Monday, June 30, 2008

شكراّ أوروبا


نعم شكراّ أوروبا فقد أمتعتينا لمدة شهر كامل

واليوم أخص الشكر وأيضا التهاني للماتادور ووحوش المنتخب الأسباني الذي حقق الأهم وحصل على الذهب على حساب الكبار
نعم أعترف بأنني لم أكن يوماّ مشجعاّ لهذا المنتخب .. لكن اليوم أجبرتنا هذه المجموعة الأسبانية الجميلة تقديم الإحترام والتقدير لمنتخبهم المبدع


أسبانيا هي من جعلت بعض المنتخبات ترجع لواقعها المر .. هي من أبكت إيطاليا .. وما أدراك ما إيطاليا؟ .. إنه المنتخب الذي شوّه وجه كرة القدم منذ سنين وأستمر في هذه الفعله حتى تصدى له أبطال الماتادور .. وجعلوا ايطاليا تندم على اسلوبها الممل الدفاعي الفاشل
أسبانيا هي التي أرجعت ألمانيا إلى أرض الواقع .. بعد أن طاروا في سماء الأحلام وتخيلوا أنفسهم حاملين لقب اوروبا للمره الرابعة في تاريخهم وهم لم يقدموا أي شي سوى رأسيات سخيفة وفوز غبي على منتخب الأبطال (تركيا)

أسبانيا أمتعتنا .. شاهدنا متعة كرة القدم ونحن نراقب هذا المنتخب

شكراّ .. سينا .. كنت الأفضل .. وأيضا شكراّ لكاسياس وديفيد فيا وزافي وتوريس و و و و .. الجميع
وبالطبع لا أنسى العجوز أراغونيس

*
*

شكراّ أوروبا على هذا البريك الجميل الذي قدمتيه لشخصي

أشكر كل من سأل عني في فترة الغياب .. وسأحاول أن أعود بأقرب وقت لمشاركتكم هذا العالم الجميل .. عالم التدوين

25 comments:

صبا said...

مبرووووووووووك

أسبانيا

:)))

Anonymous said...

كنت اتمنى الالمان

بس الاسبان استحقوا الفوز من غلطة دفاعية باااايخة

الحمدلله عالسلامة

فريج سعود said...

شكرا لك على عودتك للتدوين
وينك انت ؟

Kuwait said...

وولكم باااك ..
كل هذا مجابل كاس اوروبا :|

kila ma6goog said...

ما احبهم

هولندا هي البطل بالنسبة لي

Anonymous said...

ههههههههههههه
صرت اسباني بعد

نفس سالفة ايطاليا العام

mtfa2el said...

يستاهلون عيال عمنا الأسبان
فريق زقرتي و يصرقع
كسر خاطري بالاك ..حطم الرقم القياسي بالفضية صج مقرود هالولد ، من الحين و رايح أي نهائي فيه بالاك شجع الفريق الثاني
.
.

كويــتي لايــعه كبــده said...

كم مره كتبت "اسبانيا"؟
:)

مبروك

كاس الامير هالسنه يقولون بيكسر الدنية!
:)

اي هين

Najmah said...

ولكم باك
:)

أبــو بنــــدر said...

ماني متخيل أسبانيا بدون الداهيه راوول بس سوها وفازوا.

بصراحه فقدناك وعسى المانع خير

ودمتم سالمين

Q8i Blogger said...

صبا

انتي مبروك
ليلحين محافظه على المركز الأول
بل بل بل
:)











مُحَسّد

غلطان .. غلطه دفاعيه؟

ليش تتوقع لو مو صايره هالغلطه ماكانو يفوزون ؟؟

أتوقع كانو يقدرون يسجلون وايد بس ماحبو يضيقون خلق لوف وربعه

والله يسلمك حبيبي











فريج سعود

كنت مشغول اشوي مع اراغونيس
ذبحني الله يهداه .. شقني أسئله وإستفسارات
بس يالله .. البطوله وخذاها الشايب ..يستاهل











Kuwait

طلعت عيوني :P











kila ma6goog

صراحه أداء هولندا ضد ايطاليا وفرنسا يعطيها البطوله ومحد يقول شي
بس اشصار فيهم مع روسيا .. مادري !!
حسافه على ربع فان باستن

Q8i Blogger said...

Anonymous

أولا أنا ما اشتهي ايطاليا من بطلت عيني على هالدنيا

ثانيا من قال صرت اسبانيا ؟؟؟

بالعكس لو كانت المباراه النهائيه اسبانيا ضد البرتغال او هولندا جان شفتني اول واحد اوقف ضدهم

لكن الفريق صراحه أداءه ممتاز بالبطوله ويستاهلها











mtfa2el

أهم شي انه يصرقع :)

مسكين هالبلاك .. يخسر كاس اوروبا للانديه والمنتخبات بشهرين ورا بعض !!











كويــتي لايــعه كبــده

كتبتها وايد .. ماتشوفني ملونها !!











Najmah

ثنكيوووو











أبــو بنــــدر

داهيه !!!
ماعتقد

والدليل .. شوف الي مكانه .. ابداع

راحت ايامه الطفل المدلل

صار الشايب المنبوذ

خير ان شاء الله
ماتفقد عزيز حبيبي

Mamloo7a Q8ia said...

مبرووك فوز الاسبان
و
welcome back

الحارث بن همّام said...

مشكلة المتعصبين :)

انا كنت اشجعهم على أساس أنهم من بلاد الأندلس :p

راعي تنكر said...

اتحفظ على رايك في ايطاليا وبسوي نفسي ما قريته

بس فعلا شكرا اوروبا
والله ضيقة خلق بعد ما خلصت البطولة

صبا said...

حرااااااام عليك

صكوني بوحده قويه ؟؟؟

اتصدق ادخل مدونات منزلين مواضيع يديده محد معلق يعني انا اول وحده اتصدق اطلع وما علق ؟؟

!!!مادري ليش
يمكن فقدت المنافس الاول لي ؟؟

اي والله ما علق واخلي المكان حق غيري ؟
احتاج اجازه يمكن بعدها ارجع لنشاطي السابق

اشراااايك
:)))))))))))

ولهت علي نجرتك والمداحر علي المركز الاول
تحياتي

Enter-Q8 said...

زين يا معود ان اسبانيا فازت و خلتك ترد تدون
لك وحشه يا وحش

molok said...

صج صج شكرا اوربا .. شكرا اسبانيا ..
متعة لمدة 3 اسابيع وهم وشقى .. بس آخر شي الفرق اللي ماتستحق طلعت وفاز بالبطوله الفريق اللي يستحق والاجدر ..

تقريبا صرات قاعده المدرب اللي يستغني عن لاعب مهم بالفريق ويبطون ويهه انتقادات هو اللي يفوز بالبطوله ..

طبعا لاننسى نقول شكرا البرازيل على الموهبة التي تسمى ماركوس سيينا ..

وشكرا

بس said...

حمدالله على السلامة بالقاطع


كيف الحاااااااااااااااااااال


الكاس من أول يوم أسباني عزيزي ، الاسبان فازواا بلعبهم مو الحظ في جميع لعباتهم :))


مبروووووووك

حياتي هدف مو عبث said...

حياك الله من يديد
:)

على نفسها جنت براقش said...

انت وين تختفى

صج يقولون رايح القنص؟

Anonymous said...

مبروك اسبانيا

وحمداللة على السلامة


من طول الغيبات ياب ........

سارونه

صقر قريش said...

مبروك فوز الإسبان لأنهم من بلاد الأندلس على قولة بن همام أحسن ممايفوزون فيه الألمان الي كانوا ردايا محظوظين!!حياك الله مدون هاتخرجت!!افتكيت من كندا؟ الله يوفقك

Faisal said...

على البركه يبا
عاد كنت حاط امال على هولندا بس مامن نصيب يستاهلون الاسبان

يالله حجي طولت رد اكتب

وحياك موقعي ومدونتي انا وبونبيل اخوي

http://www.citizen-view.com/

Q8i Blogger said...

شكرا على تعليقاتكم جميعا
واعتذر عن التقصير في الرد