نساء الرسول (أمهات المؤمنين وبناته) ما يعرفون يتأدبون معاهم .. اشلون يبون يرتقون بلغه الحوار الي بمجلسنا
يقولون .. عايشين بخيمه .. منو الي عاش بخيمه ؟
ما اعتقد طفل في الإبتدائي يغلط بهالمعلومه
طبعا ما قدرت أسيل تنكر الموضوع قامت ورفعت قضيه .. اشدعوه !!! .. تدرين أحمد السعدون بتاريخه كله ما رفع قضيه على اي شخص .. ما تقدرين تدافعين عن روحج ..!!ب
لا وتبي تقدم شكوى على طالبه عندها .. تقول طالباتي مساكين حرااام .. هالكثر ودج تنتقمين من أي أحد .. ولا قصو عليج أطفال التحالف ؟؟
الله يعين
*
*
حلقة الأمس في برنامج أمة 2009 الي كانت تجمع مجموعه من الشباب كانت لي فيها بعض الملاحظات
أسامة الشاهين كان الممثل الوحيد للتيار الاسلامي معنهم أكثر تيار في المجلس
شروق مظفر كان يسميها المذيع بوفتين ممثله المدونين في الحلقه معني مو عارف على أي أساس تم اختيارها وهي تمثل تيار معروف وتوجهها واضح للكل وما كانت غير صوت مساعد للأخ خالد الفضالة أمين عام التحالف الوطني
طبعا خالد للأسف ذكرني امس بإنتخابات جامعه الكويت .. والطرح الهجومي التام .. يعني ماكو شي تتكلم فيه غير انك تهاجم أسامة الشاهين وتتكلم عنه وانه متقلب وممثل .. ليش .. اهو كلمك اصلا ولا قرب صوب تيارك الجميل؟
طبعا اثنينهم شروق وخالد بس ينتقدون الشاهين ممثل حدس ولا احد قرب صوب الباجي معنهم لهم توجهات دينيه بعد مثل ممثل التحالف الاسلامي الدكتور عبد الصمد
أخيرا .. شكله ربع التحالف كلهم عندهم مشكله مع الآيات القرآنيه .. فبعد سالفه اسيل .. امس خالد الفضاله ماعرف يقول { أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ }ش
هذول شباب المستقبل .. هادين كل مشاكل الدنيا ومجابلين الفتاوي والتيار الديني .. لي هالدرجه مخوفينكم !!!ش
*
*
صج بعض الناس ودي اسوي فيهم جذي :ـ
27 comments:
شفت الحلقة و كالعاده قبل ما اشوفها مت من الضحك و قلت لهم لاحظوا رهبة الباقيين امام الكاميرا و شوفوا الشاهين اشلون بيحرقهم
انا اكره ما عندي لما ينسبون احد حق التدوين يعني يمثل المدونيين
انا لقائين صاروا معاي و لما قالوا نفس المسمى اعترضت على المعد و قلت له ناشط بمجال التدوين نعم انما امثل المدونيين لا فعالم التدوين فيه كل الطوائف و التيارات و انا امثل نفسي فقط
بعدين يعني مستغرب ليش
بوفتين و شروق واحد ما كان له داعي يسضيفها و يكتفي بنفسه
ههههههههه
اما المقطع
اقشر اقشر
و اللي يشوفه مالك امل يقولك طلبت تصوت لأسيل
ههههههههههههههههههه
قاهرني اللي بالفيديو
:@
ما يستحي
بس لما تروح عند الباب وتصارخ
ههههههه اتحسها صج مسكينة
ههههههههههههههههههههههههاى
عجييييييييييييييييييب
على قولتك ودى اسوى جذى بعض الناس هههههههههههههههههههههههههههههههاى
والله عيب عليهم , عيالنا فى المدارس الامريكية لكن الحمدالله حافظين اجزاء من القران مو عشان انا متدين ولا انى اسلامى , القران اول شئ يهذب النفس البشرية , ويقويهم فى اللغة العربية , ويطلق لسانهم
لكن ما اقول , الا اتلم المتعوس على خايب الرجا
اللى يصارخون من صوب لمجرد ازعاج النظام
واللى ما يعرفون يتكلمون كلمتين من زود الترف السياسى اللى اهما فيه
صباح الخير
بصراحة ماراح اعلق على الموضوع الرئيسي ؟
بدون تعليق
بس مت من الضحك
على طريقة تنويم
الكويتية لعيالها
لوووووووووووووول
:)
جزاك الله خير
ضحكتنا متنا
من القمتة
والله يستر من الياي
الي بالفيديو
الله يلعنه من اليوم لي يوم الدين ان شاء الله
احد يسوي جذيه بمره مسكينة جدام عيالها
يعل ايده الكسر
الي يسمع يقول صامين القرآن كله
حتى امام المسجد يغلط و ينسى بالآيات، و الفضالة على الاقل استشهد بآية يعني مو يايب شي من عنده
و لنكن واقعيين
ما اعتقد فيه برنامج بالكويت او بالعالم كله يقدر يستضيف المدونين الكويتيين كلهم على فرض انهم كلهم يبون يطلعون بالتلفزيون
اييبون واحد يمثل البلوغرز في البرنامج، عاد هالبلوغر ناطق رسمي باسمنا و لا لا شغلة راجعة للاهواء لأنه ماعندنا مدونين غير الفقع الي ارائهم كوبي بيست
و نفس الشي عن الشاهين او التيارات الاسلاموسياسية، لو بنحط من كل صوب و فرع و ركن و فخذ ما راح نخلص اهم اشوه ما يابو واحد يمثل الفرعيات جان طحسنا
بويعقوب تدري شالمصيبه
ان الي يدافعون عنها بيصيرون فاهمين بالدين
وبعضهم شيقول ان الاسلام له خمس فروض والحجاب مو منهم
ههههههههههههه
اذا اركان الاسلام يسومونها فروض !!!
انا والله مالي مزاج ارد عليهم
لأن الجاهل صعب تجادله وبالاخير الجدال يكون عقيم
---
اما سالفة اللقاء هاذي تمثيليه مسويها الظاهر بوفتين
جايب اثنين من توجه واحد ومقعدهم مع واحد توجهه اسلامي ههههه
-----
ربع اسيل يبيلهم واحد نفس هذا حمزه الي بالمقطع هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
من الحين
اقول مبروك حق اسيل
هاردلك حقي
وااااضحة
يبونهااااا
أتوقع أسيل فقدت " بعض " مؤيدينها بسبب ردها الركيك على ما أثير في اليوتيوب !!
أما عن أسامه .. فعلا الملاحظات في محلها وكنت أقول للشباب مايصير 2 على 1 شروق وخالد ما عندهم غير الشاهين !!
وباط جبدي الفضالة لي ألحين عباله السالفه بين الائتلافية والوسط!!
وممثلة المدونين .. ممكن لأنها من نفس توجه مقدم البرنامج
تحياتي
هذولا مشكلة
واللي بالفيديو حقير
أسامة الشاهين ما قصّر فيهم .. فعلا احرجهم بطرحه الراقي واخلاقه وابتسامته
أحد صوت على من يمثل المدونين وما قال لنا؟
ليس نقصانا بالاخت شروق لكن لا أحد يمثل كل المدونين مثل ما تفضل بو وليد بالتعليق الأول. لكن للأمانه الاخت شروق لمست هذه النقطة أكثر من مرة
وبالنسبة للشاهين فبالاضافة الى أنه مكشوف وتياره السياسي المستغل للدين البريء فانكشف أكثر بلفه ودورانه حول المواضيع
نسيت كل الكلام اللي كنت بعلق عليه عقب ما شفت الفيديو @@
حسافة طافتني الحلقة.. ماكنت سامعة عنها
خوش مدونة ..وشكرا على الموضوع
كان عاجبني صوته الي بالفيديو حق مواويل عراقيه بس طلع حقير كسرت خاطري المسكينه رفسها على راسها يعل راسه البط
a77777777 3awwerat galby
zain ma ba6 ras-ha
o plz a7ad itarjem bfham sij narfezta ib shay yeswa
wela uhwa jongar zemana?!
o5oy mino btsawetla mu msawe balbala nfs il baje
الفيديو لا تعليق لوووول طلعت تخرع والله لوول
شوف انا اقول لك والله ساعات الشباب الي يمثلون هالاحزاب يبطون جبدي .. يبا خلاص كل واحد ينزل بروحه ماله داعي تجمع وحزب وخربطة وكلام فاضي ... وصج وصج انا بعد انغث من سالفة الآيات يا انه يقولها كاملة ويكون حافظها عدل يا يسكت والله قاعد يخرب على الناس الي تتبع فكره والله ...
ممكن تترجم لي الفيديو ؟؟؟ انا مو فارسية خووووو :p
Enter-Q8
انا مو فاهم ليش اهما مدخلين نفسه بصراع مع الشاهين
سكتو احسنلكم
والغلط الاساسي من بوفتين .. يعني من صجه مادري المدونين محد يقدر يمثلهم لأنهم اطياف واشكال متنوعه
صراحه انا ما ارضى اي احد يمثلني ويطلع يتكلم باسمي
وصح كلامك .. كان الاجدر يكتبون ناشطه في التدوين وخلاص
واخيرا .. صح عرفت تقرى افكاري .. امي ما فكرت تطلب صوتي لأسيل :P
حياتي هدف مو عبث
هذا تسرع في الحكم :P
ماتدرين اشقالتله بالايراني !! .. يمكن سبت امه
:)
Anonymous
صح لسانك
بس اذا كبارهم مو عارفين يتكلمون .. اشلون التابعين !!!
الله يعين
بس
ليش متي من الضحك ؟ اكيييد صح ؟؟؟
:)
Anonymous
اكيد اهو غلطان
لكن اللعن مايجوز يزاك الله خير
EXzombie
اذا تبي تستشهد .. جان زين تتأكد قبل لا تقول .. هذا قرآن مو لعب
لا وازيدك .. قبل جم يوم ندوه واحد له تاريخ حافل وصارت عليه ضجه .. هم غلط بآيه قرآنيه :)
وبعدين انا ماقلت يستضيفون كل المدونين .. بس الي يستضيفونه ما يقولون يمثل المدونين .. لا والله انا ما ارضاها على روحي .. يتكلمون باسمي بكلام مو عاجبني !! اي شي !!
ومادري منو قصدك عن المدونين الفقع !! .. المدونين لهم افكار مختلفه ومتنوعه وموجودين ويشاركون بكل الافكار .. !!!!
وانا ماقلت حط كل التيارات الي موجوده بالساحه .. بس على الاقل تحطلي اكثر من شخص يمثل اكبر تكتل في المجلس واهو التكتل الاسلامي .. مو تحطلي اثنين من الليبراليين الي مايتعدى رقهم 4 مادري 5 بالمجلس بس !!!!
نسبه وتناسب يعني !
ويعطيك العافيه
Fai9al.Me
المشكله هالواحد اكل الاثنين .. كان ودي يكون معاه واحد يساعده .. جان شالو قشهم وطلعو
يحليلهم
وماتقصر يا بو غازي
بن جبلة
والله اهي قويه الصراحه
بس ماتدري عن تحالفات آخر لحظه شتسوي
المنبر الكويتي
يبين بالصناديق
واهو محد غاثني بالبرنامج كثرك يا
بوفتييييييييين !!
ويعطيك العافيه على المرور يا الحبيب
ولد الديرة
لا تحكم بسرعه .. قلتها قبل اشوي
يمكن سبت امه .. والريال دمه حار :)
الحارث بن همّام
أنا أشهد :)
كويــتي لايــعه كبــده
والله اهي أشارت .. لكن اهو اصر يناديها بهاللقب
وكل اشوي يسألها شرايكم يا مدونين !!
وبعدين اهي يوم شاركت في الحوار ماكانت محايده بل كانت تقف مع الفضاله .. وهذا شي خاطئ .. المفروض يكون في عداله في عدد المشاركين في اطراف الحوار .. مو ترجيح كفه على الاخرى
واما بالنسبه لأسامه .. فالكل شاف العكس .. والكل يقول انّ اهو الي أكلهم .. خلك محايد وشوف الحلقه مره ثانيه وراح تفهم قصدي
:)
مستعدة
العفو .. ويعطيج العافيه على المرور
7aFi
ههههههه .. حسافه خرب مستقبله
بس شكله راح يرفع قضيه على الي ناشر البلوتوث ويسير على خطى اسوله
Anonymous
والله ماعرف فارسي الصراحه :)
واذا على بصوت لمنو
فصراحه ما اميل لشخصيات واستذبح عليهم مثل المدونين الباجي
الله يوفق الي فيه الخير وبس :)
طموحة مملوحة
الاحزاب شي صحي ومفيد .. لكن بعض الجهال الي يمثلون هذي الاحزاب تشوه سمعتها للأسف
واخيرا
من قالج أنا فارسي خووووو
ماعرف الصراحه :)
بس مادري ليش حاس انها سبت امه واهو عصب عليها .. وزين يسوي :P
شوف أنا فهمت اشوية بس
إهوا عايش الدور إن عشقان وبقلبة نار ويدندن على العشق شي جذي
فقالت له انت عاشق فلانة ولا فلانة
حقرها جان تقول اسم وحدة منهم
جان يفصل ويطقها
بعدين في كلمة جنها قليلة أدب :/
ولما راحت عند الباب قالت له انت عاشق هههههههههه هم جنّه شي موزين
أعرف فارسي اشرايك
:P
السلام عليكم ورحمة الله وبركاته
هل من الممكن تزويدنا برابط للحلقة؟
صح السانك اول واحد يبرد قلبي
و الحين اللي فرحانين بفوزها
بشوف شنو بتسوي
اصلا اللي بيقول هذي ماده و اهي لازم تثير الجدل بمادتها بقول له انت و ياها مو عارفين تحترمون القيم و لا تستاهلون احد يسمع لكم
و شنو تروح لدواوين خيطان و تقول لهم انتو السبب بخسارتي السنه اللي طافتت و انا هالمره نخيتكم جان يقططون لها العقل؟
و الا نست دواوين السره يوم قاعده و بكل بجاحه تقول شوفو ايام الستينات و السبعينات شلون الكويت لانه القوى الوطنيه ماسكتها
اي منطق هذا تروح تقص على غيرنا
ايام السبعينات و الستينات يا اسيل اسفه يا دكتوره اسيل كنتو القوى الاكبر بالمجلس فشي طبيعي ما يصير جدال
اصلا لو اي قوه تصير لها السيطره اكيد ما راح يصير مشاكل
و انتي تدرين بهالشي
بس ما اقول الا الله يهدي الجميع
انا ماني ضدها
بس ترى عطيتوها اكبر من حجمها
و صالح الملا اللي له فكر و منطق ما عطيتوه هالحجم
مع تحفظي لافكارهم
بس انا احيي صالح الملا
محنا ضد تلك الحركه
بس مو تعطون ناس احجام اكبر من اللي تستاهلها
جني طولت
اسفه
:/
حد يجيب لنا مترجم لو سمحتوا لووووول
خاف نظلمها يمكن كانت تبي تسوي دويتو معاه واهو مو راضي لووووول
لا شوف والله هالصغار يخربون على الانتخابات وعلى قوائمهم بالجامعة لوووول فكل واحد لحاله يا نستفيد من الكبار ولا مايخلون هالصغار يحجون لووول
الي بالفيديو كان يبي يغني بس زوجته قاعده تخرب عليه ويوم تأكد ان صوتها احسن طقها
اتوقع هذي القصة ومافيها:)
صقر قريش
حياتي هدف مو عبث
اشعرفج فارسي @@
Anonymous
للأسف ماعندي
darkness
حتى لو فرضنا اهي تبي تفتح موضوع جذي
المفروض تتبنى راي على الاقل فاهمته ومحضرته .. يعني دامها تبي تبطل موضوع واهي دكتوره جامعه .. المفروض اليوم الي قبله على الاقل كاتب الآيه الحجه الي تتكلم عنها او تدرس الموضوع بشكل اوسع اشوي
لكن الموضوع واضح ان رايها الشخصي وياي بين الحجي
ومبروك حق ربعها .. وعلى قولتج .. ننطر الايام ونشوف
واسطوانه السبعينات وسيطره تيارهم وبعدين طيار الظلام الي خطف ديره ابوهم .. حافظناها صم .. وملينا واحنا نسمعها
الحين خل نشوف انجازاتهم في مجلسهم الي فرحانين فيه
وحياج :)
طموحة مملوحة
شكلي بطلب متجرم مخصوص لهالفيديو .. لأن الطلب عليه زايد .. الكل يبي يعرف شالموضوع !!
صقر قريش
هلا بالحبيب
والله طلعت تعرف فارسي :)
الله يهدى لكم الاحوااااااااااااال ... الله يحفظ بلادكم وبلادنا وسائر بلاد
العرب والمسلمين :)
Post a Comment