لقد مرّ على كتابتي في هذه المدونة ما يقارب العام حتى الآن .. إستفدت كثيرا في هذه الفتره من احتكاكي بكتّاب ومدوّنين على حس عالي من الثقافه والمعرفة وعشق للوطن .. كنت مستمعاّ وقارئاّ .. ومعقباّ في بعض الأحيان
أحببت التدوين وتفاعلت معه بشكل كبير
لكن .. هل لنا بوقفه سريعه ونظره قريبه إلى ما يحصل في عالم التدوين هذه الأيام !!
في البداية كنت مؤمناّ بأنّ هذا العالم يجمع بين أناس مثقفين ذوي وعي وحس وطني وإرادة للتغيير .. يعبرون عن آرائهم إتجاه قضايا ومشاكل كثيرة ويهدفون من ورائها إلى إصلاح الحال والتغيير للأفضل ..
لكن مع مرور الوقت وجدت الكثير والكثير الذين لا هدف لهم من التدوين سوى انتقاد شخصيات والسب واللعن والترويج لأفكار ليست كالأفكار الطبيعيه بل هي أمراض دخيلة علينا كشعب كويتي خليجي
في هذه الأيام انتشرت مدونات بشكل واسع تسب الذات الإلاهيه وخير البشر محمد صلى الله عليه وسلم ولم أر أي تحرك من قبل المدونين إتجاه هذا الشذوذ الفكري الدخيل
انا اليوم أقولها بالخط العريض .. نعم أنتم تفرضون علينا أن نؤيد وضع رقابة على المدونات .. فقد تجاوز الكثير حدود المعقول وضربوا بكل التقاليد والأعراف عرض الحائط .. وهؤلاء يستحقون العقاب
زميل لنا (مشاري) عبّر قبل أيام بمقال جميل في جريدة عالم اليوم عن إستيائه من تلك المدونات السخيفه .. صراحة أوافقه الرأي وأشكره على هذا المقال الصريح
أمراض منتشرة في عالم التدوين:
1- واحد حاطلي صورة رقاصه في بوست سياسي !! .. يا أخي تخيل أحد من أهلك وأهلي داشين الموقع .. عادي عندك؟ .. أتوقع عيب .. وبعدين إلى هالدرجة وصل الاستهزاء بالمرأه وتصويرها بصوره شهوانيه.
2- واحد حطو اسم مدونته بالجريده حسب روحه كاتب عظيم .. صار يناطح الكتاب العظام ويتهم الناس بالسرقات الفكريه والتعليقات معاه وتأيده.
3- موضوع كله سب وإلحاد .. والتعليقات من الشباب .... نحترم رأيك .. شكراّ على البوست .. جميل !!!
خافو ربكم .. باجر تحاسبون على كل كلمه .. مهما كانت صغيره.
4- بوست كامل قليل أدب عن شيء يخدش حياء كل انسان .. الناس تتفاعل وتضحك !!
5- شاذ فاتح له مدونه كلها قلت أدب وجنس .. والي يدخلون عنده أكثر من مشاهدين قناة فلاش .. وهم يمدحونه !!
6- أسماء مستعارة .. شاذ وأفتخر .. ملحد وأفتخر .. من متى صار عندنا بالكويت ناس يجاهرون جذي؟ .. الشي صج يدعوا للإستغراب
أخيراّ .. ليش التعليقات دائماّ فيها تأييد مطلق لراعي المدونة؟ .. والمشكله هناك شخصيات معروفة تأيد كل شيء ولا تعقب وتتطنز إلا على جملة كيف تتلذذ بالصلاة !! .. ويتركون كل ما يدعوا إلا الشذوذ والألحاد دون أن يرهقوا أناملهم برد بسيط !!
كلمة أخيرة:
هل أنتم (كمدونين) موافقون على هذا السب واللعن الجهري لديننا ورموزنا الاسلامية؟
هل الحل أن نكتفي بالمشاهده؟
أعتقد هناك خطوات كثيره يمكن أن نقوم بها .. أضعفها إستنكار هذه الظاهره الغريبة !!
أحببت التدوين وتفاعلت معه بشكل كبير
لكن .. هل لنا بوقفه سريعه ونظره قريبه إلى ما يحصل في عالم التدوين هذه الأيام !!
في البداية كنت مؤمناّ بأنّ هذا العالم يجمع بين أناس مثقفين ذوي وعي وحس وطني وإرادة للتغيير .. يعبرون عن آرائهم إتجاه قضايا ومشاكل كثيرة ويهدفون من ورائها إلى إصلاح الحال والتغيير للأفضل ..
لكن مع مرور الوقت وجدت الكثير والكثير الذين لا هدف لهم من التدوين سوى انتقاد شخصيات والسب واللعن والترويج لأفكار ليست كالأفكار الطبيعيه بل هي أمراض دخيلة علينا كشعب كويتي خليجي
في هذه الأيام انتشرت مدونات بشكل واسع تسب الذات الإلاهيه وخير البشر محمد صلى الله عليه وسلم ولم أر أي تحرك من قبل المدونين إتجاه هذا الشذوذ الفكري الدخيل
انا اليوم أقولها بالخط العريض .. نعم أنتم تفرضون علينا أن نؤيد وضع رقابة على المدونات .. فقد تجاوز الكثير حدود المعقول وضربوا بكل التقاليد والأعراف عرض الحائط .. وهؤلاء يستحقون العقاب
زميل لنا (مشاري) عبّر قبل أيام بمقال جميل في جريدة عالم اليوم عن إستيائه من تلك المدونات السخيفه .. صراحة أوافقه الرأي وأشكره على هذا المقال الصريح
*
*
*
أمراض منتشرة في عالم التدوين:
1- واحد حاطلي صورة رقاصه في بوست سياسي !! .. يا أخي تخيل أحد من أهلك وأهلي داشين الموقع .. عادي عندك؟ .. أتوقع عيب .. وبعدين إلى هالدرجة وصل الاستهزاء بالمرأه وتصويرها بصوره شهوانيه.
2- واحد حطو اسم مدونته بالجريده حسب روحه كاتب عظيم .. صار يناطح الكتاب العظام ويتهم الناس بالسرقات الفكريه والتعليقات معاه وتأيده.
3- موضوع كله سب وإلحاد .. والتعليقات من الشباب .... نحترم رأيك .. شكراّ على البوست .. جميل !!!
خافو ربكم .. باجر تحاسبون على كل كلمه .. مهما كانت صغيره.
4- بوست كامل قليل أدب عن شيء يخدش حياء كل انسان .. الناس تتفاعل وتضحك !!
5- شاذ فاتح له مدونه كلها قلت أدب وجنس .. والي يدخلون عنده أكثر من مشاهدين قناة فلاش .. وهم يمدحونه !!
6- أسماء مستعارة .. شاذ وأفتخر .. ملحد وأفتخر .. من متى صار عندنا بالكويت ناس يجاهرون جذي؟ .. الشي صج يدعوا للإستغراب
أخيراّ .. ليش التعليقات دائماّ فيها تأييد مطلق لراعي المدونة؟ .. والمشكله هناك شخصيات معروفة تأيد كل شيء ولا تعقب وتتطنز إلا على جملة كيف تتلذذ بالصلاة !! .. ويتركون كل ما يدعوا إلا الشذوذ والألحاد دون أن يرهقوا أناملهم برد بسيط !!
*
*
*
كلمة أخيرة:
هل أنتم (كمدونين) موافقون على هذا السب واللعن الجهري لديننا ورموزنا الاسلامية؟
هل الحل أن نكتفي بالمشاهده؟
أعتقد هناك خطوات كثيره يمكن أن نقوم بها .. أضعفها إستنكار هذه الظاهره الغريبة !!
53 comments:
والله إن كلامك صحيح
ويبت اللي في بالي بالضبط
أشكرك على هالموضوع
وأتمنى إني أشوف الردود .. ودي أعرف ليش الوضع صار جذيه
ان ما يحدث هو محاولة الكثيرين التخلّص من سيطرة الدين و التقاليد فإذا توفرت لنا و لهم حياة دون سلطة دين وتقاليد لن يهتم أحد بما ينشرون في مدوناتهم
نعم أنتم تفرضون علينا أن نؤيد وضع رقابة على المدونات
شلون و منو بيراقب؟
هل أنتم (كمدونين) موافقون على هذا السب واللعن الجهري لديننا ورموزنا الاسلامية؟
هل الحل أن نكتفي بالمشاهده؟
سواء أيدنا او لم نؤيد شنو بيدنا نسوي؟
يعني الحين أنت ما تدش عندي علشان الصوره ألي في مدوتني :p
طبعا محد يقبل أن نسب الصحابه و الاسلام لعنة الله على كل واحد يسبهم
بس هذيله يعتقدون أن هذي حرية شخصية و تطور ؟ و لو تنظرله عدل راح تلاقيه جهل و غباء ؟
"
هل أنتم (كمدونين) موافقون على هذا السب واللعن الجهري لديننا ورموزنا الاسلامية؟
"
طبعا لأ وبشده
عن نفسي... رديت على أحد المدونات المقصودين بكتابتك عند تعليقهم بمدونتي
السماح لهذه الشوائب ان تنتشر هو بالفعل دعم ومسانده
هم يستهدفون المدونات اللبرالية ومن يحمل فكر لبرالي بظنهم انه يقبل وجودهم من باب الحرية الشخصية وبحالات كثيرة هذا ما يحصل لكن ليس دائما.
وهناك من زملاء مدونين بالفعل من كتب عن هذا الانحدار بشكل صريح ومباشر
مؤسف وجود من تكلمت عنهم لكن خروجهم لنا بعالم التدوين شيء ايجابي كي نعرف حقيقة وحجم المشكلة وحتى ما هو لب فكرهم... لا علاج دون تشخيص
لا تقلق فهناك من هو ضدهم لكن ليس الكل وليس بالشكل الذي تتمناه انت
اي والله تسلم على هالموضوع لإن ان شخصيا بديت الاحظ هالأشياء تنتشر بشطل فضيع اخرها كان واحد حلو ملحد ما ادري شقصته كل شوي حاط رد شطوله عندي ويسب بالإسلام والكلام الي ما ابي اقوله
طبعا ما خليته عطيته جم كلمه حلوين بس للحين ملزم الولد
http://ducatiq8i.blogspot.com/2008/07/blog-post_13.html
thnx
كنت ادخل مدونة الشخص الى حاط صورة الراقصه بكثره في السابق وفي يوم من الأيام زرت هذه المدونه وكان ابني ذو السبع سنين يجلس بجانبي وفجأه واذا بصورة الراقصه على سطح المكتب نظر الى ابني بنظره غريبه تنم عن دهشه وأستغراب لم استطع ان افسر له ما يرى أمامه .
:(((
ومن يومها وانا لم أزر هذه المدونه الساقطه وصاحبها الذي والله أعلم أنه قد تعود على النظر الى هذه المناظر بين أهله فكان من الطبيعي ان يضعها بهذه الطريقه السافره التى تنم عن سوء سلوك وانحطاط أخلاقي وفكري .
أحيي فيك هذه الغيره الصادقه على وطنك وربعك وناسك هذا من طيب أصلك وانا اخوك وصفاء معدنك
:)
ودمتم سالمين
قسمن بالله بردت جبدي فيهم يابلوقر
انا صارلي فتره موقف الكتابه كرهت التدوين وحتى التعليق على المدونين
مع اني اتابع المدونين
لكن على بوستك هذا دشيت عشان اشكرك
على الموضوع
المشكله هالشرذمه الضاله تلقى من يصفق لها
وهذا الي يخليهم يزيدون من كتاباتهم
والي يشجعونهم ناس اضل منهم
سبحان الله ,الله وصفهم قبل 1400 سنه
بهالاية ( إن هم إلا كالأنعام بل هم أضل سبيلا )
الحيوانات وانتو بكرامه تدري ان لها رب لكن اهم ينكرون خالقهم
وانا معاك مع وضع رقابه للمدونات
واشكرك عزيزي على هالبوست مره ثانيه
شواذ لن يكونوا عوام
اخوي وضع رقابة على التدوين سيفقد التدوين امور عديده منها مصداقية الطرح و صراحته
اما الشواذ
فهم قله و الحمدلله
ولو فيهم خير كان قالوا اسمائهم
و مارسوا مايقولنه علىالعلن
علشان العقل تتقطع على ظهرهم
بس لو تدز لي ايميلك اخليك تقول هدو الرقابة عن التدوين و راقبوا ما يحدث بالعلن
عزيزي مدون كويتي كلامك صحيح وعلى الجرح تماما يا أخي تجد بعض المدونين سباع على المطاوعة لكن على الملاحدة ساكتين لا وفيهم من يساندهم ويصفق لهم وىخر شي يقول آنا موضد الدين!! مادري يستغفل عقله ولاعقلنا واحد من المدونين كان يرد على نبيل العوضي وحاط اثنين من ربعه وكل نقاشهم استهزاء وسخرية ويقول نقاشهم لنبيل(عقلاني)!!
اي عقلاني اي بطيخ الي يهاجم الدين قام يفتخر بنفسه وهذيل يصفقون له شوفهم لما طلعة لجنة الظواهر الدخيله تهجموا عليها لكن الي يهاجم الدين ويسب الله ورسوله هذا مايتكلمون عنه اصلا بعد موقف جريدتهم المعشوقة الا وهي (القُبس)
ونشرها كتاب يسب الذات الإلهية تعرف موقفهم من الدين فعلا غذا كانوا من عشاقه فهم ليسوا سواء وهذا فقط للحق لكني اتكلم عن نوعية معينة ووالله العظيم الوالد حفظه الله عنده سوالف عنهم يشيب لها الرأس فهؤلاء ماهرين بالتخفي والكذب لكنهم زادوا في استغباء الناس فانقلب سحرهم عليهم فلفظهم الناس فمايقولونه الآن كله سخرية واستهزاء فقط لاغير.
خمس سنوات وانا ادون
واكثر
!!
مر علي الكثير ممن يعانون من امراض نفسيه لا هم لهم سوى نشر الفساد وامور وقحة وجريئه
يعيشون عالم اخر بعيد عن حياتهم كله كذب ونفاق
كل اللي مر وقرته من قبل
لا يقارن بما هو حاصل الآان
:(
شئ مؤسف
فعلا لا نرضى فيه
انا اتمنى من الجميع مقاطعتهم
والاصرار على هذه المقاطعه
وعدم قراءة ما يكتبون حتى من باب الفضول..لان هذا يشجعهم اكثر
كافي يقرأ عدد زوار مدونته ويشعر بانه يكتب شي مهم
!!
هم اوطى من مستوى النقاش والمحاورة بكثير
ويزاك الله خير على هذا البوست
استنكار لابد منه
في ميزان اعمالك يارب
:)
فعلا اشتقنا لبوستاتك
اذا انا كتبت عن الالحاد وايدني بعض الناس فسندخل النار والله راح يعاقبنا انت شحارك ؟
مو دينك عظيم ؟ والله لا يتاثر يكلامي
شالي معور قلبك ؟
لاتتغنى بحرية الراي والدين كفل حرية الراي ومن هالكلام الفاضي واول ماتجد انتقاد تقلب على طول وتطالب بفرض رقابه
عمر مدونتي تقريبا نفس عمر مدونتك
سنه
لما بلشت انبهرت بالجو
حسيت ان هالعالم كله ناس محترمين وناس لهم فكر ورأي حر وثقافه وممكن استفيد منهم
واكتشفت ان اللي ذكرتهم فوق هم قله بل ينعدون على اصابع اليد الوحده
الإسفاف منتشر
والسب علني
والوقاحه سائدة
وقلة الحيا هي الطابع
والكفر مثل الداء قاعد يتسلل بيني
والناس تشارك وتصفق رغم السخافه
الإحترام للرأي والرأي الآخر معدوم
انا ضدك = انت عدوي وهاتك يا سب
وكل اناء ينضح بما فيه
شي يلوع الجبد
وكله بصوب والإخوان الملحدين اللي قاعدين يسوون روحهم اهل مبدأ وفكر
اوكي كفروا كيفكم
انك لن تهدي من احببت ولكن الله يهدي من يشاء
لكن لا تسفهون دينا ولا تسبون رسولنا وتمسون الاهنا
سووا اللي تبونا بس ابتعدوا عن مدوناتنا
وجودكم غير مرغوب فيه
مو محتاجينكم معانا
لكم دينكم ولي ديني
مشاركتكم لنا ما راح تضيف لنا شي
ومشاركتنا لكم ما راح تهز ايمانياتنا
احترم نفسك دام الناس محترمتك
وبلا تجريح بالطرف الثاني عشان تبين انك صح
شباب يكتبون باسم بنات والعالم كاشفينهم ومكملين
يالله
واحد مثل هذا ليش تشاركون بمدونته
حقروه وشوفوا اذا عقب مده ما سكر
اهو مستانس على المداحر
ليش تبلغونه مراده
خلوه يتعفن مع كفره
وغيره وغيره
هالعالم صار مثل الحفره
كل ما نبشتها طلع لك وصخ زياده
شلون
اذا احنا اهل الدين الواحد مو متفقين
سنه يسبون بشيعه
وشيعه يسفهون بسنه
ومثليين نصفق لهم على فسقهم ونقول عفيه خوش بوست
وهذا قليل من كثير
ترى آنا من البارحه قارية بوستك
وقاعده اغلي
رقابه ؟
آنا ما أأيد الرقابه
لأنها بتسري على الزين والشين
ولكن انا برأيي نوقف احنا المدونين صف واحد ضد كل ما هو غير اخلاقي
وكل مدونة فيها اسفاف
ونقاطعهم
لا تعليق ولا غيره
وشوفوا اذا بيستمرون
اخوي العزيز
الرقابه تيي من الشخص نفسه على ذاته
واحنا كبار
والمفروض نعرف حدودنا
بس للأسف
هذا واقعنا
وكل بيئة تلم الشين والزين
بس لما الشين يكثر
هنيه ايي دورنا
قـــــــــــــاطعووووووووهم
هذا رأيي
يعطيك العافيه طال عمرك ..
نبدي اولا بصورة الرقاصه .. هذول ناس عندهم مشكله مع الدينين واسحبوت هذي المشكله على الدين فصار كل شي بهذا الاتجاه ضده ..
وبعدين الملحدين .. حبيبي الموضوع واضح وبسيط .. جنه مو موجود ومحد يرد عليه لما يموت قهر ..
بس أنا اعتقد مثل ماقالوا اللي قبلي ان احنا معطينهم ويهه بالنقاش والزياره والرد عليهم ..
ومن مبادئ التربيه ان ( الطماطه الخايسه ) تفيد .. لانها راح تخلي عندك مناعة وتتعلم اكثر ..
مشكور على حرقتك .. وموفق :)
عفيه عليك وزين ماتسوي بوست كامل بهالموضوع
انا يديد في عالم التدوين وبصراحه انصدمت ، إذا يعتقدون الموضوع حريه شخصيه شي راجع لهم بس خلك بمدونتك ليش تعلق عند باجي المدونات ونكك زباله (تكرمون) يعني شوفوني انا موجود واناقش
دامك مريض عيش مرضك وانت تدري انك من القله ليش تقنع نفسك اني موجود ولي صوت
خل صوتك بمدونتك وانطرب على صداه احسن لك
برافو عليك مره ثانيه
ياعزيزي
لو قلنا مانرضى اشيبي يصير؟
نبي نصكر المدونات إلي موعاجبتنا؟
بنسوي قانون للمدونين الكويتين؟ (:
كل واحد يكتب إلي يعجبه وإلي مايعجبه يصكر الصفحة
هذا كل إلي نقدر عليه (:
مرحباً
أعتقد أن المسألة التي تفضلت بمناقشتها هي مسألة مهمة لأنها تتطرق بشكل أساسي إلى مسألة الحريات وحدودها. الحقيقة هنا هي أن الصراع بين الرفض لأي مسألة ما وبين إسلوب هذا الرفض هي مسألة قديمة جداً بدأت من أول لحظة نُفخ فيه الروح في جسد آدم. ولذلك فإن ما نراه من اتساع اساليب التعبير والرفض لقضية ما هي مسألة انسانية بالدرجة الأولى، ولكن ما اختلف اليوم هو الأدوات. فبينما في السابق كان لا يوجد الإنترنت، فإن اليوم وبوجود هذه الأداة أصبحت الإنسان بمقدوره أن يعبر عم ما يشاء بدون أية رقابة حقيقية إلا الرقابة الذاتية.
النشر في المدونات هو مثل السلعة المعروضة في السوق، إن كان أي شخص لا يريد شرائها فلا يوجد أي ضرورة للذهاب إلى هذا المحل للشراء. وعلى هذا فإن كتب الإلحاد والطعن بالذات الإلهية، جل ربنا، ونقد الأديان والفلسفات المادية وغيرها كثير كانت متوفرة بالمكتبات في كل فترات التاريخ الحديث، من أراد أن يقرأها يذهب لشرائها أو استعارتها، ومن لا يريد لا يذهب
أنا أتفق أن الأسلوب في بعض الأحيان أصبح متدني وينزع نحو تعصب بغيض حتى ممن يدعي الليبرالية والتحرر، ولكن في النهاية إذا لم يجد من يقرأ ما يكتبه فهو في النهاية سوف يتوقف ويلفه النسيان. هذه هي الطريقة المثلى وليست الدعوة إلى فرض الرقابة الحكومية
تحياتي
فرناس
اللي يبي يكتب خل يكتب اللي يبيه
لكن في حدود لا يمكن تجاوزها
وبعدين ترى اهم يكتبون ويستهزئون
بالله وبالرسول صلى الله عليه وسلم وبالسلاام ككل
من خلف الشاشة.. لكن ما يقدرون يطلعوون بالعلن ويتكلموون
تدري ليش ماعندهم الجرأه لأنهم يدرون انهم غلط
واكبر غلط .. لكن يكابرون
لعدة اسباب
اولاً تلقى ربعهم يساعدونهم وايي ونااسه
وممكن يعتقدون باللي يكتبوونه
لكن في تشجيع من بعض الحمير
مع إحترامي للقارئ يشجعوونهم
ويقولون حرية راي
وهذوول بشر
لو اهم بشرر صج مو هذاا حالهم
حال الحيووان
وهممم مع إجتراامي للقارئ
:p
واخررر شي ابسط شي نحقرهم
ولا انرد عليهم وراح يملووون
وينتحررون
ونرتااح
أو الله يهديهم وهذا اللي نتمناه
لكن الحل الوحيد
عدم التعليق على البلووق
ولا الرد عليهم عشاان لا نعطيهم اكبر من حجمهم
تعبت وانا اكتب
بدلياات
طوووف
انا معاك بكل كلمه قلتها
حتى بغيت اكتب عن هالشي بس مالي خلق سخافتهم
ولا ودي يطبون عندي
اصبت بكل نقطه ذكرتها
اخوي
مو بالضرورة نوافق على كل ماهو موجود بالمدونات
بس التدوين يقوم فيه ناس
وبالتالي فمن الطبيعي انك تلاقي كل اصناف وانواع البشر داخل مجتمع المدونين
انت تقول رايك والمعلق من حقه يؤيد او يعارض
خل صدرك وسيع واللي يخطئ نصحه
ترى احنا بشر معرضين للخطأ مو ملائكة
اولا الي حطوا صورة مدونته بالجريده كتب عن بعض ما ذكرت من قبل لا يحطونها
ثانيا منو الكتاب العظام الي اتقول عنهم ؟؟
ثالثا يا اخي الكريم انا ما كتبت انهم ياقوا انا قلت ابي رايكم وبعدين مافيها شي لي وضحت وجهة نظري بالموضوع ويكون بعلمك لما حطيت الموضوع فكرت الف مره وسالت كذا بلوقر عشان لا اييني واحد ويقول انت مريض او تحسب روحك كاتب عظيم على قولتك .. يعني مو بروحي قررت اني احط الموضوع ولو في واحد قالي لا تحط جان ماحطيته بالاساس لان ما همني انما كان بوست سالت احطه والا وقالولي حطه وهم يكون بعلمك ان في شخص من البلوقرز عدلي بعض الامور بالبوست
قبل لا تتهم الناس بالامراض على قولتك وان اهو الي يبون يخربون التدوين اعتقد انك كزميل تقدر ادش على الكومنت واتقولي رايك او انك ادزلي ايميل واتقولي انك غلطان لما حطيت البوست وصدقني راح اشيله.. وترى شلت بوستين لان في شباب قالولي شيله ترى البوست مو زين او راح ينفهم غلط او مو واضح ... لو في احد قالي هالكلام خاصة اذا كان من الاخوان الي اعتبرهم اخوان مثلك وشرواك والي حاط لنكاتهم على يمين الصفحه عندي لاني متابع لهم على طول وما يطروحونه حتى ولو خالفتهم بالاراء
لو ما انك اخ عزيز ماكتبتلك هالكومنت ولا تشرهت عليك واذا كنت تعتقد اني مريض عفوا اخوي انت غلطان
ولا عظيم الا الله
تحياتي
بعد قلبي وانا اقول شفيه طاخ مو عوايدك
مدونات الالحاد و السفالة والله انا ما اشوفها ما ادري عنها لان الوسط التدونيني الي احوس فيه مافيه هالشي لذلك على من يدخل عندهم ويدور الطلايب انه يتحمل ويرد عليهم وينصر دينه وربه هذا واجبه
ولكن انا ماني شايفها ظاهره او على الاقل مو منتشرة
والنت ياما يلم ويلم
بالله شنسوي
بالنسبة لمدونات ربعنا
الامر يختلف من واحد لي واحد وكل له وجهة نظر وانا اتفق معاك على مثال واحد من الي قلته
وهو صورة الراقصة
الصراحة خطأ كبير
صحيح المدون له حرية التعبير ولكن احنا لنا حق عليه انه يراعينا خصوصا بالاشياء الي فيها اجماع على الاقل
بعدين لا تضيق خلقك الناس في ما يعشقون مذاهب
والدنيا فيها كل الانواع
ماكو شي مثالي
عزيزي
بصراحة
ممكن تزلق بالزناديق لما تقول بس
يعني انا بادي مع هالجم بهيمة من زمان
لكن ان تتم مراقبة المدونات فربما ضرر تلك المراقبة اكبر من نفعها
يعني عندك هالبقرة اللي ردت فوق يعلها تطيح من برج الكويت العود على البرج المدبب قول آمين
هذي واشكالها مال تزلق فيها بدون اي تأنيب ضمير لأنها بقرة، اكل و مرعى وقلة صنعة
انت زلق ونحن من ورائكم
طول عمرك راقي وكبير
نصيحه اخويه اخوي
انا شخص عارف بالقانون الحمد لله
واي مدون بيعترض طريقي اشوف فيه انه يخالف ادابنا العامه ويخالف تقاليدنا ودينا
او يجاهر بالمعصيه
راح اقدم فيه شكوه للنيابه
وهذا حق كل شخص سواء مدون او لا
فالمدونات بحسب القانون تعتبر من الاماكن العامه التي لها بعض الخصوصيه نظرا لانه يمكن لأي شخص الدخول لها والقراءه
بديت هالمشوار اليوم بما اني رجعت للتدوين بمدونتي الجديده ان شاء الله استمر في وحده تقول بأنها مثيله وافتخر وتجهار وارسلت لها ايميل بسيط اعطيها فرصه يومين عشان تسنع روحها
مانفع معاها شكوتي جاهزه للنيابه
واستطيع اثبات اشخاص اقتيدوا للنيابه بسبب مدوناتهم ومايعبرونه فيه
وانا بالخدمه
راح اشاركك في موضوع بمدونتي ان شاء الله
وبالنسبه لمقترحك لمراقبة المدونات
انا في الحقيقه معارض
وارى ان القانون كافي لردع الي مأذينك مثل ماذكرت سابقا
تحياتي لك وبوركت
حرقة واحد يحب دينه ويخاف على وطنه
المدونات مفتوحة امام الجميع ولم يفرض على احد دخولها وقراءة مابها والتأثر بما يكتب بها !
كنت اتمنى لو انك قد قمت بعمل احصائية تبين بها عدد المدونات في العالم وعدد المدونات التي تدخلها , على الاقل لنتعرف على مشكة المجتمع مع المدونات التي تتحدث عنها قبل الاستعجال بالحديث عن الرقابة ..
تحية لك اخي الكريم
صاج والله
الملحدين ما أدري شسالفتهم؟
طبعا كنا ندري عن وجودهم بكل مجتمع
بس كانت فكرتي عنهم
انهم محتكين بثقافات اجنبية أثرت على معتقداتهم
وغالبا قد يهتدون بعد مواصلة البحث
على أساس أن شكهم كان في بداية تأثرهم بعلوم وثقافات المجتمعات الأخرى
لكن اللي قاعدين نشوفه الحين
ناس كتاباتهم تثبت سطحيتهم وتفاهتهم
شاكين فقط لأجل الشك
كدليل على الإطلاع!!!ء
أما المثليين
فما ينبلعون
لا أساس ولا منطق ولا تبرير
شي مخالف للطبيعة الانسانية
كائنات غير سوية
أولا اخوي العزيز ما قصرت على الكلام اللى كتبته
وانا بالاخير منكم وفيك ما اقدر اطلع من المدونات
من 2004 تقريبا معجعج
:)
ثاني شى الاشخاص اللى قاعدين يستخدمون اسلوب السب والاستهزاء بالغير هذا بالضبط ما تقدر تعبر عنه اللى بكلمة وحدة
انهم تافهين وما لقوا شى ينتقدون فيه فقالوا يالله خل نسب
الدور والباجي على الناس المتزنة من اي توجه وتحترم الغير انها تقوم هالامور وتعارضه
واشكرك مرة ثانية ويعطيك الصحة والعافية واتشرف بوجودي في مدونتك
اخوك مشاري
انت شوف صور الممثلات اللي يحطونها البعض في بروفايلاتهم
والله لو تنزل مثل هالصور على ام بي سي 2 جان يقصها الرقيب
لا حريه شخصيه
خلها مساتره ياخوك
اما بالنسبه للشواذ و النكرات
يا عموم المدونين يوقفون وقفة مبدئيه امامهم، او اتمنى ان ما يجي اليوم اللي احنا نسكر مدوناتنا و نطالب بحجب المدونات ككل
اذا استمرت هالمهازل
أوافقك على ما ذكر، ما عدى موضوع تحط رقابه على المدونات !
اللي يبي يدش مدونة يبي يدش بار يبي يدش مسجد يبي يدش بالطوفة هذا أمر متروك له ويحاسبة عليه يوم القيامة ..
المدونات أنتشرت لعدم قدرة العوام على الكتابة بالصحف المقفله على بعض العوام، لا تضيجها علينا، واللي يخورها بالكلام، ربي يحاسبه ..
:)
السب والتشهير بدون دليل مرفوض
أحيّ فيك هذه المبادرة الطيبة بانكار ما استجد على ساحة التدوين من تفاهات و اسهزاءات و يدعون انه من الحريات!!
لازم نحط خطوات عملية لدورنا مع بعض.. اولها ان ما نعلق عندهم.. بالتأييد.. كباقي المعليقين .. دائما مأيدين الكاتب.. مادري ليش معلقين!!
ثانيها ان نخصص موضوع عن هذه الظاهرة بمدوناتنا كما تفضلت
و افسح لك المجال للباقي.. دورنا كمدونين اقصد
بارك الله فيك
لهم حرية التعبير
ولي حرية الاختيار
لي وقفة مع ما كتبه مشاري و الهجوم الذي لاقاه
بإختصار
تجاهلوا الملحدين. ميتين أحد يعبرهم و يعطيهم ويه
أمراض نفسية فحسب و فعلاً تشوه صورة المدونات و للأسف من يجامل
لكن الرقابة قطعاً ليست الحل
أخوي كويتي بلوقر
والله صاج
وانا معـــاك بكل كلمه :)
وكلام سليم وما اعتقد فيه اعتراض
الله لا يبلينا ان شاء الله
مو غاثتني إلا هاذي إلي معلقه فوق ... ماله داعي أذكر أسماء بس إيي والله صاجه الله بيعاقبهم اهم وبدخلهم النار @@
المشكله انها عارفه بعد
يالله لا تبلينا وتستر عليها !!
يعطييك العافيه أخوي
وعساك على القوة
لما الحين اذكر اللحظة اللي وصلت فيها حق مدونة
احد الاشخاص الملحدين
والحالة اللي صارت لي
سكرت اللاب توب على طول من الصدمة
وطول اليوم احس فيني رجفة وقلبي يرقع
بعدها حرمت ادخل مرة ثانية هالبلوقات
واللي استغربته اكثر
بعض الاشخاص اللي هدفها تعلق وبس
مايهمها شنو انكتب ولا شنو الهدف منه
مادري هل هدفها تثبت وجودها بس
او تكسب لها اكبر عدد من المتابعبن؟!
وعلى طاري الاستهزاء والسخرية
صدقت والله
صرت افضل الابتعااد عنها
والاستهزاء تصرف الانسان اللي ماعنده حجة
لما يفقد الدليل اللي يقنع فيه الآخرين يلجأ حق الاستهزاء بهم
!!
يزاك الله خير على هالبوست
انا اؤيدكم اخي الكريم بموقفكم هذا...حقيقة مايحصل اليوم شيء يفوق مايستوعبة العقل ..للاسف الشديد هناك من يؤيد هذة الفئة الشاذة بإسم حرية الرأي..نعم نحن مع الحريات والدستور ايضا كفلها ولكن هناك حدود وخطوط حمراء يجب عدم اجتيازها والتوقف عندها مثل السب واللعن الذي تطرق له اخي مشاري في مقاله السابق..لابد لنا من الوقوف بصف واحد لصد هذة الفئة الضالة عن الاتيان بمثل هذة الظواهر السلبية بين افراد مجتمعنا.
ودمتم سالمين
ملاحظة يرجى منكم زيارة مدونة اختكم في الله والمرور على مواضيع المدونة وابداء رأيكم بها ان شئتم
elle ma ya3jebek la tegralah ..mthl el talfezyoun
السلام عليكم
اخوي الحبيب بلوقر
انا معاك باللي قلته لكن هل تقدر تمنعهم ؟؟؟
الملحدين وربعهم لهم مواقع كثيرة بالنت مو بس المدونات , يا انك تتحاور معاهم بالمنطق اللي اهم يشوفونه وتثبت لهم بالدليل الواقعي والمنطقي انهم على خطأ او انك ما تدش على هالاشكال عشان ما تعطيهم حجم اكبر من حجمهم الصغييييييير
طول بالك :)
q8whiteboard
صح بدنك حبيبي .. تسلم على الكلام
شرقي
الي يقول حاطينهم بسجون احنا !!!
ثانيا شنو الحريه الي يبونها .. حريه سب وقذف في معتقدات الناس !!
kila ma6goog
انا أيدت الفكره مضطرا .. ولا اهو مجال نتكلم عن الكيفيه
بيدنا نقاطعهم ونعارضهم .. وانت اكثر واحد يا بو سلمى اتعرف تأثير الردود والقراء على الكاتب نفسه
لو الكل ساكت عنه وحاقره على حقارته .. جان هد التدوين والسب بمعتقداتنا
بس
اكيد جهل وغباء .. لأنّ السب والقذف هو لغه الضعفاء
كويــتي لايــعه كبــده
والله يعطيك العافيه على التفاعل مع الموضوع .. وحماسك الي يبشر بالخير .. خصوصا من ناس تتبنى الفكر الليبرالي
لازم تفهمونهم انه الليبراليه ماهي الالحاد وسب الذات الالاهيه
Ducati
نصيحه .. لا تناقشهم .. لأنهم تافهين
لا منطق ولا فكر
سب ولعن .. هذا الي يعرفونه
مدون معتزل
ماقدر ازيد على الكلام الي كاتبه
وجان زين يفهمون بس
أبــو بنــــدر
تسلم والله وماعليك زود
يعطيك العافيه على هالكلام
Q8Disaster
لا يكون كرهتني انا معاه .. تره مالي شغل بالموضوع :)
والله كلامك صح .. والوصف صج عليهم
يعطيك العافيه
Enter-Q8
والله يا خوفي الشواذ هذول يأثرون على ناس اكثر واكثر .. وآخرتها مايصيرون قله مثل ماتقول
وانا قايل من زمان .. انا ضد الرقابه
لكن ان يصل الموضوع انهم يسبون الحبيب محمد ورموز دينا
اسمحلي
استغني عن المدونه والتدوين بس هالاشكال ماتنتشر زياده
صقر قريش
والله ماقدر ازيد على كلامك شي
بس مو هذول الي وصفهم القرآن
بالمنافقون
esTeKaNa
والله كلامج صحيح 100%
افضل حل للاشكال هذي .. نفاطعهم
ويعطيج العافيه
مريم الموعذراء
المفروض ما ارد عليج
على العموم
مو حارني شي .. واكيد ديني ما يتأثر .. ماقدرو عليه كبار الفلاسفه والعلماء بتقدرون عليه انتو ؟
بس احترام معتقدات الناس شي اخلاقي المفروض .. إلا اذا ماتعرفون شنو يعني اخلاق !!!!
الرد عليج في بوستات قادمه
او ودي لو تكبرين عقلج اشوي معانا
الزين
رأي جميل وحلو
المقاطعه مثل ماقالت استكانه
وكلامج كله صج طالع من القلب .. ويعبر عن كل الي بقلوبنا
ويعطيج العافيه
molok
بس الطماطه الخايسه ماراح تقعد تتطمش
لأ .. بتحاول تخرب كل الي حولها
واحنا اهني نحاول نطلعها ونحذفها بعيد
هذول داشين بينا .. لازم نتخلص منهم
وراعي صوره الرقاصه .. انا اقول الله يهديه بس
MO3ATH
شكرا يا معاذ على هذا التأييد
وهذول والله مو كافي فيهم بوست واحد
يعقووبوو
كل شي له حدود
يسبون رسولك راضي؟
اذا انت تصكر وتمشي .. انا قلبي مايطاوعني اشوف الحبيب اعظم البشر ينسب وانا اسكت
اسمحلي ماقدر
وخل يشلعون البلوج سبوت بكبره اذا السالفه فيها قذف لأعظم الخلق
فرناس
اتشرف بزيارتك اخوي
ما اختلفنا ابدا
لكن انت أكدت الموضوع الي مو عاجبني بآخر فقره في ردك
السالفه صارت فيها اسفاف زياده عن اللزوم
انا شخصيا حضرت اكثر من مناظره بين ملحدين ومسيحيين او غيرهم .. وشفت الاحترام المتبادل بينهم وطرح الآراء بشكل محترم .. لكن الي نشوفه هالايام بين المودونات .. شي يقهر
ان يسب الرسول والإله وكل ماهو يمت بالدين بصله .. فهذا شيء غير محتمل
وتحياتي
حياتي هدف مو عبث
والله الله يسمع منج وينتحرون ونرتاح
ومالومج على العتب والبدليات
شي يرفع الضغط
ShLaLaT
شكرا على هذا التأييد المطلق
واحسنلج والله .. ريحي بالج وارتاحي
فتى الجبل
صح كلامك ما اختلفنا
لكن في وسيله اعلام غير المدونات في الوقت الحالي وصل فيها الوضع لهالدرجه
سب الرسول والله جل جلاله !!!
اسمحلي الشي كبير .. وعن نفسي .. ما اقدر اسكت
Eng_Q8
انا كنت اتكلم بشكل عام اخوي .. ومو انت الوحيد الي تكلمت عن نفس الشي !!
فريج سعود
بعد جبدي .. ادري تسأل عني :)
والله مريح روحك وانت بعيد عن هالاشكال
وصح كلامك عن راعي الرقاصه
ولد الديره
والله مابرد قلبي ليلحين .. عندي حجي وايد على الاشكال .. الله يعين بس
احقرهم
هذيل مساكين
يبون يتميزون باى شكل
عاد انت ليش تريحهم
و تخليهم يحسون انهم مهمين
مكرم القارى
ارفع عليهم السيفون
الله يعطيك العافية على هذا البوست
طبعا محد يقبل التعدي على الاسلام
ولكن أعتقد بأن اغلب المدونيين خروجوا الى عالم المدونات لرفع سقف الحرية
لذلك ترى كثير من المقالات الجريئة في المدونات من المستحيل رؤيتها في صحفنا وعند كتابنا
لذلك فالتدوين نوع من الحرية الشخصية التي قد يستغلها البعض بطريقة خاطئة
ولكن هل معالجة هذا الخطأ بالمنع
فمنع هذه المدونات قد يجر الى منع التدويين بشكل عام
لذلك فالرد على شبههم أو تركهم أفضل
ولكن يجب عدم الرد بشكل (بوست جميل-شكرا لك...وهكذا
Faisal
والله جان زين نقدر نسوي شي في القوانين الحاليه الموجوده
انا معاك بكل شي .. بالتوفيق .. واذا تبي اي شي معاك
وتره وصلني ايميلك .. بس والله ضروف مو قادر ارد حتى على التعليقات اهني
بس ان شاء الله بينا كلام قريب :)
حـمد
انا تكلمت عن محيطنا الي اهني .. وبالتحديد عن المدونات الكويتيه الي انتشر فيها الالحاد بشكل فضيع .. والحاد من نوع يدي .. طاف كل انواع الاخلاق للأسف
Anonymous
صح كلامك .. هم متواجدين من زمان وبكل مكان
لكن الغريب .. ملحدين هالجم يوم .. لسانهم طويل .. يبيله قص :)
Mishari
العفو اخوي .. انت الي يعطيك الف عافيه على صراحتك
واطقلك سلام على المقاله في عالم اليوم
شكرا اخي
حسام بن ضرار
والله جان زين الكل يسمعك
صح لازم كلنا نوقف وقفه وحده بويه هالاشكال
باجر يسبون التدوين والمدونين اذا انتشروا مثل هالامراض بينا ومحد تحرك
يعطيك العافيه
Blog 3amty
والي يسبك عادي؟
هذول طافو كل حدود الاخلاق وبدأو بالتعرض لرموزننا الاسلاميه وهذا الشي مايسكتله
Mok
صح لسانك
'3air
والله جان زين الكل يتكلم ويقاطع .. وراح نشوفهم يختفون ويتلاشون
راعي تنكر
مو بالسب والتشهير حبيبي
حلم جميل بوطن أفضل
هلا بالحبيب
معلق عندنا اليوم .. اشصاير؟
اها .. عشان سكولاري وصل لندن .. عادي عادي .. راحت عليكم من الحين وتبي تضبط العلاقات عشان لا تنضغط صح؟
ما تمشي علي هالحركات :)
ناطرين وقفتك وموضوعك .. وصح لسانك .. للأسف من يجامل .. للأسف
U-Turn
هذي غاثتج انتي بس؟
الله يحاسبها بس
والله يعافيج ويقويج يا القاطعه :)
Najmah
الصراحه هذي ردت فعل اي انسان طبيعي
انا صار فيني شي مشابه لكن اقل اشوي
والله حسيت الارض راح تنخفس فيني وانا اقرى بعض الكلام الي ماينقال عن انسان عادي .. اشلون عن الذات الإلهيه ولا عن خير البشر محمد
حسبي الله عليهم بس
والموت يعشق فجأه مثلي..والموت مثلي لايحب الإنتظار
الخطوط الحمراء كلها راحت عندهم للأسف
شي يرفع الضغط الصراحه
Anonymous
واذا حاطين مشاهد خلاعيه في التلفزيون؟
اتوقع راح تنقص هالمشاهد
الي قاعد يصير بعالم المدونات في الوقت الحالي اكبر من خلاعه للأسف
someone_q8
نعم لديهم مواقعهم الخاصه .. لكن ان يدخلو بيننا ويسبون الرسول ونحن نشاهد .. هذا شيء جديد
خصوصا مع تأييد ومجامله البعض !!!!
نعم نستطيع محاورتهم وافحامهم ايضاَ .. وهذا ما احاول ان اقوم به في الايام القادمه .. لكن أن تخاطب جهال .. هذه اكبر مشكله
وايد مطول بالي لا تحاتي
ويعطيك العافيه
و انا مع (على نفسها جنت براقش)
أقصاهم رعاع و همل ,, يستانسون إذا الواحد عطاهم ويه لأن يحسون أن لهم قيمه
مجموعة مرضى نفسيا و ناس نبذهم المجتمع بيطلعون حرتهم و مالقو إلا النت ينبحون فيه مثل الجلاب
إن تحمل عليه يلهث و إن تتركه يلهث !!
أتوقع بل اكاد أجزم أن كلهم أصحاب عقد و مشاكل نفسيه
و حاقدين على الناس الأسوياء إلى قلوبهم مطمئنه من الإيمان
الحمد لله على نعمة الدين و العقل !!
ملحدين ..؟؟
أنته لمن تمر عليك ذبانة وتكشها وتروح
بعد ما توخر تهتم لها او تفكر فيها وتعطيها حجم ..؟؟
الملحدين جذي مثل الحشرات مالهم قيمة وناس فيهم مرض ودوائه القتل حسب ما قال الله سبحانه وتعالى في القرىن الكريم
تتكلم عنهم ترى تعطيهم حجم اكبر من حجمهم
تتناقش معاهم راح تتاثر فيهم
والأفضل عطهم طااااااااف
والشرهة على الي يدش مدوناتهم ومواقعهم ويرد عليهم لأنهم أصلا بدون دين شلون تناقشهم ..؟؟
أنته توصخ مدونتك جذي لمن تكتب عن ناس أوطى من الحشرات
باي باي
Post a Comment