Monday, December 24, 2007

صور تتحدث

عيدكم مبارك جميعاّ ولو إنها متأخرة


بعد انقطاع عن النت لفتره الحج فقط

رجعت وبطلت جهازي .. اشوف ولا طايفني وايد



162 بوست يديد

ومشكلتي ابي أقراهم كلهم .. قلت أحط بوست على السريع .. ثم أبدأ في الجولة البلوجرية :)

*
*



هذي اللوحة عجيبة .. وما اعتقد تتكرر بالعالم كله
لايشوفونها الأجانب .. من قال مو عنصرية هههه
باختصار .. الكفار يمين :)






وانا هذا العلم وين ما اروح لاحقني .. حتى بالعزيزية بمكة






ما حصلت عيادي .. وهذي عيديتنا من جمعية بيان .. حركات الصراحة .. وابداع في اختيار الاسم






يقولون اليوع كافر .. خصوصا في زحمة الحج .. وهذا الفيديو دليل

*
*

الحج هل سنه غير .. وايد سهلات
خصوصا مع اكتمال بعض المشاريع المهمه مثل مشروع الجمرات والمسعى اليديد

أخيراّ قاعد اشوف تطور جيد من قبل المسؤولين عن الحج .. بس نتمنى يبطلون عقولهم اشويه لمشاريع كبيره خصوصا من جانب المواصلات

هذي صورة لمشروع الجمرات اليديد وهم فيديو عن السهوله الكبيره في الرجم





36 comments:

Anonymous said...

صور تتكلم وما أجمل ما قالت :)

حجا مبرورا وسعيا مشكورا

تقبل الله منا ومنكم سائر صالح الأعمال

:)

حياتي هدف مو عبث said...
This comment has been removed by the author.
حياتي هدف مو عبث said...

الحمدلله على سلامتك
تقبل الله منك وحج مبرور وسعي مشكور وذنب مغفور بإذن الله

وعوداً حميداً :)

وماشاء الله الكل يشهد إن في تقدم واضح في تسهيل الحج هذا العام
الله يوفق من كان السبب ويرزقه الجنه ;)

باغي الشهادة said...

تقبل الله طاعتك.. وفي عرضك للمقاطع والصور بيان يا ولد بيان

:-)

Cr8ivia said...

7aj mabroor o thanb maghfoor o taqabbal Allah minkum
il7imdilla 3ala ilsalama o kil 3am wintay ibkhair yarab

mtfa2el said...

تقبل الله طاعتك يا كابتن
عاد دعيتلي و لا عطيتني طاف ؟؟
عاد و الله وايد يقولون سهالاات.. يالله طافنا هالسنة بس ان شا الله السنة الياية لاحقين عليه
اهم شي حبتين مضغوط من طباخ بو يمن !!
و شوية مثلوثة و نص حبة مظبي و فوقه معصوبة و شوية مطبق
تخلي البطن يغرد و يطق كمنجة !!

سدرة العشـــاق said...

حج مبرور و سعي مشكور و ذنب مغفور إن شاء الله
تقبل الله طاعتك و عساك من العايدين و الفايزين إن شاء الله

:)

فتى الجبل said...

تقبل الله طاعتك
وحمدالله على السلامة
وأيامك سعيدة

Unknown said...

تقبل الله وحجة مقبولة باذن الله عزيزى

واللوحة الصراحةعاجبتني

ولو انها على قولتهم عنصرية بس حبيتها ميخالف مكه غير

乂♥Not.ViRGo♥乂 said...

حج مبرووور و ذنب مغفوووور
وتقبل الله طاعتك ان شالله

صرت حجي يعني :))


و على هالطريج يمكن بيمهونهم الغير مسلمين و يفجروون فيهم تالي :)

Anonymous said...

حلوه لغير المسلمين

5roofa said...

حمدالله علىىىىىىىىىىىىىىى السلااااااااااااامه

توه ما نورت الكوييت

تقبل الله اشتقنااا لسوالفك

واااي الله يهنيك شكلها السفر تينن بالعافيه علييييك

slamzz dear friend...

على نفسها جنت براقش said...

تقبل الله طاعتك

حجى كويتى بلوقر
:)

Anonymous said...

صراحة:

لغير المسلمين

+

يهالوه

نادرين من قلب = ))

و تقبل الله منكم و من المسلمين

joy said...

تقبل الله طاعتكم
وحج مبرور وسعي مشكوور

خوش صور





وفقك الله

فريج سعود said...

كل عام وانت بخير
لوووووووول مصور نفسك وانت ترجم والله حلوة بس لا يكون نسيت تنوي
:)

بعثرة مشاعر said...

تقبل الله طاعتك
حج مبرور و سعي مشكور و ذنب مغفور
و تجارة لن تبور باذن الله

:)

Q8Disaster said...

حمدلله على سلامتك

انشالله حج مبرور وسعي مشكور
ياحجي :>
وناطرين يوستاتك الحلوه

Selezya said...

الحمدلله على سلامتك وتقبل الله طاعتك يارب
وكل عام وانت بخير :)

بنت الشاميه said...

تقبل الله طاعتك
وحج مبرور وسعيا مشكور وذنب مغفور
باذن الله

وحمد على السلامه
الكثيرين يشهدون بان الحج هذه السنه
كان مريح وهين

ان شاء الله ينولنايه السنه التاليه

Anonymous said...

حمدالله على السلامه وحج مبرور وذنب مغفور

شداخه

Eng_Q8 said...

تقبل الله طاعتك
وحج مبرور وذنب مغفور

وصور حلوه

وخوش اسم يهالو :))))))

والظاهر دعيت عدل حق تشيلسي القرعه خلتهم مع الومبياكوس :))

يبا قاطع تشيلسي مدربهم صهيوني :)))

Anonymous said...

تقبل الله منكم حجكم في مكة .. بانتظار عودة الحجاج من مصر .. علشان نعرف شالسالفة

ReLaaaX said...

ونااااااااااااسه خنرووووح --> كيفت الاخت :p


لا والله اعترف اني وحده خوافه وحتى عقب ماوسعو متصروعه .. بس جني تشجعت عقب ماشفت الفيديو


--


تقبل الله طاعتك :)


عاد عسى الصوايغ التلفزيون البلاستك الاخضر والاحمر اللي داخله صور الكعبة ؟ ;p

العرزالــــــه said...

ماقلت لنا انك رايح الحج

حجيييي

تقبل الله طاعتك وجعله في ميزان حسناتك واسمح لي يت متأخره

:)

Nora said...

ما شالله

تقبل الله طاعتك

بوست وثااائقي
:)


متى استقبالكم
السبت و الاثنين محجوزين ترى
:P

esTeKaNa said...

الحمدلله على السلامة وتقبل الله طاعتك حج مرور وذنب مغفور إان شاء الله

انامادري انك رايح الحج
ولا جان سويت لك استقبال الحج في مدونتي
:pP~
مشالله كل من يقول حج هالسنه سهالات
يوم حجيت قبل كم سنه رمي الجمرات كان يمثل لي قمة الرعب
والله اني كنت واقفه بس مادري وين ريلي
ما اتوقع انها كانت على الارض
وخلال الوقت اللي بندخل فيه
كان ابوي وراي وعمامي على يميني ويساري
وجدامي افارقه يزاهم الله خير توهم راجمين فشلون يطلعون من الززحمه؟
يطقون كوع
فتخيل الطق اللي ياني
:))
الله ياجرنا وياك
والحمدلله ان السعوديه كل سنه قاعده تطلع بحلول اكثر عمليه وذكاء


اهم شي الحين تريح
وتشبع نوم عقب هالحج
وتحافظ على مولودك اليديد
:)
اي مولود يديد
قلبك بعد الحج بإذن الرحمن رجع كيوم ولدته أمه طفل صغير ونقي
دير بالك عليه
وغذه ايمانيا ومع صحبه زينه عشان يقدر يكبر ويثبت ان شاء الله


صباحك ورد
:)

Arabian lady said...

Taqabal Allah 6a3tik .

Q80 Blogger said...

killie thiqqa
تقبل الله من الجميع
شكرا شكرا


حياتي هدف مو عبث
الله يسلمج واجمعين يا رب
آمين يوفقهم دنيا وآخره على التساهيل
وناطرين المزيد ان شاء الله


باغي الشهادة
الله يسلمك
بس اشدراك ولد بيان :P


Cr8ivia
وانتي بخير وصحة وسلامة .. والله يسلمج ويعافيج

Q80 Blogger said...

mtfa2el
منا ومنك يا كوتش
شوف انا دعيت حق كل المسلمين .. فانت معاهم ان شاء الله :P
وان شاء الله السنه اليايه تلحق على الدور الرابع الي بالمرجم
وعلى طاري الكمنجه .. الله وكيلك كااااسور بعد على الاكل الي كليناه



سدرة العشـــاق
اجمعين يارب
مشكوره



فتى الجبل
الله يسلمك يا الحبيب



Mishari
منا ومنك صالح الأعمال
والله هذي أحلى عنصريه
هذي مكه عين السيح :)



乂♥Not.ViRGo♥乂
لا الحمدلله مو أول مره .. من زمان حجي :)
مشكوره .. وتقبل الله منج صالح الأعمال



حمودي
تحلى أيامك أخوي

Q80 Blogger said...

5roofa
الله يسلمج
تسلمين على الكلام الحلو :)


على نفسها جنت براقش
منا ومنج
حلوه اتصدقين .. حجي
شبي الحين بدكتور ولا مهندس ولا غيره وغيره
حجي كافي
تنفع قبل اسمي حق اي انتخابات :)


maikait
شكرا
وتقبل الله من الجميع ان شاء الله


joy
أجمعين
وشكرا جزيلا :)


فريج سعود
وانت بخير وصحه وسلامه حجي
وعلى ما اعتقد .. كنت ناوي :P



بعثرة مشاعر
اجمعين يا رب
شكرا شكرا


Q8Disaster
الله يسلمك يا الحبيب
وتامر أمر :)

someone_q8 said...

السلام عليكم
تقبل الله طاعتك وحج مبرور وذنب مقبول
توني اشوف البلوق وتذكرت الحج بتفاصيله كأنه حلم مر علي
الله يعطيك العافية ياخوي على هالبلوق
لك مني كل تحية واحترام
اسمحلي على تأخري بالتعليق

Q80 Blogger said...

Selezya
وانتي بخير وصحه وسلامة
مشكوورة


بنت الشامية
منا ومنج الله يسلمج
وان شاء الله يبلغج اياها السنه اليايه


شداخه
الله يسلمج ويخليج
شكرا شكرا


Eng_Q8
والله انا ودي اقاطع بس ناطر مورينهو
النادي الي رايحله بشجعه
ويهالو
هذا ابداع من بياااان مو اي شي
تسلملي وتقبل الله من الجميع


هذا حدييييييييد
الله يسلمك
اشمعنه مصر يعني :) ؟

ezain_kilah said...

وااااااااااي! الله يهنيك ... الله يهنيك الف مرة

بس انا حاقدة عليكم... كلمن راح الحج وانا لأ... شريرين

لوووووول تقبل الله وحج مبرور وذنب مغفور يا ربي يالله

Q80 Blogger said...

ReLaaaX
انا من اعداء الصوغه
الحين انا الي اسافر وانا الي اييب الهدايا .. المفروض العكس الصراحه
لا بس انصحج
اهو السالفه فيها مشي وايد
بس غيره سهالات .. ماكو زحمه ولا شي
توكلي على الله اذا بخاطرج :)


العرزاله
مشكوور يا الحبيب .. اشدعوه لا متأخر ولا شي
تسلم


a7La eNG
منا ومنج
ههههههه .. لا حملتنا من كثر ما اهي كشخه الاستقابل كان بارنب الجائع الي بالخفجي :)


esTeKaNa
منا ومنج مشكوره
انا مو قايل حق احد .. مالي خلق احد يأذيني بمولودي على قولتج :P
بس الحج قبل في أجر أكثر .. من كثر التعب والعفسه
انصحج بحجه ثانيه اذا قدرتي عشان تشوفين الفرق .. خصوصا في الجمرات :)
تحياتي

Q80 Blogger said...

Arabian lady
منا ومنج .. تسلمين


someone_q8
وعليكم السلام
مسموح يا خوي اشدعوه
وتقبل الله منك الحج
ومشكور على الكلام


ezain_kilah
لوووول
شريرين عاد
والله انا دايم اشجع الطيبين وما احب الشريرين
ما ادري ودج تروحين ولا جان اول وحده تدرين
عاد حملتنا معروفه .. اكيد سامعه عنها
علي رصيّف للحج والعمره :)
مشكوره على الدعوه .. والله يكتبلج احلى من حجتنا واسهل ان شاء الله