Saturday, May 10, 2008

الأولى تنحرف !!

الصراحه مادري من وين أبدأ
مشكلتي ما انزل بوستات أول بأول .. ومره وحده ابي أكتب كل شي

بس قلت من اليوم بحاول أجزّء البوستات .. واكتب برتم أسرع نوعاّ ما



بعض المقتطغات الإتتخابيه السريعة


الأولى:

للأسف دائرتنا مع الوقت تنحرف اكثر واكثر باتجاه طائفي يخرع
نحن اليوم نرى تحالفات تحت الطاولة غريبه عجيبه .. فالكل يسعى لإيصار عدد من نواب طائفته دون الإلتفات للكفائه .. شيء مؤسف الصراحه !!

آخر الأخبار .. الحبيب صلاح خورشيد النائب والوزير السابق ينسحب نصرة لطائفته .. وجريدة الدار الطائفيه تبارك وتهلل وتصفه بالبطل والفدائي !!!

سيكون هناك تفصيل أكثر في هذا الموضوع ان شاء الله


التحالف: حبايبي هذول

إقرو الحجي:

التحالف الوطني الديمقراطي في الثالثة : تمسكنا بالشريعة الإسلامية كتمسكنا بالدستور... والفضائيات تلعب دوراً سلبياً في الفترة الأخيرة

هنا يأتي السؤال الذي يطرح منذ سنوات على كل إسلامي .. عن أي شريعه تتحدث؟

ماذا تقصد .. تتمسك بالشريعه الاسلاميه على المذهب الحنبلي أم المالكي .. أم الجعفري؟

فهمونا يا دعاه الليبراليه !!!! صج يا شين السرج على البقر

بس راح تعرفون حجمكم .. 17-5 يوم الصدمه


آخر الكلام:

باختصار شديد .. ماكو وقت .. رجعت الكويت .. ومن مكان لي مكان .. مو ملحق

راجع الكويت اقل من اسبوعين .. حق الانتخابات :) .. وايد قالولي مينون لكن حلوه المشاركه في انتخابات الخمس الصراحه


تره ليلحين مو مختار الاربعه في الي بعطيهم
وتره انا أتقبل النصيحه :)
ودي أسمع آرائكم

منو أعطي؟ .. في الأولى !

*
*

فيديو على الطاير
شوفو الحب شيسوي

19 comments:

Mohammad Al-Yousifi said...

اللي تكسب به العب به

هذا اللي ماشي

Super Woman said...

اخوي كويتي بلوقر

الحمدالله على سلامتج

وتروح وترد بالسلامه ;P
بعد اخاف ما تنزل بوست قلت اقولها مره وحده

ثاني شي الطائفيه من زمان موجوده مو شي يديد

ثالث شي وين استفتاءاتك العجيبه ؟؟
فاقدينها

والفيديو
لووووووووووووووووول

خلاص حلفت بتاخذه بتاخذه
لو الساعه اربع ولا خمس

لو تموت او ينفجر راسها بتاخذه لووول

زوجوها خلاص

بوست لطيف

والثانيه !! لول

5roofa said...

لوووووووووووووووول يااختيي مصره تتزوجه

بس شنو يعني تعقبين؟؟؟

لوول

salamz dear...

بس said...

حياك الله الجو عجيب براد ماكو غبار :p


بقت على التحالف ، يا أخي خلهم يقولون و ألي بالجدر يطلعة الملاس ؟

ألا ليش هالتحامل عليهم ؟؟


الرومي
العوضي
المدعج
الحريتي

وفي الاول و الاخر ، المهم قناعنك ؟

Anonymous said...

منصجك بترد

كويــتي لايــعه كبــده said...

الحمدالله على السلامه

ما يبيله...
الرومي
المدعج
الحريتي

بس اشفيك على التحالف؟

ليش الناس شابه عليهم؟
احسن من غيرهم اميال! ولا يوجد الملاك بالسياسه
وآخر من يتكلم المتأسلمين

esTeKaNa said...

مرحبا اخوي كويتي بلوقر
!
حمدلله على سلامتك تو ما نورت الكويت
زين سويت انك رجعت
الكويت تستاهل
عاد انا قلت راد وفي بالك شي
اثاري للحين ما قررت
:)
اعتقد الرومي زين
والحريتي من الواضحين جدا مع نفسهم اتمنى ان يفوز
بس انته فكر واستخير
!!
والنزقه تموت من الضحك
بنت عمي كبرها تقريبا
كل ما تشوف هالتسجيل تتنح
اقولها ترا عيب ما يصير ما يصير
اخا فعليها تنحرف
باجر تيينا
والله لاأتوته
بنات اخر زمن
لوووول

راعي تنكر said...

الظاهر الاسلام اللي تكلمون عنه اسلام نيو ستايل
:P
شعرفك انت

احترامي لك عزيزي

ترى الحريتي زين

بس الفيديو قمة
ياحلو اللهجه الشمالية

`~MnO YeNSa! ~` said...

اهلا
تو ما نورت الكويت
...
الاولى
انا اقول

الرومي
ثبت موفق
:P

بس اهم شي انت اقتناعك
لانه صوتك
امانة
لازم
تحسن الاختيار

Q80 Blogger said...

kila ma6goog

امممممم










ShLaLaT

يسلمج ربي والله يسلمج :)

صح الطائفيه موجوده من زمان .. بس زايده عندنا بشكل غير طبيعي

والاستفتاء حطيته متأخر :)

مادري اشفيها على الساعه اربع وخمس











5roofa

هذا يسمونه الحب الحئيئي :)

Q80 Blogger said...

بس

انا وصلت ويبت الجو الزين معاي :)
من المطار لي الخيران .. صراحه الجو ممتاز

وبالنسبه للتحالف .. لا تحامل ولا شي
هو فقط اختلاف فكري
وانا اطرح التحدي

ربعي وحبايبي .. لكن في التوجه اختلف معاهم .. اهما حاسين روحهم الأقوى على الساحه .. بنشوف اشلون القوه هذي .. الايام تكشف

ومشكوره على الأسامي .. وان شاء الله خير










Anonymous

وين ارد؟
حاليا انا بالكويت :)










كويــتي لايــعه كبــده

تقولي مايبيله
صراحه لندره الخيارات صار مايبيله
ولا لو هذول نازلين بالثالثه .. جان هذا ويهي اعطيهم

بس اهني مايندرى اشلون !!

بالنسبه للتحالف

صراحه مافيني شي عليهم .. عادي

بس قلتها .. هو اختلاف فكري .. واهما دائما يتحدون .. وربعي ويحبون التحدي
انا كتبتها اهني .. لأني اتحداهم

ادري احسن من غيرهم .. من ناحيه اهداف اقتصاديه وغيرها
لكن مشكلتهم التوجه الفكري المدفوع ضد الدين للأسف
يمكن تختلف معاي بهالنقطه
لكن انا اشوفهم جذي الصراحه

وهم عبالهم اهما الكويتيين والباجي عيال السيلانيه

فقتلهم ناطركم يا التحالف

مو منزلين 8 ؟

خل نشوف منو يفوز منهم

هههه

Q80 Blogger said...

esTeKaNa

يسلمج .. منوره باستكاناتها :)

انا حاط ناس في بالي .. لكن ليلحين الصوره ماوضحت عدل

والفيديو وريها عادي .. عشان تتعلم الديمقراطيه .. خلاص هذي ايام قبل خطبه او البنت تستحي ويسئلونها عن رايها تسكت
شخباري

لألأ .. الحين اذا ماقالت ابي اتوته .. ما تتزوج :)










راعي تنكر

اي والله صح لسانك

اشعرفني انا !!!!!

اهما الي فاهمين بكل شي
بالاقتصاد بالسياسه بالرياضه .. حتى بالدين أفهم من احسن ملا بالديره











`~MnO YeNSa! ~`

منوره الكويت باهلها

والله يسهل ويخلينا نختار الافضل

يعطيج العافيه

Ra-1 said...

آنا بعد ماقررت منو بعطي لي الحين !
دائرتنا مليقة :/

Hehhe tha7ekatnee elbint :p

Barrak said...

اي والله تنحرف

كثروا المنحرفين

mtfa2el said...

شلون محتار و السيد موجود ؟؟
ذيك المرة قال انتظروني على الصراط هالمرة يشور فيك يقلبك شاذي
احرق له و بس
:p

صبا said...

الحمدلله علي السلامه

توني ادري انك بالكويت
نورت الكويت

وانا اشوف الحو صاير حلو
:)

Q80 Blogger said...

Ra-1

صراحه حدها مليقة وتعقد
انا بحط بعض الاسامي للمرشحين الحضر الي اشوفهم زينين قبل ايام من يوم الانتخاب
وان شاء الله خير










Barrak

اكثرو .. بس مو بقوه انحرافنا بالاولى










mtfa2el

اتصدق !!
شبي بالباجي .. اشراح يسوولي يعني .. يزيدون قرض الزواج مثلاّ .. وبعدين شالفايده؟

اروح حق السيد اضمن الحور العين احسن :)










صبا

الله يسلمج

والديره منوره بأهلها

وصحيح صحيح .. مادري اشلون مادريتي .. واضحه جداّ
الجو تعدل .. اكيد انا موجود :)

حياتي هدف مو عبث said...

ما تحس فيه من حيرة يرادوني أنا بعد هالإحساس


دائرة أولى ومش أولى

..


التحالف .. دام عندهم الإختلاط من أولوياتهم فعليهم السلام

joy said...

انتخب الرومي ولو انه ماجنه سوا شي بس احسن الماجووود
:)





انا شايفته بلوتوث الفيديو
طاع شلون تسبل عيونها
ميته عليه
والله لأتذوجه
لو الساعة اربعة
والله لأتذوجه