Monday, November 12, 2007

مناظرة 1


اليوم موضوعي مختلف اشوي

بعد 10 ايام تقريبا سأكون بإذن الله متواجداّ في ولاية كاليفورنيا في منطقة لوس أنجلس وذلك لحضور
المؤتمر السنوي الذي يعقده الإتحاد الطلابي في أمريكا

سيكون هذا العام هو العام الثاني لي في حضور هذا المؤتمر .. كان حضوري الأول في العام الماضي في
مدينة نيويورك

في العام الماضي استمتعت كثيرا في الحضور .. تعجز كلماتي عن وصف السعاده التي احسست بها خصوصا وانا متواجد بين 700 كويتي .. وأين؟
في الغربه في أمريكا الشماليه

لم اخرج من فندق المؤتمر في العام الماضي إلا لبعض الوقت .. خصوصا وأنّ الأنشطه في ذلك المؤتمر لا تجعل الشخص يفكر في الخروج
فهناك الأنشطه السياسيه والمؤتمرات الإقتصاديه والفعاليات الطلابيه والأنشطة الرياضية وغيرها الكثير

شي صراحه يخلي الواحد يفتخر بعيال ديرته والي يسوونه .. صج مجهود يشكرون عليه


سأتحدث في مواضيع قادمه عن هذا المؤتمر

وسأحاول نقل ما أستطيع من أنشطه وأخبار من قلب الحدث الكويتي الأمريكي الجميل

وخصوصا مع كل هذا
الحضور الكبير



*

*

*



عموماّ كتبت هذه المقدمه الطويله تمهيدا لموضوعي اليوم

اتصدقون كل هذا وليلحين مادشيت بالموضوع؟

مادري اشفيني .. ودي اكتب فيني كبت .. لكن ماكو وقت .. الدراسه ذابحتنا

على العموم


ستكون هذه هي الحلقة الأولى وان شاء الله لن تكون الأخيره في سرد الأحداث الكويتيه في الأجواء الأمريكية


هذا المؤتمر مع كل هذه الأنشطه يشهد كل عام عشق كل كويتي

نعم عشق الكويتيين .. انها الديمقراطيه
ومن منا لا يحب ممارستها

فإنتخابات الإتحاد تحصل في نفس وقت المؤتمر


طبعا أنا هنا سأبدأ بعرض مبسط لتلك الإنتخابات الطلابيه المظلومه اعلامياّ

في البداية أودّ أنّ أبيّن نقطتين مهمتين .. لأني ادري راح يكون الموضوع حساس اشوي لبعض احبائنا في امريكا

أولا: شخصيا لست مع هذه قائمه ضد القائمة تلك .. فأنا اعتبر نفسي محايداّ .. ودليل حياديتي أني لا أملك حتى الحق في اعطاء صوتي لقائمه من القائمتين المرشحتين
فأنا أحد الطلاب الدارسين في كندا .. المظلومين والمحرومين من ممارسة حقنا الانتخابي

ثانيا: ليس لدي درايه كافيه بتاريخ الانتخابات هنا في الولايات المتحدة وأجهل كثيرا من ماضي وحاضر الانتخابات
لكن حبيت اكتب هل موضوع .. مشاركه مني في عرض الحدث الجميل بطريقتي الخاصه



اليوم موضوعي الأساسي هو ماحدث في المناظرة السنوية التي يقوم بها الاتحاد بين القوائم المرشحه



في أمريكا هناك قائمتين تتنافسان منذ خمسة أعوام نقابية


الأولى هي القائمة المسيطره على الإتحاد منذ خمسة سنين وهي
قائمة الوحدة ذات الصبغة الليبرالية
أما الأخرى فهي
قائمة المستقبل الطلابي .. وهي قائمه ذات ميول اسلاميه

في آخر انتخابات كانت نسبه التصويت الأعلى في تاريخ العمل النقابي في امريكا وحصلت قائمة المستقبل على ثلث تلك الأصوات تقريبا .. واكتسحت قائمة الوحده الساحه بحصولها على ثلثي الأصوات

كانت المناظرة بين هاتين القائمتين هي المناظره الرابعة بينهما .. فهي مناظرة سنويه كانت بدايتها في عام 2004 .. وشهدت إنسحاب قائمة المستقبل وللسنه الثانيه على التوالي

قصه الإنسحاب وحدها تحتاج لشرح مطوّل

تم الإعلان عن وقت المناظرة .. وتحديد الموعد

بعد ذلك طلبت قائمة المستقبل تأجيل ذلك الموعد ولم تلق أي تعاون من الاتحاد من هذا القبيل .. الذي يعتبر تحت قبضه القائمة المنافسة .. هذا على حسب رواية الأخوه في المستقبل

ولكن هل هذا صحيح .. وهل الموضوع يدش العقل؟

كان
البيان الخارج من قائمة المستقبل ضعيف جداّ

فهم يقولون فيه أنهم كانو يحاولون الاتصال بالمسؤولين من الاتحاد بكل الاشكال ولم يحصلو على أي رد .. لا عن طريق الاتصالات الهاتفيه ولا عن طريق الرسائل الالكترونيه

هل هذا يعقل .. فأنا في غضون دقائق أستطيع الوصول إلى الإتحاد ومخاطبتهم فيما أريد .. وحصل معي ذلك أكثر من مره

هل مره شباب اذا تبون اي شي .. دزولي ايميل وانا اضبطكم

يعني هل يعقل من قائمه تحصل على 120 صوت واكثر كل عام .. لا تملك القدره على الوصول لأحد زملائهم في الاتحاد وسؤال عن امكانيه تأجيل وقت المناظره

في نفس الوقت لم نرّ أي جهد بذل من قبل الاتحاد لسؤال القائمتين بكل حياديه عن رأيهم في موعد تلك المناظره

وتم تجاهل قائمة المستقبل بشكل واضح

فالشيء تكرر العام الماضي وتمّ الانسحاب ولنفس الأسباب؟؟؟

يعني شي صار السنه الماضيه ماتعبوا روحها لا المستقبل ولا الاتحاد في عمل شيء لتلاشي هذه المشكله .. أدمغه نقابيه جباره الصراحه



بتكلم عن ملاحظاتي لأول 20 دقيقه من المناظرة ثم أكلم التعليق عن المناظره الممتده لساعه ونصف الساعه في بوستات قادمة:

بدايةً: لم أسمع بحياتي عن مناظره من طرف واحد
كيف تسمى مناظره إذا ؟
يعني بعد أن سمع الاتحاد عن انسحاب قائمه من القائمتين .. كان الأولى به أن يقوم بإلغاء المناظره والسلام

على العموم بدأ المذيع المناظره بعرض سريع لتاريخ تلك المناظرات

وفي نظره سريعه في أسماء المذيعين الذين قامو بإدارة تلك المناظرات .. الأسماء لم تكن حياديه بالمره .. بل كانت منحازه إلى جانب معين خصوصا وأني سمعت بإسم أحد المذيعين وهو مرشح في الوقت الحالي من قبل قائمة الوحده
فكيف لأشخاص يميلون لقائمة معين .. لا بل ينتمون لها .. أن يديروا حواراّ كهذا بحياديه

وسنرى كيف يكون الخروج عن الحياديه واضح من المذيع .. في الأجزاء القادمة

بعد ذلك بدأ رئيس الإتحاد الحالي (حبيب أخونا عاجل) في التطرق لموضوع انحساب قائمة المستقبل

طبعا باختصار دافع عن اجرائات الإتحاد ... ثم إنتقل اللاقط للمذيع حتى يقوم بافتتاح المناظره التاريخيه .. لأنها من طرف واحد

يتبع ...




*
*
*


شافيز زفووه يا جماعه .. من قبل ملك أسبانيا

أترككم مع الفيديو







*
*
*


أشكر مدونة سدرة العشاق على الدعايه الجميله :)

53 comments:

خرواش said...

اخي العزيز

بما انك بكندا اذن حياك الله

اعلم و وصل هذه الكلمه للمستقبل الطلابي" المعتدله سابقاً

ان الاتحاد اخذ موافقتهم بالمشاركه عن طريق ايميل نائب المنسق و الايميل موجود

ولكن تم التلاعب في الدقائق الاخيره بالمشاركه

فمنسق قائمة المتقبل الطلابي " الاخوان " لا يمتلك القدره الكافيه على الحديث

و ها اهم الان لا يستطيعون حصد 9 مرشحين للتفكك الداخلي زائد عدم الخبره في المجال النقابي

اذهب الى اصحابك بالمستقبل و قول لهم الاتي
1- الم يتصل عليكم رئيس الاتحاد لدعوتكم بالمنظره
2- الم توافقول
3- ال تكسرو به

اما بموضوع الحياديه
فهذا اسلوب ضعيف جداً يستخدمه الاخوان لدغدعة مشاعر الطلبه

و بأنتظار المزيد

خرواش said...

e neseet la agoollek

say hi to algonquin college :p

على نفسها جنت براقش said...

انا اقول تعال مصر
لوووول
راح تشوف العجب
و نسوى قائمة جديدة

Q8i_Blogger said...

خرواش

هلا والله اخوي .. وشكرا على المشاركه الحلوه

انا كتبت هذا الموضوع لأني ودي اسمع راي القائمتين ولو منكم بس

ثاني شي .. تقول دازين ايميل

يعني تكفه ايميل يكفي .. اذا يدرون هل قائمه تنحاش من المناظرات ليش مايكونون اكثر مرونه معاهم .. خل نسمع صوت منسقهم .. مو تقول مايعرف يتحجى .. ليش ما انطرو عليه عيل؟

وبعدين انت قاعد تهاجم المستقبل .. وهذا شي ما انكره .. بس تقولي كلمهم وقول حق ربعك ههههههه

عاد تصدق منسق عام الوحده اعرفه شخصيا وبينا اتصالات

اما القائمة الثانيه فالي اعرفه عنهم موقعهم

وانا هم مستغرب معاك اشلون ليلحين مو قادرين اييبون تسع اسامي للنزول في الانتخابات

اما لموضوع الحياديه
فاخوي تابع مواضيعي القادمه وراح تشوف انعدام الحياديه
وانت تقول اسلوب يستخدمه الاخوان
انا اول مره اسمع مناظره .. ولاحظت هل شي بشكل كبير

تره الياي على الوحده وايد
يمكن الايام اليايه راح يكون التركيز على الوحده اكثر
تدري ليش؟
لأنهم الفايزين وهم ربعنا ونبيهم يتطورون اكثر واكثر

ودي يكون هل انتقاد بناء

ولا احد ياخذه بأني من هل قائمه ولا هذيج

احنا كندا مساكين .. مايخلونا نصوت :)

Q8i_Blogger said...

على نفسها جنت براقش

لا تحاتين هذي اهي خطتي الخمسيه

يعني الواحد اذا ما مشى اهني وين راح يروح آخرتها ... مصر ام الدنيا

ونسوي قائمه ولا تزعلين .. نسميها براقش وبس

انييبلنا من كل قبيله رجل .. وجم حضري بالنص .. وجذي نفوز .. هذي سوالفهم بانتخابات مصر .. اعرفهم :)

على نفسها جنت براقش said...

لا مو براقش الاسم عندى
بس عطنى وقت خلنى امخمخها عدل علشان ما ننسجن لما انبوق
:)

Q8i_Blogger said...

على نفسها جنت براقش
ههههههههه
او حركات هذي الخطه؟
يالله لاتطولين علينا :)

على نفسها جنت براقش said...

لا ما راح اطول
بس خلنى افتك من امتحانى

و بقولك بصراحه
كنت عارضه المشروع على حلم جميل
لكن قال لى اخلص دراستى اول و بعدين ابيع شباصات
زعلت و طردته من فكرة مشروعى

Q8i_Blogger said...

على نفسها جنت براقش

هههههههه

لا راجعي الموضوع .. تره ينفعنا الحلم

صج انه يشجع ليفربول لكن خوش واحد :)

على نفسها جنت براقش said...

مو مشكله كلام حريم لووول
يتغير
بس المهم تابع بيت افكارى و راح اعرض الفكره و انت بالتزكيه لووول
نائب الرئيس
و الا تبى الرئيس ؟
لا تستحى

Q8i_Blogger said...

على نفسها جنت براقش

على حسب منو الرئيس

مايجوز نساء تره

الرجال قوامون


صارت جاي الضحى اهني :)

على نفسها جنت براقش said...

الفكره فكرتى
عيل تساعدنى و تصير رئيس

و تبى امشى خوش طردة ماشى

Q8i_Blogger said...

على نفسها جنت براقش

لا لا ماقلت شي انا

بس الرئاسه ماتجوز الباجي عادي ههههه

Q8i_Blogger said...

ولا اقول خلاص .. ادور فتوى
خلج انتي الرئيس
بس لا تشيلين الفكره .. نبي فلوس

على نفسها جنت براقش said...

شوف انا ما عندى انتخابات
و لا عوار راس
انت الرئيس 1و انا الرئيس رقم 2

و بعدين نختار الباجى
بس الاسم اللى عندى يكسر الصخر

ما خطر على بال احد بس المشكله ما فكرت لما الحين برؤية و اهداف منظمتى
لووول

على وزن شريت الجوتى و الجنطه و ما عندى بدله لووول

على نفسها جنت براقش said...

الفتوى دور من الحين واحد بلحيه لنا
ههههه
و لو دشداشه قصيره احسن
او انا اشوف لنا واحد بمصر

Q8i_Blogger said...

لأ ضبطيلنا من مصر أحسن شي
سهالات
اديني فرخه .. اديك فتوى
واذا على التوجه والافكار
سهالات تره
كلهم نفس الشي
الوحده الوطنيه والديمقراطيه
مادري يعني شنو
بس اهو جذي

على نفسها جنت براقش said...

ماشى كلامك اوامر سيادة الرئيس

تابع حفيز الافكار
و استأدن الحين
اروح انام و افكر بالتفاصيل
و لنا لقاء
وهاف فن إن كالى

:)

One_Kuw said...

الحريص يشارك

Selezya said...

اولا : الله يعينكم على سوالف الانتخابات وتبي نصيحة خلك محايد واستنانس لان مالكم حق بالتصويت والله أريح

ثانيا: مبروك الفوز والدعاية خوش خوششش ياشااطر

ثالثا: تبون وحده تسوي قهوة جاي ؟ حقكم انت وبراقش؟
لوول
ترا حاضرين :p

Q8i_Blogger said...

One_Kuw
مو فاهمك اخوي



Selezya

أولا: خوش نصيحه ولا تحاتين انا نامشي على هل نصيحه .. مالي شغل فيهم

ثانيا: يبارك فيج ومشكوره

ثالثا: مو بيدي التعيينات
سئلي المديره :)

One_Kuw said...
This comment has been removed by the author.
One_Kuw said...
This comment has been removed by the author.
One_Kuw said...

اقصد الحريص على المشاركه يشارك

ما يقعد يسوي افلام نفس كل مره

كلام اخوي خرواش واضح و اتفق معاه الراي

يعني ما اظن انت قاعد تتكلم بهالموضوع من طرف واحد

اذا ما تعرف شنو الموضوع ماله داعي تكتب عنه

و الله يوفقكم و يرزقكم بأتحاد مثل اللي قاعده تقوده الوحده الطلابيه

Anonymous said...

خوش قائمة حضور ... مو ناقص الا يسمونه " مؤتمر التحالف الوطني !!"ـ

والله حرام سعر التذكرة عليهم ...

أما قائمة المستقبل .. من زمان نقول انهم مو ذاك الزود نقابيا .. على نياتهم وما يصلحون للإتحاد للأسف الشديد .. وين يقايشون مع بني ليبرل الله يهديهم !!ـ

فتى الجبل said...

ليش شباب الكويت بره يكونون بقمة نشاطهم واذا يوا الديرة ما تسمع لهم حس وجنا الديرة مو ديرتهم

Q8i_Blogger said...

One_Kuw

صح كلامك .. وانا مو بموقف الدفاع عنهم
قلت من اول شي هل حجي .. لو يبون يشاركون جان احرصوا اكثر
بس شكلهم خايفين ولا شي جذي مادري
وهم لو الاتحاد كان مرن اكثر جان احرجهم وخلاهم غصب يحضرون المناظره
جان كانت المناظره افيد للجانبين وللطالب بشكل اساسي

وشنو من طرف واحد يعني ؟

يا اخي انا كل الانتقادات الي اقولها ودي توصل حق القائمتين عشان يستفيدون .. وهذا الشي يعود علينا جميعا بالنفع

ليش كل ما احد تكلم .. ازعلو ناس وغيرهم قالو انت قاعد تمدح قائمه على الثانيه

ثاني شي
من قالك اني مو عارف الموضوع
يعني هل تتقع احد من الطلاب الثانيين يعرف اكثر من المعلومات الي اعرفها
انا سمعت رد انور الشريعان وقريت تصريحه بالجريده وهم شفت الجانب الآخر وتصاريحهم بموقعهم
ومن هذا بنيت فكرتي العامه وكتبت عنها

هذي نظره اي واحد تابع الموضوع عن قرب .. انا الي صار بالضبط بالضبط .. فهذا شي مع الي يشتغلون مع القوائم ويتابعون شغلهم
اما انا .. مالي شغل لا بوحده ولا بمستقبل

وهم اقولك وسع صدرك .. تره الانتقادات يايه على الوحده

اتمنى انه هل انتقادات تفهمون انها للاستفاده .. مو لضرب قائمه او شي من هل قبيل

ومشكور على التنبيه

Q8i_Blogger said...

Anonymous

هذا شي هم محزن الصراحه .. كل المدعوين لهم توجه معين تقريبا
يعني ماشفنا اي اسلامي يشارك في المؤتمر

المؤتمر السابق اقتصر على الصرعاوي فقط واحد الدعاه المجهولين من وزاره الاوقاف .. الذي تكلم عن الوسطيه !!!

بس لو تلاحظ نفس الشي يحصل مع قائمة الاتحاد في بريطانيا
نجد اقلب الحضور من توجه معين

ودي لو يتم تصليح هذا الوضع

واذا على سعر التذكره .. المشكله مو السعر
المشكله المؤتمر يصادف نص الدراسه
تدري ساحب على امتحان عشان اروح اهناك؟

اتعرف احنا طلبه كندا ما ورانا اصوات .. فمحد معطينا ويه :)

وكلامك عين الصواب عن المستقبل
ودنا نشوف منافسه قويه
اما في الوقت الحالي .. فالمنافسه معدومه .. والانتخابات من جانب واحد فقط

Q8i_Blogger said...

فتى الجبل

مو انا :)

بس تره مو كلهم .. اغلب الي كانو ورا حمله نبيها خمسه كانو من طلبه امريكا .. هذا على حد علمي

Q8 Disaster said...

الله يوفق الي يستاهل والي يكون اصلح بالانتخابات :>
--
لووووول والله مو هامه احد هالملك مال
اسبانيا :>

Q8i_Blogger said...

Q8 Disaster

آمين

زين يسوي بشافيز .. قاط ويها ومسوي روحه معارضه على اي شي

سدرة العشـــاق said...

تصدق طول فترة دراستي بأمريكا لمدة 5 سنين ما عمري رحت و شاركت بالانتخابات أحس كله شغل تعنفق و مظاهر و صراحة ما كان عندي وقت كنت مجابلة دراستيNERD .... شاطرة انا

:P

و مشكوووووور وايد على الدعاية

:)

Q8i_Blogger said...

سدرة العشـــاق

انا صراحه عندي ميول حق هل سوالف

لكني اروح مو عشان لا تصويت ولا شي

منو يرد شوفه 700 كويتي

وأكل كويتي وسوالف كويتيين .. شي يشجع يرد الواحد لديرته

وانتي المشكوره نوت مي :)

اي صج علميني اشلون اصير نيرد .. مو لازم اشلون اصير .. بس اشلون ما ادش النت لمده يوم واحد واجابل الكتاب بدالها
اشلون؟ :)

Bu Jassem said...

بصراحة انا خريج جامعة الكويت وما ادري عن اتحاد طلبة امريكا..فالله يوفق الجميع انا يات على الدعاية من سدرة العشاق

وبصراحة اتحاد طلبة امريكا هالسنة شقردية... ضبطونا بالمسلسلات والعضوية وشفنا كل الحلقات جنه بالكويت

بس عندي رفيجي زعلان عليهم يقول متابع مسلسل الوزيرة وحطوه لين الحلقة 29 وقصو فيه الحبل(عاد اشدعوه ليالي الحلمية)..شيسوي بعمره المسكين ؟؟؟
اذا تعرفهم قول لهم سالفته..طبعا انا المسلسل مو عاجبني بس رفيجي كاسر خاطري
وسلامتكم ومشكورين

Q8i_Blogger said...

Bu Jassem

ضبطتا السدره بدعايتها
:)

وعلى سالفة الوزيره
مو بس اهووو علقوا وايد وباكثر من مسلسل
مشكله رمضان صار 29 فالحلقات الي باليوم الاخير ما انعرضت بنفس الوقت .. فراحت عليهم
بس ولا تزعل اذا رحت اهناك
لك مني اشخلهم ولا يزعل الحبيب صاحبك :)

بس تره في مواقع ثانيه ينقلون فيها المسلسلات اذا ليلحين وده يشوف المسلسل
تره نهايته كلهم يصيرون دينيين ويصلون وبس هههههه
هذا الي سمعته

Bu Jassem said...

بسم الله..ما مداني احط المشاركة رديت مشاءالله عليك وعيني عليك باردة
انا ودي ما يحطونها الحلقة الاخيرة علشان ابرد جبدي فيه..خو تعرف الكويتين ما نحب الخير لبعض :)

وبعدين تقول للناس ابي اصير نيرد
جابل دراستك شوية وخل عنك النيت
الله يوفقك يا رب انتا وكل المتغربين من صج علشان يدرسون...
لحد يزعل مني يا ربع التشيك والأردن وباكستان وما ادري وين وصلنا الحين بعد عقب المعادي وحلوان

Q8i_Blogger said...

Bu Jassem

خلاص ما اكلمهم عشان تتشمت على راحتك

واذا على النيرد
خلها على الله بس

انا وين والدراسه وين .. ههههههههه

والله يوفق الجميع .. لا ازيدك .. واحد من ربعي وصل سلوفاكيا

لا ورد بدون مايسوي شي ماعادلوله شي

قتله الاردن اشحلاتها
جامعه فيلاديلفيا
جبن مو جامعه
:)

تحياتي

حمد said...

مبروك عالفوز :)

Q8i_Blogger said...

حمد

يبارك فيك يا الحبيب

أهدي الفوز إلى سمو امير البلاد وولي العهد او او او او
الكلام المحفوظ

ولك يا اخ حمد :)

سدرة العشـــاق said...

انا اقولك شكنت اسوي ما كنت اقعد بالبيت اروح الجامعة واذا بتأخر ارد البيت واقفل الدار و احط اغاني لازم جو ولا ماعرف ادرس لا و اغني وياهم لوول

و النت لي خلصت جابلته :)


والله ايام وناسه تبادل ؟
انا ادرس و انت اشتغل ... اوكي ؟

Q8i_Blogger said...

سدرة العشـــاق

لا ما ابادل .. ادري الدراسه اونس
كا ساحب على كل الكلاسات اليوم ولا احد درى عني
اقدر اسويها بالدوام
اذا اقدر
ابادل ماكو مانع

سدرة العشـــاق said...

نحاسة ... شغلي يونس والله تسحب فيه على كيفك و يعطونك فلوس لوول

صج صج اشتقت لأيام الدراسة ماكو إلا أكمل ماستر و دكتوراه بس هل الزوج راح يرضى هُنا الغمنده

:P

الله يوفقك ان شاء الله

حمودي said...

الوحيدين الي احسهم يفهمون اهمه طلبه اتحاد امريكا
اتمنى اكون غلطان

Bu Jassem said...

حمودي

انتا غلطان

الي يفهم يفهم مو شرط من وين
طلبة امريكا شطار باللغة وعلشان شذي عبالنا انهم عباقرة..لما احتكيت فيهم اكتشفت هالشي
صج انه فيهم اساسا متفوقين لانهماغلبهم بعثات
بس المستوى العلمي في جامعة الكويت زين وصدقني يفوق وايد جامعات امريكية .. لا تنخدع بالمسمى
لانه امريكا من كبرها فيها من الجامعة العريقةوالقوية والصعبه لين جامعات ميكي ماوس وبطوط

وبهالزمن محد يدور الصعب
الواحد يدور اسهل طريج يوصله

المصيبه بالجامعات والدول اليديده
الي تعطي الهندسة لي واحد شهادته ادبي
او تصير دكتور وانتا ما تعرف لغة الدولة

وبعدين بما اني من جامعة الكويت لازم اقول انها احسن جامعة

بس لو يرد فيني الزمن
بروووح الاردن او مصر

شلي بعوار الراس اييب الشهادة هذا الاهم

خرواش said...

مجهول

انت مثال على بعض الطلبه بأمريكا
زرع صبخ

مهما فعل الاتحاد من انجازات وخدمه لطلبه و سمعه طيبه على مستوى الكويت

الا ان ما يبين بعينكم

Q8i_Blogger said...

خرواش

اشهل كلام الله يهداك
شنو مايبين بعينهم؟
اهما مايطرون من الاتحاد
هذا اتحاد الجميع
والاختلاف بالآراء هذا شي لازم يصير
وفي ناس وايد ما توافق على بعض اعمال الاتحاد
ما المانع
خو الاتحاد مو ملائكه
يعطيهم العافيه على المجهود .. بس الانتقاد شي أساسي بالعمل النقابي
عيل اشلون الناس تتطور ؟

Q8i_Blogger said...

حمودي

والله كل الاتحادات مايقصرون
بس اتحاد امريكا غير عنهم كلهم لأنه توجها السياسي يختلف
اذا هذا كان مقصدك بالي يفهمون فيمكن
لكن الاختلاف بالتوجهات مو اهو الي يحدد مستوى الفهاميه

تحياتي بو جاسم

Anonymous said...

قال انجازات قال

الي نطر من الاتحاد طرارة علشان يدعومننا بنشاط والجماعة طناااش .. عمك اصمخ

ليش انه مانصوت ولا احنا من نفس التوجه

ولا شرايك اخوي كويتي بلوجر ؟؟ـ

Q8i_Blogger said...

Anonymous

مادام انك بكندا عيل اكلها
ليش ماتصوت؟

لا ازيدك

زادو معاشاتهم واسحبو علينا

لو مو الصراخ والركضه وراهم .. مايدرون عنا

بس انا محايد اهني :)

مشاكلنا بكندا يبيلها 20 بوست ثاني

خلها على الله

بس هم مايقصرون :)

esTeKaNa said...

مستمتعه اخر استمتع بقراءة هذا البوست وبانتظار ما يتبعه من مواضيع متعلقه به ...فانت هنا تشرح لي عن عالم آخر كنت شغوفه لمعرفه اوضاعه
:)
اتمنى ان تكون مستمتع فعلا بالمؤتمر وتنقل لنا اخباره فالدعايه له ما شاء الله مميزه جدا

وعلى فكرة...هذا البوست ذكرني بايام الدراسه،فالايحاء بالكتابه ينزل بشكل مو طبيعي
اعتقد من اجمل البوستات الي كتبتها كنت مضغوطه دراسيا وراي امتحانات كثيرة
:)
الله يوفقك يارب

Q8i_Blogger said...

esTeKaNa

شكرا شكرا على المدح
أتمنى أن أتمكن من عرض شيء جديد هنا وتقريب الصوره الى الجميع
واذا على الامتحانات .. فصدقتي .. الواحد من يمسك كتاب اييله سبعين بوست في باله :)
والله يوفقج بعد
شكرا

Mishari said...

الصراحة ما اقول الا الله يوفق الجميع لما فيه الخير
والصراحة مجهود يشكرون عليه جدا على الله قاعد يسونه

يعيطكم العافية وفضفض اخذ راحتك

Q8i_Blogger said...

Mishari

تحياتي لك اخوي مشاري
وجميل المرور