Wednesday, September 26, 2007

قرقيعان


مادام ما عندنا قرقيعان اهني بالغربه قلت اخلي بوستي اليوم قرقيعان ومنوع

رمضان فيه أشياء وايد خاصه وتميّزه عن باجي الشهور



أولا هو شهر الصيام :ـ

1- فم الصائم أطيب عند الله من ريح المسك.

2- تستغفر الملائكة للصائمين حتى يفطروا.

3- تصفد فيه الشياطين.

4- تفتح فيه أبواب الجنّة، وتغلق فيه أبواب النّار.

5-فيه ليلة القدر وهي من ألف شهر من حرم خيرها فقد حرم الخير كله.

6- يغفر للصائمين في آخر ليلة من رمضان.

7- لله عتقاء من النّار وذلك كل ليلة في رمضان.


من مقالة خالد الحمودي


*
*

ثانيا في رمضان يحلى الطباخ والبلعه :ـ

بالنسبه لي اكثر الطّباخ يصير بهل شهر

طبعا الفن بالطباخ ساعات مايكون بس باتقان الطبخه بل بسهوله تحضيرها وسرعة طبخها

وخصوصا في الأيام الي يكون فيها الدوام مايرحم

اسرع شي طبعا العيش المشخول

عيش ودقوس واي شي معاه

لايكون في أحد مايعرف يسوي مشخول؟

انا اقولكم اشلون ... طبعا هذا تعليم الوالده بالحرف الله يخليها

المشخول:

يغلى ماء على النار مع إضافة الملح وقليل من الزيت
يضاف الرز بعد غسله - ونتركه لين ينضج
بعدها يصفى من الماء ثم نضعه بالقدر ونقلي بعض البصل للحشو




طبعا هذا اسهل شي مع الدقوس ... أما اليدام فإن شاء الله فيه بوست قادم راح أحط جم وصفه مع الصور طبعا :)

*
*


ثالثا رمضان هل أيام يرتبط بالمسلسلات دايم :ـ

اعجبتني حلقة من بو قتادة وبو نبيل

صراحه صج صج ضابطين مدارس الحكومه ... صج كانت معاناه ... كانت تجنيد مو مدرسه



*

*


أخيرا رمضان يخلي الواحد من اليوع مايثبت شي

خصوصا اذا حضر كلاس

انا اكثر كتاباتي بالمدونه قامت تصير بنص المحاظره من كثر ما انا مالي مزاج ويوعان

بو جاسم صاحبي كتب هل خاطره واهو بنص محاظره برمضان


حبيت أشاركم فيها عشان الكل يعرف اليوع برمضان شيسوي بالواحد

:P


الي ما بيحضر كلاساتو ... شو بنئلو؟
شاطر شاطر

والي ينام اليوم بطول ... شو بنئلو؟
شاطر شاطر

والي ينقل اساينمتو ....شو بنئلو؟
شاطر شاطر

والي يأجل امتحاناتو ... شو بنئلو؟
شاطر شاطر

والي يسهر مع انترنتو ... شو بنئلو؟
شاطر شاطر



وهذا قرقيعاني ومقالة الوضع السياسي عن قريب ان شاء الله

17 comments:

mtfa2el said...
This comment has been removed by the author.
mtfa2el said...

لووووووووول
و الله فصلت على المدرس المصري
و رب الكعبة نفس مدرس الإنجليزي اولى متوسط نفس الكرش و نفس الصلعة و نفس اللهجة
و الوضع السياسي..قرقيعان

Q80 Blogger said...

mtfa2el

قتلك صج ضابطين الوضع بمدارسنا الدايخه
المشكله انهم على وضعهم من سنين ماتقدمو

وبعدين لما نبي ندرس بره .. يطالبون بامتحانات قدرات ومادري شنو ... انتو شوفو تدرسيكم بالاول عشان تطالبون بمستويات ممتازه بالانجليزي

Unknown said...

جميل جميل جميل
مشكور

نقرقعلك؟
:)

Q8DOLL said...

ياحلات المقدمه اللتشرح القلب
خصوصا

تستغفر الملائكة للصائمين حتى يفطروا


-------------
الله
عاد انا داشه ببخنقي وجيسي ابي اقرقع عندك
خوش صوره تشوق لقرقيعان
خنت حيلي ماعندكم قرقيعان هناك ؟ عيل عوضها بهالوين مو اوه قرقيعان الأجانب؟


شهالمشخول ؟
انته شعرفك بهالوسالف ؟ ولله شغله
يامعود لا تسمع امي هالسوالف ماخلص من كلامها زففف للصبح
اشوه امي ما ادش النت
والا جان علوووم
بالعافيه المشخول ألا وهو أكل الفقاره هههههههههه
سوري بس تذكرت حسينو بن عاقول
والا كانوا يطبخون اموش ؟ مادري


---------------

مسكين هالقتاده
يكسر خاطري والله
ومدرس الألعاب تصدق ضابطينه ؟؟ أغلبهم جذي بالشكل ويكون ويهه أزرق لأنه الحاق مو ملحق يحلق صوب ويروح للثاني الا طالع شعر بالمكان اللي حلق فيه
استغفر الله مادري اشفيني اليوم
لازم اقص لساني شوي


ياحليله رفيجك له مستقبل مع نانسي مع شريط خاص للكبار :)

انترنتووو

esTeKaNa said...

يه يه مشالله
شنو هالمشيخله والبصيله اللذيذه؟
لا عيني عليك بارده
هاب ريح
ومنكم نستفيد
:Pp~
وبعدين انا ابي توقيع الشاعر اللي كاتب الكلمات الاخيره
تبجي تبجي من كثر ما اهي قويه
:)))
hehehehehehe
الله يعينكم يارب ويسرع الايام ويردكم بالسلامه وترمضون بالكويت مرتاحين
لا وراكم دراسه
ولا كلاس
ولا شي
قول امين
:)

Q80 Blogger said...

Mishari
يالله ... سلم ولدهم يالله



Q8DOLL
عاد تصدقين الهالوين السنه الي طافت صادف نص رمضان بالضبط هههه
قرقعنا معاهم

لأ غلطانه ... الموش اهو مال الفقاره :) على قولت حسينو
عاد الموش اصعب من المشخول
اصلا ماشفتي شي المشخول مقدمه بس ... الباجي بالطريج :)

لوووووووول ... حلوه هذي الويه الازرق



esTeKaNa
ليلحين ماشفتي شي ... هذا اولها الله يستر من تاليها

وعلى شاعرنا ... انا بقوله معني ماتوقع ... الريال متواضع وايد وماينشر ابداعاته ... انا ترجيته على هل خاطره الصعبه

آمين يا رب

وعمره مقبوله

إيلاف said...

ههه جميلة حلقة المدرسة .. مضحكية ومحزنة بنفس الوقت , الله يستر على مدارسنا


والله يعينكم على رمضان الغربة !

Aldenya said...

صاج
بوست قرقيعاني منوع

المقطع الاول
ان شاءالله ربنا يتقبل صيامنا ويتقبل طاعتنا

ثاني شي
عندي أخت
طول عمرى ماشفتها تدش المطبخ
إلا هالرمضان
كل يوم داشه ومسوية طبق
يا معجنات يا حلو
أشوه انها تطلع بفايدة من رمضان
تتعلم الطباخ
وحلوة صورة العيش المشخول
يشوق
ومبين عليك ذويق وطباخك حلو
نبي نشوف صور أكثر وطرق ثانية :>


ثالثا
خسارة,, ماعندنا قناة الوطن :/
عاد الكل يمدح بوقتادة وبنونبيل
راحت علينا :<



واخيرا
بوجاسم
مشروع شاعر كبير :>

حلم جميل بوطن أفضل said...

و اللي يتعادل سلبياً مع فولهام على أرضه؟؟

شاطر شاطر

و اللي آخر 4 مباريات بالدوري من غير فوز؟

شاطر شاطر

Anonymous said...

الله يعينك

وتخلص الدراسه وتقرقع ليما يصير عمرك انشالله 100

:)

Q80 Blogger said...

Ealaf
يعين الجميع ... تحياتي


Aldenya
سلميلي على اختج ولا تنسانى بالحلو :)

وعادي تره حتى انا ماتطلع عندي الوطن
الصراحة أحسن ... رمضان احسن بدون مسلسلات مثل الوزيره

واذا على بو جاسم ... اهو شاعر كبير لكنه متواضع .. مايحب الأضواء .. بس ان شاء الله أحاول آخذ منه ابداعات ثانيه :)


حلم جميل بوطن أفضل
اشلونك بعد؟


ابو شملان
هلا ابو شملان
100 عاااد
حرام عليك
يالله مو مشكله
أجمعين يا رب :)

Liberal network said...

باقي يومين على انتهاء المقابلة مع النائب علي الراشد حيث سيتم اغلاق باب الأسئلة المختص بقانون الأحزاب المقدم من السيد النائب

للمشاركة

www.secularkuwait.net

Selezya said...

لووووووول شهالخاطررره
بدع بدع

---
اولا يعطيك العافية
ثاني شي شكرا خذيت قرقيعاني
ثالث شي حالتكم كسيفه الله يعينكم
رابع شي تقبل الله صيامك وعيدك مبارك مقدما
انت اول واحد اباركله بالعيد معنه تووووو الناس
متى العيد؟
مادري
المهم
قول حق صاحبك الله وياك

Q80 Blogger said...

Selezya

منا منج ... وأيامج سعيده
اخاف انا الي ادري متى العيد
:)

عاجـل said...

ناطرين الوضع السياسي

Q8DOLL said...

القرقيعان خلصناه
؟؟