Thursday, May 21, 2009

ويستمر المسلسل

كان الأجدر بنا إنتظار التشكيل الوزاري القادم قبل الإحتفال بنتائج الإنتخابات الأخيره .. فهل أنتم حقيقةّ مقتنعين بأن السبب وراء كل مشاكل ديرتنا هو مجلسنا .. لا .. بل هي حكومتنا !!ء

نعم إلتزمت الصمت طوال الفتره السابقه ولم أتكلم عن أي مرشح سواء بالتأييد أو المعارضه ولم أكن ممن يروج لمرشح طايح حظه أو مرشحه محظوظه وذلك لأني أرى بأنّ الخلل يكمن في حكومتنا .. ومهما أختلفت وجوه نوابنا .. لن يتغير حالنا

أحمد ربي بأني لم أشارك حتى بصوت واحد في مجلس يوزع التبريكات ويبدأ بالنفاق السياسي وهو في المهد



ها هي الحكومه السادسه تبرز في الأفق .. نفس الأشخاص ونفس السياسات .. فمن يعطيني عمر لهذا المجلس؟

شخصياّ .. أتمنى ممن قدّم الإستجوابات في المجلس السابق .. أن يعود لتقديمها في دور الإنعقاد القادم

ويستمر المسلسل ...

14 comments:

حياتي هدف مو عبث said...

يستمر لكن للأحسن
مادري اشفيك كئيب
وكأنة ما يصير يستجبون على الحكومة السابقة لأن هذه حكومة جديدة
واللي يبي يستجوب مال طق
عطوهم فجة اشوي
كل واحد من النواب داش قوي يبي يستجوب يبي ينسحب
اهم لوعوا الجبد كل واحد بصير بطل وبس

والنكتة
هههههههههههههههه

Fai9al.Me said...

الله يستر من هالمجلس والله وضعه يخوف

مادري ليش حاس ان حتى الوزراء ماراح يتغيرون

ma6goog said...

تعودنا

Enter-Q8 said...

اهديهم اغنية الملا
اسيبك و السبب انك علي سايب
مع من هب و دب و قليبي سايب

مَـــــعْــــمَــــعَـــــه said...

اخر حكومة طولت شهرين والله العالم الحكومة القادمة بكون عمرها اسبوعين

أبو الدســتور said...

للاسف
والله
وكأنك يابوزيد ماغزيت

someone_q8 said...

السلام عليكم

ايه مو غلط , خل انشوف آخرتها لي وين يمكن يمكن خير

لولا الأمل said...

والله انا حاس هالمجلس بيطول اكثر .. مجرد احساس

والواحد يتفائل .. ويتمنى لهالديره الخير

وحتى اذا كانت الحكومة نفسها .. ما اعتقد النواب راح يكثرون استجوابات .. لأنه تركيبة المجلس تغيرت

حبيب بو يعقه .. فقدنا بوستاتك

Anonymous said...

in dal 3ala shay
fa 3adam taswetik bil inte5abat ytkalam 3anik inik insan metsha2em

o ana at7ada il kil
hal majles be6awel akthar min sintayn

o rabna kareem
o il majles ta3adal lil a7san

mu 100% bas bedayat re7lat il isla7 5a6wa

shal tsha2um!

صبا said...

اسوء مجلس مر علينا السابق الي انحل

اتوقع هالمجلس افضل منه حتى لو كان شيئ

انشالله خير ..خل نتفائل شوي

:)))

ولد الديرة said...

ما يستوي

مسلسل كويتي مكسيكي مدبلج هندي

محد قادر يفهم الثاني

Q80 Blogger said...

حياتي هدف مو عبث

كان عنده فجره 5 وزارات .. ماراح يتغير شي

بالعكس .. انا اشوف المفروض محد ينافق










Fai9al.Me

حتى لو تغيرت اشكال الوزراء .. مو هذا الحل .. احنا نبي استراتيجيه الحكومه كلها وأدائها بشكل عام يتغير وهذا برئيي ماراح يصير !!










ma6goog

دااااايما










Enter-Q8

من صجك الملا .. الملا يخوفهم !!

إهديهم نانسي .. خصوصا مع وجود رولا بالمجلس :)










مَـــــعْــــمَــــعَـــــه

لو المسلم يسوي وعده
صدقني مثل ماقلت .. اسبوعين










أبو الدســتور

بالعكس .. يرد الاكشن بالشارع .. ونشوف الناس تغلط على بعض .. الحدسي يضرب في الليبرالي والليبرالي بالسلفي والسلفي بالشيعي والشيعي بالبدوي .. وروووووح










someone_q8

وعليكم السلام

بعد 5 حكومات .. ليلحين ماتدري لي وين رايحين .. اضنها واضحه !!










لولا الأمل

هلااااا بصديقي .. تو ما نورت المدونه والله

شوف دامك يديد على التدوين .. اي واحد يتحرش فيك بس علمني .. اراويك فيه

:)

Q80 Blogger said...

Anonymous

أولا انا ماصوت لظروف تواجدي خارج البلد
لكن احمد ربي اني ما كنت بالبلد وشاركت في مجلس ماراح يقدم ولا يأخر

يمكن يطول سنتين ليش لأ

بس شنو الي راح يتغير بالديره .. هذا اهو السؤال

بحاول أتفائل عشانك زين :)










صبا

يا صبا انا اشوف المشكله مو بالمجلس .. المشكله في الحكومه

وفي الافق .. حكومه مشابهه للسابقه .. يعني ماسوينا شي










ولد الديرة

ولا انا قادر افهمهم

Anonymous said...

http://www.syasah.com/vb/showthread.php?t=1858&page=2