Monday, May 25, 2009

(2) SMS الإنتخابات


واليوم مسجات إنتخابات 2009

1
مطلوب للعمل
في الفترة الصباحية والمسائية والليلية والفجرية والظهرية والعصرية :ة
فلبينيه تجيد إجاده تامه مسح مسجات المرشحين أولاّ بأول براتب مغري وعموله على كل مسج يتم مسحه


2
حقيره متزوجه "حدسي" وايد بخيل ..ة
طلبت منه فلوس .. ماعطاها
راحت كتبت على الجمس "عاشت أسيل"ة


3
سيدي الرئيس الموضوع منبثق من لولب حلزوني بيزنطي حيث أننا إذا أجلنا الموضوع راح ترجع علينا بتوابع شفرات سيكوبيداويا ساسونيا مانعرف اولها من تاليها ..س
فيصل الدويسان يشارك بالجلسة


4
محمد هايف يعلن قرانه على الأربع عضوات لكي يكن له محارم بالمجلس


5
(قصيدة انتخابية)
ليتني في دائرة
أسيل أو رولا أو ذكرى الرشيدي
والله إني لانتخب زين الوصايف
واترك الملا والروضان والعميري
دام صوتي عند الحلوين ماهو حسايف
يروحون لهم فدوه
النيباري والمليفي وهايف.ة


6
بعد المشاورات تم الإتفاق مع الفنان الشعبي سليمان القصار على زف العضوات بالطيران والسامري داخل أروقة المجلس في أول يوم دوام لهن


7
المنافسه في المجلس على 3 كراسي
كرسي الرئاسه
كرسي نائب الرئيس
كرسي يم أسيل


8
خبر عاجل :و
تم الإتفاق بين معصومه المبارك وأسيل العوضي ورولا دشتي وسلوى الجسار على إطلاق تكتل تحت مسمى :ة
4 Cats



الي عنده بعد مسجات لا يبخل علينا .. بعد هذا الشي الوحيد الي محصلينه من ورا الإنتخابات ..!!ت


*
*

الصليبيخات 26 - 17 العربي

إشفيهم جمهور العربي جذي ؟ .. تارسين الصاله خابصين الملعب ويتهاوشون بالمدرجات .. هالكثر فقر بطولات
شافو مالهم أمل في القدم قلبوها يد ؟

وهم خسرانين .. وأخر مره فازو بدوري اليد كانت سنه 93 .. ء

يعني لا قدم ولا يد ولا طائره .. الكاظمي !! .. ليلحينك ما ماليت من مكانك ؟

16 comments:

لولا الأمل said...

لوووووووووول


والله احنا ما ورانا غير الطنازة .. حق التشمت عند ويهك لوووول


اهم شي كرسي يم اسييل :P

بييه احس من زمان ما ضحكت :P

enter-q8 said...

احلى نكته اوصلتني اهي مالت الفور كاتس مت من الضحك

حاطب ليل said...

ههههههههه
ابدااع

Fai9al.Me said...

ههههههههههههههههههههههههه

اقوى وحده مالت الفور كاتس ههههههههههههههههههههه

Mr_CHoCoLaTe said...

ههههههههههههه
ماشاءالله عليهم الكويتيين دمهم شربات

حياتي هدف مو عبث said...

حق الطنازة عند ويهك
بس يضحكون صج
:)
وشنو في شي اسمه كرة يد ؟

someone_q8 said...

السلام عليكم

حق الشماته يا سعد :))

ما قلت لي اشلون الجو عندكم ؟؟؟؟ وشنو احلى شهر للزيارة ؟؟؟؟؟

Nasser said...

نكته مشفره

مع فوز المراه ترقبوا :اعتماد اسبوع الـ"..." اجازة رسميه لموظفات الدوله مع صرف "...." على البطاقه التموينيه

esTeKaNa said...

hahahaha:))
ياربي شعب دمه خفيف جذي مافي
Pp~

الحارث بن همّام said...

4 cats

ههههه قوية!
:)

lawyer said...

كلااااااا بصوووووووب


و هذا بصوووب



SMS
محشش شاف أمه مريضه .. راح يجيب لها دوا من الصيدليه


رجع لقاها ميته


قال : قسما بالله سخيفه





لووووووووووووووووول


مت مت مت ضحك عليها
الله يوسع صدرك

the LEADER said...

اضحك الله سنك
عندي جم وحده :
1- تدعوكم عضوات مجلس الامه الى مهرجان طبق الخير من صنع أيديهن وتقدمت العضوات بالأطباق الأتيه :
معصومه جلو كباب
رولا تبوله
سلوى مموش
أسيل تشيز كيك

...ساهم أخي المواطن بدعم الأطباق الوطنيه

2-
خيي الرئيس بدي استجوب وزير الطرقات لأنو معطل طريق الأتوستراد التامن ولهأ ما خلصوو !!!

رولا دشتي

تشرفت بالمرور وتقبلنا

ساره النومس said...

لوووووووووووووووووووووول





مينون هالبوست

Ra-1 said...

هاهها
فور كاتس لول
انا ليش ما حصلت جذي مسجات كله دعايات !

واتمنى خساره العربي بمباراه اليوم امام الشباب :) بس هذي قدم مو يد

Q80 Blogger said...

لولا الأمل

ليش من زمان يبه .. شوف دزلي مسجات اضبطك .. بس تنطرني ادز .. ماراح تصير
:P









Enter-Q8

ذوقك القوي :)










حاطب ليل

:)









hamada

شكرا على الدعوه










Fai9al.Me

الكل حابها :)










Mr_CHoCoLaTe

معروفين .. حق الطنازه .. اول ناس :)










حياتي هدف مو عبث

اي هذي كره مال ايد .. يسمك جذي ويحذف حيل
:)









someone_q8

وعليكم السلام

اذا كنت تقصد كندا .. فانا مو فيها حالياّ .. لكن افضل وقت مايبيله .. شهر 7 و8
جووووو فضييييييييع
واي خدمات .. حاضرين :)










NasSeR

احم احم
:)










esTeKaNa

اي بس إحناااا
unique










الحارث بن همّام

:)










lawyer

شكرا شكرا :)

بس صراحه صراحه .. مو سخيفه ؟










the LEADER

اي هذووول وصلوني بس متأخر ما مداني انزلهم

زين قلتهم .. خوش اضافه مثمره للموضوع

وتشرفنا بالمرور










طموحة مملوحة

:)










Ra-1

يا رب يخسون قد ويد وطائره .. ويصكرون النادي ويردون بيوتهم احسن
انا جذي ارتاح :)

lawyer said...

حد امهااااااااااااا سخيفه

عيل ما لقت الا تموووووووووووووووووت الحين

شالسلاااااااااطه



لوووووووول