Monday, April 27, 2009

الرقم السحري

الرقم 7 هو الرقم السحري في الإنتخابات الحالية .. فكلما سألت شخص عن عدد من يتمنى أي يصلو من جماعته .. بادرني بالرقم سبعه .. هنا أمثله : ء

7 مطير .. 6 بالرابعه وواحد بالخامسه
7 عوازم .. 5 بالخامسه و2 بالاولى
7 عنزه .. 4 بالرابعه و2 بالثانيه وواحد بالخامسه
7 شيعه .. 6 بالاولى وواحد بالثانيه

وانا ابي هم 7 .. بس 7 .. سبع نواب جدد .. بشرط .. أن يمثلو الكويت (كل الكويت) وأن يخافو الله بهالديره وأهلها !!س

*
*

وجهة نظر جميله .. إبدأ في البحث !!ْء



*
*

كنت من أشد المعجبين والمتابعين لبرنامج أمه 2008 الذي عرض على قناة الراي للكاتب الصحفي محمد الوشيحي
بل كنت أحرص حتى على نقل بعض حلقاته على اليوتوب



لكن في هذا العام ومع تغير المعد ومع المقدم الجديد عبد الله بو فتين لا أجد أي طعم لهذا البرنامج .. بل أصبح برنامج من بين البرامج الكثيره التي غزت قنواتنا ولا إختلاف بينها سوى في الديكور فقط
لا أجد في بو فتين ذلك المذيع المحترف الذي يستطيع أي يدير الحوار وأن يسرق الكلمات من أفواه المرشحين كما كان يفعل الوشيحي .. أصبح البرنامج من كونه منصه إستجواب للمرشحين إلى كونه منبر للتلميع فقط لا غير

*
*

اليوم كانت الحلقة الأولى لبرنامج ديوان الوشيحي على قناة الشاهد الجديده
للأسف لا أعلم ما المشكله التي أواجهها في إستقبال تلك القناة على جهازي

ولكن هذا هو رابط الخبر .. وهذه هي ترددات القناة
11555 عمودي على النايل سات

*
*

قف !! أمامك مدونة .. تدعم وبكل قوه .. حملة الوزار المبكر !ء


26 comments:

Q80 Blogger said...

على هالوقفه من بوفتين

ينفع يقدم بأستوديو الأبطال !!!!

حياتي هدف مو عبث said...

النظارة والساعة
يعملون لي توتر
خل عنك ملاقة الراي وتابع الوطن

وأنا أبي 7
بس 7 شي ثاني
:p

Q80 Blogger said...

حياتي هدف مو عبث

سبع دنانير سلف ؟

تره ماعندي !!

حياتي هدف مو عبث said...

لأ أنا ما أتسلف
!!
أنا أسلف

أبو الدســتور said...

صارت معاي
ناد الفني و الستلايت يبيله لفه على اليسار
:))

ma6goog said...

مالي خلق احط قنوات يديدة

مرتاح من الشو تايم

almar7om said...

فرق العمر و الخبرة يلعب دور .. انطر على بوفتين و انشالله را يطور من نفسه

mtfa2el said...

ول ول ول
شهالمقالة !!
هذا اللي بيخرعنا من الزواج أكثر مما احنا مخترعين و خالصين

مركبنا said...

اعتقد هي عجائب الدنيا السبع في الكويت !

اما وجهة النظر عجيبة

حلو شرح جديد حق نظرية قسمة ونصيب (=

الحارث بن همّام said...

شدعوة عنزة 7 .. ولا حتى الشيعة



مقالة الزواج حدها عجبتني .. والبنت الوحيدة اللي بقت .. هم ممكن يسبقك واحد وياخذها .. فوقتها تضطر يا اما تاخذ مغربية .. او تتزوج الخدامة اللي عندك في البيت

مي said...

أحلى شي الخاتمة..

AyoUb said...

تسلم ايك على البوست الحلو
بس ودي اعرف شنو قاعد يشرب راعي الوزار

كويــتي لايــعه كبــده said...

السبعه لكي

وبوفتين في بدايته
(علشان ما اكسر فيه)

Anonymous said...

بوفتين مليق ووصولي ينفع يناقز في سحوبات الوطني على المارينا اف ام لكن ماينفع حق برامج سنعه

someone_q8 said...

السلام عليكم

مابعد الوزار المبكر زاااار

وال 7 يعطينها خيرهم ويكافينا شرهم

والراي على هالبرنامج الكبير ما يبيله واحد عنده خبره قليلة لكن يبيله واحد عنده حنكة ويعرف اشلون يطلع المعلومة من المضيف

www,Fai9al.Me said...

كويتي انا اقول مانتزوج احسن هههههههه

وبرنامج امه 2009
خلاص راحت ايامه من طلع الوشيحي

FANDI said...

تسلفت القصاصه
فعلا لاحظت بوفتين ضعيف في ادائه
قد يتطور لمستوى افضل مستقبلا

معنا يدا بيد للوزار المبكر

طموحة مملوحة said...

موضوع جميل


ليش كل القنوات الحين تحط صور برامجها السياسية وصور المذعين مرعين ايدهم ؟؟؟؟مالاحظت .. كلهم

Anonymous said...

بوفتين
:

والله قبل حتى ما اعرف اسمه ،، شفت البرنامج على اليوتوب وقلت شهالمذيع الضعيف والفاشل ،، والله فرق عن الوشيحي


عاد مثل هالنوعيه من البرامج المقدم يلعب دور كبير فيها

شـقـــــران said...

الغالي كويتي بلوقر

الله بالخير يالحبيب

الموضوع كله بصوب ونكتة البوء امباء بصوب

لووووووول


لا...ويصر ويقوله:أقولك البوء امباء
:))))))


بوفتين موراهم مع البرنامج..البرنامج يحتاج لشخص مخضرم


تقبل مني أجمل التحايا وأرقّها

ولد الديرة said...

لئوا البوء؟

fereej said...

الصوت يلعب دور وصوت بوفتين ماينفع :)

AL-nase7 said...

تحياتي لك من الصين لوجهة نظرك لبوفتين ...صدقت والله الوشيحي أناأفضله وهذا الشغله يبيلها واحد عنده امقاقه وخبره .. . مو تواه بربس

Q80 Blogger said...

حياتي هدف مو عبث

أحسنلج .. تره السلف تلف










أبو الدســتور

التردد هذا 11555 على قمر غير قمر نايلسات الاساسي وصعب تصيده في كثير من المناطق
للأسف اهو نفس تردد الوطن على النايلسات .. جان زين يشوفون حل للتردد هذا لأنه وايد ضعيف










ma6goog

زين تسوي

خصوصا قنوات هالايام .. اغلبها قنوات موسميه .. من طقه السرايات يعني










almar7om

أتمنى هالشي

لكن غلطته انه استلم برنامج ورا واحد كبير مثل الوشيحي .. جذي يحرق روحه
المفروض على الاقل يغير اشوي من طبيعه البرنامج حتى يعطيه نكهه خاصه فيه شخصيا لأن الناس ليلحين تذكر الوشيحي على الكرسي الاحمر وتقارن










mtfa2el

على وش جواز !!!

يا مسكيييييين










مركبنا

اتوقع صارت مو قسمه ونصيب .. صارت غصبا عليك :)










الحارث بن همّام

عنزه صح صعبه .. لكن بالنسبه للشيعه .. احتمال قوي ووارد

والمغربيه افضل :)










مي

وزار وبيره !! شغل مضبوط

Q80 Blogger said...

AyoUb

بيره !!

ليش اشفيها ؟
مايجوز ؟

إذا تبي فتوى بهالخصوص عندك اسيل العوضي :)










كويــتي لايــعه كبــده

إكسر يبه .. انا طبيتله سلايت بعد .. ما احب اجامل :)










Anonymous

بالعكس انا اشوفه ممتاز لو يكون معلق على مباراه الساحل والشباب










someone_q8

وعليكم السلام

انا عاد عارض خدماتي على الراي اذا يستقبلوني .. حاضر .. اضبطهم :P










www,Fai9al.Me

تقدر تسويها ؟

اذا تقدر .. علمني اشلون :)










FANDI

شكرا على الدعم :)

Q80 Blogger said...

طموحة مملوحة

المذيعين جذي والمرشحين رافعين اصابعهم والديره كلهم حولو بلاك بيري

عادي .. الكويت هبه










Anonymous

اتفق معاك










شـقـــــران

هلا بالعزيز شقران !!

عاد قبل جم يوم ضاع بوكي وقلت حوبت المصريين .. تطنز عليهم صارت فيني :)










ولد الديرة

لوووووووووووول

لا ملئوش البوء الي إمباااااء

كملتها انت :)










fereej

اهو بس الصوت !!

كله بكبره ماينفع










AL-nase7

انت بتعقدني !!!!

وينك يبه ؟ محنا شايفينك بالكويت !!!

السنه الي طافت هالحزه مع بعض على الهاربر .. الحين كل واحد بديره !!!

دزززز ايمييييييييل