Friday, December 07, 2007

أحلى جو



هذي أول تجربة لتنزيل بوست دايركت من برنامج ...

Microsoft Word 2007

طريقة عجيبة وسريعة .. بس يبيلي اتعود عليها

شي ثاني .. قلت اليوم اكتب شي سريع واحط بعض الصور .. لأني اكتشفت اني ما اقدر ابتعد عن المدونه مده طويلة .. صارت شي من حياتي .. جنه هذا يسمونه ادمان ؟؟؟؟



على العموم .. مالي خلق اكتب تعليقاتي عن الوضع الي صار بالديره الجم يوم الي طافو .. شي يضيق الخلق


بس للتاريخ .. ماراح ننسى الي وقفوا مع اسقاط القروض .. والي عارضوا ..

ماراح ننسى موقف حدس والشعبي بالي صار .. وماراح أنسى موقف باقر القوي ضد الاسقاط وغيره من النواب الي وقفوا جدام ضغط الشارع .. الي ماعندهم غير نبي اسقاط ونبي زيادات



على العموم باقي اسبوع على الرجعه للديره .. والوضع صاير ماينبلع اهني



هذي بعض الصور .. توصف الحاله .. والجو الي عايشين فيه .. ادعولنا :)






من قال جو الكويت مو حلو ..؟؟


والله صج صج الجو اهني الي ينبلع .. عيل واحد يعيش ب-20 .. وهذا تو الناس .. توه امبلش الجو


لاتشوفون السيارة اشلون تمشي .. جني راكب جيتي عند صالة أفراح عزة جعفر ليلة الخميس


*
*




هذا التخلف الموجود بدولنا .. اذا ما احرقوها بهل شكل يحرقونها بطرق ثانيه .. بالفسفسه الزايده .. روحوا الشوارع تشوفون أنواع الحرق

بهل فيديو كانو اشوي جريئين .. احرقوها دايركت

*
*




من أقوى المشاركات في شارع المليون اليديد

يقول .. حبيبي يعشق الياهو وانا مغرم مع الهوتميل .. اعجبتني هذي :)

يقول .. وانا اختلف معاه بهل نقطة
والله انـي كـنت كاشـخ فوق ميه ميه .. وجــو ديـرتـنا يـغير بـشـرة الـلبنـاني
من تعطل موتره غدا دجاجة مشوية .. ومن لهيب القيض يمكن يلبس الأكفان

ماكو على جو ديرتنا .. حتى بصيفها

21 comments:

Aldenya said...

حياله المدمن البلوقري

بصراحة جونا اينن
بس بالليل يصير بارد

أحسن من جو ماينس عشرين
زين ما تتيمدون اهناك :/


والقروض
طافك التجمع الاخير
منظر كان يفشل


وشاعر الياهو مادري الهوتميل
بالله هذا يسمونه شاعر
الظاهر مدمن الماسنجر

Q8i_Blogger said...

Aldenya

يحييج .. افا انا ابي واحد ينكر الادمان عني .. انتي زدتي السالفه الحين :)

اكيد جو الكويت افضل .. بس نقطتي انه الجو احسن حتى بالصيف .. على الاقل مانقدر نطلع من الحر .. مكيف وسهالات
بس بهل برد .. منو يقدر يعيش

ثانيا الحر يكون آخر السنه .. يعني سهالات النحشه
بس وين الواحد ينحاش عن البرد

واذا على التجمع .. حسافه .. لو بالكويت جان اول واحد اهناك .. خوش مسرحيه ادري

والظاهر شاعرنا اليوم من طقتي .. مايهد اللابتوب

Salah said...

الظاهر الناس بسرعة تنسى حر الكويت، في الصيف مزاج الناس متعكر ومحد له خلق الثاني، يعني حتى لو بتتحمل الحر ما راح تقدر تتحمل أمزجة الناس

توصل بالسلامة

Q8i_Blogger said...

Salah

والله كلامك صح
لكن مع هذا .. الحر افضل واحلى
وعلى الاقل مثل ماقلت الصيف الواحد يقدر ينحاش
لكن لو يحوشك برد مثل الي عندنا اهني .. وين تنحاش بهل حزه .. لا اجازات ولاهم يحزنون

BoHSaiN said...

-20 !!!
شكثر تاخذ السيارة على ما تحتر :)

بالنسبة للي يحرقون الفلوس,,,
مادري شالفرق بينهم وبين اللي يدخنون,
عسى الله يهدي الجميع.

Q8i_Blogger said...

BoHSaiN

الله وكيلك اخوك مافيه صبر
يمكن انطر على سيارتي بالكويت اكثر من اهني
سيده ادقها سلف وانا الي ماشي

وصح كلامك
انا قلت في ناس يحرقونها بطرق ثانيه
كا قتلي وحده من الطرق
زقاير
وغيرها وغيرها
الله يهدي الجميع

AnGlOpHiL said...

لوووول

الله يعينك على الجو...اليوم اكلم واحد عندكم مع ان صارله اكثر من 5 سنين بكندا و قبلها كان في بلغراد و هم يشتكي من الجو

انت اكيد ساكن بالبيت الأزرق...تشجع تشيلسي ;p

Q8i_Blogger said...

AnGlOpHiL

ههههه

افا عليك بس .. انا الي صابغ البيت طال عمرك

واذا على هل جو .. لو يعيش طول عمره .. محد يقدر يتعود عليه
الله يعينه

Q8 Disaster said...

يالله توصل انشالله بالسلامه للكويت

الجو ليش حر عندكم لوووول

والله سمعت جو الكويت الحين مو طبيعي براد والعموم مقزرينها مخيمات

---

يامعود هذيله ناس بطرانه يعني بدال لا تحرقهم اشحقه ماتعطيهم هالناس الفقاره الي ماعندهم شي ياكلونه
صج هالناس بهايم

-----

خوش شاعر هذا اذكر سامعله شعر الزواج الي قاله اول واحد السنه الي طافت

ويعطيك العافيه :>

Q8i_Blogger said...

Q8 Disaster

الله يسلمك يا الحبيب

الله وكيلك .. بس اطب الديره سيده المخيم .. الشباب ماقصروا هل سنه
واشوه انا ماكنت بالديره
فماحطيت معاهم بالقطيه
يعني مخيم بلااااش
والبلاااش كثر منه :)

وعلى طاري شعر الزواج
ها اشرايك؟
فوقه زواج؟
صراحه شعره أقنعني :)

والله يعافيك .. تحياتي

5roofa said...

حمد الله على السلااااااااااامه

لوول اشتقناا لسالفك

زين ما تسوي انك رديت لوول

تره جوناا حلووو لوول
لا صج كان حلو بس من كثر ما كتبو عن المطر و الهوى الحلو جنا صكينا عين لانه اليوم رد رطوبه و خيسه و غبار

بس بعد هذي الكويت صل على النبيي

الصور عجيبه مشكوور


salamz dear friend...

5roofa said...

صج لقيت حرف الذااال

ذ
ذ
ذ

ذيب

تدري بس هالكلمه طلعت معاي لووووووول


salmz...

Q8i_Blogger said...

5roofa

الله يسلمج

شسوي بعد

توني اكتشف اني ما اقدر اهد النت !!

انا امس داق على الاهل قالولي نفس الحجي .. الجو قلب مره وحده
انا مو فارقه معاي .. بس خل انحاش من هل ثلج وكلشي تمام

ومبروك على حرف الذال
معنه مو ضروري :)

Eng_Q8 said...

توصل بالسلامه انشالله

ييبلنا جم قوطي ثلج ... والله مشتاق حقه :))

ReLaaaX said...

واي الله يعيييييييييييييينكم !!!!؟

آنه إذا استبردت أبجي :p
وإذا مابجيت اتنرفز من البرد

صج صج صج الله يعيينكم


واكيد يعني حب الوطن ماله مثيل :)))

صبا said...

الكويت حلوه بحرها وبردها
بس ما يمنع شوفة المنظر الحلو للثلوج

وايد حلوة مدونتك
ولا تبتعد عن متابعينك
:)

loyalty said...

-20 ! :\

أتوقع تحتاج 20 بلوفر لتشعر بالدفء !

بالسلامة إن شاءالله

فتى الجبل said...

شكلك بتموتنا من القهر
احنا قاعدين بالدوام وتحط لنا هالمناظر الحلوة
آآآآآآآآآآآآآخ والله قهر

Q8i_Blogger said...

Eng_Q8

الله يسلمك
تامر أمر
مو بس قوطي .. الي تبي
لايعه جبدي منه :)


ReLaaaX

عيل صج صج مو زين تزورينا اهني .. عيونج تنشف من كثر البرد
انا نفس حالتج
البرد مشكلته يعور
اما الحر فهو شي بايخ يغمت
انا افضل الحر بصراحه

اكيد حب الوطن غير .. بس عاد مو اي وطن .. هذي الكويت صل على النبي :)

Q8i_Blogger said...

صبا

شكرا شكرا

انا ما اختلف انه المنظر حلو .. بس اشلون وهل منظر مجابلنا ليل ونهار لمده 5 اشهر
شي ينرفز


loyalty

هذا رقم طبيعي
تعتبر منطقتنا دافيه مقارنه في باقي مناطق كندا
مو زين اقولج درجات الحراره في بعض المدن الي دازين لها طلبه مساكين
الله يعينهم

والله يسلمج يا رب

Q8i_Blogger said...

فتى الجبل

قهر ؟؟؟؟؟
حلوه ؟؟؟؟؟؟؟؟؟

تدري متى القهر صج
لما اشوف كل ربعي بهل مدونات يحطون صور الكويت وفيديوات من الكويت
وانا اصور هل ثلج الخايس

وين منظر حلو

حلو اذا شفته بصوره .. صح

بس مو حلو اذا كنت انت المصور

يالله كلها 5 ايام ان شاء الله :)