Wednesday, November 14, 2007

المناظرة 2 والسوشي



لنك للاستماع للمناظره كما طلب اخوي خرواش


سوف أكمل عرضي السريع للمناظرة التي أقيمت من قبل الإتحاد الوطني في أمريكا بين القوائم المرشحة

بدأ النقاش

الغريب منذ بداية المناظره .. هو توجيه أسئله لقائمة المستقبل المنسحبه .. فلماذا إحراج القائمة خصوصا وأنها لا تستطيع أن ترد على كل الأسئله الإنتقادات

بعد مرور قليل على البداية .. طرح سؤال للوحدة عن قائمة المعتدلة التي كانت المنافس السابق لها في إنتخابات أمريكا

فقام المنسق العام لقائمة الوحدة بالإجابة عن السؤال .. لكنه في نفس الوقت بدأ يتهم المستقبل بأنها ليست سوى قائمة منشقه من المعتدله .. وللأسف لم تستطع قائمة المستقبل الدفاع عن موقفها في ذلك

أنا أعلم بأن هذا خطأ من قائمة المستقبل .. لكن هل هذا تبرير لمهاجمه أشخاص ليسوا موجودين في المناظره .. كان الأولى ان تقتصر المناظره على الطرف المشارك


بعد ذلك أتى سؤال من أحد الطلبة يقول فيه:ـ
في عام 90 قام رئيس اتحاد امريكا بقيادة الأخوان بالتوقيع على عريضة تمنع دخول القوات الأجنبية الى الكويت فمارأيكم في ذلك؟

صياغة السؤال كانت خاظئة من قبل السائل

لأن العريضه لم يقم بالتوقيع عليها اتحاد امريكا .. بل اتحاد جامعه الكويت

هنا بدأ المذيع توضيح السؤال: ولكن هل هذا يعتبر توضيحا للسؤال؟
فنراه يفصّل بدور الأخوان المسلمين والحركة الدستورية في ماحصل إبان الغزو .. وبدأ بروي القصة بالتفاصيل المملة التي يرددها كل الطلبة منذ سنين سواء داخل الكويت أو خارجها عن موقف الإئتلافية آن ذاك

وكان واضحاّ من المذيع انه يروي أو يقرأ شيء تم تحضيره من قبل ويأتي بتفاصيل بعض التصاريح التي نزلت هنا وهناك عن تلك القضيه .. وكان دقيقاّ حتى في تواريخ كل تلك التصاريح

يعني انا لا استغرب أن يأتي كل ذلك الهجوم من اخونا منسق قائمة الوحدة عن أفعال المعتدله وتاريخهم ... لكن أن يأتي كل هذا الإنتقاد من المذيع الذي يجب أن يكون محايداّ هنا .. شيء غريب الصراحه

بعد ذلك كان منسق قائمة الوحدة ممتازاّ في الرد على الشبهات التي وردت للمذيع عن الوحدة وخصوصا ما قيل عن تدخلهم في تسجيل الأسماء في الإنتخابات وكذلك في حجزهم لبعض الغرفه في فندق المقر الانتخابي لصالح مؤيديهم

حينها ورد سؤال من قبل احد الصحفيين من جريدة النهار .. لم يكن الصحفي موفقاّ في طرح ذلك السؤال .. فقد قال: كيف لشباب في العشرينات من العمر أن يقوموا بكل هذا المجهود لوحدهم؟
مايدري انه الشباب اهما الي شايلين الديره في الوقت الحالي وحتى مرشحي مجلس الأمة كلهم فازو من مجهودات الشباب !!!!!!

هنا بدأ النقاش حول عدم رغبه الوحده وتخوفهم من فتح صناديق انتخابيه أخرى في مناطق مختلفه من أمريكا .. وكانت بدايتها في هذا العام حيث حصل الإتحاد على حق الحصول على صندوق إنتخابي ثاني في مدينه نيويورك على ما أظن .. طبعا تم نفي هذا الإدعاء .. وقال منسق الوحده بأنهم من أشد المطالبين بفتح صناديق جديده في مناطق مختلفه.. لكن من خلال دخولي على موقع الوحدة ومشاهدتي رؤيتهم للسنه النقابية القادمة لم أجد أي بند يتكلم عن هذا الموضوع
فما سبب ذلك .. هل هو تخوّف كما قيل؟
إنه تساؤل فقط

بعد ذلك
كان المنسق رده جميل على كلام قائمة المستقبل الذين اتهموا الوحده بأنهم إختاروا مكان إقامه المؤتمر في هذا العام لمصالح انتخابيه ولتواجد نسبه كبيره من المؤيدين هناك
فقد قال بأن الوحده فضلت أن يكون المؤتمر في هذا العام على الساحل الغربي حتى تضفي نوعاّ من التغيير .. فقد كان التركيز في الأعوام السابقه مقتصراّ على الساحل الشرقي لا غير

وانا رايي معاه .. الصراحه شي حلو التنوّع في مواقع المؤتمرات
لو لم يضعوا المؤتمر في ذلك المكان .. لما فكرت في الذهاب إلى الساحل الغربي .. خصوصا انّ المسافه بين مدينتي وكاليفورنيا .. كالمسافه بين الكويت وفرانكفوت في ألمانيا

بعد ذلك تم التطرق لموضوع الإختلاط
صراحة لم يكن رد الوحدة موفق هنا
فقد قال المنسق بأن القائمه تؤمن بأن العادات والتقاليد هي أساس كل شي تقوم به .. وكما قال .. فإن العادات تختلف بين شخص وآخر ولكن تلك العادات يحكمها شيء واحد وهو الكويت
صراحه لم أستوعب كلامه هنا
بعد ذلك فصّل في الموضوع قليلاّ
فقال:
انا ابي العب كره مع شباب فقط هذا شي تريبينا عليه؟
بس اقعد بمطعم قعده مختلطه .. لا مانع .. هذا شي هم تربينا عليه؟

هل هذا منطق ؟ والي تربى يلعب مع بنات كره .. اشلوووون ؟

ما اقصده هنا .. لا يوجد رؤيه واضحه لهذا الموضوع .. يعني حتى رؤيه ليبراليه .. ماكو

اخيراّ
اقتراح جميل أخير من قبل منسق الوحدة .. بأن تكون هناك مناظرة علنية وفي وقت المؤتمر
أتمنى ذلك



في النهاية
أرجو أن اكون وفقت في عرض بسيط لما حصل في المناظره الرابعه

وأذكّر بأن الانتقادات التي ذكرتها ماهي إلا للتنبيه والتطوير
وأتمنى أن يستفيد منها الجميع
وماودي أحد يتعصب لطرف معين دون الآخر .. كلنا أخوان والعمل النقابي لازم يواجه انتقادات حتى يستمر في التقدم


بعد اسبوع سأكون في لوس أنجلس بإذن الله وأتمنى بأن أتمكن من عرض مايدور في تلك الولاية لكم هنا

شكرا على المتابعه



*
*
*






امس واحد من الشباب اذاني .. لازم تجرب السوشي
انا كان عندي تجارب سابقه مو شي
رحت وجربت مره ثانيه
مع العلم .. انا أفضل أكل عندي السمج .. يعني اي شي زفر ممتاز
بس عاد ازفرت الكويت غير
مو هل يابانيين كل شي نيي

التجربة الثانيه كانت أسوأ من الأولى

والسؤال يتكرر ... اشلون الناس تحب هل سوشي وتتحطم فيه ؟؟؟؟

35 comments:

فتى الجبل said...

حسافة
بدل ما يستفيدون من ديمقراطية أمريكا
انقلوا أمراض انتخاباتنا هناك
والسوشي حده يلوع الجبد

خرواش said...

اخي العزيز بلوقر

عندي نقطه حبيت اوضحها للجميع

اذا 5 من مرشحين المعتدله هم من اسسوا المستقبل الطلابي بمبادئ و اهداف جديده هذي شنو تسميها؟

بالنسبه للمناظره

المستقبل لو كانوا حريصون على المشاركه لشاركوا

لقد تم الاعلان عن المناظره قبلها ب3 اسابيع يعن ما يكفي؟

شنو يبون بعد؟

الحريص على المشاركه يشارك محد يمنعه

هذا بالنهايه عباره عن نشاط يقدمه الاتحاد كخدمه للطلبه و يحق للكل المشاركه

و عيب ان تستخدم لدغدغة المشاعر و التمسكن اما الطالب

فالطالب الكويتي بأمريكا واعي كل
الوعي

فأرجوا حذف كلمه حياديه و الاتحاد غير منصف و و و الخ من الكلام المأخوذ خيره

و اذا سمحت

ممكن طلبين

1- تحط المناظره حتى يتسنى للجميع السماع

2- بما انك محلل ليش ما تكتبلنا رايك بتأخير اعلان البرنامج الانتخابي الذي سيؤخذ من الوحده كالعاده بالاضافه الى تأخير اعلان المرشحين

و شكرا عزيزي على هذا الجهد الرائع

سدرة العشـــاق said...

الإنتخابات انا قلت مالي شغل فيها

بس السوشي الله يزيد النعمة
و أحلى شي بأكل البحر

القباقب

مرقة قباقب انساني لووول ماكو انوثة مولية

crawfishاي احب الـ

و سلامتك

:)

على نفسها جنت براقش said...

لا عاد بلوقر غلطان السوشى عجيب بس انت حظك مو تمام بالمرتين

و بعدين ليش معور راسك بالمناظره
مشكلة العرب هوعدم وجود حيادية او موضوعية بطرحهم للاسئلة او حتى مناقشتهم

و بعدين انا تربيت مع شباب اجمع قبابى و نحبل و نسوق قوارى
يعنى شنو؟
و الحين انا ما ابى المرأه تدشالمجلس مو قصور فيها بس اظن امكاناتها فى مكان ثانى تقدر تبدع فيها اكثر

جربت لحم الحصن؟؟

mtfa2el said...

نقطة نقطة
اول شي عرض زين حق المناظرة و الأسئلة اتمنى انك تتوسع أكثر تدري احنا مو حولكم بس همن والله ودنا نعرف لأنه في الغالب لما تشوف تقارير ولا شي دايما تلقاها منحازة لجهة دون جهة
الشغلة الثانية على الحملة وين حملتنا الله يهداك ؟
رايح امريكا و هاد الحملة و الشغل مع الشباب ..قلت تبيها اسود و ابيض مو مشكلة بس خل العنوان نبيها مشخول
ولا اكلها مصقعة و جرب الصرقعة !!
بعدين مسوي قائمة انت و براقش يالله فوقة ترى اعتجبكم بالشغل
و موفق خوية

Bu Jassem said...

انا ويا فتى الجبل قلبا وقالبا
بموضوع نقل الديمقراطية الكويتية لأمريكا وأثراء ثقافتهم
انا بس الشي الوحيد الي مونسني في اتحاد امريكا انه الأتحاد الوحيد اذا ماني غلطان الي مو تحت سيطرة الإتلافية واتمنى تصحيح معلوماتي ..

والموضوع الثاني الحين السوشي الهبه اليديده بالكويت
والمصيبه صاروا وايد مطاعم
وهم مثل ما قالوا
الله يزيد النعمة

Q8i_Blogger said...

فتى الجبل

كويتيين وين مايروحون .. مايتغيرون :)
واذا على السوشي .. خلاص توووبه .. آخر مره :)



خرواش

هلا باخووي

مشكور على توضيح المعلومه .. انا ادري عنها على فكره .. بس نقطتي كانت .. مايصير الهجوم او حتى التكلم عن قائمه مو موجوده
يعني كان الأولى التركيز على الوحده وبس

اما طلبك حذف بعض الكلمات
فاخوي هذا رايي وودي اوصله حق اخوانا بالاتحاد .. يمكن يقدرون يتحاشونها المره اليايه
ودي يعتبر كلام تحت مصطلح .. نقد بناء

واذا على الطلبين
حاضر وممنون .. الاول وصار
اما الثاني
فاخوي انا ماعرف ولا واحد من المستقبل ولا ادري شنو الي مأخرهم فما اقدر اكتب عن شي انا جاهل فيه

لكن رايي بكل بساطه
شي يفشل
يعني اشلون تبون تقودون الاتحاد والعمل النقابي بشكل عام .. وانتو مو قادرين تخطون اول واسهل خطوه

ولا تشكر .. مجهود بسيط
ومشكور انت على المتابعه الحلوه :)

Q8i_Blogger said...

سدرة العشـــاق

صراحه احترم ذوقج
انا القباقب عندي أحلى لحم بالدنيا
ماكو عليه
جربت كل شي بالبحر
وهذا احلاهم
والسوشي .. لا تعليق



على نفسها جنت براقش

شوفي انا عجبني سوشي ربيان
غيره مادري شيحطون فيه
مو شي

وعلى سالفت القواري .. ههههه
صح كلامج
عادات وتقاليد ..؟؟ شكو ؟؟

ولحم حصان !! توني ادري .. وين ينباع هذا؟
لاتقوليلي ام الدنبا
انا الي جربته هناك حمام .. وانارب على قولتهم :)

على نفسها جنت براقش said...

لحم حصن بسويسرا

Q8i_Blogger said...

mtfa2el

هلا بالحبيب
وانا بعد معاك نقطه نقطه :)

شوف على نقطه العرض
صح .. احس اني ما استرسلت وايد بالشرح
ان شاء الله اتحاشى هل شي المرات اليايه
بس هم تره مو داش بالوضع الانتخابي وايد انا .. يعني قاعد اعرض الموضوع بشكل عام

النقطه الثانيه
على سالفه الحمله
انا قلت مادام فيها قائمه مع براقش
خل نفوز .. عشان تكون الحمله تحت رعايه القائمه
واذا على المشاركه .. حياك .. محتاجين ناس متفائلين اشوي :)

تحياتي


Bu Jassem

والله الي اعرفه انه كلامك صحيح
مو متأكد بس اعتقد بس امريكا الغير

ثاني شي
شي جميل
الكل متفق معاي على السوشي
عيل منو الي يروح يشتري من هل مطاعم الدايخه الي بالكويت
لا وسامع طالعين بسوشي دياي بالكويت بعد
يعني ماخذين الاكله من العالم وهم تألفون فيها
انا خبري السوشي سي فود مووو .. دياي

شكرا على المتابعه الجميله بو جسوم

Q8i_Blogger said...

على نفسها جنت براقش

بيييه .. سويسرا عاد

انا قلت اهني مصر .. جان جربنا

بس يبيله .. خصوصا بعد ما نفوز بقائمتنا بالاتحاد .. وناخذلنا ذيج الهمجه الصح .. احلى بسويسرا

Selezya said...

ماحب السوشي وماحب الانتخابات

(a)

اريح شي

Q8i_Blogger said...

Selezya

هههههه

انا قلت اكتب عن السوشي آخر شي عشان أغير الموضوع .. حق الي مايحب سوالف الانتخابات

بس ماحسبت حساب الي حتى السوشي مايحبه

انا بفهم .. ليلحين ماشفت احد مدحلي السوشي غير شخص واحد
منو ياكل هذا؟

Anonymous said...

السالفة طلعت هيك يعني !!ـ

أنا أتوقع والله العالم ان المستقبل انسحبوا مو لانه محد يرد عليهم .. لأنهم كانوا متوقعين انه الوحدة واصلتهم الاسئلة مسبقا ومحضرين لها بالتفصيل الممل .. وبما انه شباب المستقبل حتى لو وصلتهم الأسئلة مسبقا ماتوقع يقدرون يضبطون ردود مقنعة ففضلوا الترقيع بعدم رد الاتحاد عليهم والإنسحاب

يعني مثلا ما أتخيل واحد من المستقبل يدافع عن رغبة الاخوان في عدم الاستعانة بالقوات الاجنبية .. اصلا ما اتخيل واحد يدرس بامريكا بهالوقت بالذات وعنده مثل هالتفكير ... ما يدخلونه من الحدود أصلا .. طبعا انا لي راي مختلف بالموضوع لكن هذا مو محور النقاش هني !!ـ

عموما صج اني ما احب فكر الوحدة والليبراليين عموما لكن ما نشكك بنياتهم ... ناس للأمانة تشتغل بضمير وتظن انها قاعد تسوي الصح حتى لو احنا اختلفنا معاهم ... الله يوفقهم ويهديهم لكل خير

اما عن السوشي .. فمادري عن مدينتكم الفاشلة صراحةً لكن احنا عندنا مطعم سوشي منتشر اكثر من الماكدونالدز .. " سوشي شوب" ادمنت عليه صح .. الا ان اكتشفت مؤخرا انه حراااام لانه صوص الصويا مكون رئيسي فيه .. والصوص هذا عليه ضريبة كحوليات في بريطانيا لارتفاع نسبة الكحول فيه :(ـ

http://www.zabihah.com/comp_blog_entry.php?entry_id=12

http://www.albalagh.net/halal/col3.shtml

Anonymous said...

I can relate to NUKS issue. I contacted them twice. in the first time i requested access to NUKS TV and they were kind enough to approve my request and called for verification in a couple of hours.
in the second time the embassy sent me an announcement about a contest. in that announcement there was the email of NUKS president. I had some questions about the contest so emailed him. he did not get back to me. if he is not accessible to me he might be not accessible to others including Future or Mo3tidela.
by any event, having nawal or nabeel is not really my idea about entertaining overseas Kuwaitis!


Anonymous [the one above me]wish you all the best:)

أحمد said...

السوشي من احسن الاكلات على مر العصور حتى كاد ان يصل الى مستوى مجبوس الدياي

عاشق المجبوس

Q8i_Blogger said...

Anonymous

شوف انا اتوقع لو حاضرين المستقبل جان صج انحرجوا وماقالو اجابات كافيه وتنفع

وعلى سالفتك الثانيه
حلو حلو
خبر مضبووووووط الصراحه

لو شايفني اشلون قاعد اغمس بالصويا
مو السوشي زفر
فانا طايحله صويا
آخر شي طلع في كحوووول !!!

وانا اقول اشفين هذاك اليوم :P

Q8i_Blogger said...

Anonymous

لا تتوقع انه بهل سهوله يتم الرد على الايميلات

واذا على نوال ورويشد
فهذا خطه من الاتحاد

عشان يجذبون الطلبه .. وخصوصا الطلبه من عشاق الغناوي .. ويتم التصويت لهم .. يعني للوحده

ما اعتقد واحد دين راح يطق تذكره بذاك المبلغ .. علشان يشوف محمد الصقر ونوال تغني
هذي خطة انتخابيه لكسب المؤيدين للوحده

Thanks

Q8i_Blogger said...

أحمد

عاش والله بو شهاب عاشق المجبوس

شوفو يا جماعه .. هذا كان احد المشتركين بالجريمه .. الي خلاني اروح مطعم السوشي

فماني راد عليك تدري ليش

لأنك كنت قاعد تاكل سلامون .. نيي .. مو مطبووووخ !!!!

اشلون جذي .. اشهد انك مجرم :)

وأخيرا .. اشلون تقارن مجبوس الدياي بالسوشي
اشياب الصين للطين
هذا المجبوس عشق الشعوب :)

Ealaf said...

شكرًا على نقلك للانتخابات في أمريكا : ) قرات المقالتين واكتسب بعض المعلومات ..

وبخصوص الشوسي :s
مستحييييل أفكر أذوقه !

يعقووبوو said...

المناضره ماقريتها لان انا بنهاية الدوام

والسوشي ماكليته ولا مره بس الي بالصورة من مطعم ولا شغل بيت شكله وايد cheap او نقول شغل عيال او جنة قايل حق واحد 20 سنه يسوي سمبوسك سولنا سوشي
(:
مو محل بروفيشنال
(:

Anonymous said...

loooooooooooooooool
el soshe mafe mthl 6a3ma
looooooool

Mishari said...

الصراحة المناقشة مانى داخل فيها لان واعذرني احس ان النقاش ما فيه شئ مثري واموره دائمة ما تدخل في صلب الطلبة من دراسة واهتمام بالتعرف على الحديث كثر امور هامشية


اما السوشي فله عشاقه لان هبه

Q8i_Blogger said...

Ealaf

عفوا عفوا

ونصيحه .. لا تجربينه :)



يعقووبوو

لا بالعكس .. المطعم ياباني اصلي
مو من طقه الي بالكويت .. التقليد
وقطينا ذاك المبلغ الي يحبه قلبك
آخر شي ما كملت الاكل

نصيحه .. ابعد عن السوشي وغنيلووو

Q8i_Blogger said...

Anonymous

اكيد ماكو مثل طعمه

لأنه ماينبلع موليه



Mishari

حبيت اتكلم بالموضوع .. لأني ناوي اكتب اكثر من هل جانب في الفتره اليايه
وخصوصا عن المؤتمر الي راح يكون في امريكا
وكانت هذي مثل مقدمه
وودي لو احد يستفيد منها من الجانب النقابي
يعني الارتقاء بالعمل النقابي اشوي .. مو جنه انتخابات مدرسه متوسطه
مو بس الهدف الطلبه
عشان شكل الديمقراطيه بشكل عام :)

واذا على السوشي
الكويت كل شي فيها هبه
على اي شي .. حلو ولا ردي

فنر said...

المناظره مافهمت منها الا القليل
يحتاج اقرئها مره ثانيه
اما عن السوشي وايد اسال هالسؤال ؟؟
حاولت اجربه وصار معاي نزله معويه حرمت بعدها ..

Barrak said...

الله يزيد النعمه

اللحين تخلون المموش
وتاكلون سوشي

Q8i_Blogger said...

فنر

لا انا ولله الحمد .. عدت على خير
صج اني ماكملت الصحن لكن احسن .. مو ناقص اطيح مريض على أكله جذيه
وهم يتكرر السؤال .. منو يحبه هذا؟
:)
شكرا على المرور الجميل



Barrak

هههههه
حطيت ايدك على الجرح يا خوي براك

واحنا محصلين اموش .. عشان نروح حق هل أكل
أنا اشهد اني ماعرفت قيمه الموش غير بالغربه :)

fatomah said...

هاااااي

اختلاط وعادات وتقاليد وخرافات ابوجهل وقاعدين بامريكا !!
ياحلوين على منو الافلام الهنديه
وااااي ماحب النفاق والجذب وااااي
بكل مكان تجذبون يا شعب الكويت الابي !!!
صج مثل ما قال فتى الجبل الامراض الانتخابيه وحتى الاجتماعيه خذوها معاهم
لاسف
مع احترامي للكل يلي ما يبي خلطبيطه يقعد بالبر ويربي خرفااان

السوشي عموما والاكل الياباني والصيني انحاش منه لان اكيد "جووووووولااا" طابخته ههههههه
الشاطر باللغات يترجمها :P
بااااااي
فطومه -بريطانيا العظمى

Q8i_Blogger said...

fatomah

هههههه
الحين صبر
ليش الهجوم على افكار الناس بهل شكل
اذا انتي تعتبرين هذا تخلف
في ناس تعتبر الاختلاط تخلف

ثانيا انا ما قلت ممنوع الاختلاط ؟؟؟

انا انتقدت الفكر الي تتكلم عنه القائمه الي انتقدتها اهني

شنو يعني عادات وتقاليد؟

يا يقول مع .. يا يقول ضد

هذا قصدي بالعرض

وشنو نفاق وجذب ... وين كل هذا؟
شسالفه؟

تحياتي

fatomah said...

هااي
وهذا هو النفاق
واللعب على الحبلين
ما اقول انا مع اوضد
"
ائتلافي !!
"
باااي
فطومه -بريطانيا العظمى

Q8i_Blogger said...

fatomah

هايات

انا قلت المفروض منسق القائمة يقول مع أو ضد .. مو يتكلم كلام مو واضح عن العادات والتقاليد ومادري شنو

مو انا الي مو مع ولا ضد
انا مابينت رايي بالموضوع

انا ضد الاختلاط .. اذا هذا الي تبينه

واذا على الائتلافي
كيفج الصراحه

اذا اي واحد يقول هل حجي تعتبرينه ائتلافي .. فالي يريحج

اشوارانا .. نصير الي تبين .. المهم نعيش :)

بس عاد ليش نفاق ومادري شنو

تحياتي

EarthQuaker said...

ما يحبونه بس حق تفلسف يعني يورون العالم انهم متفتحين او يعرفون اكلات بره او متحطمين فيها بعد , هذا يسمونه نقص ولا بالعقل احد ياكل اكل ني؟ وين الطعم ؟ وين النكهه ؟ شخليتو حق القطاوه؟!!!

Q8i_Blogger said...

EarthQuaker

ههههه
اي والله .. قطاوه

لا بس في ناس يعجبه تره .. مو عن تفلسف
بس اتفق معاك .. انتشر بالكويت هل جم بس تفلسف مثل ما قلت

Anonymous said...

على الرغم من إنني أحب الأكل البحري ( زفرة منذ صغري :) ) لكنني لم أذوق السوشي إلا قبل سنة قبل سنة كنت برفقة إحدى صديقاتي في فندق الشيراتون هنا بالكويت لعمل ما لوجه الله الكريم .. عندما حان وقت الغداء ذهبنا للبوفيه وأبت أن تتركني إلا عندما أذوق السوشي ذات اللون البرتغالي .. وكان طعنه لذيذ ما شاء الله .. أما ذو اللون الأسود لا طعمه ... لاتعلييق :(
أدام الله النعمة ونسأل أن يمتعنا بها
وبارك الله بكمQ8i_Blogger و