Sunday, January 13, 2008

شجب واستنكار

من هذا المنبر ومن عتبات هذي المدونة .. اشجب واستنكر بشدة خسارة منتخبنا الوطني المعظم من منتخب ساحل العاج
ليش بس 2-0 ؟


وأيضا اشجب وبشدة اكبر من الشدة الاولى .. زيارة مستر بوش لبلدنا الحبيب
ليش بس يوم واحد ؟


واعلن هنا عن قراري العظيم .. بمغادرة الديره حتى يتم تنفيذ مطالبي
ومطالبي يتوسع المجال لذكرها .. فاتركها لبوست وحيد في القريب العاجل


*
*

مباراة ساحل العاج

وقتها فاشل .. تنظيمها فاشل .. حضور فاشل .. رعاية فاشلة .. ملعب فاشل .. ماكو شي مو فاشل

هذي هي الكلمات التي تصف مباراة الأمس

يعني الجو بارد .. منو راح يحضر غير الشباب؟ .. وحاطينها وقت امتحانات .. سواء الثانويه ولا المعاهد والجامعات

تنظيم ؟؟
شنو يعني تنظيم؟

رعاية .. شوفو الصوره وتعرفون شنو رعاية
ماكو بشت مو موجود بالملعب .. احس لاعبين ساحل العاج يقولون .. اشيبون هذول بالضبط ؟




ملعب ؟
شوفو الشاشة بس .. من الستينات .. نفسها
ليش ؟


لاحظو ماكو جمهور موليه .. لا والتذاكر على سبعه واربعه !!

هذا هدف دروجبا .. تصويري



*
*

بس تدرون شنو الي يبط جبدي بقرار السفر الي اتخذته؟

بسافر بإتجاه القطب الشمالي المتجمد

ومناك للأسف ماكو



شاليه



بين نارين




كباب بنيد القار




شارع المطاعم



فطاير وبطاط وعوار قلب


راح أشتاقلج يا الكويت

متى يعتاد الإنسان على الغربة؟
مشكلتنا أننا في سفرنا نختلف عن بقية العالم
فنحن نودع جنة .. رغم كل ما بها من عيوب .. تبقى جنة

78 comments:

someone_q8 said...

السلام عليكم
تروح واترد بالسلامة ولا تحاتي هالاكل اذا تبي قولي اطرشه لك بالدي اتش ال :))
وبالنسبة للمنتخب انا رايي ان عندك سالفة رايح حق المباراة لان الطعن بالميت حرام ,
وانت تروح عشان اتحر قلبك ؟؟؟
خلها على الله اهيه واقفة على الكرة ؟؟؟ :)
بالسلامة اخوي واي شيء انا حاظر بس ها مو اتكثر الجيلة :)))

BoHSaiN said...

ترجع بالسلامة ان شاءالله

سدرة العشـــاق said...

تروح و ترجع بالسلامة إن شاء الله

شد حيلك و ييب الشهادة و ذيج الساعة صج بتفرح لأنك رديت و الشهادة بيدك تونس أمنا

أول ما رحت كنت كله ابجي و ضايق خلقي احساس الغربة يذبح بس جريب التخرج هم ضاق خلقي أحسها صج ديرتي الثانية و بفارقها عشت فيها 6 سنين و من أحلى أيام عمري... الحمدلله

الفال لك يارب
:)

Anonymous said...

بالسلامه وحافظك الرحمن


قبل لا تسافر لا تنسى اهلك واصحابك سلم عليهم علشان تسمع دعاهم لك بالسلامه


شداخه

حياتي هدف مو عبث said...

مباراة !! والكويت

طبعاً صفر :) ما يبيله تفكير

أكرهه شي عندي كرة القدم

دايماً أضحك شلون كلهم يلحقون الكره :P

وتروح وترد بالسلاامه إن شاء الله


موفق :)

Najmah said...

تروح وترجع بالسلامة ان شاء الله

اكره احساس الغربة
كل مااتذكر السنين اللي عشتها بره الكويت قلبي يعورني

على كثر الذكريات الحلوة اللي هناك
الا ان ديرتي غييير غييير


ربي يوفقك ويسهل عليك :)

esTeKaNa said...

من غييييييير شر
!!
واي اقرا البوست واتحسر على الكويت
وقاعده اقول بنهايه البوست بقولك
مهما فيها من عيوب تبقى ديرتنا

تروح وترد بالسلامة الله يحفظك يارب ويبلغنا فيك يارب وبنجاحك
:)

فنر said...

صسدقت .. فنحن نودع جنه رغم كل مافيها فهي جنه ..
لازياده على ماقلت ..

يعقووبوو said...

بس هم ماعندهم
حدس
طبطبائي وشلته
ماعندهم واسطات
ماعندهم شوارع مكسره
((:
والقائمه طويله

فتى الجبل said...

آنا كرة قدم بالكويت نسيتها من زمان لأنها تعل القلب وتييب تصلب الشرايين
شوف دوري انكلترا واسبانيا وايطاليا وأبطال أوروبا والأمم الأوروبية وكاس العالم وبس والباجي كله خس

فريج سعود said...

شلون تسافر وتهد الكباب
والله انا اكره الغربة ما ادري شلون انت بتتحملها

Anonymous said...

أخينا الكريم بارك الله بك

( مافي جمهور !!! ولا أنا وقتها كنت أقول خنطلع من حولي ألحين بتصك زحمة الجمهور !! )

أخينا الكريم .. نسأل الله أن يوفقكم إلى ما يحب ويرضى .. ( على السفرة أرض الله واسعة بحفظ الرحمن ورعايته ووترد لأهلك سالم غانم :) )

Selezya said...

توصل بالسلامه يارب


انا حتى ساحل العاج مادري شلون رضوو يتبارون ويانا :)

بعدين شفيها الكيبورد :) الكيبورد انباقت صح
مو انباق

اهم شي لا تكفخني فيها بس

سلالام :))))

Selezya said...

استفتاء بيني وبينك

جاي حليب
ولا
حليب جاي

حمد said...

تروح وترجع بالسلامة

بس ليش مصور قول دروغبا ومو مصور الاعادة ؟ :)

( ماعندي شغل )

:)

Anonymous said...

الي يعور القلب ان وايد شباب يموتون على الكرة لكن وضعها بالكويت
سيء جداً، و مثل ما قال فتى الجبل تييب تصلب الشرايين ! :(

الله يوفقك و يوفق كل مغترب عن ديرته و اسمحلي بس هذا كباب راح تفقده ؟ لالالالالالالا
:D

الكويت و الله ماكو مثلها بالعالم كله ! السلبيات لو تكلمنا عنها ماراح نخلص و بتخلص طاقتنا !

اهم شي استفتاء بطني يعورني! عجبني :D
و حلو سؤال جاي حليب و حليب جاي !

Anonymous said...

بالهناء والشفاء

أول مرة دخلت للبوست لم تظهر لي صور الأكل كلها :( لكن للتو أرى .. الوجبة ( ذكرتني بوجبتي إلي أحب أطلبها من مطاعم سريعة مثل إلي بشارع المطاعم ( الطلياني ) ووجبة ستيك بعد .. لالا بس مو كلهم مرة وحدة :) .. ) دمتم بحفظ الله ورعايته

vancouver said...

ههههه احلى شيء
ساحل العاجل
العاجلللل
هههه
مرتين مو مرة وحدة
كل هذا من الغلقة اللي تسبق السفرة

لا وحاط صور الكنافة
والكباب
عشان اول ماتوصل
هني
وتفتح البلوغ
تزداااد الكابة
:(

الله يعينك ويعين كل المتغربين
درب مشيته
ولابد بيخلص بيوم من الايام
اصبرررررر
هانت ان شاءالله

vancouver said...

على فكرة اذا كنت قريب تورنتو
ترى فيه مطعم عجيييييييب صاحبه لبناني ويايب كل الشغيله من الامارات
عندهم كباب وكل المشاوي والعصاير والكنافات بانواعها
وكل انواع الفطاير
والسلطات مثل التبوله والفتوش
ووايد نظيف وراقي
يشبه كبابجي بس اكبر
اسمه
باراماونت

في ميسيساغا
اسال عليه
بس اهم شيء
ما تبجي عالكباب
وانا اخيتك
هههههه

Q8i_Blogger said...

someone_q8

وعليكم السلام اخوي
اكل ودي اش ال ..والله مدعني الصراحه .. اشهد انك طيب
ويقولك مايرد الكريم غير اللئيم
يوصلك طلبي التفصيلي عن قريب ان شاء الله
ولا تطول علينا طال عمرك :)
اما عن المنتخب
قلت اروح اسلم على منتخبنا قبل لا اسافر .. ونضحك اشوي
بس صراحه تحسفت على الفلوس الي قطيتها
لو شاريلي فيها كنافه مو احسن !؟
يسلمك اخوي وماقصرت



BoHSaiN

الله يسلمك اخوي .. تسلم



سدرة العشـــاق

آمين يارب .. مشكوره وماقصرتي
وانا اقول صج صج انجاز الي يخلص دراسته بره .. لأني مارفت قيمتها وصعوبتها إلا بعد ما جربتها
عفارم عليج
وان شاء الله إلا الأمام

Q8i_Blogger said...

شداخه

الله يسلمج .. ومشكوره على النصيحة :)




حياتي هدف مو عبث

ههههههه
الله يهداج كسرتي بالعالم كله
أكثر رياضيه شعبيه بالعالم
وانتي تقولين يلحقون كره :)
ههههه

والمفروض صراحه مستشيرج قبل لا اروح المباراه
لأنه رايج صح .. الكويت لازم صفر .. كنت قاص على روحي انا .. قلت يمكن هل مره شي غير

أجمعين يا رب العالمين



Najmah

الله يسلمج .. ومشكوره على الكلام الحلو

مشكلتنا غير عن باجي سكان العالم .. يعني الطلبه الي عندنا اغلبهم اييون لدوله اجمل من دولتهم
واحنا مشكلتنا ماكو احلى وافضل من ديرتنا !!!
فدايم قلبنا بالكويت
الله يعين

وموفقه ان شاء الله

Q8i_Blogger said...

esTeKaNa

الله يسلمج .. مشكوره على الدعاء الحلو
يعطيج العافيه

او ماتبقى ديرتنا .. صدقيني تبقى جنتنا واحلى ارض
والي مو فاهم شعوري .. خل يطق تذكرته وايي عندي .. يعيشله جم شهر وبعدين يعرف الفرق

شكرا .. وبالتوفيق يا رب :)

Q8i_Blogger said...

فنر

اي والله جنه .. هذي الكويت عين السيح :)



يعقووبوو

كلها على بعضها حلوه .. وصدقني في بلاوي بكل ديره
بس كل الي قلتهم يعطون نكه بالكويت
ما اتوقع اعيش بالكويت من دونهم :)
شكرا

Q8i_Blogger said...

فتى الجبل

مو هذي المشكله .. نتابع كل هذا
وديرتنا فاشله ولا نقدر نتابع مبارياتها
شي يقهر



فريج سعود

والله يا خوي مو اول سنه ولا ثاني .. المفروض تعودنا
لكن المشكلة انه الانسان مايقدر يتعود على الغربه
شي صعب على النفس
ولا تييب طاري الكباب رجائا
تره يوعان .. وماكو كباب ههههه


killie thiqqa

الله يسلمج .. شكرا على الكلام والدعاء الجميلين

وصراحه شي ممتاز انج كنتي تدرين عن المباراه .. لأنه وايد مايدرون عنها بالأساس

Q8i_Blogger said...

Selezya

على رايج .. احنا وين وساحل العاج وين
يبيلنا سيريلانكا والفلبين .. لا ولازم معسكر وتدريبات .. بعدين يمكن انييب قول

اما بالنسبه للكيبرود .. انتي الصراحه يبيلج مدونه كامله بس استفتائات .. يمكن بعد كل تصويت تقتنعين .. يمكن
لأني ولا عمري شفت احد يخاطب الكيبورد كأنثى غيرج :)
بس تره هذا نوع من التميز
يمكن لج مستقبل مبهر ان شاء الله
:)

والتصويت الياي ان شاء الله راح يكون عن جاي حليب
اعجبتني الفكره :)
بعد اذنج يعني .. ناخذ افكارج




حمد

الله يسلمك

انا كنت ناوي اصور الاعاده .. بس ميموري التلفون ما كفى
حده قول واحد بس :)

Q8i_Blogger said...

Biznscheya

الله يسلمج ويوفقج بعد ان شاء الله

افا عليج .. لا تذوقين الكباب هذا .. طعم ولا بالاحلام .. مايتحصل غير بالجنه .. اي اهي الكويت طبعا :)

اما بالنسبة للإستفتاء .. فصراحه .. عجبني جتى انا سؤال جاي حليب
المره اليايه اهو :)




killie thiqqa

ههههه
طلعتي خبره والله
خوش وجبات
بس تصدقين ارفعو اسعارهم .. قبل على دينار الي بشارع المطاعم
الحين صارو دينار وربع
وكل ماله ويزيدون .. ما ادري على شنو
لكن هم يظل شي نفقده صج واحنا بالغرف
شكرا

Q8i_Blogger said...

vancouver

والله توني انتبه تصدقين
شنو عاجل

تأثير التأجيل .. كل ماوصل وقت السفر .. أجلت جم يوم
لين قمت حتى حجي ما اثبت شقول

وتصدقين تحسفت على الصور الي حاطهم
اول ماوصلت اهني وبطلت البلوق نفس مالقلتي .. كآبه
ههه

اما على المطعم

فللأسف احنا مالنا شغل بذاك الصوب
احنا عكسكم تماما .. ايست سايد
بس هم زين قلتيلي .. لي زياراة دايم لتورينتو .. هل مره نجربه

ومشكوره ويعطيج الف عافيه

乂♥Not.ViRGo♥乂 said...

إهداء :)
___________

بلادكم حلوة حلوة ..
بس الوطن ماله مثيل ..
لو إنا سافرنا الشوق رجعنا ..
حب الوطن غالي والعيشة في جنة


:)

joy said...

اتروح واتيي بالسلامة
\صاج يا اخوي ابهالديرة احلى ما فيها الاكل



اي منتخب ويع
اصلا مذيع الوطن مقابل اللاعب الرئيسي حق الفيلة يسأله هالفاشل منو برايك يفوز فر يقنا الكويت واللا انتو


ضحك اللاعب الخال ضحكة استهزاء مريعة وجاوب اكيد احنا
والمذيع يداحره انا متاكد انه الكويت بتفوز
ايش هالمسخرة
انا وماافهم بالرياضة جاوبت اكيد اهمه
اش هالسخافة


اصلا ماضيعت وقتي اطالع
اهما العالم مايدرووون ابهاعلامة النادر العجيري اذا قال صقيع سمعو كلامه تراه صقيع
شوفو الرزنامة مرة ثانية وضبطو مواعيد مبارياتكم


بطني يعورني

وباصرار

david santos said...

Hi
A beautiful place here!
Excellent post! Nice photos and good food!
Thank you.
have a good day

صبا said...

هلا بالصديق الغائب

الي صاير له سنه مو مارني
المهم
من صجك اتابع مباراة اصلا لاعبينا يفشلون وما يبردون القلب انا العب احسن منهم

وتروح وترد بالسلامه يالغالي ومو اطول بااااااااي

العرزاله said...

اولا تروح وترد بالسلامه

ثانيا المستفيد الوحيد من ساحل العاج هو فواز الحساوي اللي يبي يصير نسخه مكرره من مرزوق الغانم

وطبعا دروجبا اللي يبي يبدع ويعجب انشلوتي او ريكارد

:p

Selezya said...

والتصويت الياي ان شاء الله راح يكون عن جاي حليب
اعجبتني الفكره :)

------

يعني اشكره انته تقول جاي حليب

ليش مو حليب جاي؟ انا من عمري ماتعودت الا حليب جاي وكل ماقلت ابي حليب جاي جدام اححد قعدوا يضحكون يه @@

زين بعرف شالفرق اصلا ::)))))

Q8i_Blogger said...

乂♥Not.ViRGo♥乂

ليش هل اهداء .. تحريني يعني؟
وصج
بلادهم حلوه... بس الكويت مالها مثيل



joy

اولا الله يسلمج

ثانيا صارلي ساعه اقول .. اشياب طاري البطن بموضوع المباراه
آخر شي جان أتذكر التصويت الي حاطه
ههههههههه
صح صح
يعورني .. انا معاج

واذا على المباراة .. صج مضيعه وقت .. تحسفت رايح .. لا وعلى آخر يوم .. اليوم الي وراه سافرت .. يعني صج ماعندي سالفه
والمذيع المفروض يسأل جم فيل راح اييب قوول ؟ مو منو الي راح يفوز

ويعطيج العافيه

Q8i_Blogger said...

david santos

Thanks alot my friend :)




صبا

الله يسلمج .. مشكوره
ادري ادري مقصر .. بس منو يعوف مدونتج .. والبوستات المتروسه مشاعر .. وعني دايم ودي احس بجانب التفائل والسعاده .. يعني قليلي حزن اشوي :)

وانا صراحه معاج .. لاعبين يفشلون
بس دام تلعبين احسن منهم .. عندج فريق؟
اتبارون :)

يعطيج العافيه

Q8i_Blogger said...

العرزاله

الله يسلمك يا الحبيب
ثانيا .. نص الي ماسكين رياضتنا للأسف يبون مناصب وغيره على مصلحه الرياضه
منو فيهم ماوده يصير مرزوق؟
وانا اتفق معاك
عادي باجر الحساوي يصير سياسي محنك

اما بالنسبة لدروجبا .. فاهو قط نغزة قويه امس
يقول ودي العب بالقرب من ايتو
ههههههه
بس ما اعتقد ريكارد يبيه
بعد هنري الباجي بحر




Selezya

ههههههههههههههههه
ليش مستعيله انزين ؟
التصويت ياي بالطريج
وبعدين اتعرفين الفرق
وماني قايل انا شقول .. احتفظ بالاجابه لين وقت التصويت :)
بس مادري ليش انتي كله عكس العالم !!

آل كيبوردي انباقت آل
:)

حمودي said...

بطني يعورني

Selezya said...

شسوي ماكو احد مثلي مخليه الحلا كله لي
:p
6aaaaaal


ماعرف شالفرق لو اعرف جان تعدلت وتسنعت وقمت اقول الصح ماعدا سالفة الكيبورد عاد هذي ماني مغيرتها حتى لو غلط
(a)

Q8i_Blogger said...

حمودي

سلامتك يبه

حياتي هدف مو عبث said...

تعليقي مادري وين راح :(


التصويت على بطني تعورني

3

أنا صوت منهم



معقووله !!!!!


أنا من عالم ثاني

ربما

:p

أبو شملان said...

تروح وترجع بسلامه


وعقبال تخرجك انشالله
وترتاح

موفق خير

الخيلاء said...

الله يسمح دربك .. و يسهل عليك و على كل متغرب و اولهم اخوي غربتكم و تردون لنا بالسلامه :)

و المباراه من قلب فاشله .. و الجو خون فيهم مساكين

mtfa2el said...

الله يهداك
احد يروح مباراة المنتخب ؟؟ ..لو يعطوني عدالي ما اروح
و شد حيلك يا كابتن عاوزين نشوفك آآآد الدنيا

Anonymous said...

يرجعك ربي بالسلامه



بطني يعورني لان بطني مذكر وليس مؤنث ما يصير تقول بطني تعورني

وتخلط المذكر بالمؤنث

شداخه ايميل

صقر قريش said...

الله يهداك متعب روحك ورايح على مباراة معروف منو الفايز ومنو الخاسر؟ تكدر نفسك قبل ماتسافر عموما تروح وترجع بالسلامة والله يوفقك يارب وانا بلحقك بالغربة بعد لأن الظروف بتوديني لأم الدنيا اذا الله راد بالتوفيق

Eng_Q8 said...

اتروح واترد بالسلامه

الحارث بن همّام said...

راجع بالسلامة انشالله .. تروح وترد وما تلقى احلى من الكويت :)

Talal said...

الله يكون في العون تعمل تسوي كنافة

و


كباب

وبالتوفيق اخي الكريم

فتى الجبل said...

اشتقنا حق مواضيعك الحلوة
وينها؟

5roofa said...

تروح و ترد بالسلامه

رااح نشتاقلك بس بتشبك من هناك صح؟؟؟

و امبي شارع المطاعم ما تشوف انه كله لمه يحطون الصمونه بالصندوق لي فتحتها كل شي سايح على الكجب و الميونيز لوول

بالعافيه عليج و تردلنا بالسلامه و موفق بالدراسه يارب

salamz dear friend..

Anonymous said...

أضحك الله سنكم :)
( زيـــين عيل إحنة أشوة على دينار إهني يمنا كانت 750 فلس وتوة ألحين صارت بدينار :) يمكن إسمعوك .. )

ونسأل الله أن يبارك بكم وفي ما تقدمون

هـــدب said...

الله يحفظك اخوي وترد بالسلامه ان شاء الله ويسهل دربك

هذيان said...

الله يهديك للحين تشجع المنتخب أحنا صارلنا 5 سنوات أذا لعب المنتخب نشجع الحكم... تجاوزآ للأحباط خلك مثلنا

سوف ترتاح كثيرآ


فمان الله وبالسلامه

ولد الديرة said...

نتيجة المباراة مو سيئة

بالأحرى عادلة جدا

نصف حياتي غربة

بالسفر ما اشتاق حق شيء كثر الفطاير

نبي مركز معالجة مدمني الفطاير وترأسه
joy

والرئاسة الفخرية حق حليمة بولند

كل الشكر

رسالة للأخ فواز الحساوي

اخيي

تقفه

فلوسك

Fahad Al Askr said...

ما سوت عليه هالبوش زيارته حق الكويت

حبي ركز معاي، أنا عازمه على قعدة، قال يبي يمر، وسع صدره وخلصنا جم موضوع متعلق

خلصنا

Selezya said...

:S

حتى انت؟

ترا ضيعتوني :((

Q8i_Blogger said...

حياتي هدف مو عبث

التعليق راح الموضوع الي قبله للأسف :)

اما بالنسبه للتصويت

شوفي النتائج وراح صج تتأكدين انج في علم آخر :)




أبو شملان

آمين .. مشكووور يا بو شملان
ويعطيك العافيه :)




الخيلاء

مشكوره ماتقصرين على الدعاء

والجو كان ممتاز بالنسبه لي .. فهو تحضير لجونا اهني :)

Q8i_Blogger said...

mtfa2el

ان شاء الله .. ماتقصر

شنسوي .. محد يعزم .. ؟
بعض الناس كل يوم عندهم لعب ومايقولون :)
نروح نتابع المنتخب
يمكن ينقصهم لاعب وننزل الفيييييييلد :)



شداخه

الله يسلمج

دايم عندج أقوى التحاليل بالنسبه للتصويت :)




صقر قريش

ام الدنيااا .. يا عيني

تدري كل الشباب اهني نهايتهم تكون ام الدنيا .. صج صج ام الكل
كل واحد مايكلم راح اهناك .. اسرع شي

اما بالنسبه للمباراه .. فانا اقولك السر
انا بيني وبينك رايح أشجع دروجبا
مو صاحبك يشجع تشلسي .. بس لاتقول حق احد .. تره مدربه يهودي مو ناقص اتهامات :)

وبالتوفيق بغربتك .. وكلنا عايشينها هل غربه .. اليوم ولا باجر

hayat said...

تروح و ترجع بالسلامه ..

تحياتي

Q8i_Blogger said...

Eng_Q8

يسلمك مهندس :)



الحارث بن همّام

وانت الصاج .. مافي أحلى من ديرتنا :)



Talal

جربنا نسوي كنافة .. لاتشوف الفشل الي صار .. حسافه ماصورتها
بس همممم كليييناها

الله يعين
ويعطيك العافيه




فتى الجبل

والله ماكو .. مادري اشفيني الصراحه
ماكو افكار
مادري ماكو مزاج
لا تسألني :)
بس ان شاء الله رادين لاتحاتي :)

Q8i_Blogger said...

5roofa

الله يسلمج

انا ماودي اشبك .. بس خلاص .. صرت مدمن مدونتج .. لازم نشبك :P

بس ابله !! .. شكلج خبره بشارع المطاعم .. على وصف الوجبه الي قلتي عنها :)

يعطيج العافيه



killie thiqqa

كل شي زاد سعره .. عادي تعودي

يعطيج العافيه :)



هـــدب

الله يسلمج .. مشكوره ماتقصرين

Q8i_Blogger said...

هذيان

فمان الكريم .. الله يسلمج

بس .. خوش فكره .. من اليوم ورايح حسبيني معاكم .. أعلام سووود .. ونشجع الحكم :)





ولد الديرة

لا بس صاحبك مشكله
مو بس مدمن فطاير
مدمن كل شي من الكويت
اتصدق لو شنو مطاعم أروح وأرد
ليلحين أشتاق حق كفتيريا الجمعيه :)

واذا على جمعيه معالجه الإدمان .. ما اعتقد تنفع معاي كلش .. بس راح أكون واحد من المؤيدين :)




Fahad Al Askr

هلا حبييي ... بعد جبدي .. انت ركز معاي
لو انك عازمني جان ماقلت كل الي قلته
فإكلها عاد .. انت وصابحك
:P

Q8i_Blogger said...

Selezya

مو بكيفج
هذي يسموووونها بدليه

والبدليه لازم تتغير

أما سالفه الجاي

فان شاء الله التصويت الياي بحطه بس حقج :)

سلام

Q8i_Blogger said...

Selezya

حتى انا !!؟ @@



hayat

يسلمج .. ويعطيح العافيه :)

Té la mà Maria - Reus said...

very good blog , congratulations
regard from Catalonia Spain
thank you

5roofa said...

looooooooooool

والله ايام الكليه اذا ماكو شغل رحنا شرينا و قعدنا على البحر

يعني حلايه الويه رومانسيين :P

موفق ياارب بالدراسه

salamz dear...

عثماني said...

بالسلامة ياخوي

و ناطرين ردتك

لا تطول

:)

ReLaaaX said...

هاااااااانت والله هاااانت .. اهم شي انته شد حيلك وترد جذي وشهادتك بإيدك شعوووور عجييييب :))))


الله يوفقك ويعينك

Selezya said...

بدلية مو بدلية ماني مغيرتها
:p

اقولك حتى انت بتقاطعني؟
لا تصدمني عفيه مش ناائصه

يعقووبوو said...

انت اشجب هالشهر و استنكر بالشهر إلي بعده

لا تخلصهم كلهم مره وحده (:

Q8i_Blogger said...

Té la mà Maria - Reus

Thanks :)




5roofa

هم بعد على البحر

انتي كل ذكرياتج على البحر ابله؟

واجمعين




عثماني

الله يسلمك يا رب

ومو مطول ان شاء الله .. ما اقدر اطول على الكويت الصراحه
لو ديره ثانيه جان عادي
بس الكويت صعبه :)

Q8i_Blogger said...

ReLaaaX

آمين يا رب .. مشكوووره وماتقصرين
ويعطيج الف عافيه :)



Selezya

والله ودي اقاطع .. بس مدونتج اليديده وايد عاجبتني .. ما اقدر :)

انتي بس خففي بدليات ومحد يقاطعج بعدها :P




يعقووبوو

وينك عني من زمان ؟؟
عاد والله خوش فكره

انا حالتي الحين جذي .. ماكو مواضيع
قاعد اقول لو مقسمها على موضيعين مو احسن :)

乂♥Not.ViRGo♥乂 said...

احط ايدي على خدي ..


............

ناطرة بوستك اليديد ؟ :(

Selezya said...

لوووووووووول

شايف جذي يعني؟

المشكله ان اقولهم من غير ما احس ان في خلل بالجمله اشوفها جمله طبيعيه وكل شي صح
:) شسوي يعني

bo rashed said...

صبحك الله بالخير وانشالله ماراح تحس بالغربه لان الطير مهما راح لابد يعود لعشه
ماسمعت الشاعر اللي يقول

نقل فؤادك حيث شئت من الهوى

ما الحب إلا للحبيب الأول

كم منزل في الأرض يألفه الفتى

وحنينه أبداً لأول منزل

انشالله ترد بالسلامه واحنا دوم وياك

حط بس موضوع يديد وشوف الضرب عندك

بس نبي عشا مع البوست اليديد

ترا اخوك بطيني
:)
تحياتي

Q8i_Blogger said...

乂♥Not.ViRGo♥乂

ههههه
مادري عندي متابعين .. ولا جان كل يوم بوست :P



Selezya

مالج شغل بالي اتحسينه .. راعي شعور الناس .. مايتحملون بدليات مساكين :P
روحي صوتي على بدليتج .. حليب جاي
هههههه




bo rashed

والله تامر أمر .. كلها اقل من ثلاث أشهر وانا بالديره .. ولك مني أحلى عزيمة

عاد شايف ستايلي انا
كباب بدر البدور .. ولا شارع المطاعم :P

وخوش شعر والله .. ونستني فيه
صج صج .. الحنين لأول منزل
الكويت

او والله مثل ماقلت .. صراحه احس اني بالكويت من هل مدونة
بتواجدكم يكتمل الفرح :P

يعطيك العافيه وماقصرت يا بو راشد

عاجل said...

وخسرنا من سنغافورة بعد

Q8i_Blogger said...

عاجل

اي والله .. ما بقى احد ما طقنا

أحلى شي يوم الهند يغلبونا على ارضنا

منتخب فااااااشل

انا اقول يلغووونه افضل حل