة ولا تحاتي هالاكل اذا تبي قولي اطرشه لك بالدي اتش ال :))
وبالنسبة للمنتخب انا رايي ان عندك سالفة رايح حق المباراة لان الطعن بالميت حرام ,
وانت تروح عشان اتحر قلبك ؟؟؟
خلها على الله اهيه واقفة على الكرة ؟؟؟ :)
بالسلامة اخوي واي شيء انا حاظر بس ها مو اتكثر الجيلة :)))
ترجع بالسلامة ان شاءالله
تروح و ترجع بالسلامة إن شاء الله
شد حيلك و ييب الشهادة و ذيج الساعة صج بتفرح لأنك رديت و الشهادة بيدك تونس أمنا
أول ما رحت كنت كله ابجي و ضايق خلقي احساس الغربة يذبح بس جريب التخرج هم ضاق خلقي أحسها صج ديرتي الثانية و بفارقها عشت فيها 6 سنين و من أحلى أيام عمري... الحمدلله
الفال لك يارب
:)
بالسلامه وحافظك الرحمن
قبل لا تسافر لا تنسى اهلك واصحابك سلم عليهم علشان تسمع دعاهم لك بالسلامه
شداخه
مباراة !! والكويت
طبعاً صفر :) ما يبيله تفكير
أكرهه شي عندي كرة القدم
دايماً أضحك شلون كلهم يلحقون الكره :P
وتروح وترد بالسلاامه إن شاء الله
موفق :)
تروح وترجع بالسلامة ان شاء الله
اكره احساس الغربة
كل مااتذكر السنين اللي عشتها بره الكويت قلبي يعورني
على كثر الذكريات الحلوة اللي هناك
الا ان ديرتي غييير غييير
ربي يوفقك ويسهل عليك :)
من غييييييير شر
!!
واي اقرا البوست واتحسر على الكويت
وقاعده اقول بنهايه البوست بقولك
مهما فيها من عيوب تبقى ديرتنا
تروح وترد بالسلامة الله يحفظك يارب ويبلغنا فيك يارب وبنجاحك
:)
صسدقت .. فنحن نودع جنه رغم كل مافيها فهي جنه ..
لازياده على ماقلت ..
بس هم ماعندهم
حدس
طبطبائي وشلته
ماعندهم واسطات
ماعندهم شوارع مكسره
((:
والقائمه طويله
آنا كرة قدم بالكويت نسيتها من زمان لأنها تعل القلب وتييب تصلب الشرايين
شوف دوري انكلترا واسبانيا وايطاليا وأبطال أوروبا والأمم الأوروبية وكاس العالم وبس والباجي كله خس
شلون تسافر وتهد الكباب
والله انا اكره الغربة ما ادري شلون انت بتتحملها
أخينا الكريم بارك الله بك
( مافي جمهور !!! ولا أنا وقتها كنت أقول خنطلع من حولي ألحين بتصك زحمة الجمهور !! )
أخينا الكريم .. نسأل الله أن يوفقكم إلى ما يحب ويرضى .. ( على السفرة أرض الله واسعة بحفظ الرحمن ورعايته ووترد لأهلك سالم غانم :) )
توصل بالسلامه يارب
انا حتى ساحل العاج مادري شلون رضوو يتبارون ويانا :)
بعدين شفيها الكيبورد :) الكيبورد انباقت صح
مو انباق
اهم شي لا تكفخني فيها بس
سلالام :))))
استفتاء بيني وبينك
جاي حليب
ولا
حليب جاي
تروح وترجع بالسلامة
بس ليش مصور قول دروغبا ومو مصور الاعادة ؟ :)
( ماعندي شغل )
:)
الي يعور القلب ان وايد شباب يموتون على الكرة لكن وضعها بالكويت
سيء جداً، و مثل ما قال فتى الجبل تييب تصلب الشرايين ! :(
الله يوفقك و يوفق كل مغترب عن ديرته و اسمحلي بس هذا كباب راح تفقده ؟ لالالالالالالا
:D
الكويت و الله ماكو مثلها بالعالم كله ! السلبيات لو تكلمنا عنها ماراح نخلص و بتخلص طاقتنا !
اهم شي استفتاء بطني يعورني! عجبني :D
و حلو سؤال جاي حليب و حليب جاي !
بالهناء والشفاء
أول مرة دخلت للبوست لم تظهر لي صور الأكل كلها :( لكن للتو أرى .. الوجبة ( ذكرتني بوجبتي إلي أحب أطلبها من مطاعم سريعة مثل إلي بشارع المطاعم ( الطلياني ) ووجبة ستيك بعد .. لالا بس مو كلهم مرة وحدة :) .. ) دمتم بحفظ الله ورعايته
ههههه احلى شيء
ساحل العاجل
العاجلللل
هههه
مرتين مو مرة وحدة
كل هذا من الغلقة اللي تسبق السفرة
لا وحاط صور الكنافة
والكباب
عشان اول ماتوصل
هني
وتفتح البلوغ
تزداااد الكابة
:(
الله يعينك ويعين كل المتغربين
درب مشيته
ولابد بيخلص بيوم من الايام
اصبرررررر
هانت ان شاءالله
على فكرة اذا كنت قريب تورنتو
ترى فيه مطعم عجيييييييب صاحبه لبناني ويايب كل الشغيله من الامارات
عندهم كباب وكل المشاوي والعصاير والكنافات بانواعها
وكل انواع الفطاير
والسلطات مثل التبوله والفتوش
ووايد نظيف وراقي
يشبه كبابجي بس اكبر
اسمه
باراماونت
في ميسيساغا
اسال عليه
بس اهم شيء
ما تبجي عالكباب
وانا اخيتك
هههههه
someone_q8
وعليكم السلام اخوي
اكل ودي اش ال ..والله مدعني الصراحه .. اشهد انك طيب
ويقولك مايرد الكريم غير اللئيم
يوصلك طلبي التفصيلي عن قريب ان شاء الله
ولا تطول علينا طال عمرك :)
اما عن المنتخب
قلت اروح اسلم على منتخبنا قبل لا اسافر .. ونضحك اشوي
بس صراحه تحسفت على الفلوس الي قطيتها
لو شاريلي فيها كنافه مو احسن !؟
يسلمك اخوي وماقصرت
BoHSaiN
الله يسلمك اخوي .. تسلم
سدرة العشـــاق
آمين يارب .. مشكوره وماقصرتي
وانا اقول صج صج انجاز الي يخلص دراسته بره .. لأني مارفت قيمتها وصعوبتها إلا بعد ما جربتها
عفارم عليج
وان شاء الله إلا الأمام
شداخه
الله يسلمج .. ومشكوره على النصيحة :)
حياتي هدف مو عبث
ههههههه
الله يهداج كسرتي بالعالم كله
أكثر رياضيه شعبيه بالعالم
وانتي تقولين يلحقون كره :)
ههههه
والمفروض صراحه مستشيرج قبل لا اروح المباراه
لأنه رايج صح .. الكويت لازم صفر .. كنت قاص على روحي انا .. قلت يمكن هل مره شي غير
أجمعين يا رب العالمين
Najmah
الله يسلمج .. ومشكوره على الكلام الحلو
مشكلتنا غير عن باجي سكان العالم .. يعني الطلبه الي عندنا اغلبهم اييون لدوله اجمل من دولتهم
واحنا مشكلتنا ماكو احلى وافضل من ديرتنا !!!
فدايم قلبنا بالكويت
الله يعين
وموفقه ان شاء الله
esTeKaNa
الله يسلمج .. مشكوره على الدعاء الحلو
يعطيج العافيه
او ماتبقى ديرتنا .. صدقيني تبقى جنتنا واحلى ارض
والي مو فاهم شعوري .. خل يطق تذكرته وايي عندي .. يعيشله جم شهر وبعدين يعرف الفرق
شكرا .. وبالتوفيق يا رب :)
فنر
اي والله جنه .. هذي الكويت عين السيح :)
يعقووبوو
كلها على بعضها حلوه .. وصدقني في بلاوي بكل ديره
بس كل الي قلتهم يعطون نكه بالكويت
ما اتوقع اعيش بالكويت من دونهم :)
شكرا
فتى الجبل
مو هذي المشكله .. نتابع كل هذا
وديرتنا فاشله ولا نقدر نتابع مبارياتها
شي يقهر
فريج سعود
والله يا خوي مو اول سنه ولا ثاني .. المفروض تعودنا
لكن المشكلة انه الانسان مايقدر يتعود على الغربه
شي صعب على النفس
ولا تييب طاري الكباب رجائا
تره يوعان .. وماكو كباب ههههه
killie thiqqa
الله يسلمج .. شكرا على الكلام والدعاء الجميلين
وصراحه شي ممتاز انج كنتي تدرين عن المباراه .. لأنه وايد مايدرون عنها بالأساس
Selezya
على رايج .. احنا وين وساحل العاج وين
يبيلنا سيريلانكا والفلبين .. لا ولازم معسكر وتدريبات .. بعدين يمكن انييب قول
اما بالنسبه للكيبرود .. انتي الصراحه يبيلج مدونه كامله بس استفتائات .. يمكن بعد كل تصويت تقتنعين .. يمكن
لأني ولا عمري شفت احد يخاطب الكيبورد كأنثى غيرج :)
بس تره هذا نوع من التميز
يمكن لج مستقبل مبهر ان شاء الله
:)
والتصويت الياي ان شاء الله راح يكون عن جاي حليب
اعجبتني الفكره :)
بعد اذنج يعني .. ناخذ افكارج
حمد
الله يسلمك
انا كنت ناوي اصور الاعاده .. بس ميموري التلفون ما كفى
حده قول واحد بس :)
Biznscheya
الله يسلمج ويوفقج بعد ان شاء الله
افا عليج .. لا تذوقين الكباب هذا .. طعم ولا بالاحلام .. مايتحصل غير بالجنه .. اي اهي الكويت طبعا :)
اما بالنسبة للإستفتاء .. فصراحه .. عجبني جتى انا سؤال جاي حليب
المره اليايه اهو :)
killie thiqqa
ههههه
طلعتي خبره والله
خوش وجبات
بس تصدقين ارفعو اسعارهم .. قبل على دينار الي بشارع المطاعم
الحين صارو دينار وربع
وكل ماله ويزيدون .. ما ادري على شنو
لكن هم يظل شي نفقده صج واحنا بالغرف
شكرا
vancouver
والله توني انتبه تصدقين
شنو عاجل
تأثير التأجيل .. كل ماوصل وقت السفر .. أجلت جم يوم
لين قمت حتى حجي ما اثبت شقول
وتصدقين تحسفت على الصور الي حاطهم
اول ماوصلت اهني وبطلت البلوق نفس مالقلتي .. كآبه
ههه
اما على المطعم
فللأسف احنا مالنا شغل بذاك الصوب
احنا عكسكم تماما .. ايست سايد
بس هم زين قلتيلي .. لي زياراة دايم لتورينتو .. هل مره نجربه
ومشكوره ويعطيج الف عافيه
إهداء :)
___________
بلادكم حلوة حلوة ..
بس الوطن ماله مثيل ..
لو إنا سافرنا الشوق رجعنا ..
حب الوطن غالي والعيشة في جنة
:)
اتروح واتيي بالسلامة
\صاج يا اخوي ابهالديرة احلى ما فيها الاكل
اي منتخب ويع
اصلا مذيع الوطن مقابل اللاعب الرئيسي حق الفيلة يسأله هالفاشل منو برايك يفوز فر يقنا الكويت واللا انتو
ضحك اللاعب الخال ضحكة استهزاء مريعة وجاوب اكيد احنا
والمذيع يداحره انا متاكد انه الكويت بتفوز
ايش هالمسخرة
انا وماافهم بالرياضة جاوبت اكيد اهمه
اش هالسخافة
اصلا ماضيعت وقتي اطالع
اهما العالم مايدرووون ابهاعلامة النادر العجيري اذا قال صقيع سمعو كلامه تراه صقيع
شوفو الرزنامة مرة ثانية وضبطو مواعيد مبارياتكم
بطني يعورني
وباصرار
Hi
A beautiful place here!
Excellent post! Nice photos and good food!
Thank you.
have a good day
هلا بالصديق الغائب
الي صاير له سنه مو مارني
المهم
من صجك اتابع مباراة اصلا لاعبينا يفشلون وما يبردون القلب انا العب احسن منهم
وتروح وترد بالسلامه يالغالي ومو اطول بااااااااي
اولا تروح وترد بالسلامه
ثانيا المستفيد الوحيد من ساحل العاج هو فواز الحساوي اللي يبي يصير نسخه مكرره من مرزوق الغانم
وطبعا دروجبا اللي يبي يبدع ويعجب انشلوتي او ريكارد
:p
والتصويت الياي ان شاء الله راح يكون عن جاي حليب
اعجبتني الفكره :)
------
يعني اشكره انته تقول جاي حليب
ليش مو حليب جاي؟ انا من عمري ماتعودت الا حليب جاي وكل ماقلت ابي حليب جاي جدام اححد قعدوا يضحكون يه @@
زين بعرف شالفرق اصلا ::)))))
乂♥Not.ViRGo♥乂
ليش هل اهداء .. تحريني يعني؟
وصج
بلادهم حلوه... بس الكويت مالها مثيل
joy
اولا الله يسلمج
ثانيا صارلي ساعه اقول .. اشياب طاري البطن بموضوع المباراه
آخر شي جان أتذكر التصويت الي حاطه
ههههههههه
صح صح
يعورني .. انا معاج
واذا على المباراة .. صج مضيعه وقت .. تحسفت رايح .. لا وعلى آخر يوم .. اليوم الي وراه سافرت .. يعني صج ماعندي سالفه
والمذيع المفروض يسأل جم فيل راح اييب قوول ؟ مو منو الي راح يفوز
ويعطيج العافيه
david santos
Thanks alot my friend :)
صبا
الله يسلمج .. مشكوره
ادري ادري مقصر .. بس منو يعوف مدونتج .. والبوستات المتروسه مشاعر .. وعني دايم ودي احس بجانب التفائل والسعاده .. يعني قليلي حزن اشوي :)
وانا صراحه معاج .. لاعبين يفشلون
بس دام تلعبين احسن منهم .. عندج فريق؟
اتبارون :)
يعطيج العافيه
العرزاله
الله يسلمك يا الحبيب
ثانيا .. نص الي ماسكين رياضتنا للأسف يبون مناصب وغيره على مصلحه الرياضه
منو فيهم ماوده يصير مرزوق؟
وانا اتفق معاك
عادي باجر الحساوي يصير سياسي محنك
اما بالنسبة لدروجبا .. فاهو قط نغزة قويه امس
يقول ودي العب بالقرب من ايتو
ههههههه
بس ما اعتقد ريكارد يبيه
بعد هنري الباجي بحر
Selezya
ههههههههههههههههه
ليش مستعيله انزين ؟
التصويت ياي بالطريج
وبعدين اتعرفين الفرق
وماني قايل انا شقول .. احتفظ بالاجابه لين وقت التصويت :)
بس مادري ليش انتي كله عكس العالم !!
آل كيبوردي انباقت آل
:)
بطني يعورني
شسوي ماكو احد مثلي مخليه الحلا كله لي
:p
6aaaaaal
ماعرف شالفرق لو اعرف جان تعدلت وتسنعت وقمت اقول الصح ماعدا سالفة الكيبورد عاد هذي ماني مغيرتها حتى لو غلط
(a)
حمودي
سلامتك يبه
تعليقي مادري وين راح :(
التصويت على بطني تعورني
3
أنا صوت منهم
معقووله !!!!!
أنا من عالم ثاني
ربما
:p
تروح وترجع بسلامه
وعقبال تخرجك انشالله
وترتاح
موفق خير
الله يسمح دربك .. و يسهل عليك و على كل متغرب و اولهم اخوي غربتكم و تردون لنا بالسلامه :)
و المباراه من قلب فاشله .. و الجو خون فيهم مساكين
الله يهداك
احد يروح مباراة المنتخب ؟؟ ..لو يعطوني عدالي ما اروح
و شد حيلك يا كابتن عاوزين نشوفك آآآد الدنيا
يرجعك ربي بالسلامه
بطني يعورني لان بطني مذكر وليس مؤنث ما يصير تقول بطني تعورني
وتخلط المذكر بالمؤنث
شداخه ايميل
الله يهداك متعب روحك ورايح على مباراة معروف منو الفايز ومنو الخاسر؟ تكدر نفسك قبل ماتسافر عموما تروح وترجع بالسلامة والله يوفقك يارب وانا بلحقك بالغربة بعد لأن الظروف بتوديني لأم الدنيا اذا الله راد بالتوفيق
اتروح واترد بالسلامه
راجع بالسلامة انشالله .. تروح وترد وما تلقى احلى من الكويت :)
الله يكون في العون تعمل تسوي كنافة
و
كباب
وبالتوفيق اخي الكريم
اشتقنا حق مواضيعك الحلوة
وينها؟
تروح و ترد بالسلامه
رااح نشتاقلك بس بتشبك من هناك صح؟؟؟
و امبي شارع المطاعم ما تشوف انه كله لمه يحطون الصمونه بالصندوق لي فتحتها كل شي سايح على الكجب و الميونيز لوول
بالعافيه عليج و تردلنا بالسلامه و موفق بالدراسه يارب
salamz dear friend..
أضحك الله سنكم :)
( زيـــين عيل إحنة أشوة على دينار إهني يمنا كانت 750 فلس وتوة ألحين صارت بدينار :) يمكن إسمعوك .. )
ونسأل الله أن يبارك بكم وفي ما تقدمون
الله يحفظك اخوي وترد بالسلامه ان شاء الله ويسهل دربك
الله يهديك للحين تشجع المنتخب أحنا صارلنا 5 سنوات أذا لعب المنتخب نشجع الحكم... تجاوزآ للأحباط خلك مثلنا
سوف ترتاح كثيرآ
فمان الله وبالسلامه
نتيجة المباراة مو سيئة
بالأحرى عادلة جدا
نصف حياتي غربة
بالسفر ما اشتاق حق شيء كثر الفطاير
نبي مركز معالجة مدمني الفطاير وترأسه
joy
والرئاسة الفخرية حق حليمة بولند
كل الشكر
رسالة للأخ فواز الحساوي
اخيي
تقفه
فلوسك
ما سوت عليه هالبوش زيارته حق الكويت
حبي ركز معاي، أنا عازمه على قعدة، قال يبي يمر، وسع صدره وخلصنا جم موضوع متعلق
خلصنا
:S
حتى انت؟
ترا ضيعتوني :((
حياتي هدف مو عبث
التعليق راح الموضوع الي قبله للأسف :)
اما بالنسبه للتصويت
شوفي النتائج وراح صج تتأكدين انج في علم آخر :)
أبو شملان
آمين .. مشكووور يا بو شملان
ويعطيك العافيه :)
الخيلاء
مشكوره ماتقصرين على الدعاء
والجو كان ممتاز بالنسبه لي .. فهو تحضير لجونا اهني :)
mtfa2el
ان شاء الله .. ماتقصر
شنسوي .. محد يعزم .. ؟
بعض الناس كل يوم عندهم لعب ومايقولون :)
نروح نتابع المنتخب
يمكن ينقصهم لاعب وننزل الفيييييييلد :)
شداخه
الله يسلمج
دايم عندج أقوى التحاليل بالنسبه للتصويت :)
صقر قريش
ام الدنيااا .. يا عيني
تدري كل الشباب اهني نهايتهم تكون ام الدنيا .. صج صج ام الكل
كل واحد مايكلم راح اهناك .. اسرع شي
اما بالنسبه للمباراه .. فانا اقولك السر
انا بيني وبينك رايح أشجع دروجبا
مو صاحبك يشجع تشلسي .. بس لاتقول حق احد .. تره مدربه يهودي مو ناقص اتهامات :)
وبالتوفيق بغربتك .. وكلنا عايشينها هل غربه .. اليوم ولا باجر
تروح و ترجع بالسلامه ..
تحياتي
Eng_Q8
يسلمك مهندس :)
الحارث بن همّام
وانت الصاج .. مافي أحلى من ديرتنا :)
Talal
جربنا نسوي كنافة .. لاتشوف الفشل الي صار .. حسافه ماصورتها
بس همممم كليييناها
الله يعين
ويعطيك العافيه
فتى الجبل
والله ماكو .. مادري اشفيني الصراحه
ماكو افكار
مادري ماكو مزاج
لا تسألني :)
بس ان شاء الله رادين لاتحاتي :)
5roofa
الله يسلمج
انا ماودي اشبك .. بس خلاص .. صرت مدمن مدونتج .. لازم نشبك :P
بس ابله !! .. شكلج خبره بشارع المطاعم .. على وصف الوجبه الي قلتي عنها :)
يعطيج العافيه
killie thiqqa
كل شي زاد سعره .. عادي تعودي
يعطيج العافيه :)
هـــدب
الله يسلمج .. مشكوره ماتقصرين
هذيان
فمان الكريم .. الله يسلمج
بس .. خوش فكره .. من اليوم ورايح حسبيني معاكم .. أعلام سووود .. ونشجع الحكم :)
ولد الديرة
لا بس صاحبك مشكله
مو بس مدمن فطاير
مدمن كل شي من الكويت
اتصدق لو شنو مطاعم أروح وأرد
ليلحين أشتاق حق كفتيريا الجمعيه :)
واذا على جمعيه معالجه الإدمان .. ما اعتقد تنفع معاي كلش .. بس راح أكون واحد من المؤيدين :)
Fahad Al Askr
هلا حبييي ... بعد جبدي .. انت ركز معاي
لو انك عازمني جان ماقلت كل الي قلته
فإكلها عاد .. انت وصابحك
:P
Selezya
مو بكيفج
هذي يسموووونها بدليه
والبدليه لازم تتغير
أما سالفه الجاي
فان شاء الله التصويت الياي بحطه بس حقج :)
سلام
Selezya
حتى انا !!؟ @@
hayat
يسلمج .. ويعطيح العافيه :)
very good blog , congratulations
regard from Catalonia Spain
thank you
looooooooooool
والله ايام الكليه اذا ماكو شغل رحنا شرينا و قعدنا على البحر
يعني حلايه الويه رومانسيين :P
موفق ياارب بالدراسه
salamz dear...
بالسلامة ياخوي
و ناطرين ردتك
لا تطول
:)
هاااااااانت والله هاااانت .. اهم شي انته شد حيلك وترد جذي وشهادتك بإيدك شعوووور عجييييب :))))
الله يوفقك ويعينك
بدلية مو بدلية ماني مغيرتها
:p
اقولك حتى انت بتقاطعني؟
لا تصدمني عفيه مش ناائصه
انت اشجب هالشهر و استنكر بالشهر إلي بعده
لا تخلصهم كلهم مره وحده (:
Té la mà Maria - Reus
Thanks :)
5roofa
هم بعد على البحر
انتي كل ذكرياتج على البحر ابله؟
واجمعين
عثماني
الله يسلمك يا رب
ومو مطول ان شاء الله .. ما اقدر اطول على الكويت الصراحه
لو ديره ثانيه جان عادي
بس الكويت صعبه :)
ReLaaaX
آمين يا رب .. مشكوووره وماتقصرين
ويعطيج الف عافيه :)
Selezya
والله ودي اقاطع .. بس مدونتج اليديده وايد عاجبتني .. ما اقدر :)
انتي بس خففي بدليات ومحد يقاطعج بعدها :P
يعقووبوو
وينك عني من زمان ؟؟
عاد والله خوش فكره
انا حالتي الحين جذي .. ماكو مواضيع
قاعد اقول لو مقسمها على موضيعين مو احسن :)
احط ايدي على خدي ..
............
ناطرة بوستك اليديد ؟ :(
لوووووووووول
شايف جذي يعني؟
المشكله ان اقولهم من غير ما احس ان في خلل بالجمله اشوفها جمله طبيعيه وكل شي صح
:) شسوي يعني
صبحك الله بالخير وانشالله ماراح تحس بالغربه لان الطير مهما راح لابد يعود لعشه
ماسمعت الشاعر اللي يقول
نقل فؤادك حيث شئت من الهوى
ما الحب إلا للحبيب الأول
كم منزل في الأرض يألفه الفتى
وحنينه أبداً لأول منزل
انشالله ترد بالسلامه واحنا دوم وياك
حط بس موضوع يديد وشوف الضرب عندك
بس نبي عشا مع البوست اليديد
ترا اخوك بطيني
:)
تحياتي
乂♥Not.ViRGo♥乂
ههههه
مادري عندي متابعين .. ولا جان كل يوم بوست :P
Selezya
مالج شغل بالي اتحسينه .. راعي شعور الناس .. مايتحملون بدليات مساكين :P
روحي صوتي على بدليتج .. حليب جاي
هههههه
bo rashed
والله تامر أمر .. كلها اقل من ثلاث أشهر وانا بالديره .. ولك مني أحلى عزيمة
عاد شايف ستايلي انا
كباب بدر البدور .. ولا شارع المطاعم :P
وخوش شعر والله .. ونستني فيه
صج صج .. الحنين لأول منزل
الكويت
او والله مثل ماقلت .. صراحه احس اني بالكويت من هل مدونة
بتواجدكم يكتمل الفرح :P
يعطيك العافيه وماقصرت يا بو راشد
وخسرنا من سنغافورة بعد
عاجل
اي والله .. ما بقى احد ما طقنا
أحلى شي يوم الهند يغلبونا على ارضنا
منتخب فااااااشل
انا اقول يلغووونه افضل حل
Post a Comment