Wednesday, April 30, 2008

نبيها منك يا الأزرق

تشلسي 3 - 2 ليفربول


ما قول غير

ياويلكم يا مان يونايتد



في موسكو


*
*

لمتابعة برنامج الوشيحي ليوم أمس عن المدونات

بين الأخ الطارق .. والأخ مطقوق

على قناتي في يوتوب

وهذا هو الجزء الأول




أكثر شي بط جبدي في الحلقة هو مداخلة فيصل القناعي الي يقول فيها بأن المدونين ناس خوافين يخشون الظهور في العلن

وأنا أرد عليه وأقوله .. للتدوين متعه إنت للأسف ما تعرفها .. بس ضروري إنك تتقبلها .. هذي لغة العصر يا الحبيب

وإذا وايد حارك إنك مو عارفنا .. تكفه دزلي إيميل و أعطيك رقم فنيلتي بعد مو إسمي

بس قتلك .. التدوين بهل طريقه له طعم انت مو فاهمه

*
*

التصويت : لاحظت وايد ناس يكتبونها بالقاف .. انا الصراحه اكتبها واقولها .. تكفه




هم عاجبني السمج .. هذا يسمونه يميام

52 comments:

Kuwait said...

يعطيك العافيه على حلقة الوشيحي ..
لاني ما قدرت اتابعها بوقتها وتابعتها من خلال اليوتيوب ..
ماقصرت ..
اما الكره مالي فيها لوول
تقبل مروري..
kuwait

Kuwait said...

woooow
1 st ....

;P

U-Turn said...

شفتهـــا :D
و تقــريبا ما أدري شســالفه;p

وانــا بالكــره القــدم " الله بالخيــر".;p


يعطيـــك العافيــه أخـــوي على المجهــود الجبــار ;p

Q8i Blogger said...

Kuwait

يعافيج ان شاء الله

ومبروك على المركز الأول :)

MoHaMMaD said...

مشكور ويعطيك العافيه


بش شكلك كتبت البوست قبل هدف ليفربول الثاني :)


عموما انا ميلاني بس اتعاطف مع مانشستر

وشكرا على حلقه الوشيحي

لان وقتها كان وقت مباراه مانشستر ماشفتها

Q8i Blogger said...

U-Turn

يعافيج ربي

عادي مو لازم تعرفين .. بس كل مايحطون مباراه بالتلفزيون خلج شاطره وشجعي الأزرق :)











MoHaMMaD

العفو .. ويعافيك

انا كاتب البوست قبل لاتبدي المباراه .. وكل ساعه حاط تحديث

والعفو .. وحلقة المليفي اليوم هم مسجلها .. تنزل باجر على يوتوب

وبنص الحلقة راح تلاقي لقطات من المباراه .. لأني كل ساعه اقلب التلفون على أقوال تشلسي
ههههه

صبا said...

نبيها

احمـــــــــــــر

صبا said...

نبيها احمر مثل صورة سعاد حسني

؛)

Q8i Blogger said...

صبا

الأزرق وبس والباجي خس

حسام بن ضرار said...

قواك الله على النقل لحلقة المدونات

انا ما اشتهي اطالع برنامج الوشيحي ، بس عشان بيطلع زميلنا كله مطقوق تابعت حلقة امس

Q8i Blogger said...

حسام بن ضرار

يقويك

محد يشتهي هالوشيحي !!!

بوتشخيص said...

q8iblogger

إنت تشجع تشلسي!!!

بعد عمري والله .. تدري اشلون بعطيك من الحين لي نهاية الإنتخابات المركز الأول عربون صداقة على هالخبر لووول :)

إنشالله تشلسي هالسنة ..

Q8i Blogger said...

بوتشخيص

افا والله بوتشخيص
من زمان انا تشلساوي ومتعصب بعد

ولا ترقع وتقول بعطيك المركز الأول

المنافسه ليلحين موجوده :)

حياتي هدف مو عبث said...

يعجبني أداء الوشيحي :)


ومشكوور على التسجيل ..

Q8i Blogger said...

حياتي هدف مو عبث

انتي من القليلين الي يمدحون أدائه

والعفو حياج

Ra-1 said...

مشكور على الحلقة
ليش ما تشتري ستاند حق الكاميرا :p

Q8i Blogger said...

Ra-1

العفو :)

والله فكره حلوه .. بس في ستاند حق تلفونات نوكيا ؟؟

kila ma6goog said...

مشكور يا قلبي على وضع الحلقة

و والله صارلي يومين مندق من كلام القناعي

بس اللي مخفف الهم ان اللي قايله القناعي و اذا اتتك مذمتي من ناقص فاعرف اني كامل

Q8i Blogger said...

kila ma6goog

تسلم ماسوينا شي .. انت شايف بس التسجيل اشلون قايل

قصه التسجيل عندك بمدونتك اذا ودك اتعرفها :)


وعلى قولتك

الله يعينه على نفسه هل قناعي

فريج سعود said...

مبروك علينا
ومن غير المنطقي تاخذون الكاس مع هالمدرب الدايخ
انتوا ما خذيتوه مع مورينهو شلون تاخذونه الحين
القناعي اثول بس حسافة ما ردوا عليه وجعموه
اليميام منو ياكله غير اهل لندن مشجعي تشلسي الله يزيد النعمة

شباب الكويت said...

ماهي دعايه ..

ولاهو تصريح ..

اهي .. كلمة حق

بقلم / شباب الكويت

عطها من وقتك دقايق ..

وجانها عجبتك ..

انشر ولك الاجر .. ان شاء الله

http://binghayir.blogspot.com

5roofa said...

yaaaaaay

عيونه تشووووق امبي ليش تاكلونه شكله يكسر الخاطر لوول

و موفقين بالبرنامج يارب

salamz dear...

B.Oz said...

5alyt el she3em wel zbaydy ow yayet lel yemyam..

شـقـــــران said...

العزيز كويتي بلوقر

مبروووك فوز البلوووز
:)

وحيلكم في مان يونايتد..ابيكم تقمعونهم قمع..بلغ الفريق كلامي
:)


أنا للأمانة صوّت مرتين

التصويت الأول لــ تكفهه
التصويت الثاني لــ المهم إنها تهز رجال

:)



وحقيقة اشكرك من القلب لأنني تابعت الحلقة عبر قناتك الخاصة وباجزائها الثمانية

جهد تشكر عليه يالغالي


حلو اسم هذا السمك..يميام..يم يم


مع وافر الاحترام والمودة


المحـــــــــــب/

شــقـــــران

Q8i Blogger said...

فريج سعود

1
أحلى شي تاخذ الكاس مع مدرب فاشل مثل هذا .. وتكسر عين واحد صارله مع ناديه 21 سنه !!!
مايملون منه .. خلاااااص !!

2
عفيه عليهم والله مسكو أعصابهم .. لو انا جان ماعرفت أسكت

3
بييلنا يوم .. حتى المجوه بناكل
انا قاعد احضر نفسيتي من الحين .. خوفك اليابانيين يخلطونلهم هرده على دبس الرمان .. ويسوون نفط
بعدها تعال فجج روحك .. وقول ربع لندن الي ياكلون اليميام
وقتها الشرايب بتصير امرقه :)











شباب الكويت

بالتوفيق ان شاء الله
ويعطيكم العافيه على المجهود











5roofa

إحنا ناكله عشان تبجينه .. امبييي :P

Q8i Blogger said...

B.Oz

والله توني راد على الحبيب فريج سعود
راجع الرد :P

وقولها مره ثانيه .. اليميام أحلى من مرق الشرايب ساعات
هههههه











شـقـــــران

يبارك فيك إن شاء الله

ومالك شغل .. نعرفلهم هل مانشستراويه
بيصير دم بموسكو .. انطر انت بس

وبالنسبه للتصويت
والله مادري ليش كنت حاس انك انت الي صوت انها تهز الرجال :)
وصدقت .. اتهز اتهز .. بس رجال قبل .. الحين عادي .. ماتهز قذله واحد فيهم

والعفو
وكافي انك استفدت من التسجيل .. تستاهل يا المحب :)

وآخر شي
ههههههههه
صج ضحكتني على يم يم يم هذي

:P

على نفسها جنت براقش said...

ما تقصر يا بلوقر

انت المشروع المنقذذذذذذذذذذذ

على قولة حسين بن عاقول بدرب الزلق

ShLaLaT said...

خوش فيديو

والسمج شكله مبقق عيونه
بس اول مره أسمع فيه !!

والتصويت مبين يعني
بس بعرف منو يكتب تقفه !!! لوول


يعطيك العافيه اخوي
ومبروك فوز فريقك

فتى الجبل said...

ازرقكم هذا بنخلله ونسويه طرشي ان شاء الله لكم بالدوري وكاس الابطال

Najmah said...

يعطييك العاافية :)

اي والله للتدوين متعة
مايحس فيها الا اللي يجربها
:)

Q8i Blogger said...

على نفسها جنت براقش

صدق بو علي والله :P

وصح لسانج :)











ShLaLaT

يعافيج ويبارك فيج ان شاء الله

والسمج هذا مركب عدسات .. مو اي شي .. من النوع الهاااي











فتى الجبل

صبر انت حلمان ولا قاعد تتكلم عن الواقع ؟

الأيام بينا يا نهاش .. وبتشوف

آل ديفلز آل

نقلبكم قطاوه شيرازيه بموسكو











Najmah

يعافيج ربي :)

ومشكلتها .. الي يجربها مايقدر يهدها :)

Eng_Q8 said...

المهم يفوزون على مانشستر

تكفه يا دروغبا وبلاك سووها ميت قهر من هالفريق الكريييه


لالالا لا تعطيه رقم فانيلتك اخاف يسحرك


متى صارت بالقاف؟؟؟


اليميام لي صدته اقطه بحر مره ثانيه

magnoonah said...

ما احب الكره
مطفريني فيها اخواني

اما الحلقات انت طافك لما مطقوق قاعد يقول في طلبه يتابعون من امريكا ومن الهند
واييك صوت طالع مادري من وين يقول
كندا كندا

الي خلاني اخترع
:)))

بس ما اقول الا الله يهدي الي في بالي
؛)

بالنسبه للقناعي اعتقد هو محرج من موقفه وعشان ما يفشل نفسه تمسك فيه عل وعسى يصدق احد كلامه احد غيره


وانا اقول تطرش له صورتك من غير اسم وايد احسن عشان يموت قهر

وميرسي على المجهود

shahad said...

إشدعوة ناس يخشون الظهور كلنا حاطين إيميلاتنا
اللي يبي غعرفنا يقدر يسالنا

بس اللي ما يطول العنب حامض عنه يقول

كويــتي لايــعه كبــده said...

القناعي هذا من ثقافتة الزايده والا سمعته الطيبه يتكلم عن البلوقرز بهالشكل؟
متكبر على شنو الاخ؟

عندي بالدرب له بوست كامل ان شاء الله


على فكره لو تلبس اليميام لحية ما يشابهه؟

kuwaitya_7saweya said...

يعطيك العافيه

بس يعني القناعي مايدري انه النك نيم يعبر عن شخصية صاحب النك نيم
؟؟!!!

يعقووبوو said...

فيصل القناعي دام يقول خوافين ليش مختم لنا؟ (:
--
--
عاش اليميام والشعوم فليحيى (((:

5roofa said...

لوووووووووووووووووول

بتمسكها الامبي علي الحين صححح

يعني شسوي اقولها وايد

:P
تحمللل

salamz dear...

Kubbar said...

devils 4 ever :)

ولد الديرة said...

تقفة تقفة تقفة

بالقاف مع اني ما صوتت كنت غايب

وهي تهز الرجال

منو فصولي؟

تبع السياسة؟

تبارك الرحمن

هو الريال بس

هو وارنولد

hamdool said...

بوست عجيب فيه الصالح و الطالح
;p

آنا أتكلم على المواضيع
lol

اللي شاف مانشيستر جدّام برشلونه
ما راح يأيدك على أول جمله

بس كل مباراة لها ظروفها
و عيب تشيلسي إنهم مو زينين
برّه ملعبهم .. بس اللي يشفعلهم
إن رئيس النادي روسي
;p LOOOOOOOOOOOOOOL

يعني يدل الأماكن اللي هناك

باسجيل said...

وين ال100 دينار اللي اقرها سمو الامير للطلبة الدراسين بالجامعات الخاصة بالخارج ؟

تم اقرار صرفها من 1 يناير والحين دخلنا شهر مايو هل سيتم صرفها بأثر رجعي ؟

الرجاء من المدونين تسليط الضوء على الموضوع جزاكم الله خير

ولد الديرة said...

عيون اليميام جنها عيون بعض المرشحين يوم 18 مايس

ولد الديرة said...

توني اشوف ال
sms

لووووووووول

Selezya said...

شتبي من الازرق؟

mtfa2el said...

جم معطيك الوشيحي عشان تسويله دعاية ..متابع حلقاته على طول اشوف ؟؟؟
ياخوي قولي نستنفع وياك حتى انا عندي نوكيا :p

Aldenya said...

مشكور يا كنداوي

:>


عاد اليوم غدانا بحري


حياك

Q8i Blogger said...

Eng_Q8

قدها ان شاء الله .. يبطونهم

اعرف كذا واحد يقولها بكتبها جذي .. ويقولها بعد مو بالكاف
بالحرف القاف الكويتي
اشلون اتقول قمر !!
بالضبط
جذي يقولونها
تقفه والقام مات اقول او قمر

اتمنى انك فهمت :)

واليميام لو احصله بكندا اطيح فيه طيح .. لأنه يذكرني بالديره
بس دامك بالكويت .. قطه بحر
ولا اقولك .. سوه ييم حق قطاوه الفريج
ايام قبل جذي .. نصيد قطاوه بسمج

حياك











magnoonah

منو هذا الي قال جذي بالفيديو؟

لايكون بس شاكه فيني ؟

وانا كل مصايب الديره يقطونها على راسي !! .. ليش !!

الحين الجناعي يبي صورنا ولا اسامينا؟
مادري عطيني ايميله اذا عندج .. اتفاهم معاه بالمسنجر
ونسويله كاتالوج .. في صورنا واسامينا

وتفضل الصوره حق الشباب مكشوف الرأس
والبنات لازم تكون صوره من تلفون عشان تكشف الحقيقه .. مو فوتوكينا ولحظه .. سوالف ابيك تصغر خشمي وتكبر مادري ايش

ويعطيج العافيه :)











shahad

ههههه

حلوه مالت العنب .. شكله صج والله .. وده يبطل مدونه بس مايعرف حق النت .. حقد على كل المدونين من يومها

اهو لا يتعب روحه وياخذ ايميلاتنا .. خل يعطيني ايميله وانا حاضر من عيوني .. اطلع فضايح المدونين كلهم :)

Q8i Blogger said...

كويــتي لايــعه كبــده

انت الي فاهمني الصراحه

انا حاط الصوره عمد .. بس محد فهمها :P










kuwaitya_7saweya

يعافيج ربي

اهو شكله الانترنت مايدري يعني شنو .. تقوليلي نك نيم وشخصيه











يعقووبوو

والله انا اقول حق الجناعي .. السبيطي زين :)

Q8i Blogger said...

5roofa

اي امبي .. ماسكها عليج

امبي يعطيج العافيه :)











Kubbar

؟؟؟؟

اي صج

في يميام بكبر ؟











ولد الديرة

والله عاد دستوريا ماناخذ بتصويتك
خلاص الكل اتفق على الكاف
ومن اليوم ورايح قولها كاف :)

آرنولد رياال؟

لا لا

بس اهو :)

Q8i Blogger said...

hamdool

اي عارف المكان عدل الروسي :)

وهم مدربهم يهودي

لا موفقين :)

اتفق معاك انه مانشستر هل موسم صايرين وحوش .. بس عاد مع تشلسي كل شي غير .. والمباريات الي بينهم تشهد

يسعدني المرور










باسجيل

والله يا اخوي باسجيل
علمي علمك

وترا انا تشملني وكل مانروح الوزاره يقولون القرار ليلحين ماوصل !!

وبنكتب عنها ان شاء الله










ولد الديرة

قصدك عيون التحالف صح :)

Q8i Blogger said...

Selezya

أزرق حلو .. مايغلبونه :)











mtfa2el

الرازق بالسما والحاسد بالأرض

كله متهمني وبس !! .. أول مره على سالفه الدعايه الي كانت تطلع لما تبطل المدونه
بعدين على التعليق الاول والكومشن الي يقول عنه بوتشخيص
والحين صار الوشيحي يعطيني !!

ياخوك اذا حاس بشي .. خله بقلبك .. عن الفضايح










Aldenya

ليش تقهريني انزين؟

أحد اسباب رجوعي للكويت .. تعليقج هذا

واول ماوصلت غدانا كان بحري :)