Monday, December 31, 2007

ليش نبيها أرخص؟

قبل فتره قصيرة .. ظهرت لنا على الساحة الإنترنتية حملة جميلة
الحملة تلك كانت جميلة بفكرتها
أما تطبيقها لم يكن بذلك الإتقان والذي جعلها لا تلاقي إستحساناّ وإقبالاّ بين الناس بالصورة المطلوبة

هي حملة نبيها أرخص؟
التي انتهت قبل فتره ولم تنجز ذلك الشيء الكبير



لكن لماذا حازت الفكرة إستحساني مما جعلني أدعم هذه الحملة؟

باختصار لأنها وضعت يدها على الجرح .. فهي خاطبت ودعت لمقاطة شركتي الاتصالات المتواجدتين في الكويت !!

يقول البعض بأننا نظلمهم بتلك المقاطعة .. فهي شركات تقدم ما لديها من خدمات وتسعى للربح

لكن السؤال هنا؟ .. لماذا يأتي هذا الربح بهذه الطريقة الجشعه والتي تظر المستهلك بالدرجة الأولى

لن أطيل اليوم في سرد القصص والروايات
سوف أقارن بين هاتين الشركتين .. وبعض الشركات الأجنبية التي كان لي تعامل معها
وبعد ذلك أترك لكم الحكم على شركتينا هنا في الكويت !!


الأولى هي شركات أمريكا الشمالية .. وبالخصوص كندا :ـ

في كندا أقوم بدفع اشتراك شهري يعادل 14 دينار تقريباّ

هذا الإشتراك يقسم ساعات التحدث إلى قسمين .. ساعات العمل و الساعات العادية
الساعات العادية تعتبر من الساعه السادسة مساءّ إلى السادسة صباحاّ وتكون تلك الساعات بالمجان .. بمعنى الاستخدام المفتوح
كذلك في العطل والإجازات ونهايات الأسبوع .. كل ذلك يكون بالمجان .. ويكون الإستخدام بشكل مفتوح

أما في ساعات العمل فتمنح 200 دقيقة مجاناّ للتحدث

الاشتراك يضم كثير من الخدمات من بينها خدمة
Voice mail
المكلفة جداّ في الكويت

مع العلم .. طريقة هذا الاشتراك هي الأكثر انتشاراّ في امريكا الشمالية .. ولا تبتعد الأسعار عن السعر الذي كتبته

سيقول البعض .. لقد إبتعدت كثيرا .. وذهبت بعيدا حتى وصلت إلى القطب الشمالي من الكرة الأرضية


هنا يأتي الموضوع الثاني :ـ

في السنة الماضية رزقني الله حجة لبيته الكريم
استغرقت تلك الحجة فترة 5 أيام تقريبا .. كنت خلال هذه المدة أستخدم رقم تلفوني الكويتي
صرفت في هذه الفتره 5 دنانير تقريبا
مع العلم بأنني لست كثير الإتصالات .. بل انا كثير السفر .. مما جعلني معتاداّ على الإستخدام الخفيف لنقالي أثناء السفر

في هذه السنة .. أيضاّ ذهبت للحج ولله الحمد
ولكن في هذه المرة استخدمت رقم من شركة سعودية
وكانت أيضا فتره خمسة أيام تقريباّ
صرفت فيها وبدون أي مبالغة مبلغ 7 ريالات فقط لا غير
وفي هذه المره كنت مسرفاّ في إتصالاتي .. وللأمانه تجاوزت إتصالاتي ماقمت به في العام الماضي


كل من استخدم أرقام من شركات سعودية سيعلم الفارق الكبير الذي اتحدث عنه
فالمئة رياال هناك .. تدووم وتدووم وتدووم
أما في الكويت
فالسبع دنانير لا تفيد لاسبوع واحد فقط


انا من مستخدمي خدمة الدفع المسبق .. وبالأخص اكسبرس
في غضون 3 سنوات تجاوز صرفي ال500 دينار

مع العلم بأني اتواجد في الكويت بمعدل 4 اشهر بالسنة فقط

أنا أحتفظ بكل كرت أقوم باستخدامه .. لذلك أعلم كم صرفت بالضبط
وهذه الصورة تبين ما أعني



صراحة مادري شقول .. بس السالفة واضحة
بوق أشكره
يعني لا خدمات نفس الناس ولا معاملة سنعه ولا شي مضبوط .. وآخر شي أسعار نار ؟؟

انا لو تطلع حملة اتقولي قاطع النقال موليه .. مستعد اوقف معاها .. لأنه السالفة فيها بوق عيني عينك

وما أنسى إني أشكر أصحاب فكرة نبيها أرخص

*
*

هذي الصورة تنفع تكون محور من محاور استجواب نورية الصبيح
ولا تقول نورية الصورة مو بالكويت
ترى هم تدخل هل امور من اختصاصاتج .. ولا اشرايك يا الشريع؟



جان زين لو تسوون الإستفتاء الي حاطه لأنه السالفة بغت تنتقل من الدوانية لي المخافر من شدت النقاش والاختلاف :)

38 comments:

Q8Disaster said...

والله صحيح كلامك يابلوقر

انا حاس بالفرق

حبيبي ترى هاذي كلها لعبه بين الوطنيه والاتصالات

مو تشوف اسعارهم نفس الشي تقريبا وماكو منافسه الا بمنو اييب الخدمه قبل

اما الاسعار فأهما مضبطين السالفه مابينهم

والا بالله عليك اتصال من خارج الكويت انت اتحاسب عليه ؟؟؟؟

ليش وشحقه
الظاهر يبونا نقاطع العالم الخارجي

شرايك يابلوغر عندنا بالامارات شركة يديده اسمها DU

سوت خدمه على كل ثانيه اتكلم فيها مكالمة خارجيه يزيدون رصيدك فلس

هذا غير خداماتهم الثانيه القويه

واول مابطلت تخلي العميل اهوا الي يختار رقمه على كيفه

انا خذيت منهم رقم وخذيته نفس رقمي بالكويت والحركه جذبت شكثر عملاء

اما الكويت لأ 100% بوق عيني عينك

------

قويه الصوره لووووول

اما سالفة الاستفتاء انا عن نفسي اقول انعالي انباقت

بس المشكله بالاستفتاء عندك اكثر شي انعالي انباق ؟؟!؟؟!؟ لوووول


وشكراً

فتى الجبل said...

صح
الأسعار بالكويت مبالغ فيها جدا
مانقول لا يربحون
بالعكس اهما شركات تجارية ومن حقهم الربح
بس مو من حقهم الطمع والجشع
علما بأن الخدمات اللي يوفرونها لنا جدا بسيطة بالمقارنة مع الشركات الثانية

5roofa said...

خوش كلام
بس شنو معناة الصوره لوووول
تره لوعت جبدي
بس اذا قطعنا شنو نشتخدم؟

و اخر شي بالكويت؟ وانت بلوقر كله بتستجوب الناس لوووول

مشالله علييك عاد انشالله راضي علي و ماكو استجواب لووول تره صدقني ماقمت انحاش من البنات لي طلعلي فار
بس اصرخ
:P

happy nea year dear friend

و كل سنه وانت بالف خيير

slamz dear...

Eng_Q8 said...

اي والله اذبحونا

بس الواحد شنو يقول الا اطمع شين

HaPpY New YeaR

Selezya said...

لووووووووووووووووووول الاستفتاء عجييييب ترا صعب بالنسبه لي وايد .. لان اللي يعرفني يعرف اني اقلب المؤنث مذكر والمذكر مؤنث بنفس طريقة الاستفتاء وماكو حل وياي :)))
انا اقول انعالي انباقت عاد مادري اذا صح وكلمه طبيعيه ولا كالعاده قالبه التاذنيث والتذكير :)


بالنسبه للحمله بالعكس انا ادري بنظام الاشتراكات بامريكا وهذا اللي قهرني لان هني بوق عيني عينك وحتى ال 7 دنانير من قالك تكفي اسبوع؟ والله ماتكفي نص اليوم الا وهي مخلصه

المشكله اننا مجبورين ندفع ونستعمل منهم :)


كل عام وانت بخير يا بلووقر :)

على نفسها جنت براقش said...

معاك حق بالبوق

المشكله احنا شعب مو متكاتف
لو كلنا نسوى اضراب عن الشركتين
اهما اللى راح يترجوننا
و احنا نتشرط
بس كل من يقول يلا نفسى

Anonymous said...

@@ وهل هناك من يفعل مثلي

أنا كنت أحتفظ ( بالكروت !! ) ضحكت عندما رأيت الصورة :) لكن أنا أمتلك عددا أكبر .. حتى إخواني الصغار ( الثلاثي المرح :) ) يأتون ويطلبون البطاقات مني ليلعبون بها من كثرتها :) أضحك الله سنكم والله .. هذا هو تعليقي على الصورة أما الموضوع :( ليس بجديد على الكويت مثل هذه الأمور وأنا أيضا من مؤيدين الحملة

بارك الله بكم

سدرة العشـــاق said...

كل عام و انت بخير و صحة و سلامة

انزين شنسوي قاطعناهم و بعدين ؟ ما نصبر الصراحة
أدري أمريكا واااااااااااااااايد أرخص ماكو نسبة أصلا و الخدمات هناك كل يوم شي يديد و بين فترة وفترة يسوون offer
عشان يجذبون الناس

يعطيك العافية

Najmah said...

والله صح كلامك

وخاصة لما تكون بره الكويت

ادز مسج يقولون لي ما اندز
وادزه مرة 2
والاقيه واصل اقل شي 4 مرات

وكله بحسابه


يدرون مجبورين مانقدر نستغني =\

someone_q8 said...

السلام عليكم

الله يعطيك العافية اخوي على موضوعك
وحبيت اضيف ملاحظة بالنسبة للحج
شريت خط سعودي من شركة سوا قيمة الخط 100 ريال
وفيه رصيد هم بعد 100 ريال
يعني كأني شاري الخط ببلاش وتكلمت فيه لما قلت بس اللي رديت فيه الكويت وفيه رصيد تقريبت 3 دنانير
اهنيه عرفت البوق اشلون يصير ما اقول الا حسبي الله ونعم الوكيل
مافيش فايدة عمرنا ما نشبع من البوق والجشع واللي ماكلينها نحن يالشععععب :))
لك مني كل تحية واحترام

فريج سعود said...

كل عام ومكالماتنا ارخص وامورنا بخير

Najmah said...

اي استفتاء؟ :)

ezain_kilah said...

لووووووووووووول

كل عام وانت بخير يا طالب العلم ;)

نفرح بتخرجك إنشالله

وسالفة نبيها أرخص...هممم ... محد قال لي والله

زين نورتني

علشان جذي...

u r needed!

حياتي هدف مو عبث said...

نبيها ونبيها .. لكن لا حياة لمن تنادي
وبالنسبه للإستفتاء عجيب وعطيناك الراي هناك
وذكرتني بشي لأني أقول بطني تعورني بالتاء والبعض قالي خطأ لازم بطني يعورني بالياء :p ,وهمم كبرت السالفه بس ما وصلت المخاافر :)

Ni3Na3aH said...

eeh wallah...
ele yQethny etha a7ad dag 3alaik shako el charges ele malha da3ee... ya3ny mo ana ele dagah!!!
7ad'hom byan9eboon 3alaik b2ay 6areeQah!
oh, and happy new year:)

Q8i_Blogger said...

Q8Disaster

هلا بالحبيب
والله انا حاس مثلك الصراحه
في اتفاق واضح في الاسعار .. ومانشوف منافسه غير بطرح الخدمات

يا اخي لا تحرني زياده وتقولي قصص هل شركات الي بره
المشكله شركاتنا تعتبر عالميه
لكن الظاهر تصير عالميه وزقرت على الدول الباجي .. اما علينا فشغل مش حالك

واذا على الاستفتاء .. انا اختلف معاك :)
لكن ننطر النتايج ونشوف :)



فتى الجبل

صح كلامك .. وكلامك دايم صح :)



5roofa

لوعت جبدج ؟؟؟
منو هذا الي لوع جبدج .. تره مالي شغل
الديره كلها استجوابات
لازم نعيش الوضع معاهم
بس لاتخافين انتي مالج شغل
ماراح نستجوبج
انتي بس ماده استجواب حق نوريه
انقولها .. شوفي ابلاتج ينحاشون من الصفوف ويخلون اليهال المساكين يواجهون المخاطر بروحهم :)

Q8i_Blogger said...

Eng_Q8

تجارنا الافضل بشي واحد بس .. الطمع .. الافضل عالمياّ



Selezya

اي عادي وايد ناس جذي
بس سؤال الاستفتاء وايد عليه اختلاف
بشكل غير طبيعي
وبننطر ونشوف النتايج

وعلى رايج مجبورين
جان زين الشركه اليديده تغير اسعارها .. وانا اول واحد احول



على نفسها جنت براقش

اي والله يا براقش .. كلامج عين الصواب
الديره اتفقو على انهم مايتفقون :)

Q8i_Blogger said...

killie thiqqa

يبارك فيج
الله يسلمج انا مو بس بهل كروت
لو تشوفين هواياتي من هل جانب تستغربين
راح احطلي بوست عن هل هوايات اذا قدرت ان شاء الله :)
شكرا شكرا




سدرة العشـــاق

لألأ .. هذا مو حل انه نقاطعهم لي الأبد
بالنسبه حقي عادي
بس هم شي مو عملي
المفروض نسوي شي .. مظاهرات .. حملات صغيره
اي شي .. نحسسهم فيه بهل شغله
على العموم الحلول يمكن التفكير بها بسرعه .. بس وين التنفيذ !!
ويعطيج العافيه :)


Najmah

ههههههه
اي والله .. مقزرينها علينا
واذا على الاستفتاء .. تلاقينه اول المدونه فوق على اليمين :)

Q8i_Blogger said...

someone_q8

وعليكم السلام والرحمه
والله كلامك صح
انا صج انصدمت لما استخدمت النقال في السعوديه
لأنها ديره قريبه منا وغريبه الفرق الشاسع بالاسعار

لاتشوف الوالد اشسوه بالميه رياال الي تقول عنها
ماظل احد بديره بره ما دق عليه
يقولي خل نستغل الفرصه .. وايد ارخص من الكويت
دق على امريكا ومصر والاردن ومادري وين


فريج سعود

ودي اصدق .. بس قويه :)


ezain_kilah

آمين يا رب
ويوفق بحياتج ان شاء الله
وكاني علمتج بالموضوع
واذا على بوستج .. هذا يبيله قعده شهر كامل .. وين نقدر نختصر الموضوع
بس نشارك ليش لأ
تحياتي

Q8i_Blogger said...

حياتي هدف مو عبث

والله عاد كنت ناوي احطلها استفتاء بروحها هل سالفه
بس انا متأكد انه الكل راح يقول بالياء
شنووو تاء .. حددددده غلط :)


Ni3Na3aH

اهما مو بس بهل سالفه .. بكل شي
مثل المنشار صايرين طالع ماكل نازل ماكل :)
وقاصين علينا احنا المساكين
وشكرا

5roofa said...

loooooooooooooooool

بتمسكها علي لي اي سنه عشان استعد

لا هذاك كان السنه الي فاتت هالسنه غيير
:P
انشالله لوول اتمنىىى من كل قلبي تكون غير

تصدق المره الي فاتت ذكرتك بالمدرسه
وحده بثالث تسولف انه بيستجوبون الفراشه على اغراض ضايعه بالصف لوووول

قلت وين بلوقر الي بس بيستجوب خل يقود حملتهم الاسجوابيه

:p

salamz dear friend,...

mtfa2el said...

اثاري قاصين علينا لا بارك الله فيهم !!
اكثر مكان غالي بالخليج احنا
انا جربت سالفة السعودية طلعوا قاصين علينا مضبوط
هني ما يمديك تكح الا خلص الكرت
و الحل ؟؟؟؟

يعقووبوو said...

الحملة كانت وايد زينة...

انا خذيت خط سعودي وبحريني وايد احسن
-
-
الصورة ماعتقد بالكويت. الصبي الي بالصورة اشقر (:


تهقى من مدارس السالميه او حولي؟

أبو شملان said...

والله صاااج
وانا اخوك

Q8i_Blogger said...

5roofa

بعد بايقين .. والله حاله
كله من نوريه ادري

ولاتقولين سنه طافت وسنه يايه .. خلاص تسجلت عندنا

بس جان زين .. نتمنى انشوفج اتلاحقين الفيران بكل شجاعه واقتدار

على فكره الفار مخلوق جميل
شوفي جيري .. يحليله .. كوول الصراحه :)



mtfa2el

اشكره لاعبين فينا
خلها على الله يا خوك

والحل مو عندي .. تره انا مو بو هندي

Q8i_Blogger said...

يعقووبوو

اهي بيني وبينك الصوره مالها شغل بالشرق الاوسط بكبره
بس خلك ساكت .. وصلتني اخبار يمكن الشريع يستخدمها باستجوابه .. خل نضحك خخخخخخخخ .. اشرايك بالضحكه بس؟ :)



أبو شملان

مو الي يبط الجبد انه انا صاج بهل موضوع وانا خوك :)

vancouver said...

معاك حق مليون بالمية


الفواتير عندنا نهيييييييييييبة
انا اللي استغربته في كندا
رغم انه نص اليوم الاتصال مجاني ما تشوف الناس يهذرون بالتلفون

ويمكن هذا سبب النهيبة بالكويت
لانه الناس ما تبطل هذذذذذذرة 24ساعة
حتى الحملة ما ادعموها للاسف



حج مقبوووووول وذنب مغفووور ان شاءالله
يالله كندا تنااااااديك
حايشتنا عاصفة هاليومين الله لا يوريك
شي يلوع الجبد



سوري مو قصدي اغثك

vancouver said...

بالنسبة للتصويت
لووووووووووووووووول خوش موضوع


شوف اذا كنت تذكر النعال يعني تقول هذا نعالي بعدين قول انباق انعالي

بس اعتقد الكل يقول هذي نعالي
فالمفروض نقول انبااااقت نعالي

اما الفرق بين انعالي وانعالتي
مثل الفرق بين
مسكين و وعليهّ
!
الاولى يقولونها الرياييل والثانية يقولونها الحريم
هاهاهاهاهاهاهاها

Anonymous said...

ونحن في إنتظار البوست
بارك الله بكم :)

بعثرة مشاعر said...

أنا استخدم فواتير
و استخدامي قليل جدا
يعني يدووب مسجات و مكالمات سريعة
و آخر الشهر الفاتوره توص 39

!

ساعات احس يجذبون و الله
حسبي الله عليهم

يقولون بتطلع شركة اتصالات يديده
ان شالله احسن منهم و ارخص عشان تطيحهم !

بعثرة مشاعر said...

لوول ضحكني الاستفتاء

الاختيار انعالتي انباقت
لأن نعال تخاطب بالمؤنث

هذه نعال

مانقول هذا نعال


أعزكم الله
:)

أما الاختيار الاخير أحس جنه حجي مكسر

Anonymous said...

هوايه الكروت شنو تقصد فيها


ما عرفنا



داليا

Q8i_Blogger said...

vancouver

شوفي احنا ودنا تصير ارخص .. بس عاد مو مثل كندا نص اليوم مجانا
بعدين نشوف نص الكويت نايمين على التلفونات ولا عندهم سالفه غيره
احنا بهل اسعار ومشاكل التلفونات ما تخلص

ليش تذكريني حرام عليج :)
كلها اسبوع وراد
بس اتذكر الجو اهناك اييلي حارج مادري ليش

اما للتصويت .. فانا مأجل التعليق حتى ظهور النتايج :)
لكن تحليل حلو .. مع اختلافي في بعض النقاط :)


killie thiqqa
ان شاء الله :)

Q8i_Blogger said...

بعثرة مشاعر

كلنا ناطرين هل شركه الي يقولون عنها
الي فاز بالمناقصه شركة الاتصالات السعوديه .. واهي خوش شركه بالسعوديه .. يعني استخدمتها وكانت ممتازه

جان زين ماتتغير بالكويت .. ونشوفها تنافس الحراميه الي اهني

وبالنسبه للتصويت
اعرف وايد ناس تعتبر النعال الله يكرمج .. مذكر
فهذي مو قاعده ثابته الي انتي تتكلمين عنها
والدليل نتايج التصويت :)


داليا

اذا كنتي تقصدين الصوره الي حاطها .. فهذي باختصار هوايه تجميع اي كرت استخدمه
يعني انا استخدم اكسبرس .. واي وقت اشحن تلفوني .. احتفظ بالكرت

واذا قصدج الكلام الي كاتبه في ردي للاخت كلي ثقه
فهذا مؤجل لوقت لاحق :)

تحياتي

JiBLa CitY said...

واحد من الربع توه مستقيل من الوطنية يقول انها شركة هنود
:)
والباجي مايحتاي نكمله
:)

Q8i_Blogger said...

JiBLa CitY

مايحتاي يبه
هذي الوطنيه
واخاف زين الي كلش
زين حولو مقرها اصلا من الكويت .. عقب ما استفادو هل شركتين من الكويت .. الحين خلاص مايبونها
لا والاسعار المشكلة ليلحين ثابته !!

Selezya said...

نسب الاستفتاء متقاربه
الحيين شنوو بالضبط تقولون انا توهقت لوووول

Q8i_Blogger said...

Selezya

شوفي انا اقول انعالي انباق
مالج شغل بالباجي .. خلج معاي تفلحين

بس الغريبه النسب وايد متقاربه مثل ماتقولين

انا مأجل الموضوع اشوي لين اشوف التصويت صار ضعيف .. بعدها نعلن النتايج :)