تحديث :ـ
أنا في إجازة بلوجرية قصيرة .. أستودعكم الله
مجاراةّ للبوست العجيب في مدونة سدرة العشاق
وصلني اليوم ايميل يدور عن نفس الموضوع
واهو الذكريات وحبيت أشاركم فيه :)
بس هذا راح يكون لمواليد السبعينات والثمانينات .. الستينات شياب مايذكرون :)
وصلني اليوم ايميل يدور عن نفس الموضوع
واهو الذكريات وحبيت أشاركم فيه :)
بس هذا راح يكون لمواليد السبعينات والثمانينات .. الستينات شياب مايذكرون :)
تذكرون نقازية الارنب الجائع متروسه يهال .. وجم واحد يعني مجرمين ايام قبل .. حاجزينها كلها
تذكرون لما نشتري جواري بفلوس العيد ونفتر عند المحل مليون فره قبل لانركبهم السياره
تذكرون لما كنا انام مبجر حق العيد ونفرش الدشداشه على الارض ويمها المكسر والنعال ..يعني متزهبين
تذكرون سالفه اللي يحارب يحارب الله واللي يصاحب يصاحب الشيطان..يعني بالحالتين مافي مجال تصاحب
تذكرون لما كنا نسهر لي الساعه 1 بالليل يعني قمة السهر .. لين يقلب التلفزيون القناة الرابعه...وتقول حق ولد عمك لي الساعه جم تسهر؟
تذكرون لما كنا نلعب لعبة الطبيب تحت الدري واخر شي طايحين علينا وطااااااقينا طــــــــــــــــــــــق
تذكرين لما كنتي تمشطين شعر باربي 24 ساعه لين ينشلع راسها واخوج يلعب فيه كره
تذكرين صورتج وانتي ياهل مع الكشه او العناقيص والحين خايفه تورين ريلج صورج لا يعايرج فيها
تذكرون قبل لي رقمت وحده اتم طول اليوم يم تيلفون البيت وكل مارن اتنحنح...واخر شي تطلع خالتك
تذكرون لما نتشيطن واحنا ورى بالسياره والوالد يصفط يمين وينام فينا بالعقال والوالده تقولنا قلعتكم
تذكرين لما تدشين غرفة امج وتلطخين ويهج بالحمره جنج ماكله ياهل وتطيح عليج امج وتكفخج
تذكرين لما الوالده تحطلج حنه ليلة العيد وتشق قطعه من دراعه ماتبيها وتلف ايدج وتنامين فيها تقولين ملاكم
تذكرون كتكات مال اول اللي نيمع القصدير ماله نسوى كره والشفاف نرسم فيه خرايط الاجتماعيات
تذكرون لما كنا نحط قواطي سانكست في مدقر الجاري من ورى عشان يطلع صوت وااااااااو وااااااو واااااو
- تذكرون صمونة الارنب الجائع قبل سوبر بني شكبرها تقول دوار الجوازات.....بس كانت حلوه والله
تذكرون لما نترس البانيو يعني حمام سباحه واخر شي العوامه معلقة والتانكي فاضي والوالد يزفك
تذكرون لما كان احد يروح لندن قبل كنا نوصيه على كاكاو بو لحم يعني كاكاو فليك حاليا
تذكرون لعبه ام وابو (بروي) ونسوى من المساند بيت والمنسد الكبير نركب فوقه يعني سياره
تذكرين لما كنتي تنامين والعلج بحلجج واخر شي لازق بشعرج تعالي فججي ثلج وحاله
تذكرون الحركه الميلقه اللي يسوونها قبل اللي يحط ايده في اباطه ويحرك ايده عشان يطلع صوت..ماكو شغل
تذكرون هم الحركه الثانيه اللي لي بغيت تخرع اختك فيها تقلب رموش عيونك وتقول لها وااااااااو واخر شي الوالد طايح عليك وصاكك يمع من ورى
تذكرون لما كانوا البنات يلعبون حيله وكنا نمر عليهم ونشوت الصخره يعني ماندري...ملالالالالالالالاقه
تذكرون بطل الكراش شلون كان عنيف وكنا نكسر فيه يوز ولي صنيت في واحد دخلته العنايه المركزه
تذكرون لما نسمع راعي البرد بالفريج يقول بررررد ونطل عليه ونقوله برد برد اوقف ونروح نركب على التواير ونقي البرد اللي نبيه
تذكرون الحوض اللي قبل نسبح فيه مرسوم عليه حيوانات وكل ماطبينا فيه نلاقي نحله تسبح فيه
تذكرون لما كنا نلعب كره بالفريج وحد الاثاره والحماس واخر شي الكره رايحه الشارع وماره عليها سياره وباطتها حد الاحباط
تذكرون كنا نروح المدرسه ب 250 فلس ونشتري فطيرتين وسانكست وكاكاو بونجوم عشان نحلى فيه
تذكرون زحمة الكافتيريا ايام الثانويه ولي وصل دورك طق الجرس عاد نخش البطاط بالدرج وريحه الكتشب تفوح ويطيح علينا الاستاد
تذكرون لي قالو لنا حصه احتياط الابله مو يايه قمة الوناسه واخر شي يايه ابله العربي الميلقه تاخذ الحصه تبي تكمل المنهج......شدعوه شي مهم عاد
تذكرون الوالد لما ياخذ منه عيادي العيد يقول بيمعهم لك واخر شي اكــــــــال من هالشق لي هالشق
تذكرون برنامج سلامتك لما يقول عن الزقاير....قلبك...شراينك...جهازك
التنفسي....امتنع عن التدخين حالا شرايك تصكني كفين بعد
تذكرون لما نسوى شربت بينتو مو فيمتو ونحطه بقوالب ثلج ونحط فيه عود ضروس عشان يصير برد...عبقرين
تذكرون بالبر لما كان واحد من الاهل حاطله بياعه ويبيع علينا واحنا نبوق منه وابوه يزفه ليش الحساب ناقص
تذكرون لما نشتري جواري بفلوس العيد ونفتر عند المحل مليون فره قبل لانركبهم السياره
تذكرون لما كنا انام مبجر حق العيد ونفرش الدشداشه على الارض ويمها المكسر والنعال ..يعني متزهبين
تذكرون سالفه اللي يحارب يحارب الله واللي يصاحب يصاحب الشيطان..يعني بالحالتين مافي مجال تصاحب
تذكرون لما كنا نسهر لي الساعه 1 بالليل يعني قمة السهر .. لين يقلب التلفزيون القناة الرابعه...وتقول حق ولد عمك لي الساعه جم تسهر؟
تذكرون لما كنا نلعب لعبة الطبيب تحت الدري واخر شي طايحين علينا وطااااااقينا طــــــــــــــــــــــق
تذكرين لما كنتي تمشطين شعر باربي 24 ساعه لين ينشلع راسها واخوج يلعب فيه كره
تذكرين صورتج وانتي ياهل مع الكشه او العناقيص والحين خايفه تورين ريلج صورج لا يعايرج فيها
تذكرون قبل لي رقمت وحده اتم طول اليوم يم تيلفون البيت وكل مارن اتنحنح...واخر شي تطلع خالتك
تذكرون لما نتشيطن واحنا ورى بالسياره والوالد يصفط يمين وينام فينا بالعقال والوالده تقولنا قلعتكم
تذكرين لما تدشين غرفة امج وتلطخين ويهج بالحمره جنج ماكله ياهل وتطيح عليج امج وتكفخج
تذكرين لما الوالده تحطلج حنه ليلة العيد وتشق قطعه من دراعه ماتبيها وتلف ايدج وتنامين فيها تقولين ملاكم
تذكرون كتكات مال اول اللي نيمع القصدير ماله نسوى كره والشفاف نرسم فيه خرايط الاجتماعيات
تذكرون لما كنا نحط قواطي سانكست في مدقر الجاري من ورى عشان يطلع صوت وااااااااو وااااااو واااااو
- تذكرون صمونة الارنب الجائع قبل سوبر بني شكبرها تقول دوار الجوازات.....بس كانت حلوه والله
تذكرون لما نترس البانيو يعني حمام سباحه واخر شي العوامه معلقة والتانكي فاضي والوالد يزفك
تذكرون لما كان احد يروح لندن قبل كنا نوصيه على كاكاو بو لحم يعني كاكاو فليك حاليا
تذكرون لعبه ام وابو (بروي) ونسوى من المساند بيت والمنسد الكبير نركب فوقه يعني سياره
تذكرين لما كنتي تنامين والعلج بحلجج واخر شي لازق بشعرج تعالي فججي ثلج وحاله
تذكرون الحركه الميلقه اللي يسوونها قبل اللي يحط ايده في اباطه ويحرك ايده عشان يطلع صوت..ماكو شغل
تذكرون هم الحركه الثانيه اللي لي بغيت تخرع اختك فيها تقلب رموش عيونك وتقول لها وااااااااو واخر شي الوالد طايح عليك وصاكك يمع من ورى
تذكرون لما كانوا البنات يلعبون حيله وكنا نمر عليهم ونشوت الصخره يعني ماندري...ملالالالالالالالاقه
تذكرون بطل الكراش شلون كان عنيف وكنا نكسر فيه يوز ولي صنيت في واحد دخلته العنايه المركزه
تذكرون لما نسمع راعي البرد بالفريج يقول بررررد ونطل عليه ونقوله برد برد اوقف ونروح نركب على التواير ونقي البرد اللي نبيه
تذكرون الحوض اللي قبل نسبح فيه مرسوم عليه حيوانات وكل ماطبينا فيه نلاقي نحله تسبح فيه
تذكرون لما كنا نلعب كره بالفريج وحد الاثاره والحماس واخر شي الكره رايحه الشارع وماره عليها سياره وباطتها حد الاحباط
تذكرون كنا نروح المدرسه ب 250 فلس ونشتري فطيرتين وسانكست وكاكاو بونجوم عشان نحلى فيه
تذكرون زحمة الكافتيريا ايام الثانويه ولي وصل دورك طق الجرس عاد نخش البطاط بالدرج وريحه الكتشب تفوح ويطيح علينا الاستاد
تذكرون لي قالو لنا حصه احتياط الابله مو يايه قمة الوناسه واخر شي يايه ابله العربي الميلقه تاخذ الحصه تبي تكمل المنهج......شدعوه شي مهم عاد
تذكرون الوالد لما ياخذ منه عيادي العيد يقول بيمعهم لك واخر شي اكــــــــال من هالشق لي هالشق
تذكرون برنامج سلامتك لما يقول عن الزقاير....قلبك...شراينك...جهازك
التنفسي....امتنع عن التدخين حالا شرايك تصكني كفين بعد
تذكرون لما نسوى شربت بينتو مو فيمتو ونحطه بقوالب ثلج ونحط فيه عود ضروس عشان يصير برد...عبقرين
تذكرون بالبر لما كان واحد من الاهل حاطله بياعه ويبيع علينا واحنا نبوق منه وابوه يزفه ليش الحساب ناقص
منقووووول
*
*
*
موضوع ذكرتني فيه بيت القرين في بوستها الأخير
واهو عن تلفزيون الوطن وجذبته عن شارع المطاعم
هذا الفيديو الي طلع بتلفزيون الوطن .. والإدعاء كان انه هل فيديو مصورينه بشارع المطاعم
لكن في الحقيقة .. الفيديو طلع مصورينه بالسعوديه .. وبوقت الصلاة مثل ما اذكرت الاخت في مدونة بيت القرين
وبالفيديو راح يكون واضح انه التصوير بالسعوديه
وبالفيديو راح يكون واضح انه التصوير بالسعوديه
وتحياتي على الأمانة في النقل
51 comments:
الظاهر كبرنا فعلاً ;) وبالنسبه للفيديو
يعني لازم أكشن عشان يتابعون القناة
وكل ما أقرأ ولا أسمع عن قناة الوطن
أول شي يي على بالي
خالد عبدالجليل :>
شكراً لك أخوي
حياتي هدف مو عبث
انا ما اذكر شي من الي صار :P
حاطه حقكم
وعلى قولتج .. يسوون أكشن عشان ينشهرون
تحياتي
مو هذيل حبايبك الوطن .. خلنا نشوف شلون بترقع لهم
الذكريات عجيبه لوووول
و الحمدلله ما اتابع قناةالوطن...نصابين
شكرا حبوب
برنامج توالليل اللى بالوطن يذكرنى ببرنامج تلفزيون الاطفال اللى بقناة الكويت
بس افكر اشوف واحد من هالبرنامجين استحى و افتشل من بدلياتهم و اغير القناةبسرعة
لووووول
اما عن ذكريات الطفوله
ههههه
شى
خصوصا الباربى وهدوم العيد
وسالفة الكتكات ورسم الخرايط امس اسولف عنها
:)
بدعتوا إنت وسدرة العشاق
ناويين تموتونا من الضحك
ذكرتونا باللى مضى وراح
بس صج ذكريات حلوة وتردنا لزمان كان أحلى
بس نقازية الأرنب الجائع
أكرها
أذكر كنت قاعده أناطط بالنقازية
ولا فيها فتحة مالت الهوى
ومن حظى الردي
ما أشوف نفسي إلا أنا داخل النقازية
واليهال يناقزون عليّ
عورني وكسروا اضلوعي
أذكر إني يومها مت من البجي
حتى وجبتي ماكليتها
وحطيت الأرنب الجائع بالــ بلاك لست
:>
بوست الذكريات وواااااااايد روعه
ضحكتني بصراحه ايام قبل ابداع
للاسف مالي ذكريات وايده ولا جان قارنت فيهم هني
وعلى فكره انا افتخر بصورتي وبعناقيصي ودموعي مبين خايفه من المصور
:)))
كويتي بلوقر مشكووور على النقل ويعطيك الف عافيه
LOOOOOOOOOOOOOOOOOOOOOOL!!! سالفة العلوج اللي تلصق بالشعر .. ساااااالفة صحييييحة مائة بالمائة LOL
الذكريات هذي للحين طابعه بالذاكره ذكريات ولا اروع منها ذكرتنا بايام قبل ايام الشطانه اللي لها مكانه غاليه علي القلب بوست حلو تسلم ايدك اما عن قناة الوطن
يبون الشهره
لوووووووووووووووووووول
احلى شي سالفه المساند .. انا وخواتي نحط المسند الكبير ونوصله لي السقف علبونه جبل والشاطره اللي تصعده
لووووول والحنه عجيببه بعد اذكر كنت انا الوحيده اللي اقدر انحاش من امي لان ابوي يوقفها وخواتي ياكلونها بس صاج بدراعه لوووووول
زين تذكرون دعاية زيت دلال لما ايي اول شي ذره اعتقد ويقول هذاا مكاني وايي واحد ثاني يقول لا هذاا مكانيي وبعدها يطلع زيت دلال وتبدا الاغنيه يعني مكانه المركز الاول ههههه ماتذكرون لان قمت اخربط شوي
:) لا جد شي عجيب ونستنا
نسيت اقولك سالفة الصور ترا صج
صورنا تضحك قبل مادري شلون امي كانت راضيه تلبسني هاللبس ولا تسوي شعري بطريقة غريبه
انا عن نفسي كل الصور الحلوين مطلعتهم واللي يفشلون خاشتهم بمكان ما يعلم فيه الا الله
كلش ولا الفضيحه :p
يعني اللي باق الديرة واهيا بالغزو وعيالها بين شهيد وأسير ومشرد وسجين
بيستحي من الجذب
Anonymous
هههههه
ما احتاج ارقع بعد جبدي
وعن الاشاعات
انا قتلك احب البلاش
والوطن والجريدة يوصلون بيتنا بلاش .. فلازم احبهم :)
AnGlOpHiL
عفوا
واحسن حل تسويه الصراحه
انا اشوه ماتطلع عندي :)
على نفسها جنت براقش
اشوه اني ليلحين ماشفت القناة هذي
سافرت قبل لا تبطل
واذا على الذكريات .. انا هدوم العيد صج عاجبتني .. لأني كنت كل عيد اسويها :)
Aldenya
اوووف
الارنب الجائع بلاك لست .. حرام عليج
المطعم الافضل هذا .. ليلحين اذا رحنا الخفجي لازم نمر عليه
لا وكنت مقاعد برجر كنج اول ما صكوه .. ولائي كان ارنبي :)
magnoonah
العفو
واذا صج تفتخرين .. لاتخشينها عن احد اوكي .. وبرويزها بعد :)
Very.Q8ya
شكلج عانيتي منها وايد :)
صبا
الله يسلمج
اكيد ذكريات الطفوله شي حلو .. ماكان ورانا اي متاعب
Selezya
هههههه
حلوه هذي مالت دلال
مادام عندج ذكريات جذي .. كتبينه .. نستاهل نسمع صح !
واذا على سالفه الحنا
انا ابيخ شي عندي الحنه ما احبها
وكل ما اشوف اختي قبل العيد تلبس ملاكمه .. اوخر عنها كثر ما اقدر
مادري شنو الحلو فيها !!
فتى الجبل
صح كلامك .. ما استبعد اي شي الصراحه
كويتي خوش بوست :)
فعلا ذكريات حلوه رجعتنا لي وره حبتين .
اما سالفه تلفزيون الوطن فعلا عجيبه ،، جرب دزلهم ايميل بالحكايه وشوف هل يعتذرون ولا لأ :)
بو حامد
شكرا أخوي
بس ما اعتقد الصراحه احد راح يعبرني .. اشكره ماكو رد :)
الله على هالايام
ياريتك ذكرت لعبة ماريو ههههههههه حدي قديمه
امبيه سالفة تقلب العيون قطيييييعه كانت تبجيني شكثر يسويها ولد ييرانا صج اكرهه
اشوه اختي ماخذ بثاري فالعته مره بالغلط
سالفة الوطن عجيبه
معقوله جذب أشكر جذي؟
اي صج نسيت
من سوالف وافلام المحامي العبدالجليل ما استغرب
أكو هنقري بني في سلوى بس مادري اذا اهوا نفسه الأولي أو لأ
ذكريات حلوة والله
:)
ههههههههههههه
والله ايااام كانت واحلى ايام
صورتي مو مبروزتها لا حاطتها في بوكي
والكل شايفها
حميــــــــصه
وبما انك راجع الكويت
وما بقى شي على العيد
وانت العيد الي طاف مناشبني على العيادي
حبيت اقولك اني ابي عيديتي منك
تبوق
تطر
تتدين
تدفع من جيبك
مالي شغل عيديتي يعني عيديتي
هي 100 فلس
مو مليووووون
ان شاء الله تعطيني 5 فلوس المهم تعطيني عيديه
(ضريبة المناشب على عيادي العيد الي طاف)
تحياتي
ونورت الكويت عسى بس ما تطفي لكهربا
looooooooooooooool
واااي مت من الضحك
بس تره مو بس السبعينات و الثمانينات تره حتى فترة التسعينات كنا نسوي هالسوالف
لووول يعني مضغره عمر يحلايه الويه
:p
بس خوش بووست حده حده حده واااااااااو
salamz friend...
تذكرون لما كنا انام مبجر حق العيد ونفرش الدشداشه على الارض ويمها المكسر والنعال ..يعني متزهبين
بالنسبة لي بدلة العيد ، أو أي مناسبه جميلة ظريفه ، ليلحين أزهب وأستعد لها بس عاد تطورت مو بالأرض على القنفه:p
تذكرون سالفه اللي يحارب يحارب الله واللي يصاحب يصاحب الشيطان..يعني بالحالتين مافي مجال تصاحب
قبل فترة كنت احاول اتذكر كلماتها بس موذاكرتها لأني مومستوعبه ان نقول أشيا موفاهمينها
أما الصور صراحه نكته ;p
بس عادي ماعندي اشكال صراحة عيل شلون تبين طفوله بريئة بدون هالعناقيص المسمته
والحنة ياسلااااام..! اهيا مرتين جربناها بهالطريقة ومره نقش لا رابعه لها :P
الكتكات ماجربت ارسم فيه خريطة حسافه ماكنت ادري عن هالاكتشاف جان جربته
أذكر حلاو بوبقرة - كرمكم الله - نحط عين وعين ونقول أشوف الدنيا صفرا (( لما نشوف بالاصفر )) واشوف الدنيا حمرا (( لما نشوف بالأحمر ))
العلج
looooool
مايضحك --> كلش موصايره فيها الحركه
وحركة العيون شفتها من خدامه حسبي الله عليها خرعتني
loooooool
البياعة ياليت يزفون عشان ناقص .. الا وانت الصاج كله يتسجل على الحساب ;p
في شي اخير ماقلته : تذكرون لما ننطر العلج يخلص ونسويه صفاره
----
وععععععععععععع الفار من الوناسه مايدري شياكل !؟
وعووه
اياليت الطفولة ترجع يوما
شكلي بروح الخفجي اكل الرنب الجائع وارد صج مو نفس المستوى بس اسمه هانقري باني
ماادري ليش الحميضي تنيحس خل اي احد اييب لنا الارنب الجائع والله عجيب
يعطيك العافيه على البوست
كلمة ذكريات السبعينات تخرع
أعتقد كثير من المدونين ما يو على الدنيا بهالوقت و آنا منهم
بس الحمدلله أتذكر إنا القناة الأولى تقلب القناة الرابعة الساعة وحدة بالليل
:P
لا صج صج :)
هالسوالف مالتنا وتري في وايد اشياء :))) بس ما تنقال
مشكور على هالبوست الحلو
ياحلاتها من ايام
وياحلاتها من ذكريات
:)
قناة الوطن ما تشتغل عندي في البيت و ما احتاجها
بالنسبة للنقازية..اتذكر في جمعية كيفان انا و الربع كنا إلا غصب نطامر فيها و المصري يقولنا لأ لأ لأ مايصحش انتوا رجاجييل كبار
ملاحظة
"الجيم" كانت مصرية مو بدوية
أأأأه ذكرتنا بما مضى
يازينها من ايام
بس صج ...كبرنا
:(
ترد بالسلامة
واي انا من قريت الأرنب الجائع وانا اضحك
!!
كان قمة المتعه هالنقازيه
الوالد يطلب
امي تنطر بالسياره
وانا واخوي ركضه ركضه
ننقز على ما يخلص
ايييه ايام قرطبه وكيفان
ويحطونها بالبراحة جنه صج
:))
البوست وسع صدري
ذكرني حتى بويه اخوي وويهي
بما انه اهو كان شريك طفولتي
:))
أستودع الله دينك وأمانتك وخواتيم أعمالك
إجازه سعيده أخووي :)
Q8i_Blogger
أضـــحــــك الله سنكم.. ولله وكأن أحد أقاربي يسرد لي ذكريات طفولتي :)
موضوع أكثر من رائع .. روعة
ما شاء الله إلى المزيد من التقدم والإزدهار في هذه المدونة المنوعة
وكل عام وأنتم بخير
بارك الله بكم :)
عيدك مبارك وكل عام وانت بخير :)
عيدك مبارك بلوقر
عسى ايامك كلها اعياد :)
لووووووووول نذكر ... نذكر
وعيدك مبارك :D
خوش بوست
كل عام وانت باللف خير
العزيز كويتي بلوقر
مساء الخير
يالله كيف هذا الزمن يعبر بنا السنوات وكأنها أيام
يعلم الله وأنا أقرأ الموضوع..اضحك وبنفس الوقت أحزن
لله درنا كم كانت البراءة متملكة قلوبنا وأفعالنا
أيقظت فينا حنين يخالجنا بين فترات هذا الزمن ويجعلنا نأن ونحن نتذكرها وذلك لحلاوتها وبساطتها وبرائتها
ما أجمل تلك الأيم..ما أجملها من أيام
المحــــب/
شــقـــــران
تعديل
اجازة بلوقرية موفقة وترجع بالسلامة وحافظك الرحمن
Q8DOLL
أي والله ذكرتيني بماريو
وسونك بعد شغل عدل
سدرة العشـــاق
لا الله يهداج .. اشياب هذا حق القديم
القديم غيييييير .. ماكو مثله :)
Q8Disaster
وانت الصاج .. أحلى أيام
magnoonah
هلا هلا
ما صدتيني
الله يسلمج صج انا رديت الكويت .. بس ثاني يوم انحشت مكة
لذلك ماعلي عيادي ولا شي
والمفروض انتي الي توزيع مو انا
انا مسافر
ومعذوووور
فالحين زاد المبلغ
صارو عيدين .. الله يزيد ويبارك
وعيدج مبارك :)
5roofa
شكرا شكرا
وولا تزعلين .. انخلي البوست حتى حق عيال الألفينات .. يعني سنه 2000 :)
حتى انا صغرتج .. اشتبين اكثر من جذي
ReLaaaX
ليش وعووه .. يحليله الفار يونس .. كيوت :)
لا بس تذكرين عدل انتي
تره تقدرين تسوين لسته احلى من هذي
خصوصا سالفه حلاو بو بقره
هذي صج كنت اسويها
وكان يعجبني اللون الاحمر
لأنه كان صج يقلب الدنيا :)
تحياتي
Eng_Q8
على بالك ماسووها الشباب
كنت حاط صوره حق هل رحله في بوست قديم
طاقين درب ياكلون من الارنب الجائع
بس ليش تنطر احد!! .. هااا اشراااايك؟ :)
dreamer
هذا صحيح .. بس كان قصدي مواليد السبعينات
تحياتي :)
Mishari
يامعود .. خلنا جذي زينين
مانبي الاشياء الي ماتنقال
خلها بس بالذاكره مخشوشه :)
Najmah
حلوه ذيج الايام :)
عتيج الصوف
هههههه
انتو رجاااله قصدك :)
ونفس الجيم الي خبري خبرك
عثماني
انت الي كبرت .. انا خلني خارج الموضوع :P
فتى الجبل
الله يسلمك يا الحبيب .. ويزاك الله خير
esTeKaNa
على هل كلام .. اتوقع لو موجوده النقازيه الحين .. جان شفتج اول وحده تناقزين عليها :)
حياتي هدف مو عبث
شكرا شكرا على هل كلام :)
killie thiqqa
يبارك فيج .. وعسا ايامج كلها سعاده
شكرا على الاطراء الحلو
تحياتي :)
Selezya
وانتي بخير وصحه وعافيه .. شكرا على السؤال :)
Q8DOLL
آمين يا رب .. اجمعين ان شاء الله
شكرا على المرور وكلام الجميل :)
ezain_kilah
اي اشوه .. عبالي اتقولين ماتذكرين .. يعني انا الصغيره :)
وايامج سعيده .. وعساج من عواده
أبو شملان
مشكووور .. وانت بخير وصحه وسلامه
وعساك من عواده
شـقـــــران
الله يسلمك .. شكرا اخوي شقران على هل كلام
والذكريات تصيبك بالحزن ليس لاتختلاف الزمن
بل باعتقادي لاختلافنا نحن
مع زياده المسؤوليه .. تذهب الطفوله حتى تنتهي للأسف
أنا قمت أضحك لما قام يعورني بطني
تذكرون الحركه الميلقه اللي يسوونها قبل اللي يحط ايده في اباطه ويحرك ايده عشان يطلع صوت..ماكو شغل
الحركة حدها قوية :)
مدونة طيبة .. الظاهر اني طحت على كنز ثمين
كل عام وانت بخير ياخوي
وووووااااا يييي ياكرهك البنتو صاج
ونطاطية الارنب الجائع مالت كيفان كلها اشكال مجرميين
وحنة يدتي وبوكساتها ههاهاهاهاي
ولمن يصفط الوالد عالخظ السريع ويكفخ هاهاهاهاها واقع جدا
وحركة قلب الرموووش
امبيييه حياة حلوة وبسيطة وبريثة
ثانكس رجعتني لاول
Post a Comment