وناسة ديرتنا

تحديث

مبروك لكم اعلان تشكيله الحكومه الي على الماشي

*

*

وناسة الكويت

مافيها وزير يقدر يوقف جدام تهديد

حتى مو استجواب

بس تهديد

التشكليه الاخيره الي راح تعلن اليوم بليل حركت كل الوزراء الي تم تهديدهم

سواء الشؤون او الاوقاف او المالية

وحتى تم الفصل بين الداخليه والدفاع خوفا من سعدون حماد

الحكومه تأكد لنا لعاشر مره انها حكومه غير اصلاحيه

عيل هذي تشكيله؟

يعني باختصار قالو حق العالم

اي واحد يبي يصير وزير حياه الله ... يبوق ويشبع وقبل لا يستجوبونه انشيله ويعيش طول عمره على الهمجه الي خذاها من الوزاره

الحين اشلون نحاسب المعتوق على البوقات الي صارت؟ واشلون نحاسب الحميضي؟

تدرون يا حكومه منو البطل الحين؟

سويتو بو رميه بطل الابطال

صج صج ديرتنا وناسه

احلى من مسلسلات رمضان

التشكيله نقلا عن جريدة الجريدة كالتالي

ناصر المحمد رئيس مجلس الوزراء
جابر المبارك النائب الأول لرئيس مجلس الوزراء وزير الدفاع
محمد الصباح محمد الصباح
فيصل الحجي نائب رئيس مجلس الوزراء وزير الدولة لشؤون مجلس الوزراء وزير العدل
جابر الخالد وزير الداخلية
بدر الحميضي وزير النفط
نورية الصبيح وزيرة التربية والتعليم العالي
عبدالله المحيلبي وزير المواصلات وزير الأوقاف
صباح الخالد وزير الإعلام
مصطفى الشمالي وزير المالية
جمال شهاب وزير الشؤون
عبدالواحد العوضي وزير الإسكان وزير الدولة لشؤون مجلس الأمة
فلاح الهاجري وزير التجارة والصناعة
موسى الصراف وزير الأشغال وزير الدولة لشؤون البلدية
؟ وزارة الصحة لم تحسم (مايعطوني ياها؟)ـ

طبعا هذي توقعات بس .. في اختلاف بين الروايات

بس يظل الجوكر المحيلبي يتنقل بين الوزارات