Sunday, September 16, 2007

مسلسلات رمضان

شهر العبادة والمغفرة


قال الله تعالى: {شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ}. سورة البقرة/185


حقاً إنّ رمضان شهر الخيرات، شهر البر، شهر العطف، شهر المواساة، شهر العتق من النار، شهر الانتصارعلى النفس، شهر الانتصار على نوازع الشيطان.


وقد قال رسول الله صلى الله عليه وسلم: "إذا جاء رمضان فُتحت أبوابُ الجنة وغُلِّقت أبواب النار وصُفِّدت الشياطين" رواه البخاري.

*
*
*

شيء محزن جدا مانشاهده في قنواتنا في هذه الأيام الفضيله ... فنرى بعض القنوات تزداد فيها المنكرات والخروج عن الاخلاقيات في هذا الشهر الكريم بالذات

شاهدت الكثير من المسلسلات في الأيام القليله الماضيه لأن لدي فضول غير طبيعي لمتابعه آخر الصرعات في هذا المجال وما توصّل إليه المجتمع الفني من انحطاط اخلاقي وفكري

الذي أحزنني حقاّ هو ما تعكسه هذه البرامج والمسلسلات من صوره سلبيه عن مجتمعنا الكويتي ... فللأسف هناك الكثير من الناس تحكم على دول بالكامل ومجتمعات بما تشاهده وما يعرض في شاشات التلفاز

الي صج صج يبط جبدي انهم لعاشر مره يصورون الكويتيين كلهم عايشين بقصور وكل واحد عنده بالكثير 3 عيال ... واحد سكران وواحد مدمن والبنيه تشرب شيشه !!!!!!!!

طول عمري عايش بالكويت ما شفت هل الطبقه من الناس الي يعرضونها ويخلون الناس تعتقد بانهم هم عيال الديره ... والحقيقه أن الكويت متبريه منهم

بتكلم عن بعض البرامج والمسلسلات الي شاهدتها بشكل مختصر وسريع


درويش: حلو إنه نشوف داود حسين يرجع حق الدراما ... صراحه الحلقه الأولى الي شفتها كانت مؤثره ... وبذات مقطع طردته من بيته بعد خروجه من السجن
أتوقع هل مسلسل راح يكون اشوي غير ومافي شي يمس الأخلاق والقصه مبين عليها حلوه

الدروازة: الإخراج أحلى شي لاحظته بهل مسلسل ... الحلقه الاولى ماتناولت القصه عدل ... كانت بس تعرض الشخصيات ... لكن الأسامي المشاركه بالمسلسل مثل سعد الفرج ومنصور المنصور والنخبه الكبيره تدل بأن المسلسل احتمال يكون قوي
طبعا المسلسل يتكلم عن حقبه ما قبل النفط وعن النواخذه والغوص
بيني وبينكم: برنامج ديني من تقديم الدكتور محمد العوضي ... هذي صج البرامج الي المفروض تنحط برمضان ... ويزاك الله خير يا شيخنا

الوزيرة: هذا المسلسل يتوقعاتي راح يكون حجي الناس ... تلفزيون الوطن سواله دعايه قويه وهذا بعد غير الدعايه الي ساعدته فيها جريده الجريده
الشي الي جذبني بهل مسلسل انه كان ودي اشوف تمثيل دكتوره الفلسفه بجامعه الكويت الدكتوره عاليه شعيب ... شي غريب تدش دكتوره مجال التمثيل
لاحظت انه المسلسل له توجه سياسي قوي ... وخصوصا في الطعن بالنواب اخلاقيا اولا وفي عملهم ثانيا ... والتركيز بانهم عنصر التأزيم الأهم في البلد وكان واضح هذا منذ الحلقه الاولى الي ركزو فيها على انهم يحركون الاستجاوبات ضد وزراء بداعي الدعايه الاعلاميه بدون الالتفات ان كان الوزير مخطئ او مصيب
اتوقع ايضا ظهور الكثير من المشاهد التي تمس الأخلاق وتكون خارج نطاق التغطيه ... وهذا هم واضح من أول حلقه ولاحظنا اشلون يطلع ولد الوزيره مع بنات وذهابهم للبحر

شيء مخجل الصراحه
الله يعينا عليه

عرس الدم: القصه واضح انها من احلى القصص بين المسلسلات ... عبد المحسن النمر دوره قوي بعد
أتوقع هذا المسلسل راح ياخذ مساحه كبيره من المشاهدين وراح يكون عامل الجذب الطراقات وايضا الرقص
الله يعينا عليه

فوازير حليمة: اشفيها حليمة ؟؟؟ .... لا تعليق على الي شفته

هذا ولدنا: انا واحد أحب طارق العلي وعجبني المسلسل هذا الصراحه
عندي المسلسلات الكوميديه اشرف واحسن بوايد من غيرها
بس ما توقع هذا المسلسل راح يكون قوي وناجح ... بس شي حلو نشوف طارق بمسلسل كوميدي

وحيد والمخبرين: ولد الديره زادها وايد ... يعني طول الوقت قطات وضحك الى حد الملاقه
شفت الحلقه الاولى فماعرف القصه بشكل دقيق ... بس المبالغه من ولد الديره خلتني اتكلم عنه

بعد هل عرض السريع أطمنكم اني ماراح أتابع ولا مسلسل من هل مسلسلات لأنه الصراحه انا كل رمضان أحب اشوف نظره عامه على الي بالتلفزيون ... بس اني ألتزم شهر كامل أتابع شيء معين في وقت معين ... الصراحه ماعندي وقت ولو كان عندي وقت استغله بشي أفيد الصراحه

*
*
*

سألني واحد وانا قاعد أكتب هل موضوع سؤال يمكن يطري على بال البعض ... قلت اكتبه مره وحده
هل العطر يفطر أم لأ؟
بعد البحث السريع وجدت هذا الجواب
رائحة العطر لا تفطر حتى لو استنشق الإنسان هذا العطر فإنه لا يفطر

12 comments:

Q8DOLL said...

قووووه
خوش تحليل
قواك الله عالمقدمه
اما المسلسلات
انا مثلك اخذت نظره سريعه وراح اثبت على الزين منهم بس
ولا تنبط جبدك يبااا خلاص تعودنا
انا بس اللي يعور عيوني الوان الطيف والميك اللي يحطونها

درويش
روعه هالمسلسل حتى قطات داوود فيها احترام يعني ما طاح بأحد وعيب على خلقته
هذا من اللي راح اتابعهم

الدروازه
آخ على هالمسلسل يعور قلبي لأن راح يتكلمون عن الطاعون اللي حشا الديره بذيج الأيام
مسلسل رائع ومحترم ومايخدش صيامنا

بيني وبينكم
مايبيله حجي :)

الوزيره
من الحين اصلا راح ابطل اشوفه لوع جبدي امس طلعت لقطه مالت شجون الهاجري الظاهر انها احم صبيك فتدش عندها بنت خالتها الغرفه وتطلع تركض وتبجي !! لقطه تلوع الجبد

عرس الدم
حسيته شوي هندي
مادري ليش
ماراح اهتم بمتابعته وايد
الا اذا طلع لي بالحظ

هذا ولدنا
نو كومينت لأني ماشفته

وحيد والمخبرين
هم نو كومينت ماشفته :)


انا اقولك
لايطوفك مسلسل الملك فاروق
الممثل السوري اللي ماخذ دوره شنو عجيب
انا اول حلقتين كسر خاطري الملك فاروق بطفولته وقطع قلبي
بصراحه ماقدر يطوفني

مسلسل نمران
ماشدني
غير الاغنيه وبس :)

يتربى بعزو
يحيى الفخراني
نكته دوره
وواقعي
عن الراييل اللي مو عايشين سنهم يعني مصغرين روحهم وعبالهم للحين نونو

العطر ما يفطر صح
:)
يزاك الله خير على هالمعلومه للي مايعرف
مشكور وايد
والله يعينك عالغربه

قولنا شنو تتفطر هناك؟
والا تدري خلها بوست يديد
وبالصور

Q8DOLL said...

عاد فجج البدليات كيفك تصرف

حلم جميل بوطن أفضل said...

يالظالم كل هذا و ما تتابع المسلسلات

تصدق لو قلت لك بأنني لم أشاهد ثانية من هذه المسلسلات

بس أهم شئ إنك ما إنتقدت حليمةو إلا كان لنا كلام ثاني

بس تكلمت عن كل شئ إلا مباراة بلاكبرن

إشرب يا مورينهيو إشرب

!!

mtfa2el said...

يعطيك العافية على الموضوع و الفرة السريعة
انا صراحة ما راح اشوف شي لأنه ماكو شي يسوى هالسنة
و ثانيا شفت - و للأسف- لقطة من فوازير حليمة بعد الفطور بغيت ارجع السمبوسة و الفيمتو و التشريب و اشوه انها عدت على خير
و اذا ناوي تلوع جبدك شوف خبال امل العوضي ببرنامج مسابقات ما ادري شسمه
طاش ما طاش يمكن احسنهم تروالي
و الوطن غصب طيب بيكرهون الناس بمجلس الأمة السالفة انتقام من علي الخليفة على غسيل الشراع اللي صار له بالمجلس هالسنة لا اكثر ولا اقل

Q80 Blogger said...

Q8DOLL
تحليل حلو
ومشكوره على الاقتراحات بعد
واذا على الفطور ... خليها على الله
وان شاء الله في بوست عن الموضوع
والبدليات تره عندنا وعندج خير مو مشكله متعود :)


حلم جميل بوطن أفضل
قتلك احب اطالع نظره عامه عن آخر صرعات المسلسلات
بس أتابع ما اتوقع لي خلق
احتمال جم واحد
واذا على حليمه انا ما انتقدت لأني صايم :)
ومباراه بلاكبيرن خلها على صوب وحط بالك على فريقك بالاول احسن
ولاتنسى الازرق تره موج البحر :)


mtfa2el
والله احسن شي تسويه انك ما تبطل التلفزيون موليه
وانصحك ماتشوف اي مسلسل وانت تاكل سمبوسه وتشرب فيمتو لأنه كل المسلسلات اتحوس البطن على الاشكال الي تطلع
اما حليمه فخلها على كتر ... اللهم اني صائم

Q8DOLL said...

انزين بطلب طلب
الله يخليك صور الفطور
تكون حلوه
مو جنها صور من المعركه

"صور من المعركه برنامج كانوا يعرضونه ايام الحرب العراقيه الايرانيه يصورون ميدان الحرب والجرحى والميتين"

Q80 Blogger said...

Q8DOLL

لووول

بحاول قدر المستطاع

Unknown said...

يعطيك العافية خوش بوست
بس انا لى الحين ما تابعت شى اللهن شوي اتابع المسلسل القطري نعم ولا
:)

يعطيك العافية

Q80 Blogger said...

Mishari

يعافيك اخوي
وما الومك تتابع هل مسلسل
لأني انا قايل ما ابي اتابعه بس كل ساعه حاطينه ويصادف وقت الفطور عندنا
المشكله بايخ ولا يوم الام تحرق روحها
ماكو شغل ؟؟

انا مادري ليش ابطل التلفزيون ؟؟
بس عشان تنبط جبدي ادري

ويعافيك مره ثانيه

Selezya said...

gowwaaa

@@ ماشالله عليك
حتى لو انك ماتبي تتابعهم بس كفاية شفتهم وعرفتهم
والله انا للحين ما شفت ولااااااا مسلسل حتى هالاسامي مالتهم غريبة علي ماسمعت عنهم ابدا ... اللي شفته مسلسل سوري وبالصدفه بعد بس القصة وايد مؤثرة وموجوده بالواقع اسمه على حافة الهاوية اعتقد هذا اللي لفت انتباهي معني ماشفت الا حلقة او ثنتين والحين مادري عنه
عالعموم لا مسلسلات ولا برامج تجذب هالرمضان وكل رمضان كالعاده :) الله يسامحهم على هالتشويه اللي يسونه
---
mosabqa number 2 ;) o mako 5ayarat mn al7en :p

حلم جميل بوطن أفضل said...

إشرب يا مورينيهو

تعادل مع روزنبرغ

جهنم و بئس المصير

:)

ما تبيع اللوغو اللي حاطه في المدونة

Q80 Blogger said...

Selezya
والله احسنلج ماتضيعين وقتج بشي فاضي مثل مسلسلات هل جم يوم
وعلى مسابقاتج
صراحه وايد صعبه ومالنا خلق نفكر
لازم بكل بوست سؤال كافي



حلم جميل بوطن أفضل
تدري شنو المشكله اخوي
تتعادلون وتضكون على الناس
يعني لو فايزين جان قلنا مو مشكله
ولا تقولي ارضكم وارضنا
ارض تشلسي على الاقل مباركه مايخسرون فيها لو شنو
والشعار ماينباع
عندي شعار احمر على ميتين فلس اذا بغيت