قبل سفري رحت اشتري جريده النهار ... ما حبيت أسافر بدون ما أقرأ جريدتنا اليديده
خذيتها معاي الطيارة
صراحه الجريده ما عجبتني كلش
خصوصا بعد سالفه العدد الأول الي مادري اشلون
انا شريت العدد الثالث ولقيت فيه شي ما عجبني
أولا الجريده فيها أخطاء إملائيه وايد ... مادري يمكن ماعندهم واحد يراجع بعد كتّابهم
ثانيا المقدمه مالت الجريده كانت غريبه
أتوقع الجريده مو فاهمه شنو تعني الإفتتاحيه بأول صفحه وبإسم النهار
إفتتاحيه أي جريده لازم تكون دقيقه وتعبر عن توجه الجريده
أما جريدة النهار مو فاهمه الموضوع ... إفتتاحية كامله بس تدافع عن الدكتوره معصومه وتطب بوزير الكهرباء والماء العليم !!! شي غريب الصراحه
هل هذا هو توجّه الجريده ... مهاجمه بعض الوزراء؟
لا وفي غلط بعد ضحكني
كاتبين :ـ
(نقول ذلك وأمامنا وزيرللكهرباء، منتخب نائبا عن الشعب ويفترض به أن يحافظ كنائب وكوزير على مصالح الكويت وعلى سلامة الحياة العامة لأهل الكويت)
الغريب انهم كاتبين إنّ الوزير محمد العليم نائب عن الشعب ؟؟؟؟
شكو نائب عن الشعب ... رئيس الوزراء اهو الي عيّنه وكان بختياره ... الشعب شكو
شي ماله شغل
. صورة ريا وسكينه الحقيقيه ... وين الخطابات عنهم؟؟
17 comments:
العليم كان نائب سابق,, يمكن هذا اللي يقصدونه..
فيها أخطاء إملائية؟؟
خوش عيل بتابعها !!
قرأت العدد الأول منها بشكل سريع لكن بعد ملاحظاتك تشجعت أقرا الأعداد القادمة!
تحياتي لك
و بالسلامة إن شاء الله
و الله ما شفتها ولا قريتها
بس على قولتهم الكتاب باين من عنوانه
مبين ان الجريدة طلعت عشان تخدم اهداف و ناس معينين
كل البوست بصوب
وصورة ريا وسكينه بصوب
ليش طايره بوهتهم؟
لوووووول
من غير لا يسون شي بس تطالعهم تخاف
:))
بقرا الجريده اليديده هذي وتالي اشوف
BoHSaiN
هذا صحيح ... بس المذكور انه نائب عن الشعب ووزير ... وهذا ماصار للعليم
كان نائب نعم والآن وزير ... ولكن اثنينهم هذا شي غلط وذكر بس للمبالغه وطافت عليهم بعد
loyalty
صدقيني تابعيها وراح تحبينها واااااااااااايد
mtfa2el
كلامك صحيح ... هذا الي انا لاحظته
esTeKaNa
عاجبتنا ريا انا ... معني ما ادري ايهي فيهم بس اسمها عاجبني :P
ماشالله عليك
صايد عليهم جم حركه الحين :)
لا جد مقالة معصومه شي غريب خطأ غير مسؤوله عنه عيل غلطت منو ؟
شاطره قاضبتلي ملف العلاج بالخارج وهااات يا تصريحات
ماراحت بريولها للمستشفيات وشافت القذراه؟
الواحد يروح يعالج والا يمرض مايدري
ريا وسكينه عوروا قلبي
هذيل اللي بيخلونا ما نتزوج
اكيد الحين كل الرياييل بيقعدون يقارنونا فيهم
وين صورة عبدالعال ؟
أو حسبوووو
النهار مع الاسف على حسب كلام أحد الاصدقاء الشيعة انها قائمة على نهج سيظهر قريبا بطريقة مختلفة وهذا الكلام علي ذمته
أتمنى ان تكون هذه الجريدة محايدة
وما ادري شسالفة الجرايد هاليومين كلها تاخذ الشكل مال جريدة الجريدة اشكره بوق الديزاين
Q8DOLL
الافتتاحيه كان شكلها غريب ... يعني دفاع مستميت عن معصومه وبنفس الوقت هجوم ماله داعي على العليم
يعني شكو هذا بهذا ؟؟؟
وعلى طاري ريا وسكينه .... جمالهم هذا اهو سبب العنوسه الاول مثل ما
انتي لاحظتي
Mishari
عبالهم اذا قلدو الدزاين بيصيرون نفسهم ...
اقول حق بو خمسين المهم مو الالوان ... المهم المضمون
ماقريتها ويمكن ماقراها
الجريده اللي تدافع عن ناس وتظلم ناس
مااثق باخبارها
ولو في احد يراجع عقبهم ماكان في اخطاء املائيه
على قولتك الشعب شكو
اما ريا وسكينه
الخطاطيب عليهم طوابير لاتحاتي
لووووووول
يعطيك العافيه
kuwaitya_7saweya
لا تعورين راسج لاتقرينها ... الى اذا ودج تضحكين :)
واكيد الخطاطيب طوابير انتي شوفي صورهم .. أجمل من كده مافيش
هاي
صراحه ماراح اعلق عن الجريده عمري ما قريتها وبعد موضوعك ماراح افتحها خير شر لان تنبط جبدي اذا اكو جريده سخيفه لان احب اقعد واطول بالجريده وايد بس شالفايده اذا طلعت اخرتها ما تنفع !
وبالنسبه لصور الامورات والكتكوتات والحلوات والشطورات لوول هالثنتين الشيطانات فاانا اقول حط صورهم بجريدتك المفضله "النهار"وسولهم دعايه احد يخطبهم لانهم صكو على جمالي صراحه خخ
شكرا
انا ضد خروج جرائد زيادة , ههه لا احب الزحام
ولكن ان كانت جريدة ترجو الخير فلا بأس منها , وإن كانت ترجو سب فلان ومهاجمة فلان , فليتها لم تصدر !
جريده يديده بعد .. اللي عمره ما تبخر ... تبخر و .... يا كويت
بركان ثائر
Selezya
والله يعطيج العافيه على الاقتراح الجميل ... انحطم صورهم يمكن يخلون الناس يشترون الجريده عشان يشوفون جمالهم الفتان
Ealaf
للأسف كثير من الجرائد الجديده نزلت السوق ولديها اجنده معينه ... في تجريح لأشخاص وتطبيل لآخرين
بـركـــــان
صح كلامك
للحين ما قريتها ومادري متى بتطيح صدفة بايدي
قريت عدد من النهار بس حسيت اني ضايعة
لان ص 3 اقتصاد ... يعني جريدة اهتمامها الاول الاقتصاد
وهذا عيب رجال الاعمال لي فكروا يفتحون لهم جرايد
حمد
مافاتك شي ... وبيني وبينك من كثر الجرايد الواحد مايدري شنو يقرا وشنو يخلي
LAVENDER.Q8
ملاحظه حلوه الصراحه
انا الصراحه ماقريت غير عدد واحد ولاني قادر ألقاها اون لاين
Post a Comment