Saturday, August 02, 2008

ذكرى الغدر

لن ننسى أبداّ هذا التاريخ

هو مطبوع في ذاكرتنا ولن يمحوه الزمن

إلى اليوم اليابان تحيي سنوياّ ذكريات الحرب العالميه الثانيه التي دمرتها وذلك بعد أكثر من نصف قرن على ذلك التاريخ
ونحن بعد 18 سنه فقط .. لا نجد أي شيء رسمي يذكرنا بما حصل في ذلك الخميس

إن هم نسو .. نحن لن ننسى الغدر العراقي




تحديث .. شاهدوا الفيديو


هم لم ينسوا .. فهل ننسى ؟



*
*



ناصر الدويلة .. اشفيك يا بو علي ؟؟
تبي تصير ضمير الامه الثاني .. احنا واحد ومبتلشين فيه !!

مقابلة ناصر الدويلة على سكوب كانت تنرفز بشكل غير طبيعي .. بعد 18 سنه الحبيب يطالب بعزل قادة الجيش الكويتي أثناء الغزو .. شخباري .. منو ظل فيهم اصلا .. ثلاث ولا اربعه !!

وبعدين بدأ يعرض بطولاته .. انا الي اجتمعت وانا الي سويت ايام الغزو .. واهو وقتها ما كان إلّا نقيب

ويطالب باعاده تنظيم الجيش وتسليمه للقياديين الصغار .. مايدري تم تقديم 500 طلب تقاعد من قبل ضباط الجيش حتى الآن وذلك بعد العرض المغري المقدم للدفعات القديمه في السلك العسكري

بو علي الكل يدري لو مو الفرعية واخوك مبارك جان انت مو بالمجلس اصلا .. واذكرك باسمك عند ربعك بالجيش .. شوارسكوف الكويت .. الحجي الزايد ينقلب ضد صاحبه دايم وتره انت بس عقيد متقاعد مو لواء !!!

الله يهديك

22 comments:

darkness said...

ما ادري شنو يقصدون من هالشي

يبونا ننسى

شنو ننسى

ننسى ان انذبحنا

ان دوله تدمرت

و للاسف من بعدها ما تعمرت

حسبي الله و نعم الوكيل في كل واحد ما يخاف ربه على الكويت

Najmah said...

ماننسى
ولا نقدر ننسى

ربي يحفظ ديرتنا من كل مكروه
ويرحم شهدائنا الابرار

Gee™ said...

walla eli nesa mafeeh 5air ;\

ya36ek alf 3afya

o ayal allah la yred.ha inshalla

mo3ath said...

اهم يبونا نسامح الشعب اوكي مافي مشاكل (نظريا طبعا)

بس ليش تطلع جيل مايدري شي عن الغدر الي صار ، هذا مو منطق والله علشان حكومه يديده نغير التاريخ

Eng_Q8 said...

لن ننسى حتى لو تناسى البعض

molok said...

الصوره تجسد اللي صار .. ٢-٨ ماراح نشيله من ذاكرتنا .. والله يورينا يوم بالظالمين كلهم ..

حياتي هدف مو عبث said...

ليش يبون أحد ينسى أبوه واهوا راح من أجل تراب الكويت !

Anonymous said...

الله يالدنيا
كل الي صار بالعراق وماشفى غليلكم

اتقوا الله

صدام غزاكم وقتل شبابنا وعدمناه هو وحكومته
شتبون اكثر

لاحول ولا قوة الا بالله

نسيتوا ولا مانسيتوا احنا مو محتاجينكم

kuwaitawy said...

الله لاعيدها من ايام

Mohammad Al-Yousifi said...

خل يولون

joy said...

ياق ثهم الله يسامحك
انا ما استوعبت الفيديو بالبداية
اشقاعد يقوول هذا
امبيه حقير بعدين استوعبت عادي مو مني توني قاعدة


بس لا والف لا ما راح ننسى



والغير معرف لو سمحت طييييييييييييييير

mtfa2el said...

لا ابد محنا ناسين هالردايا شسوا
هههههه انت من وين تطيح على هالسوالف
بس بعد شعب اللهم لا شماتة ربك خاسف فيهم من بلوة لي بلوة ..ربك ما يعذب الناس عبث ..و هالكاولي صج لي قالوا " ما يهذري المهذري إلا من حر السخونة " بس كاولي شترقع فيه ما ينفع خرة على أشكالهم
بعدين ناصر الدويلة ..اسألني عنه ..متابعه و لا يعة جبدي منه أيام الإنتخابات ريال معقد مو صاحي ولا يقعد ينظر لك و يحلل !! عباله فلتة زمانه..الشرهة مو عليه الشرهة على اخوه مبارك اللي يشتغل له و على اللي يرزه بمقابلات يقلبون جبدنا فيها

الحارث بن همّام said...

ليت الكويتين يتمسكون بالوحدة الوطنية في السلم مثل ما كانوا عليها في الغزو

someone_q8 said...

السلام عليكم

محد راح ينسى

واللي يهذر وايد عطه بو لباس

kuwaitawy said...

احنا نسامح الشعب اوكي ماكو مشاكل


بس النسيان صعب

Kuwait said...

وبعد 25 سنه بتلاقيهم يسوون احتفال لعودة العلاقات !!!
محد من الشعب بينسى

ولد الديرة said...

للأمانة

ما أعرف ناصر الدويلة

كنت اتابع مقالاته في السياسة من زمان

رجل يعرف شيقصد وشيكتب في الأمور العسكرية

بصراحة يعجبني

على طاري صغر الرتبة

اعرف قصة حمد الكندري

ملازم اول بسلاح الدبابات

بو نيمتين

كان في إجازة بالكويت يوم 2 أغسطس

قعدته مرته الفجر وقالت له ترى العراقيين دشوا

اتصل بربعه وقال لهم انه ياي

دوامه في عريفجان

قدر يحمل دبابتين على تريلة بطاقمهم

تولى قيادة وحدة فيهم

نزلهم عند جسر التحكم بين السرة و جنوب السرة

شوي وإلا باص عراقي يوقف تحت عند سور قصر بيان وينزلون العراقيين يهوسوون على بالهم ان الدبابات عراقية

قال حق صاحبه

فر البرج

فر البرج و عطاهم قذيفة لزقهم مع باصهم على طوفة القصر الله يشهد علي انا شايفة

راح تالي مع ربعه إلى الجيوان وقعد يومين يقاوم إلى أن خلصت الذخيرة

كفخ احد اسوار الجيوان وراح بدبابته إلى كيفان

قالوا لي عنه انه في البحرين في شهر 4

دورته لين لقيته وبست خشمه وطلعت

على فكرة

كل اللي ذكرته سواه بدون اوامر

kuwaitforus said...

اي والله اذانا

Anonymous said...

we can forgive but we will never forget

بس هم يجب ان لاننسى ان امريكا حققت اهدافها لأنها هي من امرت صدام بدخول الكويت وبعد ذلك امرته بالخروج كانت امريكا تطلب من الكويت قواعد في بوبيان فقط الوكويت ترفض وبعد دخول صدام حققت ما أراده بل إن الأمريكي بالخليج وليس بالكويت فقط يستطيع حمل سلاحه دون ان يسأله أحد فهل وعينا الدرس نحن نحاسب اللعبة لكننا نتغافل عمن يديرها وصدقني صدام ماكان ليفعل فعلته دون امريكا ذهب هو واحتلونا هم.

صقر قريش

كويــتي لايــعه كبــده said...

ما ينسى الا اللي ما فيه ذرة خير
ومع الأسف هم موجودين
والحكومة أولهم

لكن نحن لن ننسى ذكرى الغدر
ومن هم الغادرون

حسبي الله ونعم الوكيل


ولد الديرة...
وقفت شعر جمبي بقصة هالرجل
بوسه على خشمة مره ثالنية عني واللي يرحم والديك

رجال محكحكة معادنها
وألف نعم

ذكرتني بأحد المعارف وما فعل وقت الغزو
وما حصل له بالسنوات بعد التحرير
وسبب هجرته من الكويت!

قصة طويله يمكن انشرها
لا والله لازم انشرها
ان شاء الله

هؤلاء هم الرجال

ولد الديرة said...

كويــتي لايــعه كبــده

بعد اذنك اخيي

ليتني اشوفه مره ثانية

The Lazy Bears said...

لا تنسى ولكن كيف تقارن الكويت باليابان ؟



فرق بين السماء والأرض

بين الجميلة والوحش

بين السمراء والبيضاء



ياعزيزي اليابان تحتفل بذكرى وقوف رجالهم والنهوض من جديد بعد الدمار النووي الرهيب

وقفت الآن على قدميها بمصاف أقوى دول العالم وأكثرها انتاجاً وعبقرية


هكذا يقاس الرجال بمدى نهوضهم الى الأمام بعد كارثة نووية فيحق لهم الفخر وإحياء هذه الذكرى


ولكن الكويا حالها اليوم أسوأ من الغزو بو 7 شهور !


وليس أنتم من حرر الكويت , بل رجالات الولايات المتحدة المغاويير

فعلى مذا تحيي الذكرى ..!!!!


على الخيبة والفشيلة !

على الهروب من المعركة !


على طرد العوائل الفلسطينية ظلماً ومن دون سابق إنذار !!

على ماذا ؟؟!!


ما الفرق بين الكويت قبل وبعد الغزو ؟!!


هي هي نفسها لم تتغير سوى للأسوء


بظهور الحرمنة العلنية وسراق المال العام أخطر حتي من صدام .. والفداوية والقبلية والواسطة وانتهاك القانون والدستور هذا كله أخطر منن الغزو ..!!


انتوا وييييييييين واليابان ويييين

:)


Go bless america