Monday, May 12, 2008

آخر أخبار الأولى

تحديث

انضمام الدكتور حسن جوهر لقائمة الإئتلاف (عبد الصمد ولاري وبهبهاني) .. رابط الخبر

سيخسر الدكتور قاعده كبيره من ناخبينه .. واخص السنه .. فانا اعرف كثير من الاشخاص يؤيدون الدكتور ويدعمونهم ولكنهم بنفس الوقت ضد كل من كان وراء قضية التأبين المشؤومه
كنت اعتقد بأن تبادل الأصوات سيكون بشكل خفي .. وليس اعلان رسمي بهذا الشكل .. للأسف جوهر خسر الكثير

الآن يتنظر الجميع اعلان القلاف الإنضمام للقائمة الأخرى (الأولى)

*
*


كل الأمور تدفع الآن نحو التحالفات الغير معلنه بين المرشحين

الشيعه يركزون أصواتهم على 8 مرشحين .. قائمتين + جوهر والقلاف

الحضر :ـ

هذا التحالف جعل الحضر يفكرون بتركيز أصواتهم على أسماء معينه

في الأمس انتشر مسج يحث على التركيز على أربع مرشحين هم:
الإسم مع الرقم الذي حققه في إنتخابات 2006

الدكتور محمد الكندري (قاعده السلف عن طريق علام الكندري 4668 صوت)
جمال الكندري (4145 صوت)
عبد الله الرومي (2509 صوت)
عبد الواحد العوضي (2478 صوت)

هذا والفوز في الدائرة يحتاج إلى أكثر من 10 آلاف صوت


العوازم :ـ



بالأمس أعلن شيخ العوازم إلتزامهم كقبيله بمخرجات الفرعيات مما يعني تركيز العوازم على الأربعه المذكورين في الإعلان
وبهذا الإعلان أنهى شيخ القبيله آمال الحريتي في المنافسه .. فلقد دعى لمقاطعه اي مرشح يخرج عن نتائج الفرعيه

العوازم يمتلكون 9000 صوت .. يحتاج كل منهم على الف أخرى حتى يضمن النجاح

هذا تسجيل للقاء الأمير فلاح بن جامع .. أمير قبيلة العوازم




الأيام القادمه ستكون فقط للتنسيق مابين المرشحين .. خصوصا من جانب الحضر
وسأحاول أن أعلن عن اي إتفاق من قبلهم

اليوم عندنا ثلاث ندوات:
الرومي في بيان ق6 قرب صالة أفراح عزة جعفر
عبد الواحد في مشرف ق6 قرب السفاره السوريه
منصور خزام مرشح حزب الامه ايضا في مشرف منطقة الجامعات
جميعهم في الساعه 8:30

!!

14 comments:

شـقـــــران said...

العزيز كويتي بلوقر

الحمدلله عالسلامة

ترى متابعك بصمت

وادري إن هذه هي المقالة الثالثة عن الدائرة الأولى

وبصراحة عرفتني على كثير من خباياها


بعرف الجرايد وينها عن هذا الفرز الطائفي..أو بس شاطرين على القبايل والتحريض عليهم!!؟؟


المهم ترى متابعك..وقاعد استفيد بالحيل وفوق ما تتصور



مع وافر الاحترام والمودة


المحــــــــــــب/


شــقـــــران

شـقـــــران said...

على فكرة

أنت ذكرت جريدة الدار في خبر انسحاب السيد صلاح خورشبد

هل هناك جريدة بهذا الإسم!!؟؟

ماعرفها صراحة


ثكرا..بالثاء لو سمحت..ثكرا
:))

كأني سبقت الكل وصاير أول تعليق
:))

مو عوايدي كلش
:))

حياتي هدف مو عبث said...

متأمد إنه محمد أكثر من جمال ؟؟

حياتي هدف مو عبث said...

متأكد

أستغفر الله

someone_q8 said...

السلام عليكم
لو اني بالدائرة الاولى جان عطيت الحريتي لانه يستاهل
وانا عندي مبدأ وهو اني ما اعطي حق اي مرشح فائز بأي فرعية صووت لانه اعتمد على قبيلته فقط ولم يعتمد على اهل دائرته
قواك الله على هالتحاليل الطيبة

Enter-Q8 said...

يا عمي دائرتكم شنو داثره مع احترامي
تقهر

على قولة واحد من الربع يقول
ياحظكم يالثالثه و ين ما تطقونها راكبه

بوشملان said...

مفاجآت انتخابات مجلس الامة 2008

سقوط ذريع لليبراليين وصعود كبير للإسلامين واللي مو مصدق يشوف التحليل

جمعان الحربش وفيصل المسلم يحققون رقم قياسي

شوف التحليل على
http://m3m3ah.blogspot.com/2008/05/blog-post_13.html

حسام بن ضرار said...

حسافه على الحريتي

و نعم الرجل

mtfa2el said...

و الله الحريتي و المدعج و الرومي
يستاهلون
بعدين جمال الكندري ؟؟؟؟؟؟؟؟؟؟؟؟
انا اقول يبيع بنك احسن ..و الله مو كفو

As YoU LiKE said...

انضمام حسن جوهر الى عدنان ولاري وبهبهاني مايأثر على تاريخه المشرف، صحيح البعض راح ينتقم منه على انضمامه .. لكن هالشي مايمنع اني مااعطيه الصوت بروحه .. وامنعه على الثانيين .. لأنه يستاهل

اما حسين الحريتي .. اتوقع راح يفوز .. موراد على بن جامع ولا غيره .. راح يفوز بإرادته وقوته ولا هو ناطر احد.

والله يعينكم على دائرتكم ..

Q8i Blogger said...

شـقـــــران

الله يسلمك يا الحبيب

تسعدني المتابعه

بالنسبه للجرايد والفرز الطائفي .. جان زين بس تسأل عن جريدة الدار .. للأسف مو محصل موقعهم على الانترنت لأنها جريده يديده

واكيد مو شايفها لأنها ماتوصل الكويت كلها .. بس التركيز على مناطقنا

جريدة طائفيه بشكل غير طبيعي .. والله ترفع الضغط

راح اتطرقلها بموضوع قادم اذا قدرت

يعطيك العافيه

وتستاهل اول تعليق










حياتي هدف مو عبث

انا مؤولتش محمد اكثر من جمال

انا قاعد اتكلم عن قواعد انتخابيه

بالنظر لمحمد واهو من نفس تيار علام الكندري .. وعلام الكندري اعلن تأييده له ودعمه بكل الأشكال .. فالسلف يمتلكون الرقم الذي ذكرته والذي يتجاوز حاجز ال4600 صوت
لذلك قلت محمد يمتكل هذي القاعده .. وهي قاعده التجمع السلفي في بيان ومشرف

اما بالنسبه لجمال .. فالرقم المذكور هو رقمه الذي حققه في الرميثيه في 2006

تواجه جمال ومحمد في الرميثيه في 2003 .. واسقط احدهم الآخر .. لكن جمال كان الأقوى في ذلك العام

على العموم .. المفروض كل واحد يعطي جمال يعطي محمد .. والعكس .. لأنهم الاسلاميين الابرز في الدائره

وناطرين تحالفات آخر أيام










someone_q8

وعليكم السلام

الحريتي موقفه صعب .. وبعيد عن الفوز من وجهه نظري
ودي يتم التركيز على اسامي معينه حتى نستطيع ايصال اسلاميين للمجلس .. واخص بالذكر هنا محمد الكندري من التجمع السلفي وجمال عن حدس

والله يكون في العون

Q8i Blogger said...

Enter-Q8

انا الاهل كلهم بالثالثه .. بس انا الي متوهق بهالدائره .. بس هم عاجبتني .. لأني طول عمرني فيها

الله يعين










بوشملان

ماله داعي الدعايه
شفناه وقريناه

تحليل ممتاز .. لكن الايام اليايه هم خطيره

وان شاء الله تحليلك يطلع صح ويكتسحون الاسلاميين .. خصوصا في الثالثه










حسام بن ضرار

راحت عليه

Q8i Blogger said...

mtfa2el

الحريتي .. مايحوشها .. خلاص راحت عليه
المدعج .. تحالف .. والتحالف ملاقة .. ولا مو شايف التصويت ؟
الرومي .. معنه مايعجبني .. بس احسن الموجود
جمال .. ما احكم على شخصه .. احكم عليه من خلال مواقفه .. والي اهي مواقف حدس .. صراحه ممتازين .. واذا نبي اسلاميين ماكو غيره ومحمد الكندري .. لذلك فهو من الافضل

اتمنى الاتفاق على الاربع اسامي الوارده في البوست

ويعطيك العافيه










As YoU LiKE

صراحه هذا تفكيرك .. ونشكرك عليه
لكن اعتقد وايد من الناس راح تختلف نظرتهم له بعد مايشوفون صورته يم صمد ولاري

النسبه للحريتي .. بالعكس اخوي .. موقفه وايد وايد ضعيف بعد تصريح امير القبيله

قبل جم يوم مرنا الدوانيه احد المرشحين العوازم الي فايزين بالفرعيه .. وبعد ماقعد وسلم .. طلع جهازه النقال او ورانا فيديو امير القبيله .. يعني اهما يمشون وينشرون بهذا الفيديو ويدعون للالتزام بالاربعه ومقاطعه الحريتي
وقاله بالاسم
الحريتي !!!!

انكسر الحريتي خلاص

والله يعين الجميع

حياتي هدف مو عبث said...

حسن جوهر


راح يخسر الكثير .. وأنا صوت منهم :)